#توانسة في تمبلر

[b-lessings]

"إلي باش تتلفت بيه إجري بيه"

- A tunisian proverb that means: the time you will waste looking back, you'd rather use it to run faster/ farther ahead.

#words #text #tunisian culture #tunisian language #توانسة في تمبلر

[tounaghribiya]

Tunisian pottery in the streets of Nabeul.

July 2019.

#tunisia #تونس #north africa #pottery #tunisian culture #توانسة في تمبلر #my photography #street photography

[b-lessings]

Windows of Tunisia 🇹🇳💙

#windows #blue #art #architecture #mediterranean #blue and white #summer #tunisia #north africa #تونس #not my pictures #found them on twitter #bintafriqiya #توانسة في تمبلر

[b-lessings]

حوش دار كنزة، جزيرة جربة، تونس 🇹🇳💛✨

Housh Dar Kenza, Djerba Island, Tunisia 🇹🇳💛✨

#Tunisian architecture of the south #djerba #architecture #interior design #colors #island #tunisia #north africa #جربة #تونس #معمار #تصميم #ألوان #توانسة في تمبلر #photography #not my pictures #i don't own these pictures

[b-lessings]

في تونس عنّا دعوة محلاها، يقولك "ربي يبلّغ المقصود" يعني تقريبا كيما بالمصري "ربنا ينوّلك الي ف بالك "، الشي الي يخليها "special" هو إنها دعوة خير، بصفة عامة غير محددة و لكن في نفس الوقت "private" و خاصة بين الشخص و ربه. يعني ٱنا كي باش ندعليك، هوكا ندعيلك بالخير و بتيسيير الأمور في المطلق و بعد انت بينك و بين ربي هاكي الحاجة السرية الخاصة الي انت تحب عليها و تستنى فيها تبقى محافظة على خصوصيتها و تبقى كيما السر بينك و بين ربي، يعني ندعيلك و في نفس الوقت نحترم و نحافظ ع الخصوصية و القداسة متاع أمنيتك و مبتغاك.. بالرسمي محلاها 🌼🤍

إن شاء الله ربي يبلّغ المقصود ليكم الناس الكل و الي في باله حاجة ربي يسهلّو فيها و ييسرلو أمورو ✨

#دعاء #توحشت نكتب بالتونسي #توانسة في تمبلر

[b-lessings]

" Ça va louled base taw teslek.. "

#the new Tunisian motto #tunisians @everything #tunisia #tunisian memes #توانسة في تمبلر

[b-lessings]

صباح الخير يا تمبلر ✨

صباحكم حنين و نهاركم زين، صباحكم بلسم على قلوبكم الموجوعة يبننها يدفيها يحملها يرضيها .. قداشنا محتاجين يد تبنن بينا و صوت رقيق و دافي يقولنا لاباس ما يدوم حال و غدوة تزهى ليام..

الي ما عندو شكون يقولو هالكلام، هاني ٱنا موجودة، و نقول لروحي و للي محتاج يسمع شوية كلام حلو و الي مستحق شوية أمل، لاباس إن شاء الله، ربي كبير و ما يخليهاش بينا .. شوية صبر و ربي يسهّل .. غصرة و تتعدى .. 🤍

#توحشت نكتب بالتونسي #فازات توانسة #توانسة في تمبلر #صباح تونسي #بالتونسي خير #عسلامة #ٱيجا نقولك #صباحيات #صباح الأمل #صباح الخير يا تمبلر

[b-lessings]

ما فماش حاجة في الدنيا كلها أحلى من نون الجماعة و ضمير "نحنُ" كي تتقال ليك و انت في أمس الحاجة إنك تحس لي فما حد جنبك بحذاك واقف معاك. الدنيا صعيبة و عندك مشاكل؟ حاسس بخوف من المجهول و مش عارف تعمل شنو؟ مش مهم، ٱنا معاك، ماكش وحدك، ٱنا بحذاك، بجنبك، الدنيا مخيفة اما نخافو احنا الزوز خير ملي يخاف كل واحد وحدو. فما مشكلة كبيرة؟ ناقفو في وجها أحنا مع بعضنا ما نخليهاش بيك، ما نخليكش وحدك. ما عندكش نوم؟ نسهرو مبعضنا للصباح. ما تحبش تحكي؟ نقعدو ساكتين بالسوايع. الإحساس إنو مهما كانت الفترة الي تمر بيها أو الأزمة الي عندك صعبة ممكن يخفّ ألف مرة بمجرد إنك تحس إنك مش وحدك و إن في حد واقف معاك. يمكن على خاطر البشر هكة، أكثر حاجة نخافو منها الوحدة. يمكن ما نخافوش من المرض قد ما نخافو انو نكونو وحدنا كي نمرضو، و ما نخافوش من غدوة طالما عارفين إلي كي يجي يوم غدوة إلي نحبوهم باش يكونو معانا، و يمكن ما نخافوش من الموت قد ما نخافو من إنو نموتو وحدنا.

كنت نعرف شخص عزيز و كان مرة عندي مشكلة و نحكيلو و ببساطة و بدون تفكير و بكل تلقائية قالي "we will figure it out"، الحوار هاذا فات عليه سنة و نص تقريبا، و الشخص هذا خرج من حياتي تماما و انقطعت كل وسائل الإتصال لكن عمري ما نسيت و لا يوم الإحساس الي خلاني نحسو وقت قال الجملة هاكي و قعدت كل ما نتفكر الشخص ما انجمش كان نحس بالإمتنان ليه، و مازال ما قابلتش حتى شخص في حياتي الي تكون عندو نفس ردة الفعل كيفو.. و لكن حاجة فيا ٱنا اتغيرت، و وليّت كل ما أي حد يجي يحكيلي الي عندو مشكلة، نقولو ميسالش ٱنا معاك، تو نلقاو حل، ماكش وحدك، "we will figure it out " و حتى كان ما لقينالهاش حل، ميسالش نقعدو و نتقاسمو الحزن، يكون أخفّ. لأن أحلى حاجة ممكن يسمعها الإنسان و خاصة في الاوقات العصيبة و الازمات هي ٱنا معاك، ماكش وحدك، "I am here for you".

فكان عندك شخص في حياتك هكا، حافظ عليه كيما تحافظ على عينيك.. و كان ما عندكش شخص لي حياتك يقلك الكلمات هاذي، كون انت الشخص هذا.. و شكرا.

#I didn't know which language to write this in so I went with the mother tongue #كلمات بالتونسي #كلمات تونسية #بالتونسي خير #توانسة في تمبلر #tunisians #Tunisia #كلمات #وحدة #كلماتي #تمبلر بالعربي #صباح الخير ناس تمبلر #أل تمبلر #تمبلرات #تمبلريات #كتاباتي #بنات أفكراي #thank you Z I hope you are doing well #from a to z

[b-lessings]

تعرفو يا جماعة؟ توحشت نعلمكم تونسي 😅 نتفكر روحي عمناول جاتني "phase" كمت ديما نكتب بالتونسي و عاملة هاشتاڨات #أحكي_تونسي و #بالتونسي_خير و دنيا مقلوبة 😂 أما انا اصلا ديما هكاكة، حياتي كاملة ندور من فاز لفاز ، كل مرة نتغرم بحاجة نولي "so passionate about it" نهبط عليها بكل شغف و بكل ما أوتيت من قوة درج درجين و بعد نفد و نتعدى للي بعدو، عندي "attention span" متاع طفل صغير عمرو تلاثة سنين مزال يكتشف في المحيط الخارجي⁦🤦🏽‍♀️⁩ أصلا الي يعرفوني من قريب يقولولي الي الحاجة الوحيدة المستقرة في حياتي و الي ما تتعيرش هي رابتي و قدرتي و حبي للتغيير .. 😅 و نتفكر روحي كي كنت نتعلم في الدارجة المغربية و كنحاول نهضر بالدارجة فكاع لاي بوست ديالي 😇😂 اييييه على دنيا !! الحاصيلو؛ اي ڨاس بلي الي نحب نقولو هو انو من داخل من داخل نبقى ديما نحب فازاتي و نحب كل مرحلة تعديت بيها في حياتي و كل حاجة تغرمت بيها في وقت م الأوقات، خاطر كلهم جزء من و جزء من شخصيتي و جزء من تاريخي و ذكرياتي.. و كل مرحلة تعديت بيها تعلمت منها حاجات و بيها هي وصلت للي ٱنا فيه اليوم، و حاصيلو محلاني كي نبدا متصالحة مع روحي و قابلة شخصيتي كيما هي بهبلاتها و فازاتها و تقلباتها و تغيراتها و ثوابتها و استقرارها..

حاصيلو، حبلها خدمة كبيرة و مجهود باش نوصل للمرحلة هاذي أما الحمدولااا خدمنا عليها و بلينا المريول و فرحنا لولاد و كلو على خاطر الجمعية، و ليلتكم زينة 😌😌

#شوية self love #اسماء تخرم #توانسة في تمبلر #احكي تونسي #بالتونسي خير #personal #tounaghribiya #really miss that personality

[b-lessings]

10.11.2020

الحس بايت و الليل حنين، و كتاب يسرح بيك لعالم ٱخر، و كاس طرنجية يدفي الجواجي، و قلب صافي مسلّم أمرو لمولاه و مطمان.. الحمدلله 💙

#تصبحون على ماتحبون #تصبحو على خير قوم تمبلر #تصبحون على ماتتمنون #count your blessings #have you said Alhamdulillah today? #alhamdulillah #gratitude #ليالي تمبلر #ٱل تمبلر #توانسة في تمبلر #أحكي تونسي #بالتونسي خير

[b-lessings]

هالبنيّة المزيانة @rabiaa-bk تبقى تبقى و تجي تحطلي لايكس على بوستواتي الي بالتونسي الي كنت نكتبهم قبل كي كنت زاهية و شايختلي في النوار و محلاني ، ترجع بيا لوقت محلااااه 😍😍 حبيت نقولك يا عنبو زينك و عينك محلاك 😌🌸💕

#توانسة في تمبلر #فازات توانسة هاذوما #when I was briiika #when I was tounaghribiya #when I was ziiinaaa

[tounaghribiya]

1k celebration post 🎊🎉

ع السلامة تمبلر، ع السلامة توانسة تمبلر و دزيرية تمبلر و مغاربة تمبلر و الي يحبونا و يحبو ثقافتنا الكل 🤍🤍

نعرف إلي البلوج هذا معادش أكيف برشا، و الصراحة تفاجأت كي لقيت عدد المتابعين فاتو 1k - و حبيت نجي نشكركم ع الحب و الدعم و على خاطركم كنتو لهنا من أول ما بدات الفكرة و كان اسمه البلوج تونغريبية ، و حتى إلي جاو جدد زاده مرحبا بيهم و يعطيهم ألف صحة 🌼🌼

الحاصيلو، ما نعرفش إذا البلوج باش يرجع اكتيف كيما العادة و لا باش نتعدا لبروجاي جديد، أما بمناسبة الإحتفال بأول 1k حضرتلكم بوست جديد إن شاء الله يعجبكم ⁦👌🏼⁩

So, stay tuned 👀✨

بي. اس. الي عندو فكرة متاع بوست و لا اقتراح متاع حاجة تحبوني نحكي عليها، my inbox is always open!! نستناكم 📥💌

و شكرا، يعيشكم الناس الكل ⁦❤️⁩

#madeintunisia #tounaghribiya #1k #appreciation #north africa #tunisia #توانسة في تمبلر

[b-lessings]

Omg introduce me girl, manaaref had lahne lol

Lmao. Once upon a time konna m7aflinha lahne but now the mood is just flat. Meh. I guess idk. I can speak for myself. Anywas!!! Here is my tunisian fam: @that-one-tunisian-girl @alarriemadridista @a--philocalist @riricitaa @a-yasmeen14 @mymalek @wildthoughts95 @youaremyonlymedicine @tunisuenneone @foreveryoong @djerbaelbeya 🇹🇳♥️

Some people deactivated and others aren't that much active anymore! Ena bidi on and off 🤦🏽‍♀️ you can also check my side blog @tounaghribiya about Tunisia, sometimes I follow stuff men 3nd twensa so you might like it 😌🙃

W marhbeee bik 💕

#tunisians #توانسة في تمبلر #Tunisian girls

[tounaghribiya]

Doors of Nabeul, July 2019.

#tunisia #توانسة في تمبلر #north africa #tunisian culture #tunisian #تونس #أحكي تونسي #tunisie #tunisian architecture #doors #tunisian doors

[b-lessings]

صباح الخير،

اليوم راحة عندي و باقي الساعة البيولوجية متاع مخي صحاتني الفجر.. ف جيت تمبلر و نحب نحكي حكاية، أما مانيش عارفه بالضبط شنوا نحكي.. فما بااارشااا كلام واحل و عالق و يتكتب و يتفسخ، يمكن على خاطرو ياسر شخصي أو خاطر فيه برشا تفاصيل أو خاطر مازلت مانيش قادرة نكتبه لأنه بالكتابة نواجهو موضوع معيّن و آنا يمكن مازلت مانيش مستعدة للمواجهة..

فقلت، "instead" ، نعطيكم شوية هاكس للحياة كيفاش تخلي نهارك أرتح و يتعدا أسهل و على الله نكون قدرت نعاون حتى شوية..

ال"life hacks" كالآتي:

١) كل شي يتحل بالعقل و بالهداوة، حتى كانك مخنوق و عندك مشكلة كبيرة و معادش تقدر تتحمل، أحسن حل هو انك تتريّث و تهدا و تفكر في خطة و استراتيجية باش تحل بيها مشكلتك في عوض ما تندفع خاطر التصرف و اتخاذ القرارات عند الغضب يزيد يحرق الدنيا الكل، و ما تدخلش حرب تعرفها خاسرة.

٢) حتى أقرب الناس ليك و أعز أصحابك باش يستغلوك لمصلحتهم إذا لقاو الفرصة فخلي روحك جاهز لكل الاحتمالات و السيناريوات.. و ما تعملش من الموضوع مشكلة كبيرة و تخرجهم برة حياتك لا، الموضوع مش مستاهل، خليك صحاب مع الناس الكل، و كل شخص في حياتك خوذ من عنده الحاجات الباهية و أدر ظهرك للسوء أو الأذية الي جاية من جهته.. و بعدين الدنيا فانية و فيها الموت و ما فماش حاجة تستاهل.. ف "طنّش"

٣) ما عندك كان ربي سبحانه هو الي ينقذك من كل ازمة و يخرجك من الظلمات إلى النور، على هذاكا لازم علاقتك بالله تكون أهم علاقة في حياتك و تجي قبل كل شي و عندها أكبر أولوية.. فلا طاعة لمخلوق في معصية الخالق.. ساعات تكون المسألة صعيبة و الحياة بكلها مغريات و لكن قد ما تصبر و تحاول تمشي ع الصراط المستقيم قد ما ربي يجازيك إن شاء الله.. و بشّر الصابرين..

وباختصار: هداوة و إعمال عقل ثم قوة شخصية و ما نتحسسوش من كلشي ثم صبر .. و آكَهو .. مفاتيح الحياة في يدك 😌

إن شاء الله نهاركم زين 🌸💕

#asmaa talks #the souma show #صباح الخير بالتونسي #صباح الخير #صباحيات #رسالة صباحية #صباح تمبلر #تمبلر بالعربي #آل تمبلر #تمبلريات #صبر #توانسة في تمبلر #أحكي تونسي #بالتونسي خير #ع سلامة

[b-lessings]

hiii! I'm tunisian too!

3asslemaaa ♥️🇹🇳

There is a bunch of us here come join the gang 😍

#توانسة في تمبلر