#عايز حقي

[es-r-aa7]

عيان بيدعيلنا ، وعيان بيدعي علينا واهي ماشية 😎😅

#my own stuff #mine ❤️ #يوميات صيدلانية في جهة حكومية #عايز حقي #moments #اخر ايام الحكومة قبل م تتخصخص #بانجو من غير بانجو

[rehan-1977]

عندما تشعر أن المكان ليس مكانك لا لا تحارب

ويكفيك مِني عقابًا بإنني لن أرَاك كما كنتُ أراك ..

الإنسان مع كتر الأذية و الغدر و الوجع بيوصل لمرحلة إنه بيكون بمشاعر جامدة كالصخر ولا قادر ينتقم ولا عايز ياخد موقف عشان يحفظ كرامته بس نظرته بتِتغير .. وإذا تغيرت نظرته تغير كلّ شيء .👌👌

ربي حقي عندك . انت اعلم بما كان ف قلبي لهم ف الماضي. واعلم بما فيه الآن من وجع وألم

[smallbutkindcouch]

أنا وبابا

٩ أكتوبر

كنت ديفا في نفسي وانا صغيرة، وكنت بلبس فساتين، انا فضلت البس فساتين اغلب حياتي.. بحبها جدًا.. وبكره البناطيل الجينز جدًا بردو، وشايفاها اختراع مؤذي، زي الكعب العالي، والبرا.. فضلت ألبس فساتين لحد ما طبيعة شغلي مبقاش ينفعلها فساتين، فبقيت البس بيجامة في الشغل، والفساتين لما اكون رايقة.. طول عمري بحب الفساتين القصيرة، كنت بنزل العب في الشارع بفساتين قصيرة طول الوقت، مرة حد من جيراني وقفني في الشارع وقالي قولي لبابا ميخليكيش تلعبي باللبس دا تاني.. روحت قلت لبابا اتعصب قوي وخلاني اروح الراجل اقوله رسالة ( بابا بيقولك اللي حاسس انه خول وعايز يحكم على مرة عشان يحس إنه راجل، يروح يحكم على أمه مش على بنات الناس)

روحت قلت الراجل، وكنت زعلانة إن بابا حطني في الموقف دا، كنت عارفة ساعتها معنى كلمة خول، وبقول الكلام وأنا مُحرجة جدًا.. بابا كان عايز يعلمني أجيب حقي بدراعي، ومسيبش حد يتحكم فيا.. دا درس أبويا علمهولي من صغري، إن بجد الرجالة المنسحقة هي بس اللي بتتكلم في طول الفستان، وفتحة الصدر، وميعاد الرجوع.. الحياة في مصر بنت متناكة طبعًا وكلنا كستات ماشيين خايفين، بس كل راجل لازم يفهم إن خوفه على الست اللي بيحبها مش معناه إنه يهب فيها هي.. معناه إنه يخلي الشارع مكان أفضل عشان مش المفترض نبقى ماشيين خايفين واحنا بنمارس أبسط حقوق الستات في العالم ( نبقى مبسوطين بحلاوتنا) فمشاكلكم اقعدوا بقى حلوها بعيد عن طيزنا

بابا كان أكتر راجل supportive ممكن أي ست تحلم بيه.. ماما جالها سفرية لسويسرا تبع شغلها٣ شهور، بس أختي الكبيرة كان عندها ست شهور بس.. ماما قررت ترفض السفر، وبابا أصر، وقالها أنها تسافر، وقالها أنا هتصرف ملكيش دعوة، وسافرت فعلًا..

أوقات كتير لو ماما عندها شغل في وقت متأخر، كان بيروح يوصلها، ويستناها لما تخلص.. حتى في البيت اما كانت بترجع تعبانة من الشغل أو متضايقة، كان بيقعد يقولنا متضايقوش ماما عشان يومها كان وحش النهاردة.. مع إن شغله كان أهم من شغلها، ومركزه أكبر، وفلوسه أكتر، وغالبًا هو دا السبب

عامة كنت أتمنى إني ألاقي حد يحبني زي ما بابا كان بيحب ماما، لأن دا مستوى حب، عمري ما شوفته في الدنيا…أنا عارفة إن بابا كان بيحبنا، بس حبه لماما دي حاجة عيلتنا كلها بتحلف بيها، لدرجة إن ماما دايما كانت تقول على بابا.. الراجل دا بركة دعوة أمي ليا بالسعادة والهنا ، وكانت دايما تقولي لو ساعدتيني هدعيلك، تتجوزي واحد زي بابا، وأنا أقولها زيه ليه، ما هو موجود ..

بزعل أوي من جوايا، لما أحب حد، بس أبويا مش موجود، عشان أحكيله عليه، وبتخيل دايما في دماغي مقابلتهم، وابويا بيسأله أسئلة عشوائية، من نوعية بتحب أكلة كذا؟ بتحب عبد الحليم؟ بلدكم فين؟ وبالمناسبة هي نفس عشوائيتي عامة، في محاولة فهم الآخرين.. ربنا يرحمك يا بابا.. ربنا يرحمك يا حبيبي ..

[elsaqqa-4ever]

١/٣

دي الرسالة اللي وصلت لبعض الناس

الضحية رقم كام لاحمد السقا الملاك الشريف.

مش عارف احمد السقا عملهم ايه، بس كويس.. لان النفوس بتبان.

حتكلم عن مصدرين للرسايل وده حقي بدون الكشف عنهم..

١. واحد عايز واحدة بكتب عندها كومنتات..اعرف الاكونت

٢. واحدة بقالها اكتر من ٦ شهور شغالة على كل الحسابات اللي بدخل عليها.. اعرفها شخصيا

انا بشكر الناس اللي متعرفنبش وردها كان إيجابي وبشكر الناس اللي تعرفني وخافت، المواقف بتظهر الناس.

حرد عليكم بآيه قرأنيه.

قال تعالى ( إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ)

#elsaqqa #آيه #رد

[yooo-gehn]

أشهر حيلة رخيصة بيمارسها صغار العقول، أنهم بيحاولوا يستخدموا أسلحتك ضدك. والعقل المنغلق أغبى من أنه يفهم أنه ماينفعش يساوي بين فكرتين عكس بعض. مثلاً تتكلم عن إن الست من حقها ماتتعرضش للتحرش أيا كان اللي لابساه، يقولك طيب ليه بتقيد حريتي وأبقى مش عارف أبص في أي حتة أنا عايزها؟ عشان حقي أني ألبس اللي أنا عايزه مايساويش حقك في أنك تلبّسني على مزاجك. أنت تقدر تبص على ألف حاجة غيري، لكنك ببساطة شايف إن من حقك تتحكم في لبسي، وأنت مجرد ذكوري متسلط عايز يلاقي لنفسه عذر للتحرش.

تتكلم عن حرية التعبير، يقولك أنا حر أفرض القيود اللي تناسبني، رغم أنك بتتكلم عن الفرق بين عقل مفكر ومتشكك، وعقل خانع كسول مش عايز يتعرض لأي حاجة ممكن تزعجه أو تتحداه، أو مجرد يسمحله بالوجود، وعايز يحمي ثوابته من النقد، ومتعود على الوصاية، وشايف إن من حقه يُملي على الناس معتقداتها وفنها بمزاجه، وعايز يكمم أفواه الناس ويحبسهم لو قالوا كلام مش عاجبه.

تقوله لو أنت مش ناوي تغير رأيك يبقى النقاش معاك مالوش لازمة، يقولك شوفت؟ أنت اللي قافل دماغك. وكأنه مش هو اللي عايز يكسب النقاش بثوابته اللي قافل دماغه عليها، وأنت مجرد رافض تلعب لعبته. تتكلم عن التربية يقولك أنا حر أضرب عيالي وأمنعهم من الخروج أو أمنع بناتي من التعليم. وكأنه مش عايز يفشخ عياله براحته من غير ما حد يحاسبه.

بكل بساطة الدنيا، مفيش حاجة اسمها حرية القامع في ممارسة قمعه، لكن أنت من فرط تماهيك مع القمع بقيت مش قادر تشوفه. أنت مش شايف إن اللي بيلبسك على مزاجه عايز يتحكم في جسمك. ومش شايف إن اللي بيعرض أفلام وينشر كتب على مزاجه عايز يتحكم في عقلك. ومش شايف إن كل تربية غلط بتحصل جوا البيت بتطلع منه للمجتمع كله.

وهو ده الفرق الحقيقي. الحر عايزك تفكر وتختار لنفسك وتكون مسؤول عن تصرفاتك، ومانع الحرية عايز يكون واصي عليك. الساعي للحرية لا يتساوى مع الساعي إلى منعها. وأفضل من يلعب دور الضحية، ليست الضحية نفسها، بل الجلاد الذي يشعر بالتهديد من فقدانه السيطرة على الضحية.

#تأملات فكرية #تأملات في الدين

[5oo5]

ضحكت اوي😂😂😂😂😂 حنيتك و أخلاقك العالية دي أحرجت ميتين أهلي و خلتني عايز أعيط😂😂😂😂😂 التروما جابتلي مصايب هنتحاسب عليها فوق قدامه و هاخد حقي❤❤❤

[fareda0]

امي جاية تشتكيلي من اخويا اللي مش راضي يذاكر وعنده امتحان بكرة ومصمم يتفرج على رامز

وانا بتكلم معاه افتكرت ليلة امتحان العربي في تالتة اعدادي .. كان مستر (علي) قاعد معانا يراجعلنا والعيال مش عارفين يجاوبوا حاجات كتير وانا قبل ما بيخلص سؤاله بكون قايلة الاجابة نصاً من الكتاب

وكان عندنا قصة طموح جارية حكيتها بأدق تفاصيلها من اول المقدمة لحد النهاية

مكنتش واخدة بالي وبجاوب وانا سرحانة اصلا لحد لما لقيته بيزعقلي فجأة انه خلاص مجاوبش اسئلة تاني وقعد يسمي بالله ويقول ما شاء الله خوفاً من انه يحسدني وخوفاً من غيرة العيال مني :)

وهو خارج قفل الكتاب قدامي وقالي خلاص كدا تقومي تنامي لحد الامتحان

استغربت وبقوله الساعة لسة 7 قالي تقومي تنامي وبس

انتي مخلصة المنهج احسن من موجه لغة عربية :" اللهم بارك ربنا يحفظك لوالديكي

الجدير بالذكر اني الوحيدة على مستوى الادارة قفلت لغة عربية اعدادية ومستر (علي) جابها قبل ما تظهر من الكنترول واتصل بيا عشان يزعقلي بكل حماس ويقولي انهم دخلوها لجنة خاصة عشان ينقصوني ومعرفوش :'😎

وهذا ما اتفقنا عليه في بداية السنة لما قلتله انا عاوزة اكون اول واحدة تقفل لغة عربية اعدادي حتى لو دخلوا ورقتي لجنة خاصة

فقالي وانا عايز اخد حقي من اللي قالولي مبتعرفش تدرس

مش هستخسر فيكي معلومة بس عاوزك ترديلي حقي

الانسان اوقات كتير بينهار عشان مبقاش اشطر كتكوت في مجاله كما عهد نفسه ..

#personal talk

[al-hashimia]

السلام عليكم ورحمة الله

لا اعرف من اين ابدأ ولكني خزينة للغاية والقلب عليل انا وزوجي لا نتكلم حصلت مشادة بيننا الخلافات بيننا دايما بسبب الجانب المادي هو مش معرفني مرتبه كام ودي حاجة مضايقني جدااا بس هو قالي قولي طلباتك وخلاص الم��م طلباتك تجيلك

المشكلة بقي أنه بيقول كده وخلاص هو بيجيب حاجات البيت يس لكن لو محتاجة تحليل عند دكتور او مثلا مقويات أو لبس جديد نبدا الخلاف انا ماليش في السنة غير لبس العيد ومش بطلب منه حاجة تاني ونفس الحاجة لبنتي، بيبقي في حاجات عايزة اطلبها بس بتراجع عشان بقول يمكن مش معاه فلوس والله اعلم معاه ام لا ،نزلت شغل جديد وما كنتش لسه قبضت طبعا وكانت المواصلات هتحتاج 700جنيه بعت حلقي عشان اوفر فلوس مواصلات وكمان موبايلي باظ فاضريت اشتري موبايل جديد قلتله ادفع مقدمة بس وانا اقسط الباقي قالي مش معايا فلوس ومرضاش يدخل الجمعية هي 500جنية في الشهر فانا سكوني من الناحية دي هو عايز بس يصرف عةالكل والشرب لكن احتياجاتنا التانية بيتعبني اووي هو مش من حقي يجبلي موبايل لان موبايلي باظ مش من حقي بعملي تحاليل لو اشتكيت من حاجة لكني خجولة للأسف ومش بطلب بقول في نفسي اكيد هو عيعرض عليا ولكن هيهات ،نعبت واريد حلا

يعني لو محتاجين حاجة الشهر ده يقولي نأجلها للشهر الجاي وحتى اني معرفش مرتبه ديه مضايقاني جدااا مع اني مش مبذرة واخاف ع مصلحته

ارجوك احتاج نصيحتك لكي اتكلم معه اليوم

وعلَيكم السّلام ورحمة الله وبركاته.. حيّاك الله

أوّلًا؛ ليس من حقِّ الزّوجةِ معرفة دخل زوجِها ولا ما يَملِك أصلًا، فإن أخبرها فجزاه الله خيرًا، وإن لم يُخبرها فلا إثمَ عليه ولا حقّ لها في ذلك.

ثانيًا؛ النّفقة ليست فقط في المطعم والمشرب، وإنّما تلزم الزّوج النّفقة على زوجتِه في ما تحتاجه كالعلاجِ واللّباس والجوّال في أيّامنا من الضّرورات ومن حقّها عليه أن يُصلحه لها أو يعوّضها عنه بآخر جديد إن كان ذلك في استِطاعته، ولا عجب فقد تقرّرَ في المَذهبِ الحنبليِّ أنَّ الزّوجةَ إذا اعتادَت شربَ القهوَةِ فإنّه يجبُ على الزّوجِ أن ينفقَها عليها، قال الشّيخُ منصورُ البُهوتيُّ كما في هدايةِ الرّاغب: «ينبغي وجوبُها لمن اعتادَتْها لعدمِ غناها عنها عادةً، وعملًا بالعرفِ.»

وعليه فعلَى زوجكِ أن يتّقيَ الله تعالى فيكِ وأن لا يهضمكِ حقوقكِ التي كفلها لك الشّارع الحكيم، وأن لا يقتّر عليك إن كان ذا قُدرة، وفي صحيح البخاريِّ من حديثِ سعد ابنِ أبي وقّاص، أنّ النّبيَّ ﷺ قال: «إنَّكَ لَنْ تُنْفِقَ نَفَقَةً تَبْتَغِي بهَا وجْهَ اللَّهِ إلَّا أُجِرْتَ عَلَيْهَا، حتَّى ما تَجْعَلُ في فَمِ امْرَأَتِكَ.»

أسأل الله تعالى أن يصلِح ذات بينكمَا.

#مشورتي

[azizyahiaa]

من زمان كنت بسمع الحكمة اللّي بتقول " الشكوى لغير الله مذلة " وكنت حاسس اني فاهمها كويس .. لحد ما حصل ٣ مواقف ، بعدها لقيت كلام كتير بيدور في عقلي وعرفت اني ماكنتش فاهمها بشكل كامل ولا شايفها بالشرح دة وسألت نفسي .. هو أنا ازاي ماكنتش فاهم الجُملة دي بالتفصيل دة !!

الموقف الأول : شخص ما حاول يتقربلي وكان عايز اننا نكون أصحاب ، فكان كتير بيتكلم معايا وبيحاول دايماً يسألني عن أحوالي ونفسيتي وانا ماكنتش بحاول أحكي بشكل كامل ، لحد ما ابتديت أحكي ، وفي الوقت دة تحديداً ماكنتش عارف أفوق من مصيبتين حصلوا عندي شقلبوا حياتي تماماً ودمروها لحد النهاردة ، ودي تقريباً كانت بدايات الاكتئاب والانهيار بالنسبالي ، ف لما لقيت عنده اصرار يعرف ..حكيتله .

ودي كانت غلطة كبيرة فهمتها بعدين .

وبطبيعة الحال الشخص لما بيكون واقع في دايرة الاكتئاب والحزن مابيكونش شايف غيرهم ولا عارف يعيش برّاهم وبيكونوا مسيطرين عليه وعلى حياته تماماً .. ف غصب عني كنت بكون حزين جداً ولما حد بيسألني عن أحوالي كنت بقول أنا حاسس بإيه بكل صدق .

لحد ما جه وقت وحصل خلاف بيني وبين الشخص دة وفجأة لقيته بيعايرني ويذلني بمشاكلي واني شكّاي وبحكي عن مصايب حياتي طول الوقت .

وقتها .. رجعت خطوتين لورا وحسيت اني أخدت قلم على وشي واجعني وعلامته على وشي وقولت لازم أتعلم من غلطاتي وابتديت أشُك في نفسي وأسأل الناس اللي حواليا .. هو انا شكّاي ؟؟ وابتديت من بعدها أقلل الكلام وأسكت أكتر وماحكيش .

وابتديت أفهم وأتعلم اني ماينفعش أكون صادق وشفاف دايماً مع الناس ، وان فيه أبواب لازم تفضل مقفوله واننا نعلّق زينة برة الباب .. بس ماحدش يعرف ايه اللي بيحصل في الناحية التانية منه .

……

الموقف التاني : خليني أقول بس الأول ان فيه طبع بشري أنا مابحبوش نهائي وبيستفزني ، اني أكون بتكلم مع شخص والاقيه تجاوز كلامي كأني مابتكلمش ويحكي عن نفسه ومواقف في حياته شبه اللي عندي بدون ما ينتبه أنا بقول ايه أو يقدّر مشاعري ويسمعني كويس، ودة للأسف لقيته في كذا شخص حواليا ونفس الموقف اتكرر معايا كتير مع أكتر من شخص .

شخص قريب مني جداً كان شايفني وأنا عيّان جداً ، فكان بيسألني عن حالتي الصحية ، فلما جيت أشرحله أنا حاسس بإيه ، لقيته نط من فوق كلامي كأني "مطَب" ومادانيش فرصة حتى أتكلم وحكالي عن نفسه لمّا كان مريض والاعراض اللي كانت عنده ، وقتها حسيت بإحساس وحش جداً وكأني مش انسان وعندي مشاعر ومن حقي أشرحها وأعبّر عنها ، فغضبت وفضلت ساكت .

ودي للأسف ماكنتش أول مرة يعمل معايا كدة ، ودي تاني مرة تخيلني أفكر كويس قبل ما أحكي أي شيء لأي حد .

…..

الموقف التالت : كان حوار بيننا عن موقف حصل وبعدها قلب هزار بيني وبين واحد صاحبي ، هو أكبر مني بسنتين ف هو بيقول احنا خلاص كبرنا ، ف بهزار بقوله : اتكلم عن نفسك احنا لسه ، لقيته بيقولي دا انت عندك شعر أبيض أكتر مني وشكلك أكبر مني " ودة ماضايقنيش بالمناسبة خالص " اللي ضايقني لما قالي : دا انت كل شوية تقول ضهري واجعني وايدي واجعاني وعيّان " وانا فعلا ليّا فترة بخرج من تعب وأدخل في تعب تاني ، فكان طبيعي ان حد يشوفني تعبان أو لما يسألني أقوله اني بعاني من كذا "

وكمّل كلامه وبيقولي : انت علطول تشتكي وان كُتر الشكوى يجيب الفقر وكلام من النوعية دي .

وقتها وفي وسط الهزار عقلي ماكانتش مستوعب هل دة لسه هزار ولا دة كلام جوّاه وخرج وقت الهزار ، وبرغم اني عارف انه مش قصده وبيهزر بس حسيت الكلام كان جواه وخرج بعفوية .

الغريب في الموضوع ان صاحبي دة كان شكّاي جداً جداً ومفيش مرة كنت بشوفه أو بسأله عن أحواله إلا ودايما يقولي انه عيان أو عنده مشكلة كذا أو متخانق مع أهله أو مراته أو مشاكل في الشغل أو انه مخنوق في المُطلق لدرجة خليتني قولتله : يابني بطّل شكوى شوية واحمد ربنا على النعم اللي في حياتك ، الناس كدة هتضايق منك وهتكره قعدتك وهتحس انك ناقم وبتنكد عليهم كل ما تشوفهم ، ودة حرفياً كان قصدي وقولتله اني جنبه ودايما هكون موجود عشان أسمعه وأحل معاه مشاكله ، وماكانش قصدي نهائي اني أضايقه أو أعايره بمشاكله أو حتى اني أقوله ماتتكلمش ، لكن حبيت أخليه يشوفه نِعم ربنا في حياته وانه لازم زي ما بيفتكر يشكي يفتكر يحمد ربنا ، واني كصديق كان واجبي أخليه ينتبه ان اصحابنا فعلا ابتدوا يحسوا انه شكاي وبيتشكي في كل قعده بلا توقف ، وعشان صاحبي وانا بحبه ماكنتش عايز الناس تتضايق منه أو تكره القعده معاه .

ف كنت مستغرب اني أسمع نفس الكلام سواء بهزار أو بجد .

وبرغم اني اصلا بقيت قليل لما بتكلم عن حاجة مضايقاني ، فتخيلوا كمان بقيت مش عارف أقول اني عيّان أو موجوع !!

من بعدها فهمت معنى انك تفكر كويس قبل ما تحكي حاجة أو ان قليل لما تلاقي حد تشكيله من شيء بدون ما تكون خايف انه يذلّك بمشاكلك أو تيجي فرصة والكلام يتردلك بشكل تاني في موقف تاني .

ف حرفياً الشكوى لغير الله مذلّة ، ربنا وحده هو اللي بيسمعك وبيحس بيك في كل وقت وبدون استئذان وحاسس بيك وشايفك بدون ما تتكلم حتى ، وهو اللي بيقبلك بكل عيوبك وبكل الهموم اللي على كتافك وبكل العبء والتُقل اللي شايله في قلبك ، وبابه دايما مفتوح .

المواقف دي حرفياً بتخليني أنتبه لحاجات ماكنتش واخد بالي منها ، واني لازم أعيد حساباتي كل فترة وأتعلم من كل شيء حواليا وأربّي نفسي من أول وجديد .

#مواقف #فضفضة #فضفضة اخر الليل #حياتي

[thedosky]

تنضم المعاملة باحترام المشروطة بالحب إلى قائمة الأشياء التي أحتقرها وأشمئز منها. المعاملة العادلة الحسنة هي حقي عليك كإنسان سواء بتحبني أو مبتحبنيش، فلو الحب هيبقى شرط إنك تحترم الناس فده معناه إنك شخص ميعرفش الأصول وملوش أمان. الطبع الحقيقي بيظهر وقت غياب الحب أصلا!

الحب ده بيزيد وينقص وشغلانته شغلانة، لذلك لا يمكن الاعتماد عليه ولا اعتباره أساس في طريقة التعامل مع الناس. أكيد الناس اللي بنحبهم ليهم حاجة زيادة لكن لما الحب يقل أو يخلص مش هيبقى الطبيعي إننا نعاملهم بالسوء!.

حتى العداوة والحرب ليهم أصول في المعاملة والاحترام، فمتجيش تقول لي حب وتعريص ومنيكة فارغة، أنا عايز حقي في الاحترام والأص��ل سواء بقى بتستلطفني، بتحبني، مش طايق تشوف وشي، برة عني كل ده.

مشاعرك دي موضوع تاني منفصل تمامًا عن التعاملات الإنسانية فلو انت حاطط الحب شرط في احترامك للناس ومعندكش مشكلة إنك تتعامل بقلة ذوق وفظاظة مع الناس اللي مبتحبهمش فاسمح لي اقول لك إنك إنسان عرص وكسم الحب اللي جاي من طرفك.

[su3luk40]

محمود ياسين لما قال في فيلم الوعد أنا حقي أندفن في مكان بحبة عشان معشتش في مكان بحبة كان عنده حق، أنا عايز لما أموت يحرقوا جثتي وده بجد والله نفسي

[gee-gamall]

المعتوه عمل زي صابر الطيب في فيلم عايز حقي... جه يبيع البلد لقي مستثمرين قالك ااجر البلد واستفيد

المعتوه فاشل فاشل فاشل ربنا يخلصنا منه 🤲🏻

[ahmedhisen]

هاني رمزي لما كان هيبيع البلد في فيلم عايز حقي كان هيدي لكل واحد نصيبه

دول بقى بيبعوا البلد ومش هيدوا لحد حاجة بالعكس احنا كمان بنخسر كل يوم قيمة الفلوس اللي في جيبنا لحد ما هتبقى هي وفلوس لعبة بنك الحظ واحد

يعني مش بس بيبيعوا لأ وبيخسروك اللي انت تملكه بالفعل

يعني خساير من كله

[suger-95]

انا من حقي اعرف سبت الغسيل بيفضى امتي !

احنا اتنين بس و غسيل عايز يطبق غسيل عايز يتلم غسيل عايز يتغسل🙂😂!!

[5oo5]

مش فاهمة ايه المشكله في إني اقول انا مش هتجوز حد مستقبله ملوش ملامح؟! او حالته المادية تبقي كويسه دخله يكفي يفتح بيت..! ليه شايفين إني كده مادية حقيرة؟! ما دي ابسط حقوقي ليه اتجوز واحد مش عارف هو عايز ايه ولا هيشتغل ايه ولا عنده طموح؟ ما خلاص انا كبرت علي الكلام ده هستناه بقي و نبني بيتنا بالحب و الكلام اللي مبيأكلش عيش؟! التجربة علمتني ان اي راجل انتي بتقفي في ضهره و تسنديه و تتحمليه و تتدعميه اول ما بيقف علي رجله انتي اول واحده بيدوس عليكي فا فاكس انا. مش لسه هستني يكون مستقبله انا محتاجه حد مستقبله واضح عنده طموح و بيسعي عارف ان الدنيا صعبة مدرك انه هيبقي عنده بيت محتاج مصاريف قادر يشيل مسئولية ملوش دعوة لا بشغلي ولا بفلوسي و عارف إني مسئولة منه هو. مش عايزة عمري يضيع و انا بحسب مصاريف بزياده و احرم نفسي من كل حاجه عشان اوفر 100 جنيه احطهم في مصاريف البيت و اضيع عمري في تضحيات اصلا مش هتتشاف لا من زوج ولا من اولاد و هيتقالي ايه المشكله يعني ما كل الستات بتعمل كده . ماشي و شئ جميل بس انا مش عايزة اعيش مضحية انا عايزة اعيش مرتاحة. ماشي الدنيا صعبه و طبيعي لازم يبقي في تتضحيات بس مش عايزة انا بس اللي اضحي و اجي علي نفسي و ابقي طول الوقت شايلة الهم و الطرف التاني اصلا مش حاسس. انا من صغري شايله مسئوليات اكبر من سني و اكبر من طاقتي حقي اني لما اقرر ابني حياة تانيه مع حد تاني يبقي فعلا شريك في الحياة دي شريك في كل حاجه دي أبسط حقوقي

[sacredsadsong]

انا مش محتاج ابرر لحد حاجه صح ؟

فترة دايسه عليا مش حاسس اني حابب اكلم و احكي عايز اسكت حقي برضو صح ؟

مش عايز اكتر من اني اتساب في حالي

#كتها نيله حياة