lrmakii

[lrmakii]

اتذكر تالي الوقت واتحسب على الايام

كيف مشت وابعدت قلبٍ عن محبه

من ماضي العام وهالقلب ضايع بهالظلام

يدور عن شمعتٍ تضوي لها دربـه

ياشمعت الدرب وكل الدروب واول السنام

هالقلب فاقد(ن) محياك يادواه وطبه

اقول ليت … وليت يفيد الشعر والكلام

وتقرا اشعاري وتعرف هالقلب وحبه

م.خ✍🏼

[lrmakii]

امطرت نجد و لا امطرت سماي

و وش هو مطر سماي غير وصالك

امطر على سماء حبي واترك جفاي

مالله زرع بهالقلب الا مَحيا لك

وان بديت بـ محياك ماني واصلٍ منتهاي

عين الـ رّيما ورمش الريم جمعهم جمالك

اخفي عن العرب شوقي واعلن في خفاي

وخوفي ياخذونك من يديا وانت ساهيٍ بالك

م.خ✍🏼

[lrmakii]

ابتدا عام .. وعيني لـ عينك سهيره

تمد لك يمناي .. وتردّها بـ سهام

تطعني سهامك جروحٍ ماهي يسيره

واداوي يمناي بوسط زحمة الظلام

من تالي سهامك جتني غيومٍ مطيره

قلت عسى بها تردّك تالي لـ حلو الايام

رفرف ياطير وصل سلامي لـ طيره

يمكن يوصله سلامي عقب الكلام

م.خ✍🏼

[lrmakii]

لجل عيونك يديني بدت تكتب اشعار

ولجل محياك ماعدت اشوف هالبشر

من عقبك بيني وبين الناس جدار

ومعك حتى لو اني شايف بـ عيونك الشر

هالقلب باغيٍ محياك يا لافتة الانظار

مال احد(ن) لايمٍ فيه ياجوهر الزهر

يا خاليٍ من العذاريب ياناعم العذار

بكتب فيك اول واخر قصيدي وكل الشعر

م.خ✍🏼

[lrmakii]

ما الوم العرب يوم ثارو حواليك

‏شافو بك كل زينٍ من الطبوع

‏محيّا لا ضحك ينور عتمة لياليك

‏و لا بكى سالت الدنيا دمـوع

متعبٍ فيني الشوق من تاليك

لا ني قادر اماسكه ولا راضيٍ يطوع

دنياي ما هي دنيا من عقب زواليك

تعال وارجع ازرع ارضك بين هالضلوع

م.خ✍🏼

[lrmakii]

يازين زمانٍ معك فيه انا مسفهلّي

زمانٍ فيه عني تعوف الصدّه

والحين وينك و وين الزمان اللّي

ماظني ولا ظنيت له ردّه

ولّى هالزمن .. وليت اوراقك معه تولّي

اطوي هالاوراق وترفض اللّده

اوراقك عيّت من بالي تغيب يا خلّي

مرسوم(ن) بها محياك ولا ني ندّه

م.خ✍🏼

[lrmakii]

هب الهبوب وابتدا شتاء العشاق

وانا من عقبك مابغيت احدٍ سراجي

كلٍ مع من بغى وانا شوقي لك فاق

من اني اوصفه او اكتبه لك يا احتياجي

انا اللي كل ما صدري ضاق

تأملت محياك و فلّ حجاجي

هلّ مثل ماهب الهبوب مشتاق

وانا مشتاق ياطريقي و منهاجي

م.خ✍🏼

[lrmakii]

راودتني حتى باللاحلام

وش خليت لـ ليلي ونهاري ؟

مابقى احدٍ عنك ما لام

و انا ثابتٍ على اختياري

اتعبتني وانا طول ال قيام

اتذكر محياك وانت منتب داري

لو تتعبني ولو اصبر اعوام

بـ احتريك لين ترجع مثل تالي لـ مساري

م.خ✍🏼

[lrmakii]

يا الهبوب البارد بالله لا تبطي علي

مشتاق اشعل نارٍ فـي شـتـاك

مشتاق اصوّت لـ نارٍ اقول اشعلي

ياشتاء مشتاق لا ترد من بغــاك

م.خ✍🏼

[lrmakii]

يابنت ما للمشاعر غد

القلب عاصي وماوده

عشقت يوم الهوى من جد

و زهدت يوم الهوى لده

علمني الجرح كيف اصد

وصديت والصده الصده

[lrmakii]

انت سبب جروحي لكن لا باس

غايب عني و اسال نفسي متى تمر

ظنك غيابك حرك بـ حبك ساس ؟

لا والله .. صرت احبك اكثر قطرات المطر

من بعد غيابك ماصرت اشوف هالناس

ومن يشوف للنجوم و عـيونه للـقمر

سالوني عن حبك قلت بلا مقياس

انلام ؟ وليه انلام ! ومحيّاك عن كل بدر

م.خ✍🏼

[lrmakii]

وان سالت لسان حالي عن همه ومسعاه

رد لك .. ياشبيه الـ رّيما انت ما بغيت

وان شـافك كل البشر والافكار تــسـلاه

مايعود فـ بالي غيرك انت حتى لو اخفيت

تعال واسال هالقلب وش هو اللي تمناه

بـ يرد لك .. وصالك من عقب ما مشيت

ياروح الروح هالقلب مشتاق لا تطوّل في جفاه

مشتاق لـ محياك وعيونك وصوتك لا حكيت

م.خ✍🏼

[lrmakii]

رحت عني وحاولت اماسك شوقي عن حده

خبت وانتظرتك تبطي عن جفاي

صديت .. وحاولت اقوى على الصده

قويت بالعلن وعجزت في خفاي

تحسب ان طالت الايام والمـده

بتغيب عن بالي وتختفي من فـضاي

لا والله قلبي بـ يبقى على عــهـده

معك دايم و لو حبك سموم فـ دماي

م.خ✍🏼

[lrmakii]

كل ما مر طاريك فزّ لك قلبي

وليه الومه وانت شاغل كل يومه

شف تالي الايام وش سوّن بي

زادت على قلبٍ يحبك هـمـومــه

كل ما ابي امطر على سماك حبي

قلبي يمسك مكابرته ويسحب غيومه

مشتاق وانتظرك تـهـيّا على دربي

وهـذي نهاية قصيدي وهذا ختومه

م.خ✍🏼

[lrmakii]

انتظر جيتك تبّري لي جروحي

تبّري كل جرحٍ راح وكل جرح جاي

هذا انت بعيد وساويتك بـ روحي

وشلـون لا جيـت يابعد كل رجـايـاي

م.خ✍🏼

[lrmakii]

‏غيرك مات ولا لقى مني وصال

‏القلب يحبك و ميتٍ فيك

‏بس عارف انه مو على البال

‏ياحسرة قلبٍ ميت يبيك

م.خ✍🏼

[lrmakii]

الله رازقـه حـسـن مـحـيّـا

مـتيّـم بـه و لـه مـلهـوف

مـعي بـالرخا و لــي دوا

ويـا مـحاسن هالصـدوف

هو اللي عن الماضي محا

وعن الحاضر بدا الحروف

ياللي كل نـقصٍ عنك زها

انـا بدونك والله بـخـــوف

م.خ✍🏼