Woh
Nikla ghar se do kadam hi chala tha
Saamne me ek purana yaar mila tha
Waah bhai kaisa h tu...acha chhod kaisi h woh
Sawaal usne turant ye hi pucha tha
Mai to thik hi tha
Lekin uske sawaal ka jawaab poora ye naa tha
Sach baat to ye hai
kaisi hai woh ye mujhe khud pata naa tha
Kaisi hai woh...
Aisa lagta maano kuch dino pehle ki hi baat hai
Nayi jagah aur naye log aakhon ke aas paas hai
Usi naye chahro me ek chehra masoom sa
Aankhein dekh kr lga mujhe ajeeb sukoon sa
Thodi koshish ki maine par..puch na saka mai uss din
Naam kya hai uska...aakhir kaun hai woh
Kaun hai woh...
Kaisi hai woh...
Ek do din gujre...kuch bol na saka mai
Bebas lachaar sa chhup kr use dekhta raha mai
Kismat thi meharbaan ek din
Pucha usne mera naam jis din
Baat kar pata chala uss din
Badi khwahishen hai uske aur
Bahut masoom hai woh...
E shararati dil Bata mujhe
Kaisi hai woh....
Zindagi me ek ajeeb sa nayapan lagne laga tha
Usse baat kar acha lagne laga tha
Chand lamhe hi gujre honge saath uske
Par phir bhi ye ajnabi apna sa lagne laga tha
Bina dekhe use abb ek ajeeb bechaini si hoti hai
Raat to chhor abb to din bhi nahi gujarti hai
Kisi se keh na paau aisi majboori ban gyi hai woh
E shararati dil Bata mujhe
Kaisi hai woh....
Pehli baar ho raha haal aisa
Registaan me maano mrigtrishna jaisa
Dil ke jo karib the unse dil ki ye taqleef batai
Anjaane me shuruat galtiyon ki maine
Khud se khud hi karai
Apne to sabhi the par kisi ne
Rukne Na bola mujhko wahin pe
Sabka ek hi sawaal tha
Badi khusnasib hai wo
Kaun hai woh...
Kaisi hai woh....
Dil aur dimaag me abb jang si hone lagi thi
Phir se bechaini si hone lagi thi
Keh du ya rehne du
Ek ek pal ghante jaisi lagne lagi thi
Doosri galti ki ghadi yahi thi
Kyuki maine apne dil ki jo suni thi
Soch liya tha maine abb
Keh dunga usse sab
Hass raha tha dimaag mujh par aise
Keh raha ho jaise
Jaane de usko..jo bhi hai woh
Kaun hai woh...
Kaisi hai woh...
Aaj to keh hi doonga
Dil pe bandhe dore ke dhaago ko khol hi doonga
Yahi soch kar badi himmat kar
Jab maine apna mukh khola
Mushkil se chaar lafz nikle honge
Uske baad alfazo par lag gya taala
Haalat badi kharaab ho chali thi meri
Jo bhi hua mujhe usme saari galtiyan thi teri
Bayan naa kr paaya thik se
Mai tha to tha sirf tmse
Ajeeb lamha ban gya tha woh
E bebas dil bta mujhe
Kaun hai wo....
Kaisi hai wo....
Dimaag ka dil pe hasne ka waqt aa chala tha
Anjane me hui galti jo bada chot de chala tha
Unn kuch lamho ne mujhe
Apne na hone ka ehsaas de chala tha
Khwahishen meri chakna choor hone ko thi
Pyaar meri nestanaboot hone ko thi
Phir bhi dil hasta rahega
Saare gam ko sehta rahega
Teri taraf se na hi sahi par ye ishq
Ektarfa to kehlata rahega
Naa kam hoga ehsaas tere liye
Aisa nasha hai woh
Ae lachaar dil bta mujhe
Kaun hai woh....
Kaisi hai woh.....
Baato mulakato ka silsila tham sa gya h....
Didar kiye unka maano janamo sa ho gya h
Yaadein hi bachi hai abb unki
Warna ye dil v aage badh sa gya h....
Naa koi khabar naa koi thikana pta...
Par itna to mai deta hoon bta...
Jo v hai woh...
Badi khubsurat hai woh...
Jaisi v hai woh....
Mere dil ke karib hai woh....
3 notes
·
View notes