space-5

[space-5]

جوايا حاجات كتيرة اوي اوي، بس للأسف مش فاضية ومفيش وقت

اتمنى كل اللي يمر هنا يدعو لي دعوة طيبة، الله يطيبكم🥺♥️

[space-5]

‏"أنا بيت حبيبتي وهي بيتي أنا ،

لكن ياريت يبقالنا بيت من البُنا"

- صلاح جاهين.

[space-5]

النهاردة وثقت علاقة صحوبيتي ب عبدالله خلاص

دا ولد كل يوم ولا يومين يجي يسألني عن تحصينة للكلب بتاعه، وبدأت النهاردة اتعرف عليه ونتصاحب

عبدالله أولى ثانوي فني بس شبر ونص، عادي أعز الناس شبر ونص بردو😂🥰

[space-5]

فيه حاجات في حياتي حقيقي انا كل ما افكر فيها بقول لنفسي أكيد باظت بسبب الذنوب، وسبب الكلام عنها وإظهارها للناس

ما مش معقول إن كل حاجة تبقى كويسة وماشية تمام وبعدين الدنيا تتقلب، وتتغير

يا اما انا اللي مغفل وبصدق وبثق بسرعة.. ودا احتمال لا بأس به

[space-5]

اتعرفت على بنت انا عارفاها بالاسم بس، المهم لقتها بتقولي إني شكلي حد ناضج جدا، مش كبيرة ولكن نضوج

انا تافهة والله لو عرفتيني يبنتي😂😂

[space-5]

جو الاجتماعية دا والاندماج مع الناس مش ملائمني، انا أيوة بعرف شوية إني أتصاحب واعيش في الجو، بس مزعج بالنسبة لي، يعني انا بالنسبة لي العلاقات مش حاجة بسيطة، معنى أنك في حياتي فأنت لك قيمة كبيرة وبتزداد حسب وضعك، عشان كدا أقل حاجة ممكن تؤذيني، انا بطبيعتي انطوائية، بحب جو التجمع مع الناس اللي ارتاح معاهم ومحسش إني لازم أخلي بالي من تصرفي وكلامي، إني اتعامل بعفوية وتلقائية جدا، دا انا، مقدرش اتصنع حاجة او اتعامل بطريقة مش طريقتي او لازم اتصرف بطريقة كذا عشان مينفعش، ايوة في المناسبات والتعامل مع الغرباء لازم له تعامل خاص واسلوب كويس وهكذا لكن علاقتي المقربة لازم أريحية

[space-5]

قلت انام شوية ارتاح عشان مش قادرة اذاكر، المهم مع بعض التقلبات وشوية الأحزان، وافتكرت اني عايزة اكتب وصية وحوارات قبل النوم، المهم يعني اللي عايزة اقوله انه سرحت كدا في مشروع نفسي اعمله جدا بس للاسف ترباحه هتكون أقل من تكلفته، ولكن اتمنى الدنيا تسهل عليا المشروع دا

وعشان منسهوش في زحمة الدنيا هكتبه باختصار..

مشروع مكتبة قرأة!، كنت بقكر لو مت كتبي دي هوصيهم يعملوا بها أي، ففكرت في مشروع مكتبة للقراء مش للشراء، هشتري كتب كمان واعمل مكتبة، وهيكون فيه ركن قهوة، وركن فواصل يتكتب عليه اسم الرائد بحيث يستخدمه كل ما يقرأ كتب وتكون زيي الكافيه يعني الناس تفصل فيها شوية وكدا يعني

يكون بردو فيه ركن أبحاث وكدا

نسأل الله التساهيل

[space-5]

يا ريت نفهم حاجة مهمة جدا، وقت ما الإنسان يكون حزين وضعيف بلاش كلام عبيط زيي ( متضعفش، انت قوي، متستسلمش، متخليش الكلام يهدك) الإنسان بيحتاج حضن وكلمة حلوة وبوسة ويتحب، انا عارفة النصايح دي وعا فة الكلام دا كله بس انا دلوقت حزينة وضعيفة مش عايزة اسمع نصايح، اصل مينفعش تشوف إنسان عمل حادث تؤوح تشرح له ازاي يتجنبه وازاي مش عارفة اي، انت بتروح تاخده تعالجه تواسيه، تعمل اي حاجة

بلاش كلام منطقي وقت الزعل، محتاجين شوية حب

انا مش عارفة اشرح مش عارفة أوصل الفكرة بطريقة حلوة، بس انا تعبان يا إنسان مش محتاج تزود عليا وتقولي اني ضعيف وان المفروض ابقى اقوى.. ارحمونا

[space-5]

يا ريت نفهم حاجة مهمة جدا، وقت ما الإنسان يكون حزين وضعيف بلاش كلام عبيط زيي ( متضعفش، انت قوي، متستسلمش، متخليش الكلام يهدك) الإنسان بيحتاج حضن وكلمة حلوة وبوسة ويتحب، انا عارفة النصايح دي وعا فة الكلام دا كله بس انا دلوقت حزينة وضعيفة مش عايزة اسمع نصايح، اصل مينفعش تشوف إنسان عمل حادث تؤوح تشرح له ازاي يتجنبه وازاي مش عارفة اي، انت بتروح تاخده تعالجه تواسيه، تعمل اي حاجة

بلاش كلام منطقي وقت الزعل، محتاجين شوية حب

انا مش عارفة اشرح مش عارفة أوصل الفكرة بطريقة حلوة، بس انا تعبان يا إنسان مش محتاج تزود عليا وتقولي اني ضعيف وان المفروض ابقى اقوى.. ارحمونا

[space-5]

قفلت حساب الفيس والماسنجر عشان ابعد نفسيتي عن أذية العالم دا رغم إن السبب أصبا اخدت له اسكريناات وبفتحها كل شوية

بس رجعت افتحه عشان افتكرت ان فيه ناس هناك وعيال الجلقة بتواصل معاهم، وانهم لو احتاجوا حاجة ولا حبيت اطمن عليهم ولا اي سبب ، افتكرت بقى إن المسؤلية أهم من النفسية والجو دا

[space-5]

رجلي تعباني وجسمي، ربنا يستر متعبش، مش وقته تعب، يا رب اعف عنا وتولنا..

[space-5]

انا مش زعلانة من الانتقاد الشديد دا أبدا والله، بالعكس انا بحب لحظات الانتقاد لما تكون صادقة وحنونة مصحوبة بنصيحة طيبة، بتبسط جدا

بس دي كانت تاني أو تالت ... والله ما بقيت عارفة المرة الكام اللي يتوجه لي جملة في غاية القسوة كل ما تخطر لبالي بلاقي عيني بتفيض وقلبي ينتفض، وبردو من شخص المفروض انه أقرب حد ليا (الحقيقة انه الأبعد تماما)، المفروض انه الأقرب صلة وروحا كمان لكنه الأبعد..

انا مش عارفة شاف مني أي يخليه يقول كدا، يعرف عني أي يخليه يقول كدا... كان فين، جوايا ثورة شديدة تجاه الشخص دا وجوايا أشواك وكلام كتير جدا له، ولكن أبدا مش هيخرج

المُصاب في أهله لا يُشفى ولا يتعافى.. وحسبنا الله

[space-5]

قولوني العزيز، قلبي الغالي، أعضائي الداخلية، رجاءا مش لكم دعوة بمشاكلي ولا زعلي، كفاية عقلي🙂💔

[space-5]

حوار إنك تكون منبوذ ومكروه ومرفوض من أهلك دا مؤذي لأبعد حد، بتفضل تحاول تكون كويس، بس هتفضل (مرفوض)..

اللهم أحييني ما كانت الحياة خيرا لي وتوفني إذا كانت الوفاة خيرا لي..

ولا حول ولا قوة إلا بالله

[space-5]

بالأمس نمت في حالة طيبة جدا، وحرفيا كنت مرتاحة وسعيدة، صحيت وأول ما صحيت كان على كابوس، أيوة والله كابوس نوم وواقع! الاتنين ايوة، حلمت أحلام غريبة وكنت اصلا في وقت من الليل مش بخير، لحد ما صحيت على حاجة مش عارفة هتعافى منها أمتى، حاجة كل شوية افتح أشوفها أفهم، انا اصبحت مش بخير ... يا رب الحمدلله، إنا لله يفعل ما يشاء، إنا لله وإنا إليه راجعون، والحمدلله ان حسابنا على الله وأمرنا كله بيد الله، الحمدلله

[space-5]

يستطيع الإنسان أن يحترق، وهو جالس إلى جوارك، دون أن تلحظ. في الشارع أو وسط المقهى، في بيته بين أعداءه أو أحبته، ولا يترك ذرّة رماد على المقعد. تلك هي أزمة الإنسان، منذ أن أدرك كم لهذه المخابئ في جوفه أن تسع!

[space-5]

ليلة طمأنينة بعد آلاف القلق..

خلاص يا أيوتة إنا لله وإنا إليه راجعون، أي يعني لما الدنيا تستد عليك شوية، ما انت بردو مش قليلة، ومعنى ذلك إن الله يرى منك شئ ويريد أن يرى صدقك وصبرك، اهدي، كلنا نموت يوما ونحاسب، أقدارنا كتبت، مالك ومال الناس ! أهل، حبايب،صحاب ! اللي بيحب بيظهر في الوقت دا، وفي كل وقت، انت اهدي وسييي كل تقكيرك في رضى الله بس، وربك هيتولى كل شئ بيده الأمر كله، له الملك يفعل ما يشاء

يا حي يا قيوم برحمتك استغيث أصلح لي شأني كله ولا تكلني إلى نفسي طرفة عين..