#sulat tula

[lihimlihamtinta]

Mukha tayong tanga banda rito

Pero dito rin masaya ang puso

Mamilili ka lang talaga kung ano dulo

Magmumukmok ka ba o matatalo?

#poetry #tula #spoken word #poem #poets on tumblr #tagalog poetry #tagalog #poems #maikling tula #tulatulaan #makalaya #makata #manunula #manulat #manunulat #filipino writer #writers and artists #writers on tumblr #sulat #filipino poetry #poets #poetic #poetscommunity #writers and poets #dead poets society #poet

[makatangalang]

Payong

Ula-ha-ha-ha-ha-ha-ha-ha-han~ Sinong 'di mapapasayaw sa ulan? kung kasalo ka sa iisang payong, bahala na kung maambunan

hindi ako nakisilong dahil ayaw mabasa nais lang makalapit ng 'di nahahalata upang masilayan ka ng palihim laging tinataon na walang nakatingin

Sinisilip ang mga tala sa likod ng antepara pasensya kung ikaw ma'y nailang mabuti na lang at panahon ay nakisama may dahilan para ika'y tabihan

hinihiling na ang ulan ay magtagal at sana'y malayo pa'ng patutunguhan handa naman akong magpagal kahit hindi mo pa napupusuan

pero 'di na dapat pang mangamba dahil wala naman akong balak manligaw walang dapat na ipag-alala 'pagkat pagitan natin ay malinaw

alam kong wala namang pag-asa kaya hindi na para subukan pa sapat na ang sandaling natamasa kaya ayos lang na sukuan ka

#tula #tagalog #poetry #hugot #payong #ulan #makata #pag-ibig #pinoy #liham #lihim #sulat

[makatang-igorota]

Bahaghari

Isang malalim na buntong-hininga Kasabay ng pagmulat ng mga mata Tanong sa sarili'y "Kaya mo pa ba? Tsaka ngingisi at sa taas ay titingala

Ngunit ano nga ba ang 'yong hinahanap Isang milagrong pilit hinahagilap May lihim kayang ikinukubli ang mga ulap May hiwaga ba sa asul na alapaap?

Maya't-maya'y mga mata'y kikislap Marahang ngingiti at hahagakhak Isang makulay na bahaghari'y naging sapat Upang mapawi ang lumbay ng aliping tapat

Bahagharing pahiwatig ay pag-asa Para sa mga lingkod na hapung-hapo na S'yang may malakas na pananampalataya Aani ng hindi mabilang na biyaya

~ M.K. Sueño (04/2021)

#tula #tagalog poetry #tagalog #maikling tula #tulatulaan #makata #manunulat #manunula #filipino writers #tagalog writings #tagalog tumblr #tagalog writing #tagalog thoughts #tagalog quote #tagalog quotes #filipino #sulat #filipino poetry #panitikan #pinoy poem #filipino poem #tagalog poem #hugot #spilled words #pinoy quotes #pinoy banat #tagalog words #spilled ink #spilled poetry #spilled thoughts

[dzeyzi]

Palagi

Lumipas na ang mahigit isang taon Ngunit pag-ibig kong alay sa ‘yo ay nandito pa ring nakabaon Minahal kita sa mga nagdaang kahapon At pag-ibig ko’y patuloy pa ring umaahon hanggang ngayon

Isang taon na rin ang lumipas noong nakilala kita nang walang kamalay-malay Hindi inaasahang pati puso ko’y kasama mong tangay Batid kong malayo ka man at hindi mahahawakan ang iyong kamay Ngunit asahan mong ang pag-ibig ko sa ‘yo ay mananatiling pantay

Hanggang ngayon ay sariwa pa rin sa aking kaisipan Noong una kitang nakilala mula sa kapaligiran kong puno ng ingay at kalungkutan Hindi ko inasahan na ikaw pala ang siyang magbibigay kulay Sa mundo kong walang buhay

Hindi ko namalayan na ikaw na pala ang dahilan Sa aking mga dinadasal At tuwing ikaw na ang pinag-uusapan Tila ba parang ako’y nauutal

Ngunit ngayon na nandito ka na Kahit may natitira pang pangamba Alam kong si kupido na ang dahilan sa pagpana na aking nadama At panatag na ang aking loob na ako’y sayo itinadhana

Sa Diyos ay ikaw lamang ang tangining hinihingi At ika’y hindi na ibabahagi at itatanggi Dahil alam mo namang hanggang sa huli Ako’y sayo palagi - jc a poetry i made inspired by tj monterde’s palagi :)) dedicated to my beloved, doc tricia <3

#tagalog poetry #tagalog poem #my writing #poem #poetry #reading #tj monterde #doctricia #triciarobredo #tagalog #sulat #i hope no one knows me here #tula #poetic #original poem #my poem #poems and poetry #poems on tumblr #love poetry

[flordelaraw]

Bakit mo nilisan

ang puso ko na nagmamahal ng tapat sayo,

Bakit ikaw parin

kahit na ikaw ang unang lumayo,

Sana tinuruan mo ang puso

kung paano limutin ang tulad mo,

Dahil pagod na akong

gumising sa umaga na nangungilila sa'yo.

#maikling tula #salita #sulat #spilled ink #thoughts #tula #poem #short poem #spilled poetry #tagalog poem #tagalog #sining

[quehorror]

Kamatayan, marahil, ang pinakakinatatakutan kong bagay sa mundo. Na kinakailangan kong magtago at yumukod upang hindi ako matagpuan nito.

Pero nang halikan mo ako, tila ba sumakabilang buhay na 'ko. Na hindi lang hanggang langit ang nilipad ko, dahil pinalibutan ako ng mga tala at sinangayunan ng mga mundo. Na tuluyan ko nang naarok ang sukdulan ng buhay dahil sayo. At nang ilayo mo na ang iyong labi ay saka ko lang napagtanto.

Na pag-ibig ay higit pa sa kahit anong bagay na makalupa. Na pag-ibig ang tumutulak sa atin palabas ng karimlan. Na higit na mas matimbang ang lambing ng iyong bisig kaysa sa karit ni kamatayan. Na kahit may sentensiya ang pagiging mortal, ang bawat araw ko nama'y parang habambuhay dahil sa iyong pagmamahal.

#tagalog thoughts #random thoughts #poetry #tula #spoken word #poem #poets on tumblr #tagalog poetry #poems #tagalog #maikling tula #tulatulaan #manunula #manunulat #write every day #writers #filipino writer #tagalog spoken words #tagalog quotes #sulat #liham #writers and artists #writers on tumblr

[nubibusincaelo]

takipsilim, buwan, at tala.

hindi naman talaga takipsilim ang siyang dahilan kung bakit ako’y pumupunta sa lilim at nagdarasal nang taimtim na alisin itong dilim.

hindi naman talaga ang buwan ang sanhi ng aking kapighatian.

hindi naman talaga ang mga tala ang siyang sumisimbolo ng bawat luha.

hindi naman talaga sila ang may sala, kundi’y mga saksi. ang aking piping mga saksi.

sila ang saksi ng taimtim kong pagdusa.

saksi sa aking pagkukulang, minsa’y sa pagkasobra.

saksi sa kung paanong nagsimula sa isang walang laman na bote sa gilid ng kuwarto na ngayo’y kuwebang walang apoy sa gitna ng puso.

nakita ang pagbabago—kasiguraduhang dahang-dahang nagpaalam na pinalitan ng pagdududa’t mga agam-agam.

sila rin ay naging saksi sa pagkupas ng litrato ng isang bayaning sa utak ay naging mala-demonyong walang sungay, walang buntot, at walang pulang mga mata—ngunit mayroong maituturing na titulo sa buhay ng munting bata.

sila ang mga saksing pinipiling hindi magsalita, magmasid lamang at damhin din ang aking nadarama.

ilang taon ko ring inakalang sila ang may sala ng aking paghagulhol,

ngunit hindi ba’t hindi naman nila kasalanang wala silang magawa kundi’y ako ay pagmasdan at hindi na dumada.

hindi naman nila kasalanang ang kanilang pagkinang simbolismo ng pag-asa ay iba sa aking pag-akalang ito ay sa aki’y tumatawa.

takipsilim, buwan, at tala.

ang aking mga saksi sa t'wing hinahamon ako ng Dakila.

#tula #filipino #sulat #panulat #nubibus #ulap #buwan #takipsilim #tala #luha #pighati #kalungkutan

[blossombleue]

Ang Irog Kong Mayaw

Saksi ang langit sa nakaw na sulyap

Nitong mga matang ikaw lang ang hanap

Palibhasa'y ang sa iyo ay abalang-abala

Sa itaas ay tutok ka sa ningning at ganda

"Kayririkit ng mga bituin, hindi ba?"

Sa iyong salita'y dinig ko ang kanilang tawa

At nagliwanag pa nga sa nasaksihang komedya

Huwag mong akalaing sa aki'y walang halaga

Itong Kalawakan at Kanyang mga pamana

Pagkat sa piling ng buwan at mga tala

Walang katapusan ang aking pagkamangha

Ngunit sa aki'y iyong sambitin ang dahilan

Ang pagsilip sa bituin, ano pang katuturan

Kung sa aking tabi, ikaw ay narito na

Sabihin mo sa akin ang inyong kasunduan

Dahil sa bawat silay ng iyong kagandahan

Bumubulong Siya nang buong lambing at tatas

"Husto na sa pagsulyap sa itaas, aking dalubtala

Tumingin ka sa iyong tabi at Ako'y iyong makikita."

Hinagilap ko sa pisika ang kasagutan

At paggawa ng sanyo, akin pang sinubukan

Subalit sa iyong harapan, daig pa ang paslit

Giliw, kayraming salita ang nais kong isambit

Ngunit noong dumating ang hinihintay na sandali

Mata mo'y nasa akin, ilantad na ang kinukubli

Wala nang ibang masabi kung hindi

"Kayganda ng buwan, hindi ba?"

#tula #tagalog #sulat

[feelingepiphany]

SUMILIP AKO

Sumilip ako sa kadiliman,

Bakit liwanag ang nagpakita?

Sumilip ako sa liwanag,

Bakit kadiliman ang naramdaman?

Sa bawat pagsang-ayon sa puso

Libo-libong tinig ang nagtutunggali

Sa bawat pagsang-ayon sa isip

Ikaw at ako lang ang nag-wagi

Kalmado ako kapag magulo,

Magulo ako kapag kalmado

Tama ako sa mali,

Mali ako sa tama

Sumilip ako muli sa liwanag,

Walang nagpakita

Sumilip ako muli sa kadiliman

Sarili ang nakita.

7.28.22

Unang liham...

#tula #malayang tula #tagalog #tagalog tula #panitikan #literature #poemsbyme #poetic #poems and poetry #writers and poets #writing #sulat #manunulat

[makatang-iska]

Bug Me Not

I warned you, don't get too close to me.

I don't care if you think you can make me happy.

I just want to figure things out on my own.

You are not welcome in my comfort zone.

-

I specifically told you not to bug me.

Can you move to another one, seriously!

You keep trying to shoot your shot, clearly unable to take no for an answer.

If you continue with this pestering I will press charges, I swear.

#poeticstories #spilled thoughts #spilled ink #poetry #poets on tumblr #poems #spilled words #musings #spilled poetry #makata #feelings #tula #filipino poets #tula para sa iyo #sulat #life

[anakngsiomai]

Hindi ko alam kung saan ba ako dapat lumugar. O kung may nakalaan bang espasyo para sa akin, sa mga tulad kong tila hindi naman hahanapin ng mundo kung bigla na lamang maglaho.

Kaya heto't pinagsisiksikan ko ang sarili rito, kung saan sa tingin ko'y malaya kong maipapahayag ang kahit na ano mang nais sabihin, nang hindi pinipigilan ng kung ano ang maaaring tingin ng iba sa akin. Ayos lang kahit wala namang makikinig (o dito nga'y magbabasa), ang mahalaga'y may mapaglalagyan ako ng mga salitang gustong kumawala sa aking katawan.

Tao po, Tumblr. Makikituloy po.

#munimuni #filipino #tagalog #pinoy #sulat #tula #first blog

[lihimlihamtinta]

Madalas akong tinatanong ng nanay ko

"gising ka na ba?"

"opo" ang aking tugon

Kahit hindi naman talaga ako sigurado

Kung gising na nga ba talaga ako

Madilim pa rin kasi ang paligid

Tila niyayakap pa rin ako ng gabi

Ang kaibahan ay walang talang nagniningning

Mag isa nga ba ako sa maingay na silid?

Naririnig ko ang kanilang mga hinaing

Bakit daw ako ay mag isa pa rin?

Bakit daw sila ang aking naririnig?

Kung talaga bang ako ay gising?

#poetry #tula #spoken word #poem #poets on tumblr #tagalog poetry #tagalog #poems #maikling tula #tulatulaan #poetscommunity #poet #writers and poets #poets on tumbler #poetry on tumbler #filipino writer #filipino words #makalaya #makata #sulat #lihim #liham #tinta #lihimlihamtinta #writers and artists #writers on tumblr

[ysange15]

thirteen.

#poem #poetry #tula #maikling tula #sulat #manunulat #tagalog

[makatang-igorota]

Pagpawi ng Lipas

O, liwanag ng buwan sa gabing mapanglaw Dinggin mo ang pagtangis ng damdaming ligaw Himnong sa linisa'y dapat pamatid-uhaw Handog ay laksang hapis sa hirap bumitaw O, araw na ang ningas sa dilim pumawi Gawin mong abo ang tanikalang gumapi Sa nag-aalab na balor ng panahong lipas Nang sa kahangalan ay makawalang wagas O, bituing maningning, nawa'y 'wag ipagkait Sa pagal na busabos ang ngiting marikit S'yang lulubag sa diwang kusang linigalig Ng nilalang ganid na sa hibo'y umibig O, ulap na tila ang pasan ay kaybigat Lunurin mo ang dusa ng 'yong luhang maalat Saklaw ang ala-alang alay ay hinagpis Tubusin sa sakim na ang akit ay labis O, mayuming diwata ng hanging banayad Hipan tungo sa hapo ang payapang hangad Dalhin sa paraiso kung sa'n ang nagdaan Ay walang alinlangang pinawi't linisan

~M.K. Sueño (08/2022)

#tula #tagalog poetry #tagalog #maikling tula #tulatulaan #makata #manunulat #manunula #filipino writers #tagalog writings #tagalog tumblr #tagalog writing #tagalog thoughts #tagalog quote #tagalog quotes #filipino #sulat #filipino poetry #panitikan #pinoy poem #filipino poem #tagalog poem #hugot #spilled words #pinoy quotes #pinoy banat #tagalog words #spilled ink #spilled poetry #spilled thoughts

[kailangan-bang-mamatay-muna]

Patayin mo na ang ilaw

At

patayin mo na rin ako

#tula #maikling tula #filipino #pinoy #pinoy quotes #sulat #malayang tula #original poem #poems and poetry #poem #filipina #filipiniana

[peachestower]

"daming iba jan," alam ko. pero hindi nila alam na pipiliin kong magkape sa tumba-tumba nang mag-isa kaysa ibigay ang puso ko sa iba.

#things i want to say to you but cant anymore #pag-ibig #maikling tula #sulat ko para kay tirso