#pinoy poetry

[trickramirez]

hinga (from the vault)

huminga ka muna

itikom mga pakpak

mga gulo-gulo sa isipa'y isantabi pansamantala

hayaang hilumin ng mga bulalakaw ang nabasag na pagsinta

uusbong din ang mga bagong talulot

iyong hiling, sa mga bituin din ay aabot

magliliwanag; magliliyab

hanggang sa makamit na ang iyong mga inaasam-asam

huminga ka muna

langhapin ang amihang magdudulot ng payapa

pagkat sa bawat pahinga

bagong lakas ng pakpak ang iyong makukuha

hinga,

lasapin mo ang bawat amihang sa iyo’y magpapaalala na …

na makulay ang buhay

na may bahaghari sa bawat bagyong daraan

na may pag-asa 

na ‘di pa ito ang wakas

na kahit ano’ng hila pa ang gawi’y aangat ang naglalagablab mong damdamin

kaya humayo

halina’t palayain ang mabibigat na ulap sa puso

ipikit ang mga mata

halina giliw,

malalim kang huminga

#pinoymade #poet #poem #poetry #pinoy poetry #pinoy hugot #pinas #pinoy #philippines #pride

[tugmaan]

Pagkalutang na angat

Nalunod ang isip, sino bang sasagip?

lumusong ng pilit, hirap makatawid

may luhang sumirit, bugtong ay kalakip

ang dulo’y nasilip, kung san ka pabalik.

Hampasan ng alon, kamay na gumapos

dinig `ko ang takot, kulog na nga halos

payapa ang daloy, kalmadong pag-agos

sa pampang dumaong, akala’y natapos.

Dinig ang babala, gising sa alala

tinig ang naghanap, mithing makawala

lubog na sa baba, sa hukay nadala

busog ang pangamba, nilamon na pala.

#pinoy poetry

[benmartizz]

#original poem #pinoy poetry #pinoy literature #tagalog poem #religious trauma #catholicism

[michaeljanairo]

2022 Publications

I'm happy to share the publications that I've published in 2022. A special thanks to all the editors who selected my work: Doug Draa, Lis Goryniuk-Ratajczak, Shashi Bhat, and Jordan Hirsh.

I’m happy to share the publications that I’ve published in 2022. A special thanks to all the editors who selected my work: Doug Draa, Lis Goryniuk-Ratajczak, Shashi Bhat, and Jordan Hirsh. Prose: The Adjacent Possible, Weirdbook Magazine #45; Doug Draa, Editor; Wildside Press, Publisher; Cabin John, Maryland; July 2022 Poetry: Ansible Dreams, We Small Readers, and Chaos Theory (The Mandelbrot…

View On WordPress

#literature #pinoy poetry #poetry #speculative fiction #speculative poetry

[ajinico]

hikbi ng dingding na nagsasabing kanino sila sasandal kapag pagod na rin silang maging pundasyon ng kalungkutan.

mga bagay na tinatangkilik ng limang pandama na ang pumapagod sa atin, ultimo imahe ng kisameng kinukublihan ay nakakapagod na ring tignan.

#filipino poetry #filipino #pinoy #poetry #poet

[makatangalang]

Kandila

patay na ang mga ilaw at nagtatago ang buwan sa ganda mo'y nasisilaw madilim man at maulan

ang kinis ng iyong balat maaari bang hawakan? ngunit takot na magkalat sakali mang mapatakan

at mapaso ng 'yong luha ayaw ko munang masaktan kung ikaw ay 'di makuha wala ring pakakawalan

ngayong malalim ang gabi baka p'wedeng sumalisi payakap muna sandali sana ika'y makumbinsi

liwanag mo'ng nagpainit dito sa aking katawan sarili ko'y pinipilit na 'wag ka sanang mahagkan

'pagkat alam kong 'di p'wede kahit gawan ng paraan kailanma’y hindi pup'wede dahil iba'ng nilalaman

ng puso mong lumiliyab ito'y naiintindihan mga mata'y kumikintab tuwing ika'y tinitingnan

matapos man itong gabi magdamag nama'y nasulit bawat oras sa'yong tabi sana lahat ay maulit

#tula #tagalog #pinoy #poem #poetry #makata #walongpantig #kandila #hugot #pilipino #mensahe

[steyrine-spieon]

Tila Tala

Mga tala sa langit, Nakikita mo rin ba? Ang buwan ay kumikinang Sa iyong mga mata. Oh, aking minamahal, Nakikita mo ba yung bitwin? D'un yung titig mo, Pero sa'yo 'ko nakatingin. Daming tala sa langit, Ang lahat kumikinang, Pero sa paningin ko, Ang ngiti mo mas lamang. Liwanag ng bitwin noh? At ang ganda, ganda, pa, Pero mas maganda araw ko Pag nakikita kita. Liwanag nga nung bitwin. Ilaw yung binibigay. Pero pansinin mo lang ako, Mundo ko'y nagkakulay. Aking mahal na sinta. Ngiti mo parang tala. Lumiwanag mundo ko. Ikaw aking tadhana.

#poetry #writers and poets #poets on tumblr #original poem #love #poems and poetry #poems on tumblr #poems #writers on tumblr #love poem #poem #poetic #poetrycommunity #words words words #filipino #filipino fc #tagalog #poetry and prose #pinoy #to be loved by a writer #female writers #writers #writerscommunity #creative writing #writeblr #author

[yellowhippo]

Tangay ng Hangin - February 21,2024

11:23 - 11:29 AM

Ano nga ba ang halaga ng pisong may bigat Kumpara sa isang libo na kay daling liparin ng hangin. Sa panahon ngayon ay mas matimbang ang magaan Kumpara sa bagay na mas mayroong tunay na bigat.

Nagpapaalipin sa salaping tinatangay lang ng hangin. Ganyan na ngayon ang batayan ng halaga ng pagkatao. Kahit ano pang ang bigat ng iyong pinapasan, Lahat iyon ay maglalaho sa isang bulong ng hangin.

Bulong na nagtataglay ng kapalarang libo-libo ang kapalit. Bulong na hehelehin ka sa kumpas ng paghihirap. Bulong na bawat pantig ay iyong bibilangin ng walang katapusan. Bulong na bawat hinga ay nagdadala sayo papalapit sa hukay.

Mapapatanong ka nalang sa hangin. Ano nga ba ang halaga ng pisong may bigat Kumpara sa isang libo na kay daling liparin ng hangin?

#poemsdaily #poemsoftheday #poetry #poets on tumblr #writers and poets #writers on tumblr #female writers #women writers #writerscommunity #filipino #tagalog #my poetry #tula #poem #pinoy #yellowhippo

[makatang-igorota]

Bahaghari

Isang malalim na buntong-hininga Kasabay ng pagmulat ng mga mata Tanong sa sarili'y "Kaya mo pa ba? Tsaka ngingisi at sa taas ay titingala

Ngunit ano nga ba ang 'yong hinahanap Isang milagrong pilit hinahagilap May lihim kayang ikinukubli ang mga ulap May hiwaga ba sa asul na alapaap?

Maya't-maya'y mga mata'y kikislap Marahang ngingiti at hahagakhak Isang makulay na bahaghari'y naging sapat Upang mapawi ang lumbay ng aliping tapat

Bahagharing pahiwatig ay pag-asa Para sa mga lingkod na hapung-hapo na S'yang may malakas na pananampalataya Aani ng hindi mabilang na biyaya

~ M.K. Sueño (04/2021)

#tula #tagalog poetry #tagalog #maikling tula #tulatulaan #makata #manunulat #manunula #filipino writers #tagalog writings #tagalog tumblr #tagalog writing #tagalog thoughts #tagalog quote #tagalog quotes #filipino #sulat #filipino poetry #panitikan #pinoy poem #filipino poem #tagalog poem #hugot #spilled words #pinoy quotes #pinoy banat #tagalog words #spilled ink #spilled poetry #spilled thoughts

[trickramirez]

mundo

Isang madilim na gabi mga tala’y naglikot

Itinulak aking mundo sa isang nilalang na kailanma’y ‘di ko malilimot …

Sa ilalim ng kalimbahing pag-asa

Doon nagtama pagal nating mga mata

May takot at pag aalinlangan ma’y

Pinilit mong tumitig kahit ang karamiha’y napapaso na

Dumaan ang mga araw

Ang mga pader at tinakala’y tuluyang natunaw

Ang pangamba’t mga gulo-gulo’y nagunaw

Hinayaang sakupin ng bughaw na alon ang lalamunan kong nauuhaw

Mula kalimbahin, naging lila ang lahat

Mas nasisid ang bawat aspeto ng iyong mga mata

May mga parteng nakakatunaw man

Ngunit ang ginhawang dulot mo’y sapat na upang maglaho silang lahat

Nasaang pahina na nga ba tayo?

Tila ‘di ko na mabatid pagkat tinatangi ko itong kwento

May saya, hinagpis at pangamba ang una

Ngunit sa bawat paglipat ng pahina’y maganda ang wakas

Lunurin mo matamis na serbesa ang bawat hibla ng aking pagkatao

Pagkat buong ako’y handa na para sa’yo

Bawat parte ng aking pagkatao’y laan lamang sa’yo

Ikaw, Ikaw naglakas loob na tumitig sa mga mata kong noo’y nakapapaso

At sa dulo

Kahit na may pangamba’t gulo-gulo

Ikaw lamang ang nais ko

Ikaw lang ang mundo ko

#poem #poet #poetry #love poem #tagalog post #pinoypoet #pinoymade #pinas #pinoy poetry #pinoy #lgbtpride #lgbtwriter

[haircurlscas]

poem i made abt the taho guy

#filipino #filipino poetry #poetry #poem #taho #pinoy

[crispin-kreme]

relapse - filipino trail of thought

minsan pag gabi na at nakahiga na ako, napapaisip pa rin ako

what if mag sorry ka? what if bigyan mo ako ng paliwanag sa mga pagkakamali mo sa'kin?

sakit ng ginawa mo e. akala ko matatahimik na ang puso ko dahil may bago na ako. pero, kahit hindi na kita mahal. gusto ko pa rin marinig sa bibig mo,

"sorry. patawarin mo ako. hindi ko yun sinasadya."

pinapatawad na kita. matagal na kita pinapatawad. pinili ko nalang patawarin ka.

sana man lang, bago tayo nag wakas, nag sorry ka at aminin mo ang kasalanan mo.

napapa relapse lang ako sa'yo.

pero masaya na ako.

paalam.

'see you when i see you.'

#mahal ko #filipino #filipino words #tagalog #kababayan #pagmamahal #filipino literature #literature #filipino poetry #words #pinoy pride

[sirjohnmarinblog]

Hi everyone!

The hardcover edition of Temporary is out now!

Buy 3 copies to get FREE shipping to the Philippines. Follow this link.

#temporary #amazon #poetry #poetry collection #books #writers on tumblr #writing #literature #poems #spilled ink poetry #pinoy #philippines #tula

[jrismoo]

Let it all out

Even if it cost you tears

For all that's happened

You deserve this

Even though you feel that it's not enough

Would you believe

A little heartbreak could do so much

Because you deserve so much more

And it's only then that you realize

That it's them that holds you down

But you were meant to fly

And with all the few things you deserve

You have to have this

They never really understand

That more than their company

All you ever deserve is to be loved

#makata #mga tula #pinoy #poetry #original poetry

[lunaxstella]

Ito na naman tayo

Andito na naman ako sa puntong 'to Kung saan napakabagal ng mundo ko. Isang minuto ay isang taon, Isang taon ay parang kahapon.

Mga alaalang gusto ko ng itapon Isa-isa itong nagtitipon-tipon Gustuhin ko mang makaahon Wala na akong magawa tungkol d'on.

Kahit di ko gustuhin Sasariwain lahat ng tamis Pati na din lahat ng sakit. Kung bakit mas madami ang pait Kaysa sa sarap ng hagikgik Ay gustong-gusto kong tanungin Kahit alam kong walang makukuhang balik-sabi.

Ang isiping ito'y hindi mawaglit. Kahit lamang na sa isang sandali. Mas lalo lamang tumitriple ang hapdi Sa paghahanap ng sagot Kung paano maaalis Ang kirot sa dibdib. Kaya ako na lang ay tatahimik At hahayaang matapos ang gabi Ng may luha sa aking tabi.

Ito na naman yung puntong Ang araw ay kay dilim At sa gabi'y humihiling. Ang araw na kay sakim At ang buwan na ginigiliw.

Ito na naman tayo, Buwan na siyang katukayo, At araw na aking katalo. Ito na naman, Ang araw na pinipilit akong magpanggap Kahit ang puso ko'y dusta. Wala akong magagawa Kundi ang ipinta Ang araw-araw na maskara Kunwaring masaya. Dahil kung ipapakita ang lukot At laos ng pintura Ang araw ay hindi titigil sa pang-aalipusta Sasabihin kung gaano ako kaduwag Ipapamukha kung paanong ako'y madrama.

At sobrang nakapagtataka Gusto kong itanong kung siya ba'y walang problema Kung ako lang ba Ang tanging duwag sa mata niya O siya rin kaya? Kung siya ba'y hindi nasasaktan At bakit parang hindi niya ako naiintindihan? O ako lang ba? Ako lang ba ang nag-iisip Kung paanong ang araw ay mapang-api Ako lang kaya?

Baka hindi ko lang siya maintindi Baka gusto niya lang ay ang aking ikabubuti Dahil kung magpapakain ako Sa bagal at dilim ng mundo Ay posibleng mawala ako Tulad ng kung paano binibigyan ng araw Ang buwan ng liwanag Kung paanong nakikita ko ito Dahil sa kanya. Kung paanong minamahal ko ito Dahil sa ilaw na taglay niya. Baka nga ako lang.

Pero minsan gano'n talaga Darating sa punto na mawawala ang liwanag At ang buwan ay di ko na makikita Ang mundo ay muling babagal Kahit sa akin lang. Ganon talaga, Darating sa puntong didilim na lang bigla Kahit di mo gustuhin, magugulat na lang sila Dahil ang iniirog na buwan ay mawawala Pero makakasanayan din nila

Babalik din ako, Hindi habang buhay ay kailangang ganito. Ang araw na siyang aking katalo, Ay naiintindihan ko na ngayon Kahit minsan ay hindi magkaayos Alam kong minamahal niya lang ako.

Kaya babalik ako, Pag bumalik ang sinag ng araw Pag muli niya akong mailawan At makikita mo ako Makikita mo ang bakas ng mga kahapon ko Madami man ang tumama at nanakit dito 'Di mo maipagkakaila na minamahal mo ako Ang buwan na siyang aking katukayo, Ang buwan na minamahal mo Yun ay walang iba kundi ako.

Pasensya, Kung minsan ay lungkot ang dala ko sayo. Pasensya, Kung minsan ay nawawala ako. Pasensya, Sa lahat ng pasakit na dala ko sayo. Nawa'y maintindihan mo ako. Dahil minsan darating tayo sa punto, At masasabi mo na lang, 'Ito na naman tayo'.

— Johanna M.L. "Luna" D. Sibayan

This is a tagalog spoken poetry about how I felt back then about me and my mom's difference, and my ongoing depression. Written in 2017.

#spoken poetry #tagalog spoken poetry #poem #poetry #poets on tumblr #tula #filipino #tagalog #poem of the day #depression #mental health awareness #buwan #araw #sol and luna #pilipino #pinoy #dilim at liwanag #for my mom

[makatangalang]

Payong

Ula-ha-ha-ha-ha-ha-ha-ha-han~ Sinong 'di mapapasayaw sa ulan? kung kasalo ka sa iisang payong, bahala na kung maambunan

hindi ako nakisilong dahil ayaw mabasa nais lang makalapit ng 'di nahahalata upang masilayan ka ng palihim laging tinataon na walang nakatingin

Sinisilip ang mga tala sa likod ng antepara pasensya kung ikaw ma'y nailang mabuti na lang at panahon ay nakisama may dahilan para ika'y tabihan

hinihiling na ang ulan ay magtagal at sana'y malayo pa'ng patutunguhan handa naman akong magpagal kahit hindi mo pa napupusuan

pero 'di na dapat pang mangamba dahil wala naman akong balak manligaw walang dapat na ipag-alala 'pagkat pagitan natin ay malinaw

alam kong wala namang pag-asa kaya hindi na para subukan pa sapat na ang sandaling natamasa kaya ayos lang na sukuan ka

#tula #tagalog #poetry #hugot #payong #ulan #makata #pag-ibig #pinoy #liham #lihim #sulat