sakr223

[sakr223]

أنا حاسس . لأ انا متأكد إن كلنا هنفضل نقول: لا أنا مش هتجوز بدري ، لا أنا مش هعمل فرح تقليدي، لا أنا مش هعمل فرح وهاخدها وأسافر في اي حته او نعمل عُمره ، لكن في الآخر هترسي على جوازة صالونات مع حد ما نعرفوش، وفرح في قاعة الزهور جمعين كل الناس اللي ما ببنقبلهاش عشان ياكلوا ببلاش ويتريقوا علينا، وأصيع حاجة هنعملها مثلا إننا نجيب فوتوجرافر غالي ونتصور صور روشة.

كمية صحابي اللي كانوا بيقولوا بكل شموخ وثقة عمرنا ما هنتجوز بدري، بيتساقطوا نفر ورا التاني، شباب زي الورد يروحوا كده؟

والله عيب علينا 😂

[sakr223]

“‏حسناً .. إنها ليست من الأيّام التي يمكن التصالح معها أو تجاهلها، ولا يمكنك أن تقول أنك بخير، إنّك تعرف جيّدًا أنّك تتآكل من الداخل، بشكل مخيف ومتسارع، وأنك ربما لو سقطت هذه المرة.. ستسقط دفعة واحدة.”

[sakr223]

“أول فنجان قهوة صباحى بعد رمضان ، يفتقد بعضا من مذاقه ، و كأنى ألتقيها لأول مرة و أتعرف عليها من جديد ، فى بعض المنع أحيانا لذة الأشتياق و أحيانا شعور بالأغتراب !”

[sakr223]

" ملخص الرحلة " البعد عن ربنا مذله ،، الرحلة مش بتستنى حد ،، الوحدة تحلى بالكتب ،، والكتب مش هتخليك مثالى ،، الأكتئاب ڤيولين حزين ،، الرقص حرية ،، والمشى تفكير ،، الرقص علاج الحزن ،، المزيكا زي الدم بتمشي فـ كل عروق جسمك ،، مش شرط تكون بتحب عشان تكتب عن الحب ،، الصرمحه محتاجة صحبة ،، و الصحبة محتاجة مجال ،، البنت حلوة فـ كل تفاصيلها فـ ضحكتها فـ عيونها وشعرها ،، حضن المصرية أحسن حضن فالكون تقدر ترمى فيه كل تعبك ،، الروايات و المزيكا و الافلام و الصور و التراكات هم اللى باقين ،، الوطن يتحب بس الأوساخ كتر فيه ، البكي علي الحال مر ،، القعدة علي الرصيف بقت بيت تانى،، قعدة القهوة البلدى مليانة دفا ،، مش كل الولاد بتفكر ف نوم ع السرير ،، حرية البنت مش فـ قص شعرها ،، حرية البنت ف قدرتها إنها تقول لا ،، البعيد دايماً أحلى ،، القرب بيبوظ حاجات كتير ،، سطحوا العلاقات ،، واحافظوا علي المسافات ،، المسافات مبترحمش حد ،، الأيام المنسيه و الكلام المحبوس و الناس اللي بعدوا ،، الكلام اللي مطلعش وقت مكان لازم يطلع ،، الكلام اللي داب جواك وبقى عبارة عن سكات ،، الحاجات القديمة ، والوجع اللي موشوم جوانا ،، ماتطفيش نور الاباجورة ،، القعدة علي الأرض رخمة بس بتهدى النقاشات اللي بتدخلك فـ بعض الحاجات ،، السف ضعف ،، العشوئيات جميلة ،، المدعين اوسخ كائنات أنجبيتها البشرية ، أمك قلبها كبير وتستاهل تتحضن ،، أبوك اجدع راجل فالكون ،، مسكة الايد بتطمن و الحضن بيحتويك ،، البنت القصيرة تتحب والبنت اللي دمها خفيف تتحب واللى شعرها طويل والسمرا تتحب ،، مش لازم تشرب قهوة مع صوت فيروز عشان تبقى عميق ،، العمق مش فـ صور ابيض واسود ،، دموع الفراق صعبه ،، الرحمة تجوز على اللى تحت التراب ،، واللى راح وسابلك حاجات كتير منه ،، اشرب السيجارة لحد آخرها الكتب من أنضف العلاقات اللى ممكن تدخل فيها بالقلب جامد ،، وشرب السيجارة للفلتر حب فيها مش نتانه ،، البوسة تحت الشتا أحلى من اللى ف السينما وأحلى من اللي فـ البيت وأحلى من اللي فـ الشارع ،، حكاوي الناس الكبيرة احلى حكاوي فٰـ الدنيا ،، التطفل على خلق الله وحش جدًا ،، الحب مالوش فـ الفلسفه ،، لسعت برد الشتا حلوه بزيادة ،، اكتب ،، انتحر او اسمع مزيكا ،، مزيكة منير حلوه ،، ودينا الوديدى ،، وسعاد ماسى ،، وصوت هبة طوجى بيسحب الروح ،، اللهم رحمة فـَ الدنيا تتعاش ،، اللهم رضا من بعد شرب الكاس ،، اللهم فرحة تدوم كتير يمكن لما تمشى ،، متوحشناش ،، عيش لنفسك بنفسك وابسط نفسك ،، بس كدا. چيمى ..

[sakr223]

زمان كنت بخاف من الليل ، أول ما تبدا الشمس تغيب ويبدأ الهدوء أخاف ، كنت بكرهه وحدتي مكنتش بطيقها ،، إنما دلوقتي بقيت بحب وقت الليل ، بقيت بنام طول النهار وصحي علشان أسهر أتعودت علي هدوء الليل بمزيكته ، إتعودت أكون مع نفسي ، بقيت كائن ليلي بينام الصبح ..

[sakr223]

انا عندي من الطاقة السلبية ما يكفي اني لو ماشي في الشارع و واحد متفائل عدى من جنبي هيحصل بينا تجاذب زي قطبي المغناطيس

[sakr223]

أعرف أناسًا تخلوا عن كل شيء من أجل غايتهم العظمي، أيًا كانت، وأدركوا في إحدى الأمسيات أن غايتهم العظمى لم تكن غايتهم العظمى. كانوا فقط ضجرين ذوي حياة خاوية. وهكذا صنعوا لأنفسهم حياة مليئة بالتعقيدات والمأساة. لأنه لابد أن يحدث شيء ما. لأن الحياة على ما يرام طالما كانت متجهة إلي غاية ما.

[sakr223]

مرعب اكتشافنا مدى هشاشتنا وقابليتنا الفادحة للجرح، وعمق الندوب اللي بيسيبها الآخرين فينا لحظة الملامسة، وضعف قدرتنا على صلب عودنا تاني واستئناف الحياة من حيث انتهت بعد ما عرفنا اللي عرفناه!

مرعب قدرة الدماغ على تعذيبنا بالذكريات والكلمات اللي كنا فاكرينها انتهت، فإذا بها حية تسعى، ولها قوة القَدَر في تجريدنا من هدومنا وإيقافنا ملط أمام خطايانا!

مرعب فداحة الجبروت الإنساني والقسوة والقدرة على التلون لنيل الغرض ثم دهس القلب بلا رحمة وارتداء توب الملاك في نفس الثانية لدرجة تدفعك للشك في نفسك وفي كل الثوابت والقيم اللي بتعتنقها!

مرعب قدرة بعضهم على استئناف حياته بشكل طبيعي جدا ودون ذرة تأنيب ضمير بعد ما يهد عمرك كله فوق راسك ويحط المحنة وشم على قلبك طول العمر!

مرعب كم الخسة والندالة والغدر والشر واللاإنسانية والأنانية اللي في العالم، حتى ليسأل الواحد منا نفسه إثر كل طعنة: هل هذه إرادتك يا رب حقا؟! هل هذه هي الدنيا حقا؟! هل هذا هو الإنسان؟!

فإني أعلن استسلامي يا سيدي وعدم رغبتي في المزيد.

[sakr223]

 انني وبالتدريج أصبحت انسحب لا  بل أبتعد عن كل ما يدور حولي بهذا العالم, أصبحت لا أكترث لأمور الذين أحبهم ولا ألقي لهم بالاً , أنسحب من العلاقات بكافة صورها , عائلتي , أصدقائي وحتى ذاتي , لم اعد أعرف شيئاً عنهم ! لا يٌهم أبداً  مايدور خلف جدران غرفتي الاربعه , اتوارى وأختفي عن الجميع لأسباب لا أعلمها , ينتابني شعور بالإشمئزاز تجاه الحياة الحقيقية وفي المقابل ؟! .

[sakr223]

قبل ما تقول انا تعبت اوانا شايل فوق طاقتى شوف الكلام ده الاول وانت تعرف قيمه نفسك.

-

- فيه ناس ديماً بتعانى من الضغط ضغط الحياه والامور والمتطلبات..عندهم مشكلة كبيرة جدا من وجهه نظرهم فى انهم شايلين فوق طاقتهم.. لدرجة انهم اوقات بيقولوا (ياليتني مت قبل هذا وكنت نسيا منسيا) من كتر ماهو شايف نفسه مطحون والدنيا جايه عليه من كل جانب

- لكن هل يا ترى ..الانتحار هو الحل ؟؟

- بسم الله الرحمن الرحيم ( لِلَّهِ الْأَمْرُ مِنْ قَبْلُ وَمِنْ بَعْدُ) يعنى متخفش ولا تقلق.. زى ما ربنا محمل عليك كدة هيخفف عنك بردوا.. متزعلش لان ربنا زى ما شايفك زعلان دلوقت هيفرحك اللى باقى من عمرك بس انت صدق..شغلك وحياتك وعمرك وحبك واهلك وصحابك والله العظيم ربنا هيعوضك فيهم ويفرحك بيهم وينجحك ويغنى نفسك لدرجة انت نفسك هتستغربها..

- السيدة مريم والسيدة عائشة قذفوهم فى عرضهم..سيدنا ابراهيم اهلهُ رموه فى النار..سيدنا النبى طردوا من بيتهُ ووطنهُ ووصفهُ بالجنون.. ومع ذلك صبروا.. مهما كنت مشاكلك فحلها فى لحظة مع ربنا هتتحصل..وحياتك كُلها هتتبدل..

احنا مشكلتنا مع ربنا هو فرق التوقيت.. ؟

اللى هو انت عايز تدعى فـ فنفس الحظة ربنا يستجيب !

خلى ربنا يختارلك ويرتب أمورك ..وقتها هيمرمغ قلبك فى حبهٌ.. وحُب من حبهُ.

- لو فاكر ان الطريق مع ربنا وردى والدنيا زى الفل والناس كُلها هتحبك تبقى مخدوع؟

- هتتعارض وهتطلع عليك سُمعة واشاعات ..وهيبقى فيه مشاكل من بره كتير اوى, بس فى نفس الوقت فى راحة جواك..فى محبة هتغرقك ..فيه شبع ها يغنيك ,ربنا هتشوفة قدام عينك طول الوقت ..

- وللاسف ما ينفعش تمسك العصاية من النُص..ما ينفعش ترضى ربنا والناس كُلها..امشى فى سكة ربنا بس بعلاقاتك وعادتك القديمة,وقتها هتتمع بالحياه وتشوف البسيط كبير والقليل كتير وهتلاقى نفسك من ابسط حاجة بتطير من الفرحة والله..بس إحنا نرضى عشان ربنا يراضينا.

[sakr223]

‏أنا بعترف إني بني ادم بيعاند مشاعره وبيظهر عكس اللي بيحسه، يعني عادي جداً أبعد عنك وانت واخد مكان في قلبي

[sakr223]

عارف يعنى ايه قسمة ونصيب ..

لما تصمم على الحاجة مرة واتنين وعشرة,اى حاجة بشكل عام ,لما تشوف 100حل وبديل للمشكلة,لما تتبت وتتمسك فى اللى معاك مع ان الظروف بتقولك ما ينفعش,لما تكلم ربنا فى صلاتك عن حاجتك ومتزهقش,لما تشتغل الليل قبل النهار عشان توفى بوعدك,لما تكلم طوب الارض عشان يكونوا معاك وتاخد حُبك,فيه ناس كتير بترفض وتقول لاء عشان يشوفوا فيك اصرارك وحبك ليهم ممكن يتهدم بكلمة ولا لاء,لاهى تناكة ولاهى تُقل ,كُل اللى فى الموضوع حبه امان محتاجين يتأكدوا من وجدهم,قد ايه هتحس انك راضى عن نفسك بعد كل مرة حاولت فيها وعملت اللى ف وسعَك,وكفاية جدا انك لا ندلت ولا اتخليت واستجدعت للاخر,وقتها لو ما اخدتش اللى حاربت وعافرت عشانهُ هتعرف ان مش خير الحاجة دى تكون ليك ولا ليك فيه نصيب من الاساس,لكن ربنا مُش هيضيع تعبك ابداً كدة وخلاص,لاء,ده ربنا هيبدلك الاحلى والانسب واللى فيه حياتك وسعادتك وفرحتك,تخيل على قد تعبك وزعلك ع الحاجة اللى اتمنيتها ومحصلتش ربناعوضك عنها وفوقها حبه كرم من كرمهُ..فاللهم النصيب والعوض اللى يشبه كرمك وحُبك يارب من كل شئ.

[sakr223]

لو فضلت قاعد مستني الشخص اللي هيغير حياتك وينقلك لمكان تاني فده مش هيحصل.

ولو فضلت معتمد على الأماني والطموحات اللي حاططها في عقلك بإنك هتعمل وهتعمل في حين إن أغلب وقتك بتقضيه في اللاشيء فللأسف حالتك هتروح من سيء لأسوأ.

.

الساعات اللي بتقضيها على الفيسبوك زيادة وأنت في ثانوية عامة هتكون سبب في تأخرك عن الكلية اللي بتحلم بيها، وبالتالي تغيير مستقبلك كله.

نواياك الطيبة بإنك هتتغير وهتبدأ تتعلم لغة وتقوي السي في بتاعك علشان تلاقي شغل مناسب ليك مش هتنفعك إطلاقا لو مبدأتش في العمل بالفعل.

.

إمبارح منتخب إيطاليا خرج من كأس العالم لأول مرة من 60 سنة، طبيعي الكورة فيها مكسب وخسارة، لكن اللي مش طبيعي حالة الطموح العالية اللي كانت عندهم قبل الماتش باعتبار إن المباراة على أرضهم وعندهم جمهور يهز الجبال، فخلاص هما أكيد هيفوزوا، طلع لاعب إيطالي أسطورة اسمه أندريه بيرلو قال كلمة هتفضل معلّقة معايا طول عمري وهحطها على مكتبي: قال: طوال حياتي لم أشاهد جمهورًا سجل هدف.

.

المعنويات مهمة والطموح جميل لكن لو مصاحبهوش فعل على الأرض مفيش نتايج هتيجي، لاعيبة إيطاليا قبل الماتش كانت بتردد نشيد بلادها وعروقهم طالعة من رقبتهم، بكل حماس وجرينتا، لكن في النهاية لا نفعتهم الجرينتا ولا نفعهم الحماس وخرجوا.

.

فقليل من الواقعية في الحياة والإيمان بقانونها الثابت الذي لا يتبدل، مفيش نتيجة بدون عمل، ومفيش حد فضل عايش في حلمه ومصحيش من النوم، ومفيش مُلام على اللي هنوصله إلا أنفسنا.

[sakr223]

عندنا دايمًا تصور للحياة إن الأصل فيها هو الخير والحب والسلام والاستثناء هو الحرب والظلم.

حتى على المستوى الشخصي وإحنا أطفال كنا متوقعين إن حياتنا هتمر بسلام وهدوء لما نكبر وكانت أغلب الحواديت بتنتهي بإننا نعيش في تبات ونبات ونخلف صبيان وبنات، ووصلنا لمفهوم إن الأصل فيها إننا نعيش وننبسط ونفرح. رغم إن بنظرة سريعة على التاريخ هنلاقي إن البشرية من نشأتها لحد دلوقتي معاشتش في سلام تام بكل أنحاء العالم سوى مدة بسيطة جدا تكاد لا تُذكر مقارنة بالأزمنة اللي كان فيها حروب ومجاعات ودمار، الحياة عمرها ما كانت كده ولا قواعدها كانت كده.

.

في مسلسل Game of thrones وفي واحد من أجمل مشاهد المسلسل لما سانسا ستارك فكرت بيتر بيليش بكل اللي عمله وإزاي إنها اتذلت واتعذبت طوال حياتها رغم إنها بنت "اللورد ستارك حاكم وينترفيل" قالتله كلمة واحدة بتلخص كل حاجة:

عندما أحضرتني مرة أخرى إلى وينترفيل أخبرتني أنه لا يوجد عدالة في هذا العالم مالم نصنعها بأنفسنا.

when you brought me back to Winterfell you told me there is no justice in the world not unless we make it,

.

مقولة لورد بيليش هنا بتأكد إن ما لم نصنع مستقبلنا بنفسنا فالأصل إنه هيبقى مظلم وكئيب، لو مشتغلناش واتعلمنا مهارة تفيدنا في الحياة فالطبيعي إننا نعيش في كئابة وفقر، لو متعلمناش لغة جديدة نقوي بيها السي في بتاعنا فالطبيعي إننا مش هنقدر نوصل للوظيفة اللي بنحلم بيها وهياخدها شخص أقوى مننا في المجال ده، لو مكنش عندنا موضع قوة حقيقية مستقلة فالطبيعي إن غيرنا هيعتدي على أرضنا وياخدها.

ربنا جعل في الدنيا الخير والشر، وليس الخير فقط، وأوجد الفقر والغنى، وليس الغنى فقط، وجعل الحب والكره وليس الحب فقط، وبإيدك أنت وحدك هتختار نصيبك من كل اللي فات.

لكن تأكد في النهاية إن الحياة لا تجابي الضعفاء والمعجزات لا تحدث للحمقى والعدل لا يأتي إلا لمن يسعى إليه، وبقوة.

there is no justice in the world not unless we make it.

[sakr223]

لو في حاجة ممكن تغير حياتك للأفضل في 2018 فبالتأكيد الحاجة دي هيا القراءة، دلوقتي القراءة مبقتش نوع من الرفاهية اللي بنمارسها في وقت الفراغ أو للناس الفاضية اللي موراهاش حاجة، بالعكس دي ضرورة مُلِحة في حياة كل إنسان زي الأكل والشرب والتنفس.

كتير بيسألوا نقرأ إيه ونستفاد إزاي من اللي بنقرأه، دي خطة بسيطة للسنة الجديدة من 10 خطوات حبيت أشاركها معاكم:

.

1- لو لسه عايز تبدأ تقرأ جديد يبقى عليك وعلى كتب د أحمد خالد توفيق، بيخاطب الشباب بلهجة بسيطة مفهومة، بعد ما تقرأله هيكون عندك فكرة ولغة جيدة تقدر تكمل بيهم للمجالات التانية. جميع أعماله هحطها في أول كومنت.

.

2- حدد شهر واحد لكل نوع من الأدب والكتب، مثلًا شهر يناير للفلسفة، وشهر فبراير للتاريخ وشهر مارس للروايات الرومانسية وهكذا.

.

3- زمان لما كنت عايز آخد فكرة عن كل أديب كنت بحدد في الشهر أسماء 3 أدباء وأقرأ لكل واحد منهم 3 أعمال علشان مظلموش في تقييمي، مثلًا الشهر الجاي هختار تولستوي وماركيز وطه حسين، هقرأ رواية لتولستوي وكتاب لطه حسين ورواية لماركيز وهكذا، بحيث تطلع من الشهر ب9 أعمال فيهم خلفية كبيرة من 3 مدارس أدبية مختلفة.

.

4- الزم نفسك بالقراءة، عارف إنها صعب في الأول مع السوشيال ميديا والفيديوهات السهلة الناس بقت تكسل، اجبر نفسك في الأول عليها وبعد كدة هتسحبك لبحرها ومش هتطلع منه.

.

5- حدد كل يوم حد أدنى من الصفحات متقلش عنه أبدًا، ممكن 20 صفحة، أو 30 أو 50، حاول تقرأهم في أي مكان، المواصلات والبيت وبين أوقات المذاكرة وفي الحمام D

.

6- اقرأ في أي حاجة تحبها، القراءة والحرية ملهومش حدود، متسمعش كلام حد يحذرك من قراءة أي كتاب أو رواية، اقرأ واحكم بنفسك وخد الفايدة من المكتوب بغض النظر عن خلفية الكاتب وأفكاره ومعتقداته الشخصية.

.

7- الروايات والكتب الاتنين فيهم فايدة كبيرة، وفي روايات قرأتها أفيد من كتب كتير والعكس، فمتركزش على نوع واحد في حين إن قدامك طبق كامل في كل الأنواع.

.

8- اقرأ في أي مجال حابب تعرف عنه، لكن في 3 مجالات في رأيي مفروض نقرأهم مهما كان تخصصنا، الفلسفة وعلم النفس ونجيب محفوظ :D في التعليقات هتلاقي لينك فيه خطة متكاملة للي عايز يبدأ في الفلسفة وعلم النفس ولنجيب محفوظ.

.

9- تاني، مش بالكم صحيح بل بالكيف، ولكن دي أكتر عبارة ممكن تكسلنا عن القراءة، الزم نفسك بعدد صفحات في اليوم ومتقلش عنه ولو نقصت حاول تعوضه اليوم التاني.

.

10- أنت بخير ما دمت تقرأ.

[sakr223]

نقول تاني، دي خطة سريعة وفعالة ومجربة للفشل في السنة الجديدة:

.

1- متقرأش البوست ده للآخر.

استمرارك في التكاسل عن القراءة هو أقصر الطرق للفشل في العام الجديد، التكاسل الممتد إلى كل جوانب الحياة، تكاسل عن الدراسة وعن القراءة وعن الرياضة وعن كل شيء.

.

2- ارمي اللوم على 2017 لعدم تحقق طموحاتك فيه

من أهم طرق الفشل السريعة جدًا في إقناع النفس هي إلقاء اللوم على الزمن في أخطاءنا اللي عملناها أو في حدوث تغييرات سلبية لحياتنا فيه.

بالطبع الزمن ما هو إلا بضع دقات لعقارب الساعة لا تفعل شيئا ولا تزيد من حياتك أي نجاح أو تنقص منه ولا تتدخل بشكل مباشر في أسلوب معيشتك.

الزمن ليس هو من جعلك تخفق في حل الامتحان، أو تضيع وقت زيادة على الفيسبوك. 2017 كانت سنة عظيمة لفائز بجائزة نوبل، أو لبطل حقق ميدالية ذهبية، أو لنادي حاز على بطولة قارية، بالتالي فإن العيب ليس فيها بكل تأكيد.عقارب الساعة تعمل بلا أي كسل أو ملل بينما.

لن تمد لك العقارب يدها لتنقذ حياتك ولن تأخر من نفسها قليلاً كي لا تتأخر على مواعيدك، ولن تزيف من دقاتها كي تمنحك مزيداً من الوقت الذي لن تستفيد منه في شيء.

.

3- استمر في تضييع وقتك على مواقع التواصل الاجتماعي ليل نهار والضغط على زر التحديث في الفيسبوك كي تتابع المنشورات الجديدة بلا أي فائدة. وحينها سيتسابق الفشل في القدوم إليك. أو سينتهي بك الحال لوضع علامة إعجاب على إنجازات غيرك كما يقولون.

.

4- استمر في أسلوب الحياة الذي لا يناسبك.

أعلم أن الأمر قد لا يبدوا بمثل هذه السهولة لكن من قال بأن الحياة في هذه الدنيا سهلة؟ أو من المفترض أن تكون كذلك؟

منذ نشأتك في الحياة كنت حيواناً منوياً يتصارع مع 300 مليون حيوان منوي آخر كي يسبقهم جميعاً ويفوز بالجائزة. طوال حياتك ستقابلك الكثير من المتاعب والمصائب والعثرات، هي سنة الحياة التي لا تتبدل. الأهم هو كيف تتعامل مع كل ذلك؟

.

المليونير الذي تراه على الشاشات بدايته كانت بضعة دولارات، دكتور الجامعة كان طالباً مثلك يحضر كل يوم ويذاكر بجد كي يصل إلى ما هو عليه، زميلك وجد السفر أفضل له فلم ينظر إلى آلام الغربة وكيف سيبتعد عن الأهل والأصدقاء وإنما شق طريقه بكل جرأة وتحدي وسافر هنا وهناك وترك الوظيفة التي لا تناسبه وبحث عن أخرى أفضل وأخرى أفضل حتى وصل إلى ما هو عليه الآن.

الاستمرار في الظروف السيئة بحجة الظروف السيئة طريق رئيسي من طرق الفشل في هذه الحياة.

.

5- لا تقرأ

وهل هناك طريق للاخفاق في الحياة أشد تأثيراً من عدم القراءة؟ مادمت انساناً حياً يأكل ويشرب وينام ويتكاثر فلا يمكن أن تعيش حياتك بدون القراءة!

تذكر دائماً هذه الكلمات:

بإمكانك أن تشعر بصقيع موسكو، وتشم رائحة زهور أمستردام، وروائح التوابل الهندية في بومباي، وتتجاذب أطراف الحديث مع حكيم صيني عاش في القرن الثاني قبل الميلاد! بإمكانك أن تفعل كل هذه الأشياء وأكثر، عبر شيء واحد: القراءة، الذي لا يقرأ.. لا يرى الحياة بشكل جيّد.

فليكن دائماً هنالك كتاب جديد بجانب سريرك ينتظر قراءتك له.

من كتاب “وصايا”، للكاتب محمد الرطيان.

بإمكانك أن تستمر في الفشل في الحياة في العام الجديد إذا ما قررت أن لا تقرأ، وأن لا تزيد من معدل قرائتك أو تنوع مصادر مكتبتك في شتى أنواع المعرفة الإنسانية.

.

6- اجعل عام 2018 كما هو عام 2017

لا تقم بأي تغيير في 2018، استمر على نفس العشوائية في المهام وكرر نفس الأخطاء.

لا تخضع أي أفكار لك للنقد والتغيير، استمر في الاعتقاد بأنك وصلت مرحلة الكمال الفكري التي لا تحتاج منك لمراجعة أي فكرة لديك، استمر في الظن بأن رأيك هو الوحيد الصحيح والباقي المختلف معك فكرياً على خطأ، وكاره لك.

صدقني إذا ظلت حياتك على هذا النحو فأضمن لك أن تصبح فاشلاً بامتياز في العام الجديد 2018

كل عام وأنتم بخير!

[sakr223]

كل سنة وأنتم طيبين، يمكن أكتر نصيحة كنت أتمنى حد يقولهالي السنة اللي فاتت هيا إني عمري ما هندم على الحاجات اللي عملتها، بقدر ندمي على الحاجات اللي معملتهاش. بعد عمر طويل ولما يمر شريط حياتك قدام عينيك مش هتندم أبدًا إنك خدت الجرأة ونهيت علاقة كانت مؤذية ليك ومستنتزفة لروحك، لكن هتندم لو استمريت فيها لحد ما خلصت عليك، مش هتندم لو سافرت ومتوفقتش في السفر، لكن هتندم لو فضلت قاعد مكانك ويومك زي إمبارح زي بكرة مفيهوش أي تجديد.

جازف، وخلي عندك الجرأة إنك تتغير، ومتخافش من بكرة، لأنه عمره ما هيكون أشد بؤس من الواقع.

كل سنة وأنتو أجمل وأروق وأسعد من اللي قبلها.