#jhecel may

[conflictcrafter]

What if Art Lived: usa ka pasalamat

Salamat, Jane ug Jefferson—duha sa mga pinakamaayong actors sa Talaria. Salamat sa inyong duha kay nanugot mo ani nga kabuang.

Kabuang gyod siya nga matawag, labaw nag praktikalay lang. Ikadaghan na ming nasultian og buang ug wa nagtarong og hunahuna kay kami ga-testing og mugna og alampat o kon sa Iningles pa, art. Ug sa tinuod lang, sakto man sila kay generally speaking, para gyod nis mga flip. Wala man kay immediate nga benefit ani as far as kwarta is concerned, unless og hasta na gyod nimong sikata. Ang kadaghanan, niihap pag tuig bag-o nakasakop og kwarta. Ang uban, nangamatay na lang. Ug ang mas makaluya, katong mga mas gipili na lang intawon nga i-surrender, bisan huot sa ilang dughan, ang ilang art tungod sa kawad-on. Hinuon, dili man ni kwartahay lang. Maong dili sad ni mao ang main driving force sa usa ka artist. Maong mumugna na sila bisan way kwartahay. Kini maoy naka-flip para sa kadaghanan. Sakto man sad sila. Ug mao sad ning reyalidad.

Mao ni ang kasingkasing sa Alampat Galungtad, Kinabuhi Lumalabay—Ars Longa Vita Brevis kon sa Latin. Ang art taas, apan ang kinabuhi mubo gyoy kabuang dirang dapita ug di nako gyod mabasol ang mga tawo nga musulti ana. Ug pasayloa mi, kami sa Talaria, ug kaming mga nahibulong sa arts—pasaylua mi ani among curse.

Speaking of curse, tungod kay focused man kaayo ta, generally speaking, sa immediate solutions sa tanang mga butang, buot sad unta namo i-highlight ang curse sa senseless nga pagpamatay karon tungod sa butang nga puydi ra unta ma-rehabilitate, o sa idolohiya nga puydi ra gyod unta istoryahan. Apan kay ganahan tag instant kanunay nga product-based numerical results, nakalimtan na ang importansya sa process.

Personally, wala koy kaila nga biktima ani apan kami sa Talaria, igo na lang mi makasulti og unsa pod kaha kung wa sila gipampatay? Ganahan sad kaha silag art? What if art lived?—sa inyoha nga mga biktima, kining salidaha ra inatawon sa among love letter. Nevertheless, kini ang curse nga dili angay ipailawom na lang sa sa rug, o ilubong na lang sa yuta—o sa balas.

Nasulti na man nila Jane ug Jefferson ang tanan, ako lang usbon kining mga tawhana nga nag-suporta sa amoa—sila Kiel Alexi Valdriz, Michael Tupas, Fritch Espera, Earl Lawrence Bustamante, Abegail Depillo, Danica Lagua, Liezel Alferez, Sergio Alferez, Evelyn Lagua, Arlene Lagua, Alvin de la Cruz, Lourdes de la Cruz, Angelica de la Cruz, ug Jhecel May Pey Lovitos. Salamat sad sa kinatibuk-an sa Talaraia Com-Arts Guild—dili ra ni amoang tulo, atoa ning tanan sa org.

Salamat, BINISAYA, Sir Keith Deligero ug uban pa, sa avenue. Unta magpadayon ni kay importante ang cinemang Binisaya kay mao ning tambal sa mga balatian. Legit totoo.

#BINISAYA #BINISAYA 20 20 #BINISAYA 2020 #DAVAO #TIBUNGCO #TALARIA #TLR #MINDANAO #VISAYAS #BISAYA #PILIPINAS