im-noor

[im-noor]

[im-noor]

September 2020. https://www.instagram.com/p/CmE7dVjPqYX/?igshid=NGJjMDIxMWI=

[im-noor]

الخوف من فقدان الذات يجينا فمراحل مختلفة، يكون بسبة خوفنا فالتغيير شعورنا بالتحكم أو وجودنا في منطقة الراحة لفترلة طويلة. في مواقف في عالمنا الخارجي يتغير و يسبب لنا ازمة و نحس ان احنا ضايعين. الاختلاف مرات يسبب ثقل بالرغم من الحماس اللي يجي معاه، تغيير بلاد، تكوين صداقات جديدة، مدرسة جديدة ، بيت جديد، زواج ، الأمومة او الابوة خاصة في اول مرة، وظيفة جديدة؛ كل ها الامور بالرغم انها لحظات تنتظرها بس ممكن تكون غير مريحة في البداية لان التغيير ممكن يشعلل الخوف و يحطنا في شعور ما نحس فيه امان، لان نحس مانقدر نتصرف ، مانقدر نتحكم. لابد ان نترك الامور تسير، نفهم المشاعر اللي تجي في خلال الفترة، نقلل من حكمنا على ذاتنا و نتخلى عن شعور التعلق في الحياة القديمة. الحياة بكل مراحلها حلوة و مرة ولابد من التغيير التغيير يحسسك من انك تخليت عن نفسك بس في الواقع مهما يصير علاقتك تجاه نفسك ماتتغير بتغيير الضروف الخارجية. مافي شي يقدر ياخذك من نفسك الا باختيارك، و طبيعي مرات تفقد نفسك بس دايم بتلاقي نفسك ترجع لنفسك لو كنت في وعيك. التغيير يخوف بس يعلمنا و يخلينا نشوف جزء من نفسنا يمكن ماشفناه من قبل. https://www.instagram.com/p/Cl1QBWhJqDG/?igshid=NGJjMDIxMWI=

[im-noor]

[im-noor]

العقبات اللي نواجهها ممكن تكون نُقطة التحوّل - ممكن تمر بضروف كل شي ينهدم قدام عينك، تحس ان مافي شس ممكن تسويه عشان تبني نفسك من جديد. تحس ان الكل قاعد يوصل وانت قاعد ترجع ورا ، كلما حاولت ماصار الموضوع مثل ماتبيه و يخليك توصل لمرحلة الأستسلام. هذي هي طبيعة الدنيا مانتم على نفس المسار، و مرات العقبات اللي نواجهها ممكن تكون نقطة التحول لأشياء كثيرة، اشارة ان في اشياء لازم تتغير، اشارة اني استعد استحقاقي و ماربطه في الماديات و المسميات لان كل هذي الاشياء مؤقته، الاشياء الخارجية بتتبدل مع الزمن ؛ المكان ، اللبس، الوظيفه و ممكن في اشياء تروح مننا للابد بس ما تحدد احنا من.. لأن احنا الوحيدين اللي نقدر نحدد احنا من. فترات الفشل مجرد دروس تتعلم منها و تكمل مسيرك الاهم انك ماتوقف، ماتوقف عن المحاولة ماتوقف تكون انت ماتوقف تكون على حقيقتك. اغلب الناس الناجحين بدو من الصفر، بدو من لا شيء و بدو من لحظات الفشل بس الفرق الشخص اللي يؤمن بنفسه و يحاول رغم الضروف. كم مرة مرينا بمصايب و خيبات و ربي عوضنا بالاجمل؟ هذا ينطبق على كل شي في الحياة. https://www.instagram.com/p/CldNNKWNpRe/?igshid=NGJjMDIxMWI=

[im-noor]

الأشياء الصغيرة اللي تفرح - https://www.instagram.com/p/CldHKaKNCZ9/?igshid=NGJjMDIxMWI=

[im-noor]

Rain showers 🌧 https://www.instagram.com/p/ClWd2zvIxES/?igshid=NGJjMDIxMWI=

[im-noor]

الحب مب مثل ما يقولون .. الحب عالمك اللي انتَ تختاره و تختار فيه القيم و الأشياء اللي أنتَ و الطرف الآخر يحتاجها. الحب تختلف قواعده من شخص لين شخص ، شعور ما تقدر تقارنه مع اي شخص ثاني لان انتَ الوحيد اللي تحس بها الاحساس حتى لو كلنا فيننا عوامل و احتياجات مشتركة. الحب مب ألم و مب طبيعي يكون ألم و مليء بالمشاكل مثل ما يقولون و بعد الحب مب عالم وردي و كل شي فيه ايجابي بس الحب اساسه الأمان مب التعب و الألم. العلاقة مافيها كَمال و لابد من وجود الاختلاف ولا بد من وجود ايام صعبة بس الأهم التواصل، انه يكون شريك حياتك الشخص اللي تحس فيه بالأمان مب الشخص اللي تبي تشرد منه. طبيعي كل شخص فيه جوانب سلبية و ايجابية و العلاقة الصحية مع الوقت تتعلمون من بعض وتلاقون نفسكم تصيرون احسن في نواحي مختلفة لان اختلافكم يساعدكم تتعلمون، و تكبرون مع بعض. الحب صداقة و انكم تكونون فريق واحد مب ضد بعض حتى لو يكون في اختلافات و مشاكل. الحب مب مثل ما يقولون كل واحد يعيش حياته بدون ما الثاني يعرف أو يحاول يخفي مشاعره او اي شي خاص فيه قدام شريك حياته لان الشخص اللي بيمسك عليك نقاط ضعفك، ما يستاهل يكون بحياتك اساساً. الحب مب مثل ما يقولون لما يرددون انها بس البداية جميلة لان انت تقدر تستمر و تقدر تترك اي علاقة ماتفيدك بالنفع و مع السنين فعلاً المشاعر تمر بفترات صعبة و فترات حلوة بس مب معناته ان الحب له تاريخ انتهاء لو العلاقة صحية و الطرفين يشتغلون عليها. كل مرحلة لها حلوّها و مرها. الحرية انك تبني عالمك بدون ما تسمع للناس و تعيش قصتهم، مافي شي مثالي و دايماً حلو بس لما تكون شخص تعرف قيمتك دايماً بتعرف ان الحب بيصاحبك في كل مكان حتى لو انه شي مب مضمون تعرف انك انسان دايماً بيعيش بمصداقية مع نفسه رغم الضروف الخارجية ، دايماً بتختار اللي يقدرك. الحب مب مثل ما يقولون لأن كل شخص يتكلم عن واقعه، بس في ناس بتحصلهم يبينون لك الواقع اللي يشبهك و هذول اللي فعلاً تقدر تسمع لهم. الحب ممكن يخوّف مرات بس هو يعكس مافي داخلك، و يعكس حبك لذاتك و يعكس كل شي انتَ تجذبه بأفكارك وتجاربك السابقة لو ما تشافيت منها. اذا عشت حياتي خايف من الحب و خايف من نتايج الحب، راح ينعكس شعور الخوف في كل خطوة اخذها. الحب ممكن يطلع الجوانب السيئة اللي فيك مرات بس يعلمك وايد عن نفسك و خاصة اذا حاولت في كل مشكلة او وقت صعب تشتغل على نفسك. https://www.instagram.com/p/ClS-IG8Js72/?igshid=NGJjMDIxMWI=

[im-noor]

at Qatar https://www.instagram.com/p/Ck-rDYttkr-/?igshid=NGJjMDIxMWI=

[im-noor]

"في التخلي، تَجلي" https://www.instagram.com/p/Ck7tJO4t08l/?igshid=NGJjMDIxMWI=

[im-noor]

[im-noor]

at Trondheim https://www.instagram.com/p/Ck4CAM4ypkn/?igshid=NGJjMDIxMWI=

[im-noor]

Its just a part of the journey. (at Lofoten Islands, Norway) https://www.instagram.com/p/Ck0q-2RNEQL/?igshid=NGJjMDIxMWI=

[im-noor]

Desperately waiting for winter to arrive 🤍 https://www.instagram.com/p/Ck0q2LJtoWV/?igshid=NGJjMDIxMWI=

[im-noor]

Solitude. https://www.instagram.com/p/CkwDKv9yhoD/?igshid=NGJjMDIxMWI=

[im-noor]

‏"‎هذا فقط جزء من الرحلة" دار بيني و بين صديقتي نقاش عن المراحل اللي نعدي فيها وان في ايام ممكن نحكم على رحلتنا بسبة العرقلة اللي ممكن تصير بالطريق و احنا نحاول نوصل للي نبيه، ننسى ان هذا فقط جزء من الرحلة و ان هذا ما يدل على نجاحنا ، قوتنا أو ضعفنا … مرات ننسى الشي و نعمة ان لو في اشخاص تذكرنا ، و في مننا ممكن دايم يرجع يتذكر قيمة نفسه حتى لو مر في مواقف حس بالفشل او حس ان الايام تمر و ماحس بعدم الانجاز. النمط اللي انا متعودة عليه هو كثرة الانجاز، الركض و تميت على ها المجال سنين و لما حياتي بدت تهدى صرت احس بشعور غريب و عدم امان لان مب الشي اللي تعودت عليه. برمجتنا احياناً تخلينا نحس بقيمتنا في الانجاز و نحس ان غلط ناخذ فترة نحاول نرتب امورنا و نعرف شنو بنسوي.. ننسى ان قيمتنا موجودة مهما كان، و ننسى انجازاتنا السابقة و ننسى ان احنا في مرحلة ممكن توصلنا للمرحلة اللي بعدها… الانجاز الحقيقي في شنو انت تشوفه انجاز، شي يعطيك شعور بالحياة و شي انت تثبته لنفسك مو للغير… https://www.instagram.com/p/CkvP1oOpfhR/?igshid=NGJjMDIxMWI=

[im-noor]

الحياة في الفان، من أجمل التجارب في الحياة اللي الواحد ممكن يجربها. فيها جمالها في حرية التنقل و ماتشيل هم السكن، و تصحى على الطبيعه و تحس انك عايش في حلم. و فيها الصعوبة من ان الواحد في وايد اشياء تكون جديدة عليه و ماتكون مريحه ابداً و تكون معتمد كلياً انك تسوي كل شي بنفسك. ولو اني جربت ها الشي فترة قصيرة بس اقدر اقول ان بعيد التجربة مرة ثانية لو يحصل لي 🤍 .. شنو الشي اللي جربتوه في السفر و كان فعلاً يستحق التجربة؟ (at Norway) https://www.instagram.com/p/CkauJn1tHTa/?igshid=NGJjMDIxMWI=