m-a-l-a-a-z

[m-a-l-a-a-z]

أكتر حاجة محسساني إن عندي ترومبا الفترة دي إنه أي حد بيشوفني بيقولي انتي خسيتي اووي ومؤخرا الناس الغلسة بتاعت وشك بيل اوي ولبنى بتقولي وشك بقا اد السمسمة بس بردو أنا ببص في المرايا بحس إني مرات سيد قشطة

[m-a-l-a-a-z]

أنا آثرت نشر الغسيل في شمس للضهرية على النزول للمحاضرة وأخد الأتندنس

الحياة فرص

[m-a-l-a-a-z]

ما تدوا الولية دي أجازة بدأت تخرف اوي

من شوية كنت هصلي الوتر

بعد الضهر

قال لك قلة تركيز قال

[m-a-l-a-a-z]

ومن شوية بسأل حد معه شاحن tibc

هعهعهع

من شوية كنت هصلي الوتر

بعد الضهر

قال لك قلة تركيز قال

[m-a-l-a-a-z]

من شوية كنت هصلي الوتر

بعد الضهر

قال لك قلة تركيز قال

[m-a-l-a-a-z]

الاسبوع دا شغالة روتشنال ولا كأني في فودافون والله

الست أيام بالظبط كدا ليل صبح ليل صبح ليل صبح

سلم لي على الساعة البيولوجية

المشكلة إن بيكون عندي مقاومة لفكرة الصحيان، مبقتش عايزة أصحى

[m-a-l-a-a-z]

كان هيجيني هارط اتاك من شوية لما فتحت الشنطة لقيت ازازتي فيها وكل دا وانا بشرب من الازازة الي الاوفيس كله بيشرب منها

[m-a-l-a-a-z]

لما حد يقولي عاملة ايه فالشغل بقول اهو الحمد لله بين مرضى حقيقين بيقطعوا لي قلبي، ومرضى نفسيين بيكرهوني في عيشتي، واهي ماشية

🚶

ماشية رايحة فين

يا ضحى

تعالي بس

هقولك

[m-a-l-a-a-z]

المديرة بتكدر زميلتنا علشان الاجازة، وعمالة أقولها هوي لها واعملي الي عايزاه بس خليكي ذوق

ويارب أقدر أهوي لها أنا لما أضطر لكدا ومقعدش أشد معاها زي كل مرة

مصلحة الشغل أهم من مصلحتك يا عبودة

خليكي شمعة تحترق من أجل صحة وسلامة المرضى

[m-a-l-a-a-z]

صباح الخير.

بلاش كل ماتشوف حد تعبان وحزين تقوله انت ليه مش راضي، انت بعيد عن ربنا، انت مش مِسلم أمرك لله!

النبي ﷺ كان حزين حُزن شديد على زوجته السيدة خديجة رضي الله عنها وعلى عمه أبو طالب، وعلى ابنه إبراهيم، وقال ﷺ : " إن العين لتدمع وإن القلب ليحزن وإنا على فراقك يا إبراهيم لمحزونون".

ممكن يبئا في حد راضي بقضاء الله عز وجل ومؤمن جدًا إن ربنا كاتبله الخير بس يبئا تعبان أو حزين أو مُجهد من كتر التخبطات والصدمات اللي شافها في حياته!

الحُزن ملوش علاقة بالرضى ولا بالإيمان، فـ متحملوش الناس فوق طاقتها.

[m-a-l-a-a-z]

هممم

سبحان الله كل المواقف الحاصلة الفترة دي بتثبت لي قلة حيلتي، واختبار صعب لصبري

الواحد مش شرط يكون مستأنس ومنتظر الفرج بالبشارة والتفاؤل، في وجه تاني بردو، أو دا خاص بي بس، أنا منتظرة الفرج وقلبي مكتوم، منتظرة له متنفس وترويحة، التفاؤل مهمة صعبة، وحسن الظن والثقة في حكمة ربنا وتدبيره محتاج صبر وجهاد كبير وتدريب للنفس على كدا مطلعتش سهلة

علشان كدا الناس لما بتتعب بتختار ال ايزي واي، بتفكس لكل حاجة، يارب قويني وموصلش لكدا

وسبحان الله بردو بقيت مستحضرة فتنة الدنيا فكل وأي حاجة، مش شرط ابقا بسمع أغاني ولا في علاقة محرمة ولا الأكشن دا خالص، الابتلاءات ممكن تكون موجودة في أي حاجة عادية بس مش عادية

[m-a-l-a-a-z]

كنت هاخد صورة لكوباية القهوة الي عملتها لما وصلت وأقول

كل الشكر يا حبيبتي وأقعد أزيط

بس الحقيقة مش عاملة حاجة والصداع ايقونك النهاردا

[m-a-l-a-a-z]

زمان كان الواحد يخلص فاينل عملي من هنا يطلع عالكشك يشتري حاجة حلوة ويروح ياخد اليوم أجازة وينام

مسم

[m-a-l-a-a-z]

"فكريني أخد كب اليورن أعمل ريفل شاي وقهوة"

[m-a-l-a-a-z]

وانا بفتح تمبلر كل شوية بقيت أشوف تعبير الوجه دا😂

أو حد مبوز وبيقول اهي جت تاني بحواراتها

دا لما ميفضلش حد تصعب علي نفسي منه بقا هتجه للابس 😂

[m-a-l-a-a-z]

كنت بسطر بالبطاقة في امتحان النهاردا

يا بنتي ما تاخدي مسطرة بقا

المهم الامتحان الحمد لله كان كويس وكنت بنام عالسبوتس اكتر من دقيقة عادي وقعدنا نكمل براحتنا، وبعد ما خلصت قولتلها هبص بصة على سلايد خمسة وقالتلي قومي، كدا بسهولة كدا؟

من اعتاد القلق ظن الطمأنينة فخ بجد والله 😂

اومال كانوا أشرار ليه في الاندر وجابوا للواحد ترومبا

مسم

[m-a-l-a-a-z]

في بيشنت كنت شوفتها من سنة كدا وكانت في الدفعة الأولى للبناء وأنا في الرابعة وكانت مشجعاني اوي

دلوقتي أنا وهي في الخامسة 🚶

حسيت بخيبة أمل سيكا كدا وأنا بقولها يااه اتخرجتي خلاص وبتقولي لا تعبت واعتذرت عن الامتحان ودلوقتي في الخامسة

قولتلها وأنا مدخلتش الامتحان بردو عشان كنت بمتحن فاينل

وحطيت خيبتها على خيبتي