elmirabadalsoy

[elmirabadalsoy]

İndi deyirsən ki, günah səndədir,

Günahı boynuma alıb gedirəm.

Mən axı, nəyini sevmişdim sənin?

Düşünə-düşünə dalıb gedirəm...

Bir ovuc kül idin, ocağın oldum,

Üşüyən ruhunun qucağı oldum,

Ömrünün ən şirin, xoş çağı oldum,

Özüm öz qədrimi bilib gedirəm...

Gəlmişdin üstümə dərdlə, kədərlə,

Dedim insandır da, tutdum min əllə,

Hardan biləydim ki, bu "məsum" üzlə,

Nələr gizlədibsən, duyub gedirəm...

Günəşim sanmışdım baxışlarını,

Sonradan öyrəndim "naxışlarını",

Ağlayan sevgimin göz yaşlarını,

Peşman qollarıma silib gedirəm...

Arzular böyütdüm, baxıb görmədin,

Başıma tac etdim, dəyər bilmədin,

Tanıdım...Utandım...Sənsə ölmədin,

İçimdə min dəfə ölüb gedirəm...

‘Şamil Ənvəroğlu

[elmirabadalsoy]

Heç bildinmi, səndən nələr çəkdi can?

Dərdlərindən bildin necə çökdü can?

Bir dənəydi, elə bildin çoxdu can?

Vicdanında qanım qalsa, incimə.

Yurdum-yuvam oldu hara?-Bilməsən,

Ürəyimi bir də qıra bilməsən,

Məzarıma yaxın dura bilməsən

Məni cahan yola salsa, incimə.

Kar qəlbini daha necə səsləyim?

Sevgidənsə bəlkə nifrət bəsləyim?

Daş ürəklim, can çürüdən tərsliyin,

Məni səndən vaxtsız alsa, incimə….

‘Vahid Əziz

[elmirabadalsoy]

Hər gülən üzdə ölüm, qan görürəm,

Pək yaxın dostları düşman görürəm.

Yurdu sarmış qabalıq, yaltaqlıq,

Yüksəliş varsa, səbəb alçaqlıq…

‘Hüseyn Cavid

[elmirabadalsoy]

Kırdılar seni, üzdüler evet

Böldüler de böldüler parçalarına.

Bildiler seni kendilerince,

Sevdilerde, sövdülerde

Ne yapsaydılar?

Uslanmadın ki, sen de, bir durmadın ki.

Sen dursan için koşuyor, bir nefes almadın ki.

Yazdın hecelerce,

Günler, gecelerce.

Anlamazlar, aşk yanmaktır,

Ateşte ömürlerce

Olmadı, olmadı asi kuşum,

Nafile bu duruşun,

Kendini hep vuruşun.

‘Sezen

[elmirabadalsoy]

Ölüm sevinməsin qoy! Ömrünü vermir bada!

El qədrini canından daha əziz bilənlər,

Şirin bir xatirətək qalacaqdır dünyada

Sevərək yaşayanlar, sevilərək ölənlər.

‘S.Vurğun

[elmirabadalsoy]

Bir yalan gülüşlə örtdüm üzümü,

gizləndim üzümün astar üzündə.

Neçə dost üzünə sürtdüm üzümü,

qaldı gözüm yaşı dostlar üzündə.

Çox dedim, ölərəm,

qorxan olmadı,

Çevrilib dalımca baxan olmadı,

Getdim,

o dünyaya dəydim, qayıtdım,

Getdim,

qapısını döydüm, qayıtdım,

Gülə-gülə çıxdım dostlar üzünə.

‘R.Rövşən

[elmirabadalsoy]

Bir dostum arxam olmadı,

Mənsiz darıxan olmadı.

Ha yandım baxan olmadı,

İndi yox külümdən əziz.

‘R.Rövşən

[elmirabadalsoy]

Mən bu Allahsız ölkədə

Azmışam yolu bəlkə də.

Hansı dalanda, döngədə,

Hansı tində tapım səni?

Bilmirəm necəsən, necə?

Bilmirəm bəlkə bu gecə

Sən idin qapımdan keçən

Tanımadı qapım səni...

‘R.Rövşən

[elmirabadalsoy]

Gözünü yum qorxma birazdan bitəcək səslər

Küsmə taleyindən o heçnəyi etmir qəsdən

‘Orkhan Zeynallı

[elmirabadalsoy]

Mənim dalğalarım xatirələrdir,

Orda tufan da var, burulğan da var.

Dənizəm, eşqimdən qaçmaq hədərdir,

Mən ki, adlayıram çölü, çəməni.

Mənim dalğalarım, xatirələrdir,

Gecə də, gündüz də tapacaq səni.

‘Nəbi Xəzri

[elmirabadalsoy]

Heç kim səndən biri deyil, hər kəs özgədir

Və illər ötüb keçdi, kül oldum altında közlərin

Gözlərim yolunda qaldı, yox dəvası özləmin

Ən çox özüm üçün darıxıram, inan, boşdur özgəsi

‘M. Əhmədov

[elmirabadalsoy]

Ağlamaq üçün bir səbəbim yoxdur,

Sevincdən havalara uçmaq üçün də,

Amma susmaq üçün çox səbəbim var.

[elmirabadalsoy]

Təkcə gücsüzlüyündən yıxılmır, atam balası,

Arabir gücündən yıxılır adam.

Başını dik tutub gəzdiyi yerdə

içindən yıxılır adam.

İllər boyu neçə dərdə

dözüb dayanır,

Qəfil sevincindən yıxılır adam.

‘R.Rövşən

[elmirabadalsoy]

Yenə əlimdə parçalanır ümid

Yenə dənizimə büründü dumanlar

Yenə yalanlar, yenə yalanlar...

‘qaraqan

[elmirabadalsoy]

Deyirdin, baharda görüşərik biz,

Bahar gəldi, getdi, sən gəlməz oldun.

Daşlaramı dəydi, sındı əhdimiz?

Aylar gəldi, getdi, sən gəlməz oldun.

M.Gülgün

[elmirabadalsoy]

Qaçdım məni sevən gözlərdən daha,

Hamının sevgisi gözündə qalsın.

Ev tikən deyiləm sözlərdən daha,

Qoy hamı o çölün düzündə qalsın.

‘R. Rövşən

[elmirabadalsoy]

İlahi, səndən də sındı ürəyim,

Məni küsdürənin yekəsi sənsən.

Dünyanın ən uzaq… ələ gəlməyən,

Boğazdan keçməyən tikəsi sənsən.

‘R.Rövşən