hendaly

[hendaly]

كسروا حبك بكلمة ولا بفعل ؟! ..

جم عليك جااامد مش كدا ؟! ، طبعا السؤال اللي تاعبك ومفرتك دماغك أكتر من وجع قلبك هو .. طب ليه ؟ عملت ايه ؟ ..

الإجابة بإختصار هي أنك كنت شايفهم بعيون مشاعرك، دا اللي انت عملته وعاملتهم على اساسه .. أنت معملتش حاجة وهما متغيروش، أنت بس فتحت من وجعك .. مبروك

[hendaly]

ليه الإنسان بيفضل يزعل على نفس الحاجة كل شوية بجد!! يعني كل الأمور واضحة، الرفض واضح ومُتكرر كمان ومفيش حتى نسبة أقل من ال ١٪ إن يبقى في أمل أو إن الأمور تبقى ف صالحه فجأة

ومع إنه عارف ومُدرِك إن لو الأمور اتبدلت وبقت ف صالحه، هو مش هيستحمل ده ومش هيبقى قد مسؤوليته فا ليه الزعل بقى؟

الإنسان حقيقي مُتقبل الرفض ومحترمه لكن ف نفس الوقت متضايق منه، طب إزاي؟ إزاي تبقى مُتقبل حاجة ومُدرك إن مش معناها أي إهانة ليك لكن ف نفس الوقت زعلان بسببها؟ حاجة غير منطقية بالمرة!

للأسف معظم الوقت غرور الإنسان بيدفعه لمُطاردة الشخص اللي رفضه عشان يقبله وأول ما يقبله، هيحس إنه فاز ف تحدي كبير اوي وأثبت إن لا يمكن رفضه وعادي ممكن بعدها يسيب الشخص ده أصلاً!

حقيقي بحاول مقعش فريسة لفكرة زي دي، بحاول أتعامل عادي وأتجاهل اللي فات وكإننا لسه بنعرف بعض من أول وجديد، أحياناً بلاقي ده جايب نتيجة وأحياناً للأسف بحس إني ممكن أقع ف حتة عدم تقبُل الرفض دي

بجد مش حابة إن ده يحصل، مش بس عشان مأذيهوش لكن عشان كمان ملاقيش نفسي اتحولت فجأة لشخص سيئ لإن ده هيعود عليا بالسوء وهيخليني أنشُر أذايا عند أشخاص تانيين فيما بعد

أتمنى حقيقي إني أصحى ف يوم من الأيام -قريب- وألاقي كل مشاعري ناحيته وكل رغباتي ف المحاولة معاه من تاني دابو خالص وبقيت شايفاه مجرد شخص عادي بحب وجوده وبحب التعامُل معاه وبس ..

[hendaly]

[hendaly]

أنتم اللي بتحطوا شروط للانبساط والسعادة .. لازم تلبس كذا عشان تفرح .. لازم تعمل كذا عشان تفرح .. ولو قولت لا او اعترضت يقولوا عليك كئيب .. ولكن الموضوع أبسط من كده .. وهو إني محطش شرط للإنبساط .. ودي مش كآبة ولكن ده تبسيط الانبساط .. بسيطة :)

محمد صالح || مُذكرات مجهول ٩٧

[hendaly]

- يعني إنتى عايزة تفهمني إن...

— يا عم والله أنا ما عايزة أفهمك حاجة أنا عايزك تسكت خالص

[hendaly]

[hendaly]

[hendaly]

"you will find your Person, your dream, your passion.. sometimes it may confuse you because they’re not shiny like a movie the way you imagined, but you’ll know by the calm they bring."

كل اللي طلبناه من ربنا هايجي.. لكن مش شرط يكون زي اللي في مخليتنا بالظبط.. ممكن يكون أفضل.. وممكن يكون أنسب.. وممكن يكون بشكل مختلف.

الحُب اللي كان نفسك فيه هاتلاقيه.. لكن مش بالشكل اللي انت كنت متصوره.. ممكن تلاقيه في حتة تانية.. مع شخص ماكنتش تتخيل انه يكون معاه.. وباحساس انت ماكنتش فاكر انك هاتحس.. هايحصل بس بسيناريوهات مختلفة تماماً.. لكن تأكد أنها لايقه عليك اكتر.

هاتلاقي الشخص اللي كان نفسك تقابله.. مش شرط اول ما تلاقيه تعرفه.. ومش شرط تكون متأكد انه هو ده مية في المية من أول نظرة.. ومش شرط يكون شخص بيلمع اوي ومبهر.. ومش لازم يكون حُب باين اوي وتحسه في كل حاجة.. لكن هاتلاقي نفسك بتتبسط وبتسلّمله قلبك وحياتك شوية شوية.. وانت راضي ومبسوط.

هاتحقق حلمك.. وهاتشتغل في المكان اللي نفسك فيه.. بس ممكن مايكنش بنفس خطتك.. ومش زي ما انت تخيلت.. ومش في المكان اللي انت فاكر ان هو ده مكانك اللي لايقلك.

حقك هايجيلك.. والتعويض عن الحاجات الوحشة اللي حصلتلك هاتلاقيه.. لكن مش هاتعرف ده صراحةً كدة وبعلامات واضحة.. ممكن مايبانش خالص.. وممكن انت ماتعرفش ده غير بعد وقت طويل.. وبردو مش هايكون بنفس تخيلاتك.. هايكون بطريقة أنسب عشان ترتاح.

هاتعمل كل الحاجات اللي كان نفسك تعملها.. وهاتحس كل حاجة كان نفسك تحسها.. لكن بالطريقة اللي ربنا اختارها.. ليه؟ لأنه يعلم وانت لا تعلم.. ولأنه أقرب اليك من نفسك.. وعارف ازاي يريحك ويرضيك.. ولأنه مبدع.. ويقدر يخلق سيناريوهات مبهرة تخليك متنح من كتر الفرحة.. وتتعجب لدوران الزمن وغرابته وازاي كل حاجة حصلت كانت حاصلة بس عشانك.

ممكن كل الحاجات دي تحصل بطرق هادية ومش صاخبة ولا منوّرة اوي.. لكن انت ساعتها هاتعرف.. وهاتتأكد انها حصل.. بسبب الهدوء والراحة والرضا والسلام النفسي اللي هاتسببه جواك. :))

-تسنيم عبد الله

[hendaly]

[hendaly]

‏"جاور من يؤمنون بك، من يعطونك قيمتك، ويعززّون من قدرك، من يخلقون ألف سببٍ لِلحديث معك، من يغزلون خيوط الوِدّ من أجلك ."

[hendaly]

" ‏لم أهب أحدًا الودادَ بعبَث، كنتُ أنتقيهم انتقاءً ، حياتي ليست محطةً ولن تكون، ستبقى دوائِري مقدسةً وشائِكة، وجميع الذين نفيتهم مِن صروحي لن أسمح لهم بالعودة وإن تفاقمت المحبّة واتّسع الفقد واستفحل الاشتياق، لن أسمح لهُم بالدخول مجددًا وإن نهَشتني رغباتي الساذجة ."

— ديجور

[hendaly]

[hendaly]

‏"ما من إهانة أكثر قسوة توجهها لإنسان من رفضك التصديق بأنه يعاني."

[hendaly]

[hendaly]

خالف هواك، فإنَّ الهوى يقود النّفسَ إلى ما يُعاب.

[hendaly]

[hendaly]

فلتكُن بشكلٍ لائق 🖤