cloudyontour

[cloudyontour]

Womer wieder in bogota acho sind hemmer natürli alles no chöne mache was mer vor drüehalb wuche verpasst hend. Zum bispiel d'musee. De fernando botero isch en kolumbianische maler und skulptureur (?) gsi wo alli persone und tier fett dargstellt hend. So hani müsse aso bi de mona lisa chli m��sse schmunzle :) G'esse hemmer verständlicherwiis au nomal vorragend. Ufem bild gseht mer chiguiros ufem grill. Het gmundet ;) Uf de unüberschaubare früchtemärkt hemmer au nomal zuegschlage und so viel exotischi frücht wie möglich gmampft. Drachefrucht und lulo ghöret zu mine favourites. Was ned het döfe fehle uf de reis isch en fuessballmatch. De amtierendi meister het 'boyaca patriotas' empfange. Die athmosphäre i dem stadion isch brutal. Jede isch fasziniert vo fuessball und schreit us voller liideschaft. De spieler ufem platz het die liideschaft leider gfehlt. So wenig wille, schlechti päss und langwiligs spielsystem. Da sind b-juniore spiel scho attraktiever gsi. So ischs also 0:0 g'endet. S'ambiente het das aber völlig wett gmacht. Sicher eis vo de highlights vo dere reis !! 3 täg vorem flug hemmer den no chli adrenalin welle. 8h nördlich vo bogota liet san gil. Das isch wie es queenstown in neuseeland oder es baños in ecuador. Sorich du findsch alles was en adrenalinjunkie brucht. Am erste tag simmer go rafte. Obwohl ichs acho 2x gmacgt han ischs immer wieder e heruusforderig. Au wills dasmal stromschnelle niveau 5 ka het. Ohni komplikatione simmer denn aber dunne acho. Isch trotzdem glaub eine vo mine lieblingssport. Mer bechund zwar awiisige vo eim aber wenn die vor dir das ned verstaht cha so locker mal binere grosse welle hinderegheie und mich mit is wasser zieh. Und denn hets no die huere stei im wasser wo sbiot hhönt ufritze... jaja. Ich machs nomal. Am 2. tag hemmer welle canyoning mache. Leider isch das scho voll gsi. Hemmer eus halt für paraglide entschide. So sponti. Und willmer am vorabig mit paarne vom rafte no es letschts mal in usgang sind isch paraglide vlt ned die best wahl gsi. Das hemmer denn langsam begriffe womer die unglaublich guet befahrbari strass zum nächschte hügel uegfahre sind. Schlecht isch eus worde. Ich hans zum glück no chli besser im griff ka als de felix, mer het scho chli gmerkt dass ich mich me ufs flüge freu. Bis i denn das gstälti agleit han. Chli mulmig ischs mer scho worde. Und denn bini au scho i de luft gsi, de felix i 1 sekunde 10 meter under mir. Und denn het de wind blase hnd mer sind gfloge. Geil geil geil. Uu schnell bisch meterwiit vom startplatz entfernt. Min lenker wo hinder mit ghockt isch het de zimli starchi wind aber voll under kontrolle ka. Amigs simmer eifach i de luft gstande. 200 meter luft under eus und denn en wald. Denn frögt er dich obd un poco más wetsch. Hani zuegstumme. Denn hemmer so pirouette gmacht dassi amigs de schirm zwüsched mir und em wald gseh han. Eifach unbeschrieblich das gfühl. Du geshsch de wald uf dich zuerase und im nechschte moment risst er am einte seil und sghat i di ander richtig. Nach öppe 8 minute hedder denn gseit dass mer landet. Eigentlich en zchurze flug. 2 minute nach de sichere landig hets denn eis abegschifft. 1h lamg hemmer gwartet bis de felix denn ad reihe cho isch. Also nomal verdammt schwein ka. De felix wo chli me respekt vorem paraglide ka het isch denn aber wenigi moment nach em abhebe au total begeistered gsi. Es gseht eifach viel zgfürchig us vom bode aber i de luft ischs ein gnuss !! Das isch also sletschte gsi da in kolumbie. Hend zimli viel chöne vo de checkliste abhöckle. Mer chönti aber ohni problem nomal en monet da ane und immer wieder neus gseh. Müsst mal mini nächschti reis plane !! Adios muchachos.

#gif

[cloudyontour]

Paar täg erfahrige meh gsammlet :) San andres isch wunderschön! Wenns ned vo touriste wimmle würd! Im lonely planet staht 'johnny cay' seg e paradiesischi unberührti insle. Jä ehner nöd. Öppe 8 boot à 20 persone sind glichziitig det. Mer chan ned aneligge will überall lüt stönd. Truurig aber wahr. Chli entüschende tag gsi. Amabig hani denn wenigstens no paar sit-ups mitme random penner gmacht :). Am 2. tag i de karibik simmer mitem bus de künste entlang gfahre und sind denn plötzli usgumpet will mer en fasch unberührte strand gseh hend. Tatsächlich hemmer de strand denn numme müsse mit öppe 10 lüt teile. Mer hends paradies also doch no gfunde. Palme, wiise strand, türkises wasser - so hemmer eus dkaribik vorgstellt. Gern wäremer no länger da blibe willmer eifach mal hend chöne abschalte und paar erfahrige us de letschte wuchene hend chönd verarbeite. Leider hets flugi uf cartagena aber gwartet. Au de ort het sini zwei gsichter. Zum eine ischs e wunderschöni koloniali stadt mit bemalte hüser, gueti restis und viel strassekafis. Die ander siite vo de medaille zeigt denn aber die ville strasseverchäufer wo eifach ned hend welle locker lah. Sie büted bilder, schmuck und kokain ah aber verstönd ersch nachem 5te mal 'nei' dassmer wüki ned interessiert sind. Es isch denn au so wiit cho dass de felix scho numme de chopf gschütllet het wenn eine eus numme agluegt het. Mängisch musch eifach durregriife haha. Trotzdem hemmer die stadt aber chöne gnüsse wills am abig mit de villne strassemusikante und em sunneundergang überem meer eifach e bezauberndi ambiance het. Nach paar täg vill tourismus und wenig authentischs kolumbie simmer denn wiiter uf minca und hend eus sofort i die gegend verliebt. Z'5te mit 4 backpacks hemmer eus es taxi zoge und sind mit durchschnittlich 20km/h uf minca ue. Mer hend das taxi aso zimli gschändet. Mer hend denn au müsse en boxestopp ilegge zums einte rädli flicke. Ufem weg simmer no a kutsche verbii. Die hend banane verchauft und debii aguardiente gsoffe. Sooo viel andersch als i dene grossstädt !! Vo minca us hend de felix und ich denn no müsse mit mototaxis 30' de berg duruf zu eusere finca. Mit mototaxis simmer scho uf sam andres underwegs gsi. Hocksch eifach hine uf de töf und gnüssisch. En cheibe gspass!! Mitem fette backpack isch das denn aber es amders niveau gsi. I jeder kurve amgst ka dassmi ned nimmt. De felix hets denn paar mal umghaue und er het sich wegem uspuff denn au no e brandwunde zuezoge. "Afänger" haha. Dobe simmer denn acho wo gad dsunne undergange isch. Atemberaubendi ussicht - wie vom wc us (letschts bild). Da chönd mer eifach hängebliibe und nie meh hei welle. Mer hends denn au probiert euse ufenthalt zverlängere aber leider hets kei platz ka. Jetzt hocki da i de hängematte mit nere ussicht vo gfühlte 100km. S'meer gsehni sogar. Ghöre nüt anders als vögel, zirpe und e gitarre. I paar minute stiigemer denn wieder ufs mototaxi und sauseds loch durab. Hoffe uf alli schutzengel!!

[cloudyontour]

Zäck da bini wieder! Und zwar simmer vo armenia us is 'valle de cocora' go wandara. Mit me dänische päärli hemmer de weg eus de weg dur meterhöchi palme bahnt um irgendwo denn zu me ussichtspunkt glange. Nach 10km simmer denn imne 2 mensche- und 2 hunde-seele dorf acho wos es chlises br��tli zur stärchig geh het. Het mi dunkt als wär no nie em andere mensch det gsi. Kei ahnig womer falsch abboge sind. Mer hend denn euses glück wiiterhin versuecht - leider nomal ohni erfolg. Nach 20km zfuess simmer denn wieder bim startpunkt acho - ohni e geili ussicht und mit hunger. De nechschti tag het eigentlich nur us busfahre bestande. 9 anstatt 6 stund simmer det dine verrottet. Weg me umfall ufnere passtrass hemmer also s'spiel vo independiente medellin verpasst :( Als wer das ned scho gnueg schwer z'verdaue gsi sind denn am 10i langsam die andere hostelgäst itrudled. Die einte mit me medellin libli, die andere fangsäng am singe. Ihr chönd eu vorstelle wimmer eus gfühlt hend. I de nechschte paar täg hemmer medellin uf verschidnige weg erkundet. Z'fuess, velo, bus, tram, metro, und gondle. Ja, mer sind ohni ski ine gondle igstige. Es git drü verschidnigi telefericos wo die ärmere viertel mitem stadtzentrum verbindet. Wemmer us de gondle abegluegt het, hettemer au guet in rio überd favela schwebe chöne. Eis huus unstabiler als andere. Blechdach. 2/3-stöckig. Wüki zimli unschöni aber spannendi szenerie. Uf de biktetour hemmer denn aber au no schöni gegende gse wie z.b. de jardín botanico oder früchtemärkt. Was mer uh gfalle het isch es projekt vo 'epm'. Die hend en airbol finanziert. (Air = luft , 'bol' vo 'arbol' = baum -> 'luftbaum'). De wandlet co2 usem umchreis vo 80m i o2 um und betrifft so öppe 60k mensche. Das isch au en mitgrund wieso die stadt zu de innovativschte städt vo de welt zellt. Au öv isch sehr fortgschritte und guet organisiert. Besser als in bogota ^^ A eim tag hemmer no en usflug uf guatape und em piedra del peñol gmacht. Das isch en fels vo wo mer mit 679 steggetritt eh wunderbari ussicht uf de ursprünglich künstlich agleiti stausee het. Wemmer ned zersch holländer, amis und kasache usem weg bitte müsst. Sehr sehr touristisch. S'städtli guatape isch sau schön. Jedes einzelne huus isch bemalt und verziert mit bluemestrüss. Sehr iladend für die touris ... Nach paar täg luege, esse, fäschte in medellin simmer is flugi istige und hocked jetzt i de karibik. De flug hettemer aber fasch um paar minute verpasst. Wenn kolumbianer eimal pünktlich sind denn isches de flugverchehr. Hemmer leider ned drahdenkt :) Also, villicht schribi nachme piña colada am strand nomal en iitrag. Susch bis bald :)

[cloudyontour]

San augustin isch vor allem bekannt für mehreri dutzend statue wo öppe 1000 v. Chr. gfertigt worde sind. Für me infos kontaktiered bitte de felix 😂😂 Nei spass beiseite. Für historiker und archäologe muss das s'paradies uf erde sie. Ich bi vor allem vo de natur fasziniert gsi. So wiit s'aug reicht grüeni wälder und wiese. Zwüscheddinne immer wieder chlini 'fincas'. Mer hend i so einere übernachted. Sehr pflegt, tischtennistisch, pool , resti. Leider hemmer aber ned vo allem chöne profitiere will mer am nechschte tag scho wieder hend müsse uf neiva zruggfahre. Es wiiters mal simmer mit esse verwöhnt worde. Dasmal mit tamales. Das isst mer zum zmorge oder zmittag und bestaht us riis, ei, rind, poulet, herdöpfel u.ä. Am abig simmer mit paar cousins vom francisco und bekannte go tschuute. Eifach numme geil. Au wenns de felix und ich voll cheggt hend hettis niveau scho no chli höcher chöne si. Trotzdem isch wüli top gsi und ha sogar no es nati-libli vo kolumbie ergattered 😍 Momentan befinder eus i de 'zona cafetera' in armenia. Hüt simmer ufe kafiplantage. Da wird sogar ich zum kafi-fan. Wieder mal e umwerfendi natur, agnehmi 25-30 grad und 'gente muy amable'. I die lokale lüt verliebt mer sich eifach. Eifach so offe, guetherzig, hilfsbereit, witzig, interessiert und eifach herzig. Susch denki mer amigs dass e diskussion oder au smalltalk oft zimli erzwunge würkt. Aber da tuscht mer sich eifach us. Mer erfahrt vom gegenüber vieles über kultur und gschicht aber au eifach übers alltagslebe, sodass mer sich stundelang mitme früsche kafi ( ja ich ha mich zwunge , kafi ztrinke) chönd underhalte. Top top top!!

[cloudyontour]

Mittlerwiile simmer vo bogota wiiterzoge. Am leschte abig simmer mitem francisco (2. v.t.), zwei cousin und fründinne in usgang. Zersch isch electronischi musig gloffe. Hani ohni müeh chöne mithebe (wills ja ned aspruchsvoll isch). Denn simmer aber plötzli uf salsa, bachata und co umgstige .. - Ja de gedankestrich seit alles. Schlechti und gueti gfühl. Schlechti will de felix und ich eifa h nöd wüssed was mache ( ja mama tanzschulen sind so toll!!) Gueti gfühl wills eifach geili musig isch und all um dich ume super druf sind. Als wäri ned scho gnueg mit de situation überforderet gsi schickt de eint cousin sini fründin zu mier und scho bini im seich. Zum glück het sie mich den gführt und denn ischs no halbwegs gange. Macht u huere spass isch aber au sau astrengend. Vor allem wenn sie öppe 1.50 gross isch (ganz links) und darum mini wädli zimli beasprucht werded. Ich wird sicher no vill tanze müsse/döfe und ich hoff dassis vo mal zu mal besser in griff bechum!! Obwohl de francisco scho fasch en 40er ufem puckel het und de rest vo de truppe au scho es rechts alter ufwiiset hettmer chöne meine sie seget sie eh und je eusi kollege. Hend eus super ufgno, tanze bibracht, ghulfe wos au numme gaht und natürli vill spanisch mit eus gredt. Vier vo dene chömmed us neiva, was öppe so isch als würsch als appezeller me walliser 'züeluse'. Han also recht müe ka die zverstah aber wills kei englisch grest hend hani da müsse dure 😅 Usgrechnet i dem neiva simmer jetzt, bi de tante vom francisco, wo eus au mit offne arme empfange het. Willmer so spat cho sind und sie au scho sicher 65 isch hemmer denkt ischs sie scho am schlafe und mer münd eus es hostel sueche. Aber - dem sei nicht so! Sie isch mit paar kolleginne ufem balkon am spille gsi und wosi gmerkt het dassmer hungrig sind het sie eus schnell znacht kocht. So lüt hani gern!! Wills da am tag aber bis zu 40 grad werde chan gömmer morn scho wiiter uf san augustin. Auf ein weiteres!

[cloudyontour]

Will mer die luft da ned no meh hend welle verpeschte hemmer dstadt no mitem bike erkundet. Und siehe da. Mer chund tuusig mal schneller vorah. Serste bild isch de palacio de la justicia. Wiedermal es shout out an nici. De isch vo m19 (narcos) abgfucklet worde. Denn simmer no ufem mercado glandet wos gfühlti 1000 frücht het und so zege keini kennsch. Hammer überleit mich numme ab dene z'ernähre aber denn het mich s'mittagssteak für 2.50 wieder überzügt 😅 Ebefalls hani uf dere bike tour en neue sport kenneglernt. S'heisst tejo und gaht folgendermasse: mer schüsst us 8-12m mitme stei uf e zielschibe wo e markierti mitti het. Trifft mer genau i de ring bechund mer 2 pünkt. Trifft merd markierig hauts der öppe beidi trommelfell glichziitig use. Under dene wiise zeiche isch nämli explosivs iigrabe. Bier isch natürli au i dem spiel mit dabei was de reiz am explosive natürli no chli fördered :) Snechschte bild zeigt e wand imne sehr künstlerische viertel z'bogota. Generell hets uu viel grafitis und street art. Viel sind politisch inspiriert gsi ( z.b. zu escobar ziite), s'het aber au mehreri wo grundbedürfnis wie wasser u.ä. thematisiered. Sletscht bild isch vom usflug zu de catedral del sal in zipaquirá. Hani natürli salt-bae müsse pose 😅 Chile isch im berg dinne und bestaht eich numme us salz. Es werdet au jede sunntig gottesdienst ghalte aber de feini schwefelgruch hetti mich denn vome mäss-bsuech doch ener abghalte. Und tschüss.

[cloudyontour]

Und da bini wieder. Endlich!! Das mal heissts viva colombia 😍 Bin mitem felix ( en gschäftskolleg) gester da in bogota acho und wohned bim brüeder vo de arbetskollegin vom felix sim brüeder (chönd em au francisco sege). Sau guete kerl. Bi me willkommensbierli hedder eus scho mal e chli de kolumbianische knigge-regle vertrauter gmacht. So sind sich dfraue gwönt, wemmer ne nahpfiift und loyalität wird da ned grossgschribe. So chan de felix bezüglich sinere fründin scho mal es aug zuedrucke 😜 De ersti tag da isch schomal de heissischti i de gschicht vo bogota gsi. Mit 26 grad isch das aber zimli agnehm gsi und mer hend recht viel chöne mache. Vom monserrate (~3100 müM) hemmer die ganz stadt gseh. Mer chönd alli schwiizer da überezügle und hetti glich no zvill hüser. Euses verchehrsmittel isch de transmillenio gsi. Brutal. Es isch wüki so wie mer i videos über japanischi öv gseht. Chum gad d'türe uf gits en u huere chrieg. Dlüt wo usstige wend münd sich mit händ und füess wehre susch münds halt a de nächschte station nomal ihres glück versueche. Bim iistige fühlt mer sich wie imne moshpit (shoutout to nici). Mer kassiert einige ellböge will jede eifach verdammt nomal i de bus istiige wet. Da gsehni wüki gueti gründ wieso en dritte weltchrieg chönt usbreche. Aber gsehmers positive. Nachdem du us dem bus usstigsch und em felix es high five gisch weisch dass du öppis geils erlebt hesch. Nach dem erste tag woni en gfühlte marathon gloffe bin freui mi uf en richtig geile monet 😍🎉

[cloudyontour]

I de letschte täg vor mim flug bini denn no in quito gsi. Han es super hostel ka zum alles chli usschwinge lah. So 5 oder 6 täg vorem flug hani mich iwie gfreut eu all bald wieder zgseh. Aber denn am letschte abig, womer all mit me bierli uf de terasse ghockt sind und gschwätzt hend bis eus d'auge und d'müler zuegheit sind hani gar nümm wölle hei gah. Die ziit isch so schnell verbii gange. Das isch mit leider ersch bewusst worde woni denn sletschte mal is bett gheit bin und bitzli zum denke cho bin. Ich wird uf jede fall bald wieder starte wills s'lebe mitme rucksack so andersch isch, so spannend, so neu, abentürrich, gsellig, ja es git gar ned gnueg wörter zum das beschriebe. Wett allne danke wo die reis besser und besser gmacht hend ( was die zwar ned lesed, aber dassis gseit han) und dene, wo mich ga lah hend. -> ja mama, es war nicht gefährlich!! Saludos, Claudiús

[cloudyontour]

De dschungel - das het mi scho immer fasziniert. Unberührti wälder, mysteriösi flüss, und unendlich vill planze und tier. Dass mis erste tier denn en amazonasdelfin isch hani aber trotzdem ned erwartet. Nach 3 stunde ufem amazonas simmer i de nicky lodge acho. Innere chline lagune hemmer denn chöne usem kanu usstige und sind mitnere warme supp empfange worde. Aso wenn d'ecuadorianer eis chönd, denn ischs suppechoche. Ja es dönt simple, aber ich han da nöd eimal die glich suppe zweimal g'esse. Zrugg zum dschungellebe. Mir sind denn gwarnt worde, dass mer den ned verschrecke sölled wenn mal en frosch oder e spinne uf de wc schüssle si sött. Und wemmer im dunkle umelaufed immer mit taschelampe weg de schlange. Woni während em znacht e vogelspinne a de decki gse han, hanni die warnige denn dankend ernst gno. 100 meter vo de hüsli entfernt hets denn en chline steg uf me siiteflüssli vom amazonas womer au go bade chan. Us angst vor me kaiman hani denn aber nomal nahgfrögt. I de lagune womer acho sind hets nämli kaiman. De agstellti het denn aber gseit, dass s'siiteflüssli es flüssends gwässer isch und d'kaiman eh stilli lagune vorziend. VORZIEND!! Das bedüted no lang ned dass si ned i dem siiteflüssli sii chönd. Bin denn aber trotzdem mit de liane is wasser gsprunge, nachher aber schneller als de michael phelps as ufer gschwumme. Am morge vo me wiisbrusttukan gweckt zwerde isch chli schöner als vo BÄ BÄ BÄ BÄ BÄ. Morge- und abigstimmig isch wunderschön im dschungel. Vögel zwischtered, grille grilliered und ab und zue en aff wo schreit. Ich wird jetzt da ned alli tier ufzele woni gse han, für das hani es foti vo de lischte gmacht. Am zweite abig simmer go piranha fisch gange. Leider bini ned ganz so erfolgriich gsi wie de marsupilami :) Zwei kaiman hemmer denn spöter au no gseh. Mit taschelampe hemmer usem boot uselüchte müsse dassmer die rot reflektierende auge gseh chönd. Am tag 3 simmer am 5:30 uf de fluss usetuckeret und verschiednige affe endteckt. Chönt stundelang ufem böötli hocke und dene gsellige entertainer zueluege. Leider het eus denn en amazonasdelfin vom affe-beobachte abglenkt. Insgesamt eh super erfahrig gsi!! Sicher öppis vom beste woni i mim lebe gmacht han :) Jetzt bini no 6 täg da, evtl gahni no es fuessballspiel go luege :)

#made with tumblr #gif

[cloudyontour]

Bin vo quito us ines hostel i de nöchi vom cotopaxi vulkan. S'beste hostel woni gsi bin bis jetzt. Super athmosphärr mit jacuzzi, hängematte, hobbithüsli und kei wifi. Mer hend also mitenand müsse rede :) Hend a eim tag eusi eigni forelle chöne fische, en wasserfall durufchlättere. Han eifach eh super ziit ka. Unglaublich cooli luschtigi lüüt kenneglernt. Meh charte gspillt als gschlafe. Meh g'esse as gsoffe ;). Und s'erst mal tschutet uf minere reis. Leck ich chas immer no!! Tunnel nach tunnel :) Han mer überleit i mim zweite zwüschejahr ( ja ich mach zwei hani gad entschide) da go volunteere. Han mi verliebt i de ort. Perfekt zum nomal nahdenke über die geili reis woni ha döfe erlebe. Hüt abig nimmi en bus richtig dschungel. 4 täg im regewald. Da wiod supo!!!

[cloudyontour]

Baños isch de hammer!! So viel cooli lüüt und unglaublich viel aktivitäte. Alles wasmer vo queenstown neuseeland ghört chammer da au mache. Han mi am erste tag denn für river rafte entschide. Am afang sind schön d'sicherheitsregle erchlärt worde wills i de letschte ziit zimli vill gregnet het. Mer hend eus nacher denn schön sicher gfühlt. Bis denn nach de erste grosse welle euse retter mitem kayak übli problem ka het und sich ned het chöne befreie. Schlussendlich hend mir dä müsse rette wo eigentlich eus het müsse helfe. Ja, es isch zimli wild gsi. Viel schlimmer als bim erste mal. Eimal het er denn gseit dass bi de nächste passage kei regle befolgt werde söll. Wemmer über bord gheit söll mer eifach schnellstmöglich zum boot zruggcho!! Ermuetigend, mol. Es isch denn aber alles guet usecho. De eint het chli blüeted am chopf willer mitem kayak zeme prallt isch aber schlimms isch ned passiert. Ich glaub ich bliib da mis ganze lebe. Me verliebt sich i de ort weg de lüüt, de sache und em hostel. Stimmt eifach alles im moment!! Grüess vom cludi :)

#made with tumblr #gif

[cloudyontour]

Verzellrundi

Bin jetzt überme monet da z'südamerika und ich wür sege hami scho zimli ahpasst. Vor allem as esse. Han scho es wiili kei dünnpfiff me ka :) Bis jetzt laufts rund. Verdammt vill cooli lüüt hets. Schad dra isch, dassi vill nie meh wird gseh ... Cha ja ned all go bsueche. Und immer wieder triffi wieder paar woni vor 3 wuche kenneglernt han. Eini us tschechie hani scho 4 mal troffe (un- und absichtlich verstaht sich ;)) Zrugg zum esse: isch supergünstig. Han welle uf me märt da z'ecuador mit me dollar 3-4 banane poschte. Isch ned gange. Für ein dollar hetti de ganz struch mit 20 banane chöne ha. Aber das schaffi ja nie!! Aso hani mer denn für 2.50$ eh suppe, hauptgang, dessert und es getränk gönnt. Ich glaub da nimm sogar ich zue!! Was ich numme einigermasse cool find, isch d'ahzahl auge wo mich jede tag alueged. Wenni mal ned amne touri ort bin hani d'ufmerksamkeit vo jedem lebewese mit me funktionierende aug. Blond, hellhütig und attraktiv. Irgendwenn isch mer das denn unagnehm worde und han mi halt welle as alltags-verhalte ahpasse. Also: autos haltet bim fuessgänger ned ah. Das heisst sobald' e lucke zwüsched zwei strassespure gsehsch : los! Aber ned renne! Gemächlich laufe, will du us de langjährige erfahrig ja weisch dassd ned under dräder chunsch. Und das laufe muss usgseh wie wenn de james bond öpper verfolgt. Du weisch aso, dass schlussendlich am ziel achunsch, spillsch aber mit dim lebe. Ich bin aso scho paar mal zwüsched zwei nebedenand fahrende auto gstande, numme zum cool sie und echli weniger agluegt zwerde. Sobald die iheimische nämli gsehnd, dass du laufsch wie sie, stuuneds grad chli weniger. Oder umso meh. Zweite trick: ÖV: die büs da fahred scho ufnere bestimmte linie aber du weisch ned wenn. Eifach ane strass stah und winke sobald die richtig nummere chund. Denn istiige und 25 cent für egal wie lang zahle. So eifach ischs. E chli möchtegern-iheimisch si isch also zimli cool. Erstens fühlsch die vill meh verbunde mit nere stadt ( au wennd innerlich jedesmal denksch: bitte bus, halt ah; oder bitte auto, überfahr mich ned). Zweitens chund der denn die grossstadt gar nümm so hektisch vor. Die meiste wo mich agügsled sind neb de frau chlini chind. Die chömmed us em stuune amigs fasch ned use. Wow, so en geile siech, oder wow, ao wet ich au mal werde. Nei; spass beiseite. Uuh herzig. Paar seged es fröhlich ¡Hola!, paar sinds schüch mir numme id auge zluege. Angseh vo de lüüt und em esse isch au alles im grüene bereich. Für natur- und tierfreaks das paradies. Han selte es land gseh wod d'natur so fescht variiert wie z'peru. Strand, wüeschti, wälder, seeä und berge. Ja sogar schnee hets da une!! Und leon: überall wod aneluegsch en neue vogel. Ich han imfall scho villmeh gseh als du!! 😘 Jetzt döfi nomal en knappe monet da une verbringe bevor denn en cervelat oder zürigeschnetzlets dihei uf mich wartet. Es grüsst Claudio (Pizarro)

[cloudyontour]

Die 5 täg in mancora sind vill zschnell verbii gange. Wegem verträumte lebe oder wegem alkohol vergissisch ziit dete. Bin mit 2 underwegs gsi woni scho paar mal uf minere reis troffe han und han e super ziit ka. Surfe, mit schildchrötli schwümme und bim sunneundergang mit me cusqueña astosse. Loving Life 😍 Nachtlebe isch wortwörtlich umwerfend. Zersch im Loki Hostel langsam starte und denn direkt am strand 10 meter vom vo de welle empfernt zu de musik tanze. Au wenn vill salsa lauft - mit de ziit und paar becher hanis denn au in griff becho. Es isch halt chli schwer im sand 🙈 Jetzt bini z'cuenca. Natürli alles lüt vom Loki Mancora troffe. Isch e uu cooli, schöni, suuberi stadt aber mer hets i 1-2 täg gseh. A eim abig simmer go pizza esse. Wienis vo peru gwöhnt gsi bin sind die chline z'chli. Hammer denn e mittleri bstellt. Und siehe da - isch definitiv grösser gsi. Und wie!! Sie hend es nebetischli müsse ufstelle will d'pizza zgross gsi isch für de tisch und sie die grössi normalerwiis numme lifered. Oups.

[cloudyontour]

S'image vo Huaraz isch aso tatsächlich grettet. Unglaublich geili natur. Fasch so wie i de schwiiz!! Für die wo vor minere reis gseit hend, peru seg gföhrlich und ich muss unglaublich ufpasse: ihr hend recht. Aber ned weg de mensche. Weg dene scheiss hünd!! Zwei mal hani mitbecho wie paar meter vo mir empfernt öpper bisse worde isch. Ich selber bin bis jetzt zum glück numme verfolgt worde. Üner gfühlti 5 minute!! Und da i dem chline städtli hends halt leider kein impfstoff geg tollwuet. Also hend die zwei arme eh 7-stündigi fahrt uf lima müsse überstah bevor's d'nadle becho hend. Truurig aber wahr...

[cloudyontour]

Huaraz

Ufem weg richtig norde bini denn nomal für e nacht is gliche hostel in lima willis bi minere akunft so gnosse han. Obwohls numme für e churzi nacht gsi isch het sichs glohnt :). Will all vo Huaraz vertellt hend bini jetzt aso da. Ich bin aber entüscht. Ussert de wunderschöne wanderige het de ort glaub nüt z'büte. D'stadt gfallt mer bis jetzt gar ned und es het numme wenigi backpackers. Und die wo trotzdem da sind reded französisch ?! Hetti doch mal i de schuel besser ufpasst. Ich han aso für die nächschte zwei täg zwei wanderige buecht wo's image vo dere gegend rette sölled. Am 20. gahts denn uf Mancora, vorussichtlich mis letschte ziel in peru. Isch eh chlini stadt am strand mit super traveller, munklet mer. Freufreu 😍🎉

[cloudyontour]

Als 25-jährige afgan bini denn am 5 am morge dur de igang dunne in aguas calientes spaziert. Am 5.50 bini obe acho. Als eine vo de erste hani no d'rueh döfe gnüsse, bevor s'klick vo de japanische fotiapparät nümme z'übertöne gsi isch. Nene so schlimm ischs denn au ned gsi. Es het mi überascht wie lang mer dur das weltwunder cha laufe. Nach 2h stege uf stege ab hani immer wieder neus entdeckt. Amigs zerbröcklet, amigs perfekt gstaplet - die steikreatione hend mi fasziniert. Au wennis uf fotis scho tusigma gseh han, isch es mit de auge eifach nomal schöner. Die details, die kreativität, die wiit fortgschritteni gsellschaft i verschidnige bereich - mer chund nümm usem stuune use. Drum ischs au so schnell verbii gange. Jetzt hocki scho wieder im gliche hostel und wünsch mi zrugg uf machu picchu.

[cloudyontour]

Mit me brit und me östricher woni vo lima kenne hani mi denn in cusco troffe, zum cuy z'esse. Cuy wird i dütschsprachige länder meerschweinli gnennt. Ganzi 70 minute hemmer müsse warte bis mers grillierte tier hend chöne bestuune. Für fotis isches denn schön agrichtet worde. Nachher hendses nomal id chuchi bracht und denn 'essbar gmacht'. Vom gschmack her ischs wie poulet, eifach chli fader. Leider hets aber fasch numme huut um d'chnoche und isch mit em stolze priis vo umgrechnet 20.- doch no tür für da une. Aber es isch e gueti erfahrig gsi, mal e chli anders fleisch verdaue z'döfe. Am nächschte tag het denn de 4-tägig jungle trek uf machu picchu agfange. Am 1. tag isch bike und river rafte ufem programm gstande. Dur strömende rägä simmer denn durabdüsed. S'rafte isch denn chli geiler gsi. Bi paarne stelle ischs zimli gföhrlich worde, und so bini halt au mal vom bötli gschlüderet worde. Nach dem astrengende tag ischs denn früeh is bett gange willmer am tag 2 ganzi 7 stunde abem 4:30 am morge hend müsse wandere. Dassmer eus au chli iheimisch gfühlt hend, hemmer denn au no gsichtsbemalige becho. Erholt hemmer eus denn i de baños termales. Tag 3 het zip lining beinhaltet. Frei wie en vogel schwebsch det sanft dur dluft bevor's der wegen stopper fasch all organ useriist. Jetzt ligi da im bett, umgebe vo spinne und mugge, und warte druf bis es 3:30 am morge schlaht und ich mich uf de weg zum weltwunder mach...