الثقه فى الله والتسليم لامر الله مش اي حد يقدر يوصله ، وربما لو وصلتله لحظات فى حياتك فى موقف ما او ايام ما تتمنى ربنا يديم عليك حلاوة الاحساس دا وربما دا جزء من الاحساس بالايمان وحلاوة الايمان فى قلبك ، بيوصلك سكينه وهدوء ربما لا تصل لها الا بالتسليم المطلق لكل حياتك وامورك وتفاصيلك لله وحده وماعليك الا الاسباب وتكون مؤمن انه هو المسبب سبحانه وتعالى فدعيه بيقين انه على كل شئ قدير فيقدر يقلب موازين الكون كلها عشانك
انا من الناس اللى بتعانى من العصبيه فى اوقات معينه زى ان حد يستفزهم بطريقه ما بقصد او غير قصد ، فبكون سريع الانفعال حتى ل الموقف من نفس الشخص اتكرر فبتعصب تانى ، كنت احيانا بتعصب بسبب كتر الضغوط والمشاكل اللى بتيجى كمان فى وسط الضغوط
وبالمناسبه اكتر سبب للعصبيه هى الضغوط والتوتر ..
مؤخرا قررت -واتمنى رينا يديم نعمته يعنى ويقدرنى - انى اكون هادى ، وهى جات من ربنا ، اخترت مواقف معينه كدا زي فلان وفلان مش هتعصب معاهم مهما حصل
اللى ساعدنى انى اعمل كدا هي حاله الهدوء ، قاومت كل اسباب التوتر جوا دماغى ، اخترت مواقف معينه بتضغطنى زي قلة الشغل او ابويا وامى وتعبهم مثلا واتكلمت مع نفسى فيهم ، والحمدلله قدرت اكون هادى فعلا فى مواقف كتير مكنتش ببقى كدا ، وصلت لحاله من التسليم لله كدا حلوه اتمنى تدوم والله وربنا يكرمنى بيها دايما ويكرمكم
الهدوء سلاح عظيم ،جرب تبقى هادى فى مشكله لو حصلت بتعصبك جدا ، هتحس انك قوى ومتحكم فى زمام الامور ، العصبيه كانت بتخلينى ضعيف تماما تماما ، الهدوء مخلينى بفكر احسن وبترتيب وبحكمه وبعرف اتكلم وارد وفيه نوعا ما سرعة بديهه ورد فعل مع اللى بيحصل ، حتى فى غز المشاكل يخليك متحكم نوعا ما بالامور فى نطاق امكانياتك ،،
بسبب كل دا واكتر افتكرت ليه صديق ليا زمان كان دايما بيقولى الهدوء من اعظم الاشياء لازم نسعى اننا نوصله ونحافظ عليه مهما حصل ومهما اتكلفت الامور وفعلا عنده حق جدا ..
السَكِينة ، معنى لو تدبرناه هندعى بيه ليا نهار ، ان تسكن وتسكن معك روحك ونفسك فى كل موقف وكل لحظه .. فى كل شدة وضعف فى كل ضغط وتسارع للاحداث ان تسكن دائما وبنزل عليك وعلى روحك بردا وسلاما دائما فلا خوف ولا جزع ولا توتر وضربات قلب متسارع وهلع وفزع ..
وإنما الدنيا مخلوقٌ من مخلوقات الله. خلقها بحكمته لعِلة وأجل. وهي وإذ تنفذ أمر ربها فيّ، وإذ تغالبني بالسخط والحيرة والفتنة والألم، أحاول دائما تذكيري بالمسافة بين طبيعتها هي، وطبيعة خالقها.. فإني وقد أراها أحيانا ناقصة، وظالمة، وسوداوية، أرى الله دوما على أنه الحق المُطلق، كُلي العدالة والخيرية. ومن تمام عدله أن خلق معها الآخرة؛ تبيانا لها وإكمالا.. ومن طبيعتها إذن الغموض والخديعة والنقصان. ومن طبيعتي أنا العجَل والضعف والجزع مما لم أحط به خُبرا.. أقول: وهنا بالتحديد الاختبار. وما أرى النجاة إلا في التسليم.. وأدعو -وإذ هي تغمرني بما فيها من المحن والغوامِض- أن لو لم يكتب الله لي أن أهتدي فيها إلى الإجابات، أن يرزقني من اليقين ما يُعينني عليها، إلى حين لُقياه بعدها.
شكرا للناس الحلوه اللى بسبب كلامهم او قعده معاهم بنكون واثقين فى نفسنا وفى اننا ماشيين صح وبنفكر صح ، شكرا ليهم انهم خلونا نواجه المشتتات وتاثير المجتمع السلبى علينا بشكل اسهل وسلس ودا لو تعلمون عظيم ،الحمدلله انه بيوقف الناس دي فى الطريق كأن معاهم النور اللى بيوجهوه للطريق فيقولولنا انتو صح كملو ولو غلطنا يوجهونا من تانى للصح
15 notes ·
View notes
Statistics
We looked inside some of the posts by
mohamedyoussef1
and here's what we found interesting.
Average Info
Notes Per Post
497
Likes Per Post
424
Reblog Per Post
72
Reply Per Post
1
Time Between Posts
5 hours
Number of Posts By Type
Text
17
Explore Tagged Posts
Fun Fact
Tumblr has been banned in Indonesia for providing people with access to pornographic content.