style-yesnews

[style-yesnews]

 食友從外國歸來，又係時候聚下，今次訂到幾位食友聽左好耐但未曾一嚐既甘棠燒鵝，就一齊試下燒味及鵝類菜式。

酸薑皮蛋先打開胃口，皮蛋睇到流心，食落同睇到一樣係好貨色。

餐前小碟既中必點既甘一刀叉燒上檯，叉燒色澤吸引。

入口先是焦香，再來是豐富油潤口感，最後肉香慢慢在口中迴蕩，如果話係為左甘一刀到來都唔誇張。

小碟再上鴛鴦紮蹄，紮蹄口感實在，不過更喜歡碟中既美味腐皮。

韭黃鵝紅每件份量不少，鵝紅味道剛好不會因浸在湯中而過鹹，入口軟滑鮮甜。

邪惡既燒珍肝不是人人都岩食，今晚這個帶焦香又軟熟，自己都忍唔住食多幾舊。

份量澎湃既一品鵝煲送上，煲中材料豐富包括鵝件、鵝翼、鵝腸、鵝肝等等，難得是各種不同部位都煮得剛好不過熟又入味。

主菜之一既甘棠琵琶鵝先是原隻上檯，大家影完相再切件上檯。

琵琶鵝燒得靚之外，入口皮薄香脆，咬落油香滿瀉外，肉身又是帶焦香而肉味又不只一個層次，比起燒鵝這個更值得一試。

湯品點了西洋菜陳腎牛鰍魚豬踭湯，成座山既湯渣好似bouillabaisse咁誇張。

再睇下湯既色水就知有幾濃。

飲落既鮮甜度係幾碗湯濃縮埋一碗既感覺囉。

飲完湯重有主菜既蝦子柚皮鵝掌。

鵝掌睇落雖好似略淡色，但食落都夠濃味，入口離骨又夠槳口，另柚皮處理得好好，落刀一刻已知十分軟滑，食落無渣無根又夠味，比起鵝掌自己更欣賞柚皮的出品。

四大發明點左陳皮炒河，河粉有鑊氣也乾身。

甜品係陳皮蓮子紅豆沙，紅豆沙煲到起沙係基本。

蓮子夠化加上香氣撲鼻既陳皮香，甜品也是水準之上。

食完大家都飽到上心口而滿意既一餐，而呢舊甘一刀會係大家食完又想再黎既源動力。

甘棠燒鵝

地址：加路連山道88號南華體育會1樓

Tel : [phone]

飲食資訊由熱新聞提供 原文連結: 為一刀而來 : 甘棠燒鵝 更多相關內容

水準小炒 : 太子海鮮菜館

迷你黑洞 迷你黑洞愛吃，愛睡，愛煲劇。 工作最大的動力就是吃東西，去旅行。任何關於美食。旅遊。烹飪。生活點滴的事與物都不能錯過喔！

[style-yesnews]

年紀大咗除咗特別留意肌膚健康，都會感覺個人好易攰尤其早排連眼仔都感覺經常乾澀，唔通真係老了?而家電子化世代，生活上離唔開電子產品📱💻加上夜瞓🌙特別容易令眼仔👀疲勞、乾澀，有時仲眼矇添‼️

除咗早返啲瞓，都可以吸收多啲可以保護眼睛嘅營養🥕之前飲開老協珍熬雞精同美顏飲最近連明目飲 #老協珍亮晶精👀 都嚟咗香港啦！

老協珍亮晶精主要成份包括美國FDA認證專利Lutemax2020®️游離型葉黃素每包葉黃素高達28mg，足夠補充每日所需

葉黃素係胡蘿蔔素入面其中一種，負責視網膜功能嘅維生素👀不過人體無法自行製造，需要額外補充～

而游離型葉黃素Lutemax 2020®️ 屬於小分子可以吸收得更好搭配埋天然漢方植物精華「枸杞、白菊、黑豆」中西雙效配方，保護雙眼更全面由細到大都知佢哋係「明目」嘅代表，達到滋補、抗氧化、護目功效

「老協珍亮晶精」葉黃素飲，打開後立刻聞到菊花香🌼加入漢方提味，唔係好濃味亦唔會好甜嘅淡淡菊花飲咁，適合全家人飲用而且每日一包好方便，液態精華更容易吸收！

想加倍守護眼仔明亮健康👀✨唔好唔記得眼仔都要抗氧化呀！ 老協珍亮晶精：https://lxz.com.hk/product/OEL001老協珍官網：https://lxz.com.hk老協珍粉絲團：https://www.facebook.com/laoxiezhenHK

**********

是次小分享完畢，有興趣可按 麵語錄食玩遊記 by Aminn 其他分享 :)

Aminn | Beauty．Food．Fun．Parenting．Trendy｜  

www.facebook.com/m.for.aminn www.instagram.com/starzaminn  飲食資訊由熱新聞提供 原文連結: 【眼仔都要抗氧化】老協珍亮晶精 每日補充葉黃素(視網膜大總管) 更多相關內容

【呢單嘢唔係我跟開】Mirror 2022演唱會事故 責任誰屬：大國文化？MakerVille？藝能？菱藝？協興隆？ITP？紅館？康文署？機電署？

Aminn 自由撰稿人，主打美容扮靚飲飲食食玩樂無窮，曾獲邀出版合輯《80後》、《我的博客城2》及《我的博客城》

[style-yesnews]

之前Aster朋友仔生日會嘅生日蛋糕🎂原來就喺FreshFresh買而且屋企附近都有門市！行商場經過FreshFresh去睇埋蛋糕先🤘🏻

最新款當然係母親節限定🌷都只係$268起 咁抵玩嘅😍😍😍我哋揀咗MH-01心繫之最🌹

估唔到單買$298已經包埋一條獨特網紅設計頸鏈連粉紅香皂花心形首飾盒🤭加購埋32cm粉紅香皂花連LED燈💝都係加$130

即刻儀式感滿滿💓而家仲可以用埋消費券找數㗎😎 蛋糕餡同外表一樣咁吸引😍

係我最愛嘅士多啤梨🍓果肉果醬配果凍同芒果蓉🥭啫喱粒粒❤️成個蛋糕都啱大人小朋友一齊食！

最後最後記得預早準備氹下媽媽同老婆開心啦😂😂😂

🌷立即預訂：https://freshfreshcookies.boutir.com

**********

是次小分享完畢，有興趣可按 麵語錄食玩遊記 by Aminn 其他分享 :)

Aminn | Beauty．Food．Fun．Parenting．Trendy｜  

www.facebook.com/m.for.aminn www.instagram.com/starzaminn 

飲食資訊由熱新聞提供 原文連結: 【媽媽世一】為母親節做足準備 更多相關內容

【親子食譜】韓國綜藝大熱 紫菜包飯三文治

Aminn 自由撰稿人，主打美容扮靚飲飲食食玩樂無窮，曾獲邀出版合輯《80後》、《我的博客城2》及《我的博客城》

[style-yesnews]

 相隔5個月又再次踏足大韓民國機場，不過今次大部份時間在濟州島，最後一日半就留在首爾。

非常早既機由香港先飛首爾仁川，同日下午就由金浦機場飛濟州，雖然比較轉折但都算順利。

由仁川機場去金浦機場坐AREX最方便。

出左閘行落地庫一路都有指示買車票同入閘，用完張票唔會即時回收，可以係退票機拎番錢。

去到AREX入口一邊係EXPRESS去Seoul Station另一邊係All stop Train，去金浦係All stop Train唔好去錯邊。

金浦機場都分International同Domestic。

去到金浦check-in完就食個飯先上機，試左food court內一間食韓式湯或飯套餐醫下肚先。

價錢比市區貴但唔算過份。

海鮮大醬湯都可以，配菜一般但湯汁有大醬風味。

食友既伴飯睇落都正常。

食完見到入閘大堂迫滿人。

因為內陸機都開得好密而安檢又做得好認真，所以都要排半個鐘以上先過到安檢，好彩時間預得夠先上到機。

去到濟州已是下午5點。

拎車要先到counter報到。

再行去坐shuttle去租車中心。

去到先拎籌等登記，過程都算順暢。

登記完睇清楚架車既位置先去拎車。

拎完車第一時間先去民宿放低行李。

民宿都算乾淨。放低完行李就飛去食濟州第一餐既燒肉。

濟州有黑豬肉一條街，不過今日唔會去，因為已經plan左去黑豬肉本店돈사돈响濟州既本館。

呢度有黑豬肉兩人份套餐，決定叫兩個套餐即係4人份就好。

前菜都包好多野。

黑豬肉套餐包左三款豬肉。

第一款燒出黎最好食，口感同油脂都平衝。

第二款五花肉就油香足。

最尾一款反而一般，肉味同口感都及不上第一同第二款豬肉。

食完第一餐就去濟州東門市場既夜市行下。

小食檔唔算多又唔算好吸引。

另一邊重有刺身同橙汁，不過我地都係行過睇完就bye。

行完濟州東門市場見樂天超市未收，即刻開車去掃下貨。

海鮮區有即買即蒸長腳蟹。

肉櫃都幾吸引，不過先第一日到埗唔好亂出手住。

買住yogurt、主子既零食同宵夜既韓國即食麵先。

番民宿前都想食多餐，入番市區最旺既地方行下，見到炸雞店Tang Tang땅땅치킨未收就試一試佢。

人多可以叫多d野食，叫左香草無骨炸雞加香辣炸雞，另加一份炸年糕。

炸年糕幾好咬口又唔會一口油。

炸雞一個原味一個酸辣醬味，食落都香脆，酸辣醬既唔太酸但幾夠辣，不過大家今朝太早起身5點已到機場，頂到而家11點都謝皮，所以食力跌watt，完成眼前既食物都唔再加野，快快番民宿休息。

濟州島黑豬肉本店돈사돈

제주 제주시 노형동 3086-3

064-746-8989

濟州東門市場

제주특별자치도 제주시 관덕로14길 20

064-752-3001

Tang Tang땅땅치킨

Jeyeon Bldg., 35, Yeondong 7-gil, Jeju-si, Jeju-si

064-745-2688

韓國濟州島首爾自駕自由行 Day2

飲食資訊由熱新聞提供 原文連結: 韓國濟州島首爾自駕自由行 Day1 (濟州島黑豬肉本店 濟州東門市場 Ttang Ttang땅땅치킨) 更多相關內容

上水居鳴居旺角 : 鳳鳴居

迷你黑洞 迷你黑洞愛吃，愛睡，愛煲劇。 工作最大的動力就是吃東西，去旅行。任何關於美食。旅遊。烹飪。生活點滴的事與物都不能錯過喔！

[style-yesnews]

 這家Sfizio一早已在wish list中，可能因為放了太長時間的關係，已經忘了它的存在。剛巧這星期想起意大利粉，再看wish list才記起，今次不想再錯過，準時在開門時間便到埗。

店子位置有點隱閉，位置不多也有客人已訂檯，如不是開門就到埗，可能要等一輪才入座。

出品跟其他意大利麵的餐廳很不同，不是大路貨色但這樣才是亮點。

頭盤見到有burrata cheese沙律即刻叫一客試試。

餐牌上全名是新鮮意大利軟心芝士雜菜車厘茄沙律伴意大利黑醋及初榨橄欖油。全名有夠長但我們只著眼burrata cheese。

Burrata cheese入口帶濃郁奶香，在意大利黑醋伴隨下奶香更突出。

除了沙律也選主食，第一款是南意式初榨橄欖油、蒜肉、酸荳、黃脂吞拿魚肉碎、辣椒、蕃茜煮意粉。

橄欖油下得有夠多幾乎浸住意粉，但這正是想要的aglio。

意粉細看下不是常見的圓柱型，而是橢圓型有點起角的型狀。

意粉吃著有適中咬口，帶很濃的橄欖油香味及蒜香。

另一麵食是新鮮扭扭粉配自家製意式豬肉腸黑松露忌廉醬汁。

這種扭扭粉坊間很少見但很有咬口又吸汁，尤其吸收了松露忌廉醬汁後非常惹味。意式豬肉腸不是想像中的腸狀或切片肉腸，而是長條肉粒狀，在松露忌廉汁下仍吃得出肉味。

吃罷所有麵食後飽得連茶啡也要放棄，只因出品實在美味，其他同類餐廳也不一定找得到餐牌上的出品，所以吃到最後一口才肯停下來。

Sfizio

地址：佐敦德成街4-16號富裕臺A座地下3B號舖

Tel : [phone]

飲食資訊由熱新聞提供 原文連結: 最後一口 : Sfizio 更多相關內容

生活愉快 : 愛文生

迷你黑洞 迷你黑洞愛吃，愛睡，愛煲劇。 工作最大的動力就是吃東西，去旅行。任何關於美食。旅遊。烹飪。生活點滴的事與物都不能錯過喔！

[style-yesnews]

來到 Day 3 繼續好天，但因為甜魔媽媽太失策忘了帶相機出門，所以照片全是 iPhone 拍的，數目不多；加上當日主要體驗一日當地華人生活，景觀不算多，正好適合短短來一篇～～～

出發前已約好昔日元朗區認識的「移加」A媽見面，這天早上就是在她送了三位小主子上學後，一家人不客氣到訪品嚐居家早餐。是的，雖然多倫多的食肆遠比 Winnipeg 豐富多彩，但除非居住 Downtown / North York 區，否則大部分商圈都不在 walking distance，出去還要是靠車的；夏天還可勉強踩單車，但在未融雪的冬天則不是可行選擇，所以家庭主婦也是留家煮食為主。沒法子，生活在加拿大享用了優質居住環境，生活便利度就一定要打個折扣；感謝 A 媽悉心準備了芝士麻薯、混醬腸粉及小籠包等豐富美食，加上營養豆漿，就是甜魔一家的 Day 3 早餐了！😋

A 媽老公開了車返工後，其實她也難以出門，還好我們租的 Honda HR-V 可坐5人，就一起去附近的華人圈兜兜了！Day 2 晚去的「時代廣場」相當 up dup，這天去的「朗豪坊」也不遑多讓，樓上有不少小店，但大部分都沒開門，似是寂寞版的葵涌廣場。

據說是多倫多最抵的剪髮店！

大概是週一關係，太多樓上店沒營業了，我們逛了一會又轉攻樓下的 T&T 大統華。整個 Greater Toronto 區共有8間大統華，密度不及溫哥華，但要去買東西也很方便了。當日也收穫了兩盒蛋捲，外加三件即買即食的脆熱葡撻，因為在 Winnipeg 又是吃不到！

之後又找了一個 Playground 遊玩放電，同時幫助消化；玩完後雖然還未落格，但由於雞南雞飯不斷在呼喚（Day 2 在良心冰室沒吃到是遺憾啊！），又駕車去 金鳳餐廳 吃過份午餐。

本來不想那麼過份的！但店內正在做折扣優惠，第二份食物六六折啊！所以一不小心就點了6大份餐點，3大2小盡力吃吧～首先名物海南雞飯來兩份吧，以免吃得不夠盡興；雞肉全已作去骨處理，十分滑溜，份量也多，老實講分著吃也不太吃得完...

好久沒重溫的紅豆冰，香甜軟綿的滋味令人動容，凍鴛鴦就沒有太特別；新鮮出爐的菠蘿油也是吃不厭的美食，這天還點了太陽蛋豬扒飯，雖然遠不及舊家元朗開心小敘的出品，但吃下去還是感覺幸福的～～～

Matthew 是忠實的焗飯粉絲，這天也點了茄汁焗香脆雞扒太陽蛋飯，份量多到呢！味道其實也很好，但當然沒法全部完成，因為我們還貪心地加點了超厚身的黑芝麻西多士呢... 😅

是的，黑黑的醬汁與西多士看來不太相匹，但���實味道一級棒！所以捨棄了部分飯類也要將之一舉殲滅；而埋單因有優惠，稅後連同小費剛好C$100。對比香港的茶餐廳算貴，但又是 Winnipeg 吃不到的滿足美食。

由於 A 媽三時多就要接小孩放學，本來還想去逛 Scarborough（多倫多另一個大陸為主的華人區）也作罷了，回程途中買了蛋撻餅屋的曲奇皮蛋撻（晚上有吃，相當美味）就送她回去了。

其實晚餐也約了一起吃的，不過還有2-3小時我們又自由自在地逛街了！首先去了 Richmond Hill 這家 Cosmo Music 參觀，因為老公之前網購樂器也搜過這間店，來到一看才發現如此有規模，當然要乘機搜羅戰利品～

在音樂方面，其實 Winnipeg 也有幾家 Long & McQuade，也有不少樂器可供選購或租賃，只是格局傾向素白及現化化，沒有 Cosmo 的繽紛多彩吸引。當然我們的行李位有限，買的也是些小東西如 Matthew 學鼓用的鼓棍等～

當晚我們預訂了 Hug Sushi 的 Party Tray，連同 Day 2 預訂的金沙堡芒果蛋糕，打算帶到A媽家分享。由於連日跨區開車，油耗較大，所以取壽司後去了 Costco 加油，沒想到就這樣再度遇上大塞車，原本廿多鐘的車程變成了一小時.... 最後連蛋糕也要拜託A媽老公開車去取，真不好意思～😅

在 Winnipeg 吃壽司絕對是貴且不好吃，相比下多倫多因為競爭激烈，味道及價錢都吸引很多，以上80件裝又刺身又壽司的 party party 折後連稅才C$72。相比下需人手繁複製作的蛋糕稍貴一點，下圖的芒果蛋糕C$46，芒果沒想像中甜，但確是幾足料的，賣相也非常美。

而其實老公及Chloe都更享受大大件的榴蓮班戟 (C$6@)，畢竟這也是 Winnipeg 吃不到的美食啊！

感謝A媽的熱情招待，帶來完滿的 Day 3；去到 Day 4 就是2月14日情人節，也是節目安排最豐富的一天，希望在出發前也能完成！！！

 延伸閱讀

2023 Toronto Trip Summary ✮ 再訪多倫多活力之旅 ✮ 總結篇

2023 Toronto Trip ✮ 再訪多倫多活力之旅 ✮ Day 1: 出發 + 銀記腸粉 + Courtyard Toronto + 明珠

2023 Toronto Trip ✮ 再訪多倫多活力之旅 ✮ Day 2: 良心冰室 + First Markham Place + 牛角燒肉任食

Our 2nd Road Trip to Calgary ✵ 2023 卡加尼冬季路駕遊 ✵ Summary 總結篇

2022 Vancouver Trip Summary ✈ 溫哥華靚景暴食喪玩之旅 ✈ 總結篇

三日兩夜 Riding Mountain National Park x oTENTik Trip

2022 Calgary & Banff Trip Summary ❤ 加拿大卡加利 + 班夫之旅總結篇

   ** 想得知最新飲食情報，可追蹤 甜魔媽媽；欲得知甜魔一家消息，就追蹤 Matthew and Chloe 吧~~

飲食資訊由熱新聞提供 原文連結: 2023 Toronto Trip ✮ 再訪多倫多活力之旅 ✮ Day 3: Langham Square + 金鳳餐廳 + Cosmo Music + Hugsushi & 金沙堡 更多相關內容

2023 Toronto Trip Summary ✮ 再訪多倫多活力之旅 ✮ 總結篇

Yan Lo 甜魔媽媽的新天地，在這裡與大家分享美食、育兒，以及旅遊資訊~~~24小時為你介紹不同的餐廳，各國美食精選等！

[style-yesnews]

 一早訓醒看到市內景觀還不錯。

今日會開始遊走山口県，県內景點之間既距離唔算遠，時間尚早就去酒店附近既資さんうどん 幸神店食早餐。

早餐都有唔少選擇。

清早時間人流不多。

雖是清早但已有關東煮在等客人。

關東煮夠入味，唯獨蘿蔔不夠軟淋。

蜆肉湯帶鹹鮮。

米香白飯跟簡單配菜已夠吸引，���牛肉烏冬也十分滑溜。

上網剛好見到麵包店シロヤ 黒崎本店剛開門，去到已見有人在排隊。

開業超過70年既シロヤ不賣隔夜麵包外，也只用高級麵粉但定價卻是出了名的低廉。

既然如此也支持一下，買個名物煉乳法包サニーパン試下。

一旱已食到咁飽就先開車到THE OUTLETS 北九州行下。

呢個係新開既outlet，店鋪都唔少。

除左商店重有俾小朋友放電既設施。

買左俾主子既玩具後，行左一輪都冇收鑊，決定開車直上山口県。

第一站先食午餐，來到人氣旺盛既川棚本館。川棚本館既本館係修復過既過百年建築，去到已經有唔少人在本館等候。

等檯時樹下走出親人白貓。

人太多之下決定轉去後面既川棚南本館用餐。

出品應該跟本館分別不大吧。

上檯一刻見到大舊麵團放係一大塊燒熱既瓦片上都幾震撼。

麵身有點咬口但冇味道，配埋肉片同醬汁同吃就感覺不錯。

吃到底部燒得較乾既麵口感香脆。

食完麵向下一景點進發，途中經過道の駅「北浦街道 豊北」就落去shopping一下。

呢個道の駅可能因為近海，有唔少海鮮同海膽有關既產品手信。

唔睇清楚以為係海狗丸之類既野。。。原來又係海膽。

室內有位置供遊人買杯飲品坐低睇下海景。

三月天氣和暖，直接走到室外睇海景更寫意。

隔離有個小山丘，原來係個古墓。

係上面可以一覽整個海灣景色。

離開道の駅再向北不遠處就係角島大橋。角島大橋係不少汽車廣告及日劇拍攝地點。

望住海岸風景加上藍天白雲，構圖的確美得令人出神。角島其實其都有景點，但時間關係只可係展望台上欣賞一下影張靚相。

下一站係元乃隅神社。

神社錢箱位置竟然放係入口牌坊上，遊人想捐獻都要花力氣將銀幣扔上去。

神社放上123座鮮紅色既鳥居，用來保佑漁業同海上安全。

鳥居依山而建。

鮮紅色鳥居跟海天融成一體。

睇完神社已不早，係時候去今晚住宿既溫泉旅館大谷山莊。大谷山莊位處湯本溫泉區，鄰近長門市約15分鐘車程，而長門湯本溫泉已是六百年祕湯，係山口県內最古老既溫泉。

天皇和總理大臣亦曾到訪這裡。其實附近都有另一間星野集團既界長門溫泉旅館，不過論口碑及受歡迎度似乎大谷山莊更高人氣。

大堂氣勢及等候區景緻令人眼前一亮。

店內通道都裝修得一絲不苟。

不過最驚艷係房內望出去既景色，是到訪過溫泉旅館之中最美之一。

景色美得像一幅風景畫，係唯一一間景色可以跟富士山景色分庭抗禮。

浸一浸溫泉先再去樓下享用晚餐。

晚餐區在一樓。

今晚既餐單。

晚餐先來前菜刺身。

沙律加入河豚肉刺身幾特別。

鍋物中牛肉味濃油香十足。

煮物及炸物味道剛好也對口味。

白飯米粒飽滿帶米香，真係幾飽都要食。總括來說出品唔算大堆頭，份量剛好味道可以。

今晚既宵夜會開車出長門市既居酒屋道くさ。

小店格局好有小型家庭式居酒屋既感覺。

串燒做得不錯，香口又唔會太乾。

燒雞翼看似較乾，吃著卻皮脆肉嫩。

燒蠔是估不到的美味。

蠔身飽滿蠔味濃郁，入口蠔味在口中爆發。

坐到9點左右就埋單，因為book左旅館既9點半觀星時段。

上到頂樓坐低飲杯野，等上一時段既客人完成後就可入埸。

山莊頂樓呢個穹頂建築內，就係天文望遠鏡收藏既地方。

穹頂打開後，加埋天文望遠鏡成件事好有氣勢。從開始到尾都有專人講解同指導，一行人又可以輪流觀星，雖然聽唔明但都係十分好既體驗。

資さんうどん 幸神店

福岡県北九州市八幡西区茶売町3-5

093-644-6788

シロヤ 黒崎本店

北九州市八幡西区黒崎2丁目6-15

093-621-4688

 THE OUTLETS 北九州

福岡県北九州市八幡東区東田4丁目1番1号

093-663-7251

川棚本館

山口県下関市豊浦町大字川棚5437

Tel : [phone]

道の駅「北浦街道 豊北」

山口県下関市豊北町大字神田上314番地1

TEL [phone]

角島大橋

山口県下関市豊北町大字神田 角島展望台

元乃隅神社

山口県長門市油谷津黄498

 0837-22-8404

大谷山莊

長門市深川湯本2208

0837-25-3221

居酒屋道くさ

長門市東深川911

083-722-4538

2023日本山口県自駕遊第一日

飲食資訊由熱新聞提供 原文連結: 2023日本山口県自駕遊 第2日 (北九州市THE OUTLETS 川棚本館 角島大橋 元乃隅神社 大谷山莊 ) 更多相關內容

壽司郎居酒屋 : 杉玉 Sugidama

迷你黑洞 迷你黑洞愛吃，愛睡，愛煲劇。 工作最大的動力就是吃東西，去旅行。任何關於美食。旅遊。烹飪。生活點滴的事與物都不能錯過喔！

[style-yesnews]

 一早訓醒看到市內景觀還不錯。

今日會開始遊走山口県，県內景點之間既距離唔算遠，時間尚早就去酒店附近既資さんうどん 幸神店食早餐。

早餐都有唔少選擇。

清早時間人流不多。

雖是清早但已有關東煮在等客人。

關東煮夠入味，唯獨蘿蔔不夠軟淋。

蜆肉湯帶鹹鮮。

米香白飯跟簡單配菜已夠吸引，而牛肉烏冬也十分滑溜。

上網剛好見到麵包店シロヤ 黒崎本店剛開門，去到已見有人在排隊。

開業超過70年既シロヤ不賣隔夜麵包外，也只用高級麵粉但定價卻是出了名的低廉。

既然如此也支持一下，買個名物煉乳法包サニーパン試下。

一旱已食到咁飽就先開車到THE OUTLETS 北九州行下。

呢個係新開既outlet，店鋪都唔少。

除左商店重有俾小朋友放電既設施。

買左俾主子既玩具後，行左一輪都冇收鑊，決定開車直上山口県。

第一站先食午餐，來到人氣旺盛既川棚本館。川棚本館既本館係修復過既過百年建築，去到已經有唔少人在本館等候。

等檯時樹下走出親人白貓。

人太多之下決定轉去後面既川棚南本館用餐。

出品應該跟本館分別不大吧。

上檯一刻見到大舊麵團放係一大塊燒熱既瓦片上都幾震撼。

麵身有點咬口但冇味道，配埋肉片同醬汁同吃就感覺不錯。

吃到底部燒得較乾既麵口感香脆。

食完麵向下一景點進發，途中經過道の駅「北浦街道 豊北」就落去shopping一下。

呢個道の駅可能因為近海，有唔少海鮮同海膽有關既產品手信。

唔睇清楚以為係海狗丸之類既野。。。原來又係海膽。

室內有位置供遊人買杯飲品坐低睇下海景。

三月天氣和暖，直接走到室外睇海景更寫意。

隔離有個小山丘，原來係個古墓。

係上面可以一覽整個海灣景色。

離開道の駅再向北不遠處就係角島大橋。角島大橋係不少汽車廣告及日劇拍攝地點。

望住海岸風景加上藍天白雲，構圖的確美得令人出神。角島其實其都有景點，但時間關係只可係展望台上欣賞一下影張靚相。

下一站係元乃隅神社。

神社錢箱位置竟然放係入口牌坊上，遊人想捐獻都要花力氣將銀幣扔上去。

神社放上123座鮮紅色既鳥居，用來保佑漁業同海上安全。

鳥居依山而建。

鮮紅色鳥居跟海天融成一體。

睇完神社已不早，係時候去今晚住宿既溫泉旅館大谷山莊。大谷山莊位處湯本溫泉區，鄰近長門市約15分鐘車程，而長門湯本溫泉已是六百年祕湯，係山口県內最古老既溫泉。

天皇和總理大臣亦曾到訪這裡。其實附近都有另一間星野集團既界長門溫泉旅館，不過論口碑及受歡迎度似乎大谷山莊更高人氣。

大堂氣勢及等候區景緻令人眼前一亮。

店內通道都裝修得一絲不苟。

不過最驚艷係房內望出去既景色，是到訪過溫泉旅館之中最美之一。

景色美得像一幅風景畫，係唯一一間景色可以跟富士山景色分庭抗禮。

浸一浸溫泉先再去樓下享用晚餐。

晚餐區在一樓。

今晚既餐單。

晚餐先來前菜刺身。

沙律加入河豚肉刺身幾特別。

鍋物中牛肉味濃油香十足。

煮物及炸物味道剛好也對口味。

白飯米粒飽滿帶米香，真係幾飽都要食。總括來說出品唔算大堆頭，份量剛好味道可以。

今晚既宵夜會開車出長門市既居酒屋道くさ。

小店格局好有小型家庭式居酒屋既感覺。

串燒做得不錯，香口又唔會太乾。

燒雞翼看似較乾，吃著卻皮脆肉嫩。

燒蠔是估不到的美味。

蠔身飽滿蠔味濃郁，入口蠔味在口中爆發。

坐到9點左右就埋單，因為book左旅館既9點半觀星時段。

上到頂樓坐低飲杯野，等上一時段既客人完成後就可入埸。

山莊頂樓呢個穹頂建築內，就係天文望遠鏡收藏既地方。

穹頂打開後，加埋天文望遠鏡成件事好有氣勢。從開始到尾都有專人講解同指導，一行人又可以輪流觀星，雖然聽唔明但都係十分好既體驗。

資さんうどん 幸神店

福岡県北九州市八幡西区茶売町3-5

093-644-6788

シロヤ 黒崎本店

北九州市八幡西区黒崎2丁目6-15

093-621-4688

 THE OUTLETS 北九州

福岡県北九州市八幡東区東田4丁目1番1号

093-663-7251

川棚本館

山口県下関市豊浦町大字川棚5437

Tel : [phone]

道の駅「北浦街道 豊北」

山口県下関市豊北町大字神田上314番地1

TEL [phone]

角島大橋

山口県下関市豊北町大字神田 角島展望台

元乃隅神社

山口県長門市油谷津黄498

 0837-22-8404

大谷山莊

長門市深川湯本2208

0837-25-3221

居酒屋道くさ

長門市東深川911

083-722-4538

2023日本山口県自駕遊第一日

飲食資訊由熱新聞提供 原文連結: 2023日本山口県自駕遊 第2日 (北九州市THE OUTLETS 川棚本館 角島大橋 元乃隅神社 大谷山莊 ) 更多相關內容

2022韓國自由行自駕遊第五日 (仁川)

迷你黑洞 迷你黑洞愛吃，愛睡，愛煲劇。 工作最大的動力就是吃東西，去旅行。任何關於美食。旅遊。烹飪。生活點滴的事與物都不能錯過喔！

[style-yesnews]

 上月走左日本一轉，食左唔少野但炸物唐揚就不在名單，咁岩早兩晚食友相約試炸串，既然在日本都沒品嚐，有時間就試一試。

今晚餐單係「十道串揚」菜單。

店家預備了幾款醬汁，包括秘製醬可配肉類、

蜂蜜芥辣可配海鮮、鰹魚汁可配魚貝及海藻鹽和柑桔等。

前菜三種包括明太子沙律、意大利青瓜配雞肉麵豉醬及慢煮鰤魚。沙律中既明太子落得重手；鰤魚味鮮肉質結實，而意大利青瓜爽脆跟重口味雞肉麵豉醬很夾。

串揚先來炸和牛西冷配黑松露醬串，和牛西冷油香充足，而炸串粉醬夠薄夠貼，不會一咬成塊散開。

炸天使蝦串既比常見既牡丹蝦結實。

蝦頭部位保留了蝦膏關係，一咬滿口膏香。

韭黃雞柳卷串比較平實，但雞柳在醬汁加持下食得出有雞味。

炸鮫魚串的魚肉不算嫩滑，但鮫魚仍吃得出濃濃魚味。

中場逸品送上口感獨特既黏口自家製麻糬豆腐。

再來串揚時間，炸竹筍口感爽脆又帶鰹魚香。

炸金文畢芝士加上店家特製鹽醃櫻花乾是炒品，鹹香芝士在鹹櫻花乾加乘下是估不到的美味。

炸帆立貝串看似普通，而炸串上既辛辣檸檬汁有點似tabasco既口味。

這醬汁帶出了厚肉帆立貝的鮮味。

炸蓮藕明太子串是鮮及鹹香合體。

香港店獨家既炸特製冬菇免治肉串上場，菇味隱隱在肉中滲出，比一般既免治肉串吸引。

最後炸串三文魚配三文魚籽炸串送上，吃得一口都係三文魚肉及魚籽鹹香。

食事中稻庭烏冬軟滑，雞肉茶泡飯在柚子胡椒味道引領下帶不錯海鮮清香。

甜點自家製布甸及夾餡雪糕作結尾。

串亭 Kushitei

地址：尖沙咀堪富利士道8號格蘭中心地下04-05號舖

Tel : [phone]

飲食資訊由熱新聞提供 原文連結: 串揚廚師發辦 : 串亭 Kushitei 更多相關內容

生活愉快 : 愛文生

迷你黑洞 迷你黑洞愛吃，愛睡，愛煲劇。 工作最大的動力就是吃東西，去旅行。任何關於美食。旅遊。烹飪。生活點滴的事與物都不能錯過喔！

[style-yesnews]

都有一段時間沒有走入大圍，今日起身時間比較早，就入去一轉試下早前mark低既cafe。

餐牌選擇唔算多但都有點特色，應該係有花過心思唔想交行貨既結果。

餐湯濃郁杰身足料又好味。

主菜先上黑蒜忌廉蒜蓉蛋黃醬大雞扒跟燒菠蘿及菠蘿包薯條。

大雞扒本身普通，但將塊燒菠蘿同雞扒一齊食就幾好，酸酸甜甜可帶出雞味，加埋黑蒜忌廉蒜蓉蛋黃醬就更惹味，另菠蘿包都幾脆，不過已經太多野所以夾唔到同雞扒一齊食。

另一主菜係沙茶醬忌廉紅蝦青口扁意粉加溫泉蛋。

扁意粉口感幾好，加上沙茶醬忌廉就更香滑。

紅蝦同青口唔會只得雪藏味，食落真係有鮮味，呢個價錢收貨有找。

熱飲既蜂蜜柚子茶正常，另菠蘿熱情果茶唔會太甜幾清新。

呢邊比較少途人，冇大圍站個邊咁熱鬧，似乎更適合開cafe，令人可更放鬆心情享受食品同飲品。

 Four X Four

地址：慈雲山毓華里55號

Tel : [phone]

飲食資訊由熱新聞提供 原文連結: 放鬆心情 : Four X Four 更多相關內容

自動獻身 : 好姐永安粿條

迷你黑洞 迷你黑洞愛吃，愛睡，愛煲劇。 工作最大的動力就是吃東西，去旅行。任何關於美食。旅遊。烹飪。生活點滴的事與物都不能錯過喔！

[style-yesnews]

每次去 Calgary 最重要的目的都一樣：取護照！所以 Day 5 一早起來再次享用酒店早餐後，我們就收拾行李 check-out 離開 Days Inn Airport，然後去只有週二上午才開門、巴巴閉閉的中國領事館拿護照。之後由於回程需時，也沒再多作停留，直接出發去晚上留宿的 Moose Jaw 了！

繼續詳文之前，也多講一點點：在眾多加拿大城市中，Winnipeg 算是很不方便的，很少國際航線也算了，每次要辦理甚麼重要文件都要到別的城市去，中國領事館如是，日本領事館及美國領事館也如是；身邊要辦美國簽證的朋友，也像我們密密往 Calgary 跑。甜魔家已經第二次來領事館，這次是老公要拿新護照，他一人去取證，我們連拍照都懶了，取完證就往 SK 省方向駛去。

由 Calgary 去 Moose Jaw 大概要7小時，我們中間在 Calgary Costco 及 Medicine Hat Costco 都停了一會，分別是入油去廁所、買輕食午餐、再入油再去廁所，然後一口氣駛到 Moose Jaw。由於中間的兩場停頓，抵達 Moose Jaw 時已經天黑了，大家也餓了，就先去 Boston Pizza 吃晚餐。

關於 SK 省甜魔媽媽沒有很多著墨，因為該省的確比 MB 省更少人更荒蕪，去年回程時留宿的 Swift Current 如是，這次留宿的 Moose Jaw 也一樣，不能期望找到甚麼合心意的亞洲菜了，安安份份的吃鬼佬餐吧！BP 的出品不會驚艷，但起碼 family friendly，而且兩兄妹至今還未吃厭。

講真，只要不追求亞洲美食或用品，生活在 SK 省或 MB 省，只幫襯西式超市、只吃西餐的模式是完全沒有問題的，還屋大路闊，生活不知幾寫意呢。

  當晚住宿 Best Western Plus Moose Jaw，房間挺大還有 Kitchette，雖然其實我們一點也用不著；會預訂這裡主要為了它的滑水梯，因為預計到小小 Moose Jaw 市並沒甚麼好玩，舟車勞頓一天後，讓兩兄妹開心玩玩水最好。

媽媽一早過了滑水梯的年紀，給兩兄妹用手機拍照留念，又陪他們去 Jacuzzi 泡一會兒已經非常滿足了。當然最辛苦的還是爸爸，不得不讚這次選搭 Pathfinder 出遊可以使用 Auto-Pilot 模式，已經減省了不少辛勞；但在飽餐一頓後還是早早去睡吧～～～

來到 Day 6 早上，酒店是包自助早餐的，一家四口可以吃飽飽，甚至去 Gym Room 稍稍減一減肥（主要是 Matthew 啦...），然後約11時才 check-out 出發。

還算不錯的早餐

由 Moose Jaw 回 Winnipeg 要6個半小時，我們目標是天黑前回去，所以中間只在 Regina Costco 稍停加一加油，之後在 Brandon 來頓 A&W drive-thru 午餐，就一個大直路回 Winnipeg 了～

都忘了照片是何時拍才會看到紅霞，總之在 SK 及 MB 的路上大多是一片荒蕪，最大的娛樂已是車上的音響／預早下載的影片了。最終，我們在日落前順利抵達 Winnipeg 家中，Calgary 第二次 Road Trip 完滿結束。

相比之前的 Vancouver 或緊接 2/10 - 2/16 進行的 Toronto 旅程，驟看 Calgary 的美食行程沒那麼緊湊豐富，其實很大原因是因為花了太多時間在車程／取護照上。接著5月又有一個機會／藉口又要再訪 Calgary，那次將會搭飛機，也會住宿 Downtown 品嚐更多美食，到時再作分享吧！😎

延伸閱讀

Our 2nd Road Trip to Calgary ✵ 2023 卡加尼冬季路駕遊 ✵ Summary 總結篇

Road Trip to Calgary 2023 ✵ 冬季路駕遊 ✵ Day 1-2: From Winnipeg to Regina to Calgary

Road Trip to Calgary 2023 ✵ 冬季路駕遊  ✵ Day 3: 卡城華人宣道會 + Winsport Tube Park + 壽司晚餐

Road Trip to Calgary 2023 ✵ 冬季路駕遊 ✵ Day 4: 桃園茶餐廳 + 睇樓 + Cafe 100% + Made by Marcus

2023 Toronto Trip Summary ✮ 再訪多倫多活力之旅 ✮ 總結篇

2022 Vancouver Trip Summary ✈ 溫哥華靚景暴食喪玩之旅 ✈ 總結篇

三日兩夜 Riding Mountain National Park x oTENTik Trip

2022 Calgary & Banff Trip Summary ❤ 加拿大卡加利 + 班夫之旅總結篇

  ** 想得知最新飲食情報，可追蹤 甜魔媽媽；欲得知甜魔一家消息，就追蹤 Matthew and Chloe 吧~~

飲食資訊由熱新聞提供 原文連結: Road Trip to Calgary 2023 ✵ 冬季路駕遊 ✵ Day 5-6: Calgary - Moose Jaw - Winnipeg 回程篇 更多相關內容

2022 Vancouver Trip ✈ 溫哥華之旅 Day 4: Queen Elizabeth Park + Granville Island Public Market + Joey's Bu

Yan Lo 甜魔媽媽的新天地，在這裡與大家分享美食、育兒，以及旅遊資訊~~~24小時為你介紹不同的餐廳，各國美食精選等！

[style-yesnews]

今個三月是多事之春，很多事務忙著處理就遲了更近遊記... 其實剩下行程也不多了，今天一口氣更新 Calgary 之旅的 Day 4-6 吧！因為到訪首幾天正好是週末，都忙著與朋友見面，來到 Day 4 是星期一，才有時間到處吃吃吃，以後十分重要的約了經紀睇樓！😎

講起睇樓，不得不說 Calgary 的經紀絕對要比 Winnipeg 的經紀上心又 hur 很多、太多！之前兩口子間中上網搜尋當地樓盤資料，一留電話／電郵的，必定很快收到電話＋電郵不斷追問情況；而這次網上約睇樓也是，一個 message 發出後不夠半分鐘，已收到回覆說周一時間沒問題，很快就約實了11:30am - 2:30pm 去參觀5個不同的樓盤。作為香港人，講真兩口子是欣賞這邊的效率的；雖然我們已過了併博的年齡，但孩子還在成長，會深受城市氛圍影響。所以才心動想搬想睇樓～

睇樓約的是上午11:30am，完成酒店早餐後還有不少時間剩下，在酒店嬉水消脂及出發去吃多頓港式早餐增肥中，我們選了後者。這次目標是位於 Downtown 並靠近 Chinatown 的 桃園茶餐廳。

同樣都是 Chinatown，由於 Calgary 城市年紀最輕，比 Vancouver、Toronto 以及 Winnipeg 都要新淨及乾淨，這也是它的加分點。對新移民來講 Calgary 算凍，比起 Winnipeg 就不算甚麼，二月的積雪也明顯少很多。完成遊記後，甜魔媽媽會分享 Winnipeg 三月實況，大家看了就明白了～

論餐單而言，Calgary 的港式早餐與 Vancouver 及 Toronto 差不多，相比兩大埠某些特別抵的餐廳或較貴，但一定比 Winnipeg 便宜很多；不！應該說 Winnipeg 其實是沒吃港式早餐的地方的...😢 但在考慮稅金後（Calgary 5% vs Vancouver 12% vs Toronto 13%），其實三個城市消費都相約，桃園這頓豐盛早餐連稅連小費埋單是 C$40.7，吃的超飽很滿足了～～～

吃飽這頓我們就出發去睇樓了，預計一直睇到2點多，剩下時間剛剛好去吃下午茶。我們看的全是在西北或北邊的華人區，第一間屋是優秀校區 Dalhousie - 5812 Dalton Drive 的已翻新舊平房，叫樓七十多萬，感覺還可以。睇樓看圖沒甚麼用，睇片最實際，不過首間屋由於是 Detach Garage，分了幾段片來拍，沒心機合併就算了。

第二間 Varsity - 3919 Varsity Drive 的舊屋，但60年代建下來從沒翻新的屋太舊了，我們完全上不上眼；更重要是房子雖舊，但因校區非常優秀、前一天已被買下來，所以完全沒拍了。

第二間也是 Dalhousie - 6527 54 Street 的舊屋，也是經過翻新，陽光很足，但房內部分間隔怪怪的，拍了也不分享了。

第四間是新社區 Nolan Hill - 16 Nolanhurst Heights 的新屋，明顯裝修及隔間都好很多，叫價卻不算高只七十萬。所以，在新屋及靚校區之間，我們都在心動掙扎；不過再心動也沒用，因為加拿大新政策年初已出台，要買屋必須先有 PR／楓葉卡，我們還在等呢，所以大把時間考慮～😅

  本來還有第5間屋，忘了是業主還是租客有事不能看，算吧。所以我們與經紀道謝後，去 Tim Horton's 買杯咖啡、吃件冬甩，又出去附近北區的 Carington 看靚靚 showroom，以下全部有片。老實講，該批 showroom 裝修是美，可以借作日後入伙的參考，但格局不算太合心。

Showroom #1 - 1,674 sq ft. 

Showroom #2 - 2,164 sq ft.

Showroom #3 - 2,864 sq ft.

由於格局不算合心，我們沒問過價錢，但有朋友說起最大 size 的 showroom 叫價不過一百萬，可見 Calgary 比兩大埠的樓樓吸引很多！完成所有睇樓行程後，時間已是三時多，大家都非常肚餓，馬上趕去重溫 Cafe 100% 百份百餐廳 了～

本來打算留肚吃吉列晚餐，四人最多分享三份餐好了；但由於下午茶太抵食，最後忍不住每人點了一份餐，而且其中三份都是極其飽肚的焗飯。沒辦法，去年到訪時最印象深刻就是香噴噴又熱辣辣的焗飯，相比 Winnipeg 許多只算是撈汁飯的頹廢出品，這才真是貨真價實的焗飯啊！😋

而且下午茶的份量與午飯無異，我們很努力又很歡樂地完成所有美食後，根本飽到晚餐完全吃不下啊！而連稅連小費埋單也不過C$68，在 Winnipeg 新鏞發買三份外賣（還不連飲品）也不夠，真可憐...😅

真的吃到太飽了，我們決定去逛商場，爸爸順便幫朋友去 Apple 買手錶。Winnipeg 不是沒有 Apple，但要多付7%的稅金，所以有貴價東西要買還是來 Calgary 比較划算。日積月累下來，事事都省7%也真不少呢～～～

我們原目標的 Fuwa Fuwa Japanese Pancake 及 Kim's Katsu 都在 Downtown 附近，可我們都怎麼也吃不下了，嗚嗚...😭 不過媽媽搜尋到附近有間風評不錯的雪糕店 - Made by Marcus，正好可以幫助消滯一下，就下車在 Downtown 一帶漫步搵食。

Calgary Downtown 比 Winnipeg Downtown 乾淨企理很多，也沒甚麼流浪漢在附近停留，走起來感覺安心很多；由名廚 Marcus 主理的 Made by Marcus 出品也很驚艷，層次豐富、口感多變但沒有太甜太膩，柔柔甜味與濃濃榛子香十分吸引人，C$7一杯非常抵食，成了甜魔媽媽幸福的晚餐～

其後爸爸及MC真的沒再吃甚麼？當然有，不過中國胃的他們又心心思思去大統華找吃的啦～忘了買了蛋卷、壽司還是甚麼的；所以就當為了大統華，也要下定決心離開 Winnipeg 呀！😅

Day 4 就這樣過去，Day 5 在領取護照後我們就離開了，行程不多也會很快更新出來～

延伸閱讀

Our 2nd Road Trip to Calgary ✵ 2023 卡加尼冬季路駕遊 ✵ Summary 總結篇

Road Trip to Calgary 2023 ✵ 冬季路駕�� ✵ Day 1-2: From Winnipeg to Regina to Calgary

Road Trip to Calgary 2023 ✵ 冬季路駕遊  ✵ Day 3: 卡城華人宣道會 + Winsport Tube Park + 壽司晚餐

2023 Toronto Trip Summary ✮ 再訪多倫多活力之旅 ✮ 總結篇

2022 Vancouver Trip Summary ✈ 溫哥華靚景暴食喪玩之旅 ✈ 總結篇

三日兩夜 Riding Mountain National Park x oTENTik Trip

2022 Calgary & Banff Trip Summary ❤ 加拿大卡加利 + 班夫之旅總結篇

  ** 想得知最新飲食情報，可追蹤 甜魔媽媽；欲得知甜魔一家消息，就追蹤 Matthew and Chloe 吧~~

飲食資訊由熱新聞提供 原文連結: Road Trip to Calgary 2023 ✵ 冬季路駕遊 ✵ Day 4: 桃園茶餐廳 + 睇樓 + Cafe 100% 下午茶 + Made by Marcus 更多相關內容

2022 Vancouver Trip ✈ 溫哥華之旅 Day 3: Steveston Fisherman's Wharf + Terra Nova Adventure + 滬江

Yan Lo 甜魔媽媽的新天地，在這裡與大家分享美食、育兒，以及旅遊資訊~~~24小時為你介紹不同的餐廳，各國美食精選等！

[style-yesnews]

一些舊式食品在港買少見少，一來手工多，二來可能賣不到好價錢，三來是原材料愈來愈貴或差，結論就是吃力不討好，粿條應該是其中之一。

上網見到粿條兩個字已兩眼發光，見到係新店更加有興趣，轉頭就星期六過黎試試。

粿條一定會叫，叫多碗米粉再加扁食同鴨血試試。

先試一份酸辣湯扁食，酸辣湯不似街外常見個種放一堆菇絲粉絲既出品，只係湯汁調成酸辣。

扁食係雲吞仔係閩南名稱，一口一粒沾上酸辣湯汁幾開胃。

另加既小食香辣鴨血，口感好又夠麻辣味。

鮮骨湯粿條跟招牌活肉先上。

粿條切得闊而薄身，食落入口軟滑，心想用黎配上星期食既雞油花雕蒸蟹的話，效果可能比該店家用既陳村粉更好。

招牌活肉最初一睇以為係蝴碟腩，原來係豬面肉。活肉富肉香入口又爽滑，吸引力不比粿條差。

另一碗係胡椒豬肚粉腸雞腳湯米粉，湯汁香濃帶胡椒香氣。

米粉都唔係一夾即散之流又掛到湯。

粉腸同豬肚洗得乾淨，冇內臟腥臭又煮得夠淋，呢碗都係有水準出品。

不只粿條出品有料到，其他出品及小食都對版，以後應該定時定候自動獻身。

好姐永安粿條

地址：大角咀埃華街105號地下C1號舖

Tel : [phone]

飲食資訊由熱新聞提供 原文連結: 自動獻身 : 好姐永安粿條 更多相關內容

繼續麻甩局 : 日升美食店

迷你黑洞 迷你黑洞愛吃，愛睡，愛煲劇。 工作最大的動力就是吃東西，去旅行。任何關於美食。旅遊。烹飪。生活點滴的事與物都不能錯過喔！

[style-yesnews]

 一開始覺得鳳鳴居呢個店名十分熟悉，後來先想起多年前周圍搵米線試既日子，已在上水食過一次，而家想食既話唔使再去上水居鳴居水上。

雖然已忘記當日既味道，而如今已變旺角人龍店，高峰時間相信要等上半個鐘，今晚唔算多人在店外等位，當然想再一嚐美味。

在店外等待既時間，已選好兩款米線。

蟲草花雞湯米線加秘製腩肉先送上。

雞湯有淡淡雞油香，不過湯如果熱一點更好。

雞件皮薄肉嫩。

配上店家既豉油更惹味。

米線軟滑又唔會一夾即斷。

另加既腩肉有咬口又入味，整碗米線都係水準之上。

麻辣醉香雞湯米線後上，而湯汁比剛才更熱。

雞件同米線同樣有水準。而湯汁既麻辣同酒香拿捏得好，味道平衡有層次，喝到碗底朝天。

看似簡單既東西如米線同雞件，要做得好卻不是想像中簡單。旺角賣米線既地方唔少，有幾多間可以令人等上半個小時都要等落去?

 鳳鳴居

地址：旺角西洋菜南街138號地下2號舖

Tel : [phone]

飲食資訊由熱新聞提供 原文連結: 上水居鳴居旺角 : 鳳鳴居 更多相關內容

再做一晚大班 : 大班樓

迷你黑洞 迷你黑洞愛吃，愛睡，愛煲劇。 工作最大的動力就是吃東西，去旅行。任何關於美食。旅遊。烹飪。生活點滴的事與物都不能錯過喔！

[style-yesnews]

趁週末又來 update 一下遊記：扣除首尾各1.5日的車程，Calgary 之旅實際要食要玩就是中間兩天；不過 Day 3 剛好是週日，我們決定也跟DD家庭一起到卡城華人宣道會參加崇拜，然後一同去 Winsport 滑雪／大玩 Tube Park，晚上再次相聚開餐，十分盡興愉快！

其實 Day 2 晚參觀了DD家後，兩兄妹也有心動要不要留宿；但最後都因為想在酒店游水／做 Gym 而放棄了。上回在 Days Inn 住過覺得不錯，這次也重訂了3晚的 Double Queen Room，也是包簡單早餐的，適合我們這等喜歡吃水果、乳酪打底的胃口。

不過早餐都是次要，重訂酒店的最主要原因，是兩兄妹十分喜歡這裡的滑水梯！媽媽也去過 Jacuzzi 泡了兩次，是挺舒服的；開始健身的 Matthew 這次也開始探索了健身房，每早每晚都幾乎會去練習一次，十分用功！

對了，上一篇提過：Day 2 晚因太遲 check-in 沒了雙床房，被升級到只有一張 King Bed，外加一張沙發床的 Jetted Suite 套房。但沙發床始終不如正式床那麼舒適，所以早餐後又去要求給換了回來，真棒！但一換完房大頭蝦Chloe就把雪褸忘了漏了在新房間，又是後話了。。。

網上圖片：卡城華人宣道會

與DD家庭的認識正正是由於溫城華人宣道會，他們搬到 Calgary 後，也繼續參加當地卡城華人宣道會的聚會。當然，Calgary 華人人口更多，除了教會聚會人數更多，教會也有分堂了，聚會氣氛比 Winnipeg 更熱烈；當日也認識了一些剛搬到 Calgary 的香港家庭，對他們來說，Calgary 的冬天很冷、很大雪，但見識過「一山還有一山高」的我們，當然就是笑而不語了～

本來，參加祟拜後打算與DD家庭一起再訪百分百茶餐廳，但是考量Chloe沒有雪褸，下午鐵定去不了 Winsport 滑雪或玩雪，所以只得先兜回酒店取了大褸，再於酒店附近的 Popeye's 吃頓快食午餐。一段日子沒再訪，重溫起來十分滋味！但由於 Popeye's 在 Winnipeg 也有分店，如非情況突然，其實不應在旅程中佔用 quota 去吃的～

吃飽飽，就是時間來到是日戲玉：到 Winsport 會合DD家庭玩雪！事緣心心及毛毛都在 Winsport 每週學滑雪，由於 Winnipeg 太平坦，不多同類型的滑雪場地，我們就決定一起去湊熱鬧玩玩；不過週日場館營業時間只到5pm，我們找到位子泊好車已快3pm，要排隊租滑雪用品肯定不夠時間了，索性就去同場另一邊的 Tube Park，在2小時無限暢玩水泡！

Tube Park 收費C$27/人，租賃安全頭盔就C$10/位，第一次參加給MC都租一頂吧！入場後每人會獲發一個連著索帶的水泡，水泡其實相當沉重的，在雪地上打平拖動不難，要拉上坡就會挺累了；還好場內有魔毯運輸帶幫大家帶著水泡上坡，上坡時還可以看到旁邊滑雪練習場的情況！

抵達頂部後，大家就可以排隊去讓場內員工幫忙推下坡。下坡可以一個人、兩個人，或最多三個人一起滑行；也可以要求直推，或讓員工幫忙轉動 (spin) 水泡，達至旋轉下坡的效果～

第一會回媽媽好像是跟妹妹一起下坡，沒有 spin 的，可以好好欣賞市內風光；之後我們嘗試了獨個下坡、兩個人或三個人的組合，有時 spin 有時沒有，在2小時內基本上所有組合都試遍了！

  就是這樣，我們前後玩了沒有廿次都起碼十多次，時間去到5點，員工陸續離開、場館也準備關門了，我們才依依不捨地離開，並再次會合學完滑雪的 DD 家庭。當晚我們決定再次一起晚餐，DD 家庭準備了壽司外賣，我們則又去 T&T 買了一堆點心、燒味、豆瓣鰂魚，以及即叫即製的特色燒餅，帶上去一起開餐了～

連燒餅也有！T&T真的太幸福了～～～

再次一起聚餐，主人家準備的美食相當豐富，T&T 的外賣也毫不失禮，大家飲飽食醉好不愉快！飯後，又一起打機、玩 card game 及聊天，更是盡興到不行～😍 如非翌日心心毛毛都要返學，還想一直玩下去呀！

就這樣，充實的 Day 3 結束了～Day 4 會有較多時間搵食，以及約了經紀進行睇樓！遲些再續～

延伸閱讀

Our 2nd Road Trip to Calgary ✵ 2023 卡加尼冬季路駕遊 ✵ Summary 總結篇

Road Trip to Calgary 2023 ✵ 冬季路駕遊 ✵ Day 1-2: From Winnipeg to Regina to Calgary

2023 Toronto Trip Summary ✮ 再訪多倫多活力之旅 ✮ 總結篇

2022 Vancouver Trip Summary ✈ 溫哥華靚景暴食喪玩之旅 ✈ 總結篇

三日兩夜 Riding Mountain National Park x oTENTik Trip

2022 Calgary & Banff Trip Summary ❤ 加拿大卡加利 + 班夫之旅總結篇

  ** 想得知最新飲食情報，可追蹤 甜魔媽媽；欲得知甜魔一家消息，就追蹤 Matthew and Chloe 吧~~

飲食資訊由熱新聞提供 原文連結: Road Trip to Calgary 2023 ✵ 冬季路駕遊 ✵ Day 3: 卡城華人宣道會 + Popeye's + Winsport Tube Park + 壽司晚餐 更多相關內容

2022 Vancouver Trip ✈ 溫哥華之旅 Day 5: 麗晶茶餐廳 + 王子海鮮酒家 + Root98 at Winnipeg Airport

Yan Lo 甜魔媽媽的新天地，在這裡與大家分享美食、育兒，以及旅遊資訊~~~24小時為你介紹不同的餐廳，各國美食精選等！

[style-yesnews]

壽司郎應該好多人都幫襯過，價格親民又係日本直營店既吸引力毋庸置疑，前一排收到風壽司郎母公司開左居酒屋，今晚就約食友一齊試下。

餐牌都唔少選擇，壽司都一堆不過唔係主要目標，要食壽司既話直接去壽司郎就得。最後點左小小壽司、一堆小食炸物同甜品試下。

居酒屋又點可以冇酒，種類同選擇都唔算太少。

杉玉薯仔沙律應該係呢度名物，裡面有薯蓉、蝦乾、甜醋薑包住流心蛋，外面就灑上海苔粉，就叫一個試下。

個樣幾吸引不過味道唔算好特別，主要都係食到薯仔沙律同蛋既味道而已。

炸池魚食落脆口又有魚肉味值得一試。

池魚骨脆餅炸得堅脆口，魚骨一咬即散。

吞拿魚拌山藥泥比較淡，山藥泥係軟滑但同吞拿魚冇咩化學作用。

原來呢度都有壽司郎冇既壽司出品，食友又有興趣所以都試下。

炙燒海膽牛油鮟鱇魚肝壽司油香足，炙燒海過既鮟鱇魚肝夠吸引。

炙燒昆布漬鰈魚鰭邊壽司入口有油香有炙燒香氣。

大啖滿足茶碗蒸同預期差唔多，要蛋味有蛋味同食落都軟滑。

螢光魷魚醬油漬夠鹹香，係送酒佳品。

日式高湯玉子燒伴蘿蔔蓉幾好，蛋香不錯入口滑溜。

蒸鮟鱇魚肝拌關東煮蘿蔔都可以，鮟鱇魚肝鮮味滲入軟嫩煮蘿蔔內，令到蘿蔔都變左亮點。

卡達拉娜即係焦糖燉蛋，炙過帶焦香。

降霜芝士白桃意式奶凍，降霜即係店家即場刨芝士。白桃味道清甜，而即場刨芝士睇就幾夠gimmik但口味上帶唔出咩效果。

呢度雖叫居酒屋，但氣氛唔太似真正日式居酒屋，不過想食下日式小食同淺嚐兩杯都可以。

 杉玉 Sugidama

地址：灣仔軒尼詩道256號The Hennessy地下B及C號舖

Tel : [phone]

飲食資訊由熱新聞提供 原文連結: 壽司郎居酒屋 : 杉玉 Sugidama 更多相關內容

2022韓國自由行自駕遊第五日 (仁川)

迷你黑洞 迷你黑洞愛吃，愛睡，愛煲劇。 工作最大的動力就是吃東西，去旅行。任何關於美食。旅遊。烹飪。生活點滴的事與物都不能錯過喔！

[style-yesnews]

最近，英國拍賣場上出現個難得一見的物業。罕有不在於這個物業位於倫敦市中心，係一個兩房單位，而係在於內裡實質卻是個大麻農場。

睇相種大麻的一切所需依然係屋內，基本上係即買可以即開工種植熱帶植物。

拍賣價格為 £275k，有興趣大家可以睇下。

註: 大麻在英國是非法的，而擁有大麻農場更是違法的行為。

但種下其他新鮮農作物都應該還是可以的。

Listing:

https://auctionhouselondon.co.uk/lot/77b-ballards-lane-finchley-london-n3-1xt-200927/

睇樓影片:

https://www.youtube.com/watch?v=jF1PxTgNdWM

覺得我的文章幫到你，希望你都可以打賞下，支持下我寫作創作的動力。

https://www.paypal.me/rkwc1993

【Paypal 打賞】https://www.paypal.me/rkwc1993

【Patreon】https://www.patreon.com/rickster90daily

【Facebook】

https://www.facebook.com/ricksterinvestment

【Instagram】 https://www.instagram.com/kw_rick93/?hl=en

【Blog】http://creating-cashflow.blogspot.com/​

【Email】[email protected] 

【Youtube】https://www.youtube.com/channel/UCEmw8R78FzxPr-ci7WdEuiw

----------------------------------------------------------------------- 

歡迎你加入我的 Patreon ，加入Patreon Only 的投資 Group，已經分享價值超過 £1,000 的有用英國買樓資訊！！！！ https://www.patreon.com/rickster90daily - 優先回覆你的問題 - 個人股票，英國房地產投資分享 - 英國生活分享 - 有用的英國物業投資資訊 - 投資討論 一起討論英國物業投資 / 股票理財，實行有錢齊齊搵，集思廣益。 你亦都可以當係每個月請我飲杯咖啡，支持一下，增加我寫作分享的動力，無限的感激。 

----------------------------------------------------------------------- 

個人簡介: 在英居住多年的香港仔，具多年投資經驗，主力英國房地產投資及 Tesla 。著有《買起英國樓》及為投資博客「90後投資記」博主，分享在投資英國物業的心得及經驗。曾接受多間媒體訪問有關英國的資訊及分享。

Tesla 幾時買好 現在就是買入的機會 !!!

----------------------------------------------------------------------- 

香港開英國銀行戶口真神器，Wise Bank ，網上即開即有英國銀行戶口資料，英國銀行轉帳，匯款到英國慳時間，慳手續費 - https://wise.com/invite/ata/e8bc2b0

英國精打細算必學 TopCashBack 在網上賺物現金回贈https://www.topcashback.co.uk/ref/chkw1993 用此連結登記及開始購物，即時消費回饋。

英國公司開銀行戶口好容易，推介使用 Tide Bank 公司銀行戶口，容易開戶 - https://www.tide.co/refer-a-friend/?referralName=Ka+Wai&referralCode=CHENBLCCK

英國本地超級好用的網上銀行 Revolut ，容易操作，本地用一流，海外信用卡消費免手續費，匯價也是一流 - https://revolut.com/referral/kawaicqfn!NOV1AR

 ----------------------------------------------------------------------- 

關於理財投資，英國地產的問���，可以 email 我 [email protected] 與我聯絡。 

----------------------------------------------------------------------- 

我跟朋友在英國成立了一間物業管理公司，專門向海外投資者提供英國的物業管理服務，包括倫敦 Zone 3 以內，曼徹斯特，利茲及利物浦。如果有興趣知道我們的服務及收費，都歡迎你來郵查詢。 

www.lionrockproperties.co.uk

創業資訊由熱新聞提供 原文連結: 買個英國大麻農場 更多相關內容

Elon 也急了 首富要爆倉

RkwC九十後投資日記 在英國生活，分享在投資及生活上的點滴。