لو في حاجه بتفرحني في ايامي دي هي فاطمه اختي ربنا يباركلها يارب
زي. ماقال عصام الشوالي كبيرهم علي صغري….. هي اصغر حد في اسرتنا ولكنها اكترنا رجاحة عقل
امبارح ظهرت نتيجتها ونجحت فرحتي بيها هي حاجه مابعرفش اوصفها او اقاربها بشعور مريت بيه فاطمه هي سبب فرحه صافيه فحياتي ماشفتش حد عنيه بتبصلي بصة فاطمه رغينا البسيط هي احاديث مهمه بالنسبالها ومهم بالنسبالي
مقدرش انسي اني في عزا خالي كنت نازل من الكويت يومها ونزلت علي العزا كانت ماسكه جلابيتي علي ايدها ومستنياني بيها ونظرة عنيها بتتقلب من الحزن للفرح عشان شافتني شافت اخوها اللي ماشفتهوش من سنه وكان حضوري كافي ينسيها الزمان والمكان
انا مش بطل ف قصة حد الا في قصة فاطمه أختي
اتمني لكل الناس ان يكون عندهم اخوات بلطف فاطمه وطيبتها وجدعنتها
18 notes
·
View notes