#कराच | Explore Tumblr Posts and Blogs

airnews-arngbad · 2 months

Text

Regional Marathi Text Bulletin, Chhatrapati Sambhajinagar

Date: 14 April 2024

Time: 7.10 AM to 7.20 AM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक: १४ एप्रिल २०२४ सकाळी ७.१० मि.

****

भारतरत्न डॉ बाबासाहेब आंबेडकर यांची आज १३३ वी जयंती;सर्वत्र अभिवादनपर कार्यक्रमांचं आयोजन

लोकसभा निवडणुकीच्या पहिल्या टप्प्यात प्रचाराचे शेवटचे काही दिवस शिल्लक;प्रचाराला वेग

आणि

गारपिटीसह अवकाळी पावसाने झालेल्या नुकसानापोटी तातडीने मदत करण्याचे मुख्यमंत्र्यांचे निर्देश

****

भारतरत्न डॉ बाबासाहेब आंबेडकर यांची १३३ वी जयंती आज साजरी होत आहे. या निमित्तानं सर्वत्र विविध कार्यक्रमांच्या माध्यमातून बाबासाहेबांना अभिवादन करण्यात येत आहे. राष्ट्रपती द्रौपदी मुर्मू यांनी आंबेडकर जयंतीनिमित्त देशवासियांना शुभेच्छा दिल्या आहेत. बाबासाहेबांनी घालून दिलेल्या आदर्शांचं अनुसरण करावं, आणि देशाच्या सर्वसमावेशक विकासासाठी सामुहिकरित्या कार्य करण्याचं आवाहन राष्ट्रपतींनी केलं आहे.

****

छत्रपती संभाजीनगर इथं डॉ बाबासाहेब आंबेडकर मराठवाडा विद्यापीठात काल 'आंबेडकर यांचे मूलगामी विचार' या विषयावरील परिसंवादात ज्येष्ठ विचारवंत प्रा. डॉ. ऋषीकेश कांबळे, लोकप्रशासन विभाग प्रमुख सतीश दांडगे, विधी अधिकारी डॉ. आनंद देशमूख यांनी आपले विचार मांडले. 'राष्ट्रनिर्माते डॉ बाबासाहेब आंबेडकर' या विषयावर आज डॉ अरविंद गायकवाड आपले विचार मांडणार आहेत. विद्यापीठाच्या नाट्यगृहात सकाळी साडे अकरा वाजता हा कार्यक्रम होणार आहे

छत्रपती संभाजीनगर जिल्हाधिकारी कार्यालयात ‘डॉ. बाबासाहेब आंबेडकर यांची जयंती आणि प्रबळ लोकशाही करता मतदानाचं महत्त्व’ या विषयावर ज्येष्ठ पत्रकार जयदेव डोळे यांचं व्याख्यान होणार आहे. जिल्हाधिकारी कार्यालयाच्या जिल्हा नियोजन सभागृहात सकाळी ११ वाजता हे व्याख्यान होईल.

दरम्यान, छत्रपती संभाजीनगर इथं भडकल दरवाजा परिसरात असलेल्या डॉ बाबासाहेब आंबेडकर यांच्या पूर्णाकृती पुतळ्याला पुष्पहार अर्पण करण्यासाठी अनुयायांनी गर्दी केली आहे. या पुतळ्यासह शहर आणि परिसरातील विविध ठिकाणच्या स्मारकांवर हेलिकॉप्टरद्वारे पुष्पवृष्टी केली जाणार आहे. अजिंक्य देवगिरी प्रतिष्ठानतर्फे हा उपक्रम घेतला जाणार आहे. दरम्यान काल रात्री अनेक ठिकाणी फटाक्यांची आतषबाजी करण्यात आली.

भारतीय कम्युनिस्ट पक्षाच्या वतीनं बाबासाहेबांच्या जयंतीनिमित्त नागरिकांना वहीपेन दान करण्याचं आवाहन करण्यात आलं आहे, नागरिकांचा या योजनेला उत्स्फुर्त प्रतिसाद मिळत आहे.

****

बीड जिल्ह्यात गेवराई इथं डॉ आंबेडकर आणि महात्मा फुले यांच्या जयंतीनिमित्त घेण्यात आलेल्या भीमज्योती महोत्सवात, र.भ. अट्टल महाविद्यालयाच्या मैदानावर वीस हजार वह्यांच्या माध्यमातून बाबासाहेबांची प्रतिमा साकारण्यात आली. या वीस हजार वह्या गरजू विद्यार्थ्यांना शिकण्याची प्रेरणा देतील, असा विश्वास माजी आमदार अमरसिंह पंडित यांनी यावेळी व्यक्त केला.

****

धाराशिव इथं शासकीय वैद्यकीय महाविद्यालय आणि रुग्णालयांतर्गत शासकीय परिचर्या महाविद्यालयाच्या दोनशे विद्यार्थ्यांनी काल सकाळी ७ ते सायंकाळी ७ वाजेपर्यंत सलग बारा तास अभ्यास करून डॉ. आंबेडकर यांना अभिवादन केलं.

****

हिंगोली जिल्ह्यात कळमनुरी तालुक्यातल्या कवडा इथल्या मातोश्री सावित्रीबाई फुले आदिवासी विद्यालयात विद्यार्थ्यांनी भव्य रांगोळी रेखाटून मतदार जनजागृती केली. डॉक्टर बाबासाहेब आंबेडकर यांचं स्वप्न साकार करू, चला मतदान करू. प्रिय, आई बाबा माझे भवितव्य उज्ज्वल करण्यासाठी आपण मतदान कराच, आदी संदेश या रांगोळीच्या माध्यमातून देण्यात आले.

****

नांदेड जिल्हा पोलीस दल आणि राम मनोहर लोहिया प्रतिष्ठान विकास मंडळ यांच्या वतीने बाबासाहेबांच्या जयंती सोहळ्यानिमित्त एक आराखडा निश्चित करण्यात आला आहे. जयंती मिरवणुकीवेळी डीजे बंद करू, गरजू होतकरू विद्यार्थ्यांना कपडे आणि वही पेन वाटप करू, व्यसनमुक्तीचा संकल्प घेऊ, शिक्षणाची ओढ निर्माण करू, आदी संदेश कलापथकाच्या माध्यमातून नांदेड जिल्ह्यात सर्वत्र दिला जाणार आहे.

****

लोकसभा निवडणुकीच्या पहिल्या टप्प्यातल्या प्रचाराचे आता शेवटचे काही दिवस शिल्लक आहेत. त्यामुळे या टप्प्यात मतदान असलेल्या मतदार संघांमध्ये प्रचारसभांना वेग आला आहे. प्रमुख राष्ट्रीय पक्षांच्या नेत्यांच्या सर्वत्र प्रचारसभा सुरू आहेत. भंडारा-गोंदिया मतदार संघात महायुतीचे उमेदवार सुनील मेंढे यांच्या प्रचारार्थ आज भाजप नेते अमित शहा यांची सभा होणार आहे. याच मतदार संघात महाविकास आघाडीचे उमेदवार प्रशांत पडोळे यांच्या प्रचारासाठी काल काँग्रेस नेते राहूल गांधी यांची सभा झाली. दरम्यान, काँग्रेस पक्षाने १६ उमेदवारांची आणखी एक यादी काल जाहीर केली.

वाशिम-यवतमाळ लोकसभा मतदार संघाच्या महायुतीच्या शिवसेनेच्या उमेदवार राजश्री पाटील यांच्या प्रचारार्थ प्रसिद्ध अभिनेते तथा शिवसेना नेते गोविंदा आहुजा यांनी वाशीम इथं प्रचार फेरी काढली.

गडचिरोली-चिमूर मतदार संघात महायुतीचे उमेदवार अशोक नेते यांच्या प्रचारार्थ चंद्रपूर भिसी इथं, भाजपा विजय संकल्प सभेत भाजप नेते तथा उपमुख्यमंत्री देवेंद्र फडणवीस यांनी संबोधित केलं.

****

महाराष्ट्र नवनिर्माण सेनेच्या, भाजपा नेते आणि पंतप्रधान नरेंद्र मोदीं यांच्याकडे राज्यासाठी काही मागण्या आहेत. यात मराठी भाषेला अभिजात दर्जा देण्यापासून ते राज्यातील गड किल्ल्यांचं संवर्धन करणं, रोजगारनिर्मिती आणि सर्व राज्यांना एकसमान वागणूक मिळायला हवी, आदी मागण्यांचा समावेश असल्याचं, मनसे प्रमुख राज ठाकरे यांनी नमूद केलं. त्यांनी काल मुंबई इथं प्रसारमाध्यमांशी संवाद साधला. लोकसभा निवडणुकीसाठी महायुतीच्या उमेदवारांसाठी प्रचारसभा घेण्यासंदर्भातला निर्णय चर्चेअंती घेण्यात येणार असल्याचं त्यांनी सांगितलं.

****

हिंगोली लोकसभेचे महायुतीचे शिवसेना पक्षाचे उमेदवार बाबुराव कदम यांचं हिंगोली जिल्ह्यातल्या आखाडा बाळापूर इथलं प्रचार कार्यालय विनापरवाना उभारल्याचं आढळल्याने निवडणूक विभागाने त्यावर कारवाई केली. याबाबत वंचित बहूजनचे राजू कांबळे यांनी तक्रार केली होती. या कार्यालयातलं सर्व प्रचार साहित्य हटवण्यात आलं असून, आचारसंहिता भंगाचा गुन्हा दाखल करण्यात आला आहे.

****

यवतमाळ-वाशिम लोकसभा मतदारसंघात महायुतीच्या उमेदवार राजश्री पाटील यांच्यासाठी जोमाने प्रचार करणार असल्याचं विद्यमान खासदार भावना गवळी यांनी सांगितलं आहे. त्या काल वाशिम इथं पत्रकार परिषदेत बोलत होत्या. आपल्याला उमेदवारी मिळाली नाही, याची खंत नक्कीच वाटली, मात्र राजश्री पाटील यांना निवडून आणण्यासाठी पूर्ण ताकदीने प्रचारात उतरणार असल्याचं, खासदसर गवळी यांनी स्पष्ट केलं.

****

लोकसभा निवडणुकीच्या पार्श्वभूमीवर ‘लोकनिर्णय महाराष्ट्राचा’ हा कार्यक्रम, आकाशवाणीनं सुरू केला आहे. कार्यक्रमाच्या आजच्या भागात आपण रत्नागिरी-सिंधुदूर्ग लोकसभा मतदार संघाचा आढावा ऐकणार आहोत. संध्याकाळी सव्वा सात वाजता हा कार्यक्रम आपल्याला ऐकता येईल.

****

विदर्भ आणि मराठवाड्यात अवकाळी पाऊस आणि गारपिटीने नुकसान झालेल्या शेतकऱ्यांना तातडीने मदत करण्याचे निर्देश, मुख्यमंत्री एकनाथ शिंदे यांनी दिले आहेत. निवडणूक आचारसंहितेचा विचार करता आयोगाला विनंती करून अधिकारी स्तरावर बैठक घेऊन शेतकऱ्यांना दिलासा देण्याच्या सूचना त्यांनी संबंधित अधिकाऱ्यांना दिल्या. हिंगोली जिल्ह्यातल्या हदगाव इथं शिंदे बोलत होते. नुकसानाचे पंचनामे तातडीने करण्याचे निर्देश दिल्याचं शिंदे म्हणाले. हिंगोली जिल्ह्यातल्या जटाळेवाडी इथ विज कोसळून मृत्युमुखी पडलेल्या शेतकऱ्याच्या कुटुंबीयांना शासनाकडून पाच लाखांची मदत देण्याची घोषणा, यावेळी मुख्यमंत्री एकनाथ शिंदे यांनी केली.

****

जालना जिल्ह्यात गेल्या दोन दिवसांत वादळी वारा आणि अवकाळी पावसामुळे आठशे ७४ शेतकऱ्यांच्या सुमारे चारशे चार हेक्टर क्षेत्रावरील पिकांचं नुकसान झालं आहे. लहान मोठी ३९ जनावरं आणि २५० कोंबड्यां दगावल्याची माहिती जिल्हा प्रशासनानं दिली.

****

दरम्यान, धाराशिव तालुक्यातल्या वाघोली शिवारात काल दुपारी गारपिटीसह पाऊस झाला.

राज्यात येत्या दोन दिवसात विदर्भ, मध्य महाराष्ट्र आणि मराठवाड्यात बहुतांश ठिकाणी मेघगर्जनेसह पाऊस पडण्याची शक्यता हवामान विभागानं वर्तवली आहे.

****

भारतीय सैन्य दलाचे सैनिक गजानन नवल यांचं परवा जालना इथं अपघाती निधन झालं, त्यांच्या पार्थिव देहावर काल शासकीय इतमामात अंत्यसंस्कार करण्यात आले.

****

छत्रपती संभाजीनगर इथल्या सिद्धार्थ उद्यानातल्या प्राणी संग्रहालयातल्या समृद्धी वाघिणीचा काल मृत्यू झाला. गेल्या १५ दिवसांपासून तिच्यावर उपचार सुरू होते. याच प्राणी संग्रहालयात १५ वर्षांपूर्वी जन्मलेल्या समृद्धी वाघिणीने एकूण १० छाव्यांना जन्म दिला. यापैकी एक वाघ पुण्यात तर दोन वाघ अहमदाबाद इथल्या प्राणी संग्रहालयात दिलेले असून, उर्वरित सात वाघ छत्रपती संभाजीनगर इथल्याच प्राणी संग्रहालयात आहेत.

****

विधान परिषदेतले विरोधी पक्षनेते अंबादास दानवे यांची उद्धव बाळासाहेब ठाकरे शिवसेनेच्या नेतेपदी नियुक्ती करण्यात आली आहे. पक्षाचे प्रमुख उद्धव ठाकरे यांनी काल दानवे यांच्यासह पक्षाच्या इतर सदस्यांचीही विविध पदांवर नियुक्ती केली.

****

मतदानाप्रति कर्तव्य भावना जागरुक व्हायला हवी, लोकशाही बळकट करायची असेल तर मतदानाचं प्रमाण वाढण्याची गरज छत्रपती संभाजीनगर जिल्ह्याचे जिल्हाधिकारी दिलीप स्वामी यांनी व्यक्त केली आहे. काल वैजापूर इथं स्वीप उपक्रमाअंतर्गत विविध कार्यक्रम घेण्यात आले, त्यावेळी ते बोलत होते.

****

परभणी जिल्ह्यातल्या गंगाखेड इथही मतदान जनजागृती कार्यक्रमानिमित्त मतदानाचे महत्व पटवून देण्यासाठी शहरात सायकल फेरी काढण्यात आली.

****

लोकसभा निवडणुकीच्या अनुषंगाने लातूर लोकसभा मतदारसंघाचे निवडणूक खर्च निरीक्षक संजीब बॅनर्जी यांनी काल लोकसभा निवडणूक खर्च विषयक विविध समिती आणि पथकांचा आढावा घेतला. मतदारांवर प्रभाव टाकण्यासाठी उमेदवारांकडून प्रलोभनं दाखवली जाणार नाहीत, याबाबत सर्वांनी सतर्क राहावं, असा सूचना बॅनर्जी यांनी दिल्या.

****

0 notes

ayurvedainitiative-blog · 2 years

Text

*रात्री झोप का येत नाही?*

झोप स्वतःच अनेक रोग बरे करण्यास सक्षम आहे. झोपेच्या कमतरतेमुळे डोळ्यांभोवती काळी वर्तुळे तर येतातच, पण कमी झोपेमुळे मेंदूला थकवा जाणवतो, वजनही वाढते. रात्री झोप न लागणे, कूस बदलणे ही आता सामान्य समस्या बनली आहे. झोपेच्या गोळ्या घेणारे बरेच लोक आहेत परंतु हा कायमस्वरूपी उपाय नाही. खरं तर, झोप का येत नाही आणि त्यावर कायमस्वरूपी उपाय काय आहे हे समजून घ्यायला हवं. चला या संदर्भात काही खास कारणे आणि उपाय.

▶️अनावश्यक चिंता/तणाव घेणे: प्रत्येकाला चिंता/ तणावा खाली जगावे लागते, परंतु काही लोक अति भीतीमुळे चिंताग्रस्त होतात.

▶️ सतत काहीतरी विचार करणे

जसे की बऱ्याच लोकांना जास्त बोलण्याची सवय असते. त्याच प्रमाणे, असे बरेचजण आहेत जे मनात सतत काहीतरी विचार करत असतात. त्यांच्या मनात हे विचार रात्रीपर्यंत चालू असतात

▶️ शरीर थकत नाही- जेव्हा मजूर/श्रमिकाचे शरीर थकते तेव्हा त्याला आपोआपच चांगली झोप येते. त्यांचे जीवन सुखकर आहे, ज्यांचे शरीर अजिबात थकत नाही. त्यांना चांगली झोप येत नाही.

▶️ अनियमित जीवनशैली

आधुनिक माणसाला खाण्याची किंवा झोपण्याची वेळ निश्चित नाही. रात्री उशीरा झोपणे व सकाळी उशीरा उठणे. अनेकांना दिवसातून ३-४ तास झोपण्याची सवय असते. अशा प्रकारे त्यांची रात्रीची झोप पूर्ण होते. जेवणातही बदल झाला आहे, त्यामुळे झोपेत फरक पडला आहे.

▶️ शारीरिक वेदना-काहींना शरीराच्या कोणत्याही भागात वेदना होतात. उदा.सांधेदुखी, स्नायू दुखणे/कोणत्याही प्रकारचे आजार असल्यास झोप येत नाही.

▶️ वास्तू दोष-घर वास्तुनुसार नसेल/वास्तुदोष असेल तरीही शांत झोप येत नाही. अशावेळी वास्तू तपासणी करून घ्यावी.

▶️ अन्नात बदल- योग्यवेळी जेवण करा व चांगल्या अन्नाला जीवनशैलीचा भाग बनवा

▶️ चालणे-असे म्हणतात की, दिवसभराचे जेवण केल्यानंतर थोडा वेळ विश्रांती घ्या पण रात्रीचे जेवण केल्यानंतर काही वेळ चालणे आवश्यक आहे. रात्रीच्या जेवणानंतर शतपावली करा.

▶️ सूर्यनमस्कार-शरीर थकवण्यासाठी झोपण्यापूर्वी शतपावली कराच पण दिवसभर शारीरिक श्रम जास्तीतजास्त करा.

▶️ प्राणायाम- रोज रात्री झोप- ण्यापूर्वी ५-१० मिनिटे प्राणायाम करा.

▶️ योग निद्रा- यासाठी शवासना मध्ये झोपा आणि शरीर आणि मन शांत ठेवा. डोक्यापासून पायापर्यंत संपूर्ण शरीराला आराम द्या. श्वास घेणे व पूर्णपणे श्वास सोडणे. आता कल्पना करा की हात, पाय, पोट, मान, डोळे सर्व आरामशीर अवस्थेत झाले आहेत. स्वतःला सांगा, मी योगनिद्राचा अभ्यास करणार आहे. आता मन शरीराच्या वेगवेगळ्या भागात घेऊन जा आणि त्यांना आराम आणि तणावरहित होण्यास सांगा. आपले मन उजव्या पायाच्या बोटाकडे न्या. पायाची सर्व बोटे, किमान पायाचे तळवे, पोटऱ्या, टाच, गुडघे, मांड्या, नितंब, कंबर, खांदे सैल ठेवा. त्याचप्रमाणे डावा पाय सैल सोडा. सहज श्वास आत घ्या. आता झोपूनच ५ वेळा पूर्ण श्वास घ्या व श्वास सोडा. यामध्ये पोट, छाती वर खाली करतील. पोट वर-खाली होईल. हा व्यायाम दररोज करा. यामुळे मन थकून झोपेल आणि कोणीही कोणत्याही प्रकारचा विचार करणार नाही.

▪️ दक्षिण दिशेला पाय ठेवून झोपू नका.

▪️ तामसिक आणि गरिष्ठ आहार घेऊ नका, रात्री फक्त हलकं जेवण करा .

▪️दिवसा/ दुपारी झोपणे सोडा.

▪️कोणत्याही प्रकारचे नशा/ औषध घेऊ नका.

▪️ झोपण्यापूर्वी कोणतीही चिंता आणि विचार मनात ठेवू नका, कारण अन्न, पाणी, श्वास घेणे जेवढे महत्त्वाचे आहे तेवढेच चांगली झोप घेणे देखील महत्त्वाचे आहे.

▪️ रात्री उशिरापर्यंत जागणे, सकाळी उशिरा उठणे सोडून द्या. झोपेची वेळ रात्री 9 ते 10 च्या मधली निश्चित ठेवा. झोपेची वेळ बदलल्यामुळे झोपेची सायकल बिघडू शकते.

0 notes

rohantukaram · 3 years

Photo

वरुण धवननं चाहत्यांना दिली फिटनेस टिप; म्हणाला, जबरदस्त बॉडी हवी असेल तर हे कराच...! Aayurved For All https://ift.tt/3nTzSZV

#IFTTT #Blogger

0 notes

bharatlivenewsmedia · 1 year

Text

सफेद केसांनी हैराण आहात ? मग काळ्याभोर केसांसाठी हे घरगुती उपाय कराच, वयाच्या ४० व्या वर्षीही विशीतील वाटाल

सफेद केसांनी हैराण आहात ? मग काळ्याभोर केसांसाठी हे घरगुती उपाय कराच, वयाच्या ४० व्या वर्षीही विशीतील वाटाल आजकाल केसांना काळे करण्यासाठी पार्लरला जाऊन लोक हजारो रुपये खर्च करतात खूप कष्ट घेतात. पण त्याचा परिणाम दिसून येत नाही. त्यात भरपूर केमिकल्स असतात. केस नैसर्गिकरित्या काळे करण्यासाठी तुम्ही नॅच्युरल हेअर कलरची मदत घेऊ शकता. हे उपाय केल्याने सफेद केसांच्या तुमच्या समस्येवर तुम्ही मात मिळवू…

View On WordPress

#“हे #४० #आहात #उपाय #कराच #काळ्याभोर #केसांनी #केसांसाठी #घरगुती #मग #महिला #वयाच्या #वर्षीही #वाटाल #विशीतील #विशेष #व्या #सफेद #हैराण

0 notes

digimakacademy · 4 years

Photo

Weight loss: कोण म्हणतं भात खाल्ल्याने वजन वाढतं? भात बनवण्याची ‘ही’ पद्धत एकदा ट्राय कराच! हल्ली प्रत्येकाच्या तोंडून आपल्याला एकच समस्या ऐकायला मिळती ती म्हणजे वजन वाढलंय (weight gain) काय करु यार?

#for weight loss how much rice eat per day #health care tips in marathi #home remedies for weight loss & reduce belly fat #how to eat rice for weight loss #how to make biryani with jeera rice #how to make white rice healthy #rice recipe in marathi #right way to eat rice #white rice diet for weight loss #white rice for weight loss #white rice vs brown rice benefits #बिर्याणी रेसिपी मराठी

0 notes

news-on · 4 years

Text

मोदीजी; चीनच्या हिंस्र प्रवृत्तीवर सर्जिकल स्ट्राइक करा: आव्हाड

मुंबई: चिनी सैनिकांसोबत झालेल्या झटापटीत भारताच्या २० जवानांना वीरमरण आल्याच्या पार्श्वभूमीवर काँग्रेसचे नेते यांनी भाजपला डिवचले आहे. आज चीनने गलवान खोऱ्यावर दावा केला आहे, उद्या ते लडाखवरही दावा करतील, असं सांगतानाच मोदीजी, आता या चीनच्या मुखवट्या आड दडलेल्या हिंस्र प्रवृत्तीवर सर्जिकल स्ट्राइक कराच, असं जितेंद्र आव्हाड यांनी म्हटलं आहे.

जितेंद्र आव्हाड यांनी ट्विटद्वारे ही टीका केली आहे.…

View On WordPress

0 notes

bhuvneshkumawat · 4 years

Photo

लॉक डाऊन गणेश रांगोळी स्पर्धा ( #lockdown_Ganesh_Rangoli_Compition ही सुंदर जनजागृती करणारी रांगोळी आम्हाला पाठवली आहे सौ दिपा युवराज शिंदे भोसले यांनी, तुम्ही आवडल्यास लाईक करा कारण तुम्ही ठरवणार आहात या स्पर्धेचा विजेता कारण आज 7मे सकाळी 11 पर्यंत फायनल सिलेक्टेड रांगोळ्या पुणे गणेश फेस्टिव्हल च्या पेज वरून अपलोड केल्या आहेत, सोमवार 11मे सकाळी 11पर्यंत ज्यांच्या या मेन पोस्ट ला सर्वात जास्त लाईक मिळतील त्या क्रमाने अनुक्रमे तीन विजेते निवडले जातील म्हणून आपल्या आवडत्या रांगोळीला लाईक कराच. https://www.instagram.com/p/B_4X_PeJwqu/?igshid=1m59mi4t2w3ck

#lockdown_ganesh_rangoli_compition

0 notes

marathicorner · 4 years

Text

महात्मा फुले जयंती कोट्स मराठी | Mahatma Phule Jayanti Quotes in Marathi

Mahatma Phule Jayanti Quotes in Marathi If you like Mahatma Jyotiba Phule Slogan in Marathi then Mahatma Jyotiba Phule Jayanti SMS in Marathi we provide Mahatma Jyotiba Phule Marathi thoughts 2020 and Mahatma Phule Vichar in Marathi. Wishes in Marathi|SMS

महात्मा ज्योतिबा फुले मराठी शुभेच्छा, कोट्स मराठी, स्टेटस, मराठी मेसेजेस : - आपण म्हणतो महात्मा ज्यांनी आपल्या पदवीला खऱ्या अर्थाने नीतिमान-गतिमान ठरविले त्यांच्या आयुष्यासाठी आणि आंदोलनासाठी आज आपण आपल्या समाजातील ज्या स्वातंत्र्य मुली आणि स्त्रिया आनंद घेत आहेत त्या सर्व त्यांच्या ऋणी आहेत.याचमुळे आपण आज महात्मा फुले जयंती कोट्स मराठी मध्ये पाहणार आहोत आणि तसेच महात्मा फुले यांचे विचार (Throught), SMS हे सुद्धा पाहणार आहोत तर चला खाली पाहूयात.

या लेख मध्ये काय आहे?

Mahatma Jyotiba Phule Jayanti Quotes in Marathi

महात्मा ज्योतिबा फुले यांचा जन्म 11 एप्रिल 1827 रोजी झाला आणि 28 नोव्हेंबर 1890 रोजी त्यांचा मृत्यू झाला. त्यांचे पूर्ण नाव ज्योतिराव गोविंदराव फुले होते. महात्मा ज्योतिबा फुले यांचे वडील गोविंदराव हे एक शेतकरी होते आणि ते पुण्यात फुले विकत असत. ते तरुण असतानाच त्याची आई मरण पावली. परोपकारी, लेखक, तत्वज्ञ आणि क्रांतिकारक म्हणून ज्योतिबा फुले ओळखल्या जातात.

Mahatma Phule Jayanti Quotes in Marathi

"Mahatma Phule Jayanti Quotes in Marathi" -: महात्मा फुले यांचे मराठी भाषेतील प्रेरक व प्रेरणादायक प्रसिद्ध जयंती कोट्स खाली दिले आहेत नक्की पहा व आपल्या मित्रांना share करा :-

स्वार्थ वेगवेगळी रूपं धारण करतो, कधी जातीचा तर कधी धर्माचा धर्म महत्वाचा नाही माणुसकी असली पाहिजेल.

Mahatma Phule Jayanti Quotes in Marathi

जोपर्यंत अन्न राहणीमान संबंधांवर जातीय भेदवाद राहतील तोपर्यंत राष्ट्रवादाची भावना विकसित होणार नाही. - महात्मा ज्योतिबा फुले

एखादे चांगले काम पूर्ण कराच पण त्याच्यावर वाईट उपायांचा वापर करू नका. - महात्मा ज्योतिबा फुले

आर्थिक असमानते मुळेच शेतकर्‍यांचे जीवन विस्कळीत झाले आहे.

स्त्री आणि पुरुष या दोघांनाही शिक्षण समानतेचे आवश्यक आहे. - महात्मा जोतीराव फुले

Mahatma Jyotiba Phule Slogan in Marathi

देव एकच आहे आणि आपण सर्व त्याची मुले आहेत. - महात्मा जोतीराव फुले

Mahatma Jyotiba Phule Quotes SMS in Marathi

Mahatma Jyotiba Phule Slogan in Marathi | Wishes

Mahtama Jyotiba Quotes Marathi -: महात्मा ज्योतिबा फुले यांनी जातीभेद, लिंगभेद, उच्च नीच विरूद्ध मोठी लढाई लढविली. एवढेच नव्हे तर न्याय आणि समानतेच्या मूल्यांवर आधारित समाजाची दृष्टी त्यांनी मांडली. ते महिलांच्या शिक्षणाचे प्रबळ वकील होते. Mahatma Phule Slogan in Marathi त्याचे प्रेरणादायक स्लोगन येथे वाचा :-

विद्ये विना मती गेली, मती विना नीती गेली, नीती विना गती गेली, गती विना वित्त गेले, वित्त विना शुद्र खचले, एवढे अनर्थ एका अविदेने केले... - महात्मा जोतीराव फुले

Mahatma Jyotiba Phule Slogan in Marathi

केस कापणे नाव्ह्याचा धर्म नाही, धंदा आहे, चप्पल शिवणे कुंभाराचा धर्म नाही, धंदा आहे, अशा प्रकारे पूजा विधी करणे हि सुद्धा हा ब्राम्हणाचा धर्म नाही, धंदा आहे. - महात्मा जोतीराव फुले

क्रांती साठी प्रत्येकाला लढायला लागते, ते आपले वडील असो, भाऊ असो, शेजारील कोणी असो, किंवा शत्रू असो, संघर्ष्या शिवाय कोणी जिंकले नाही आणि जिंकणार सुद्धा नाही. - महात्मा जोतीराव फुले

Mahatma Jyotiba Phule Jayanti SMS in Marathi

Mahatma Jyotiba Phule Marathi thoughts

'Mahatma Phule Jayanti SMS in Marathi' :- जेव्हा 1840 मध्ये सावित्रीबाई फुले यांच्याशी त्यांचे लग्न झाले तेव्हा त्यांनी पत्नी सावित्रीबाई फुले यांना अभ्यासासाठी प्रेरित केले. १८५२ मध्ये त्यांनी तीन शाळा स्थापन केल्या, परंतु १८५८ मध्ये पैसे नसल्यामुळे अभावी ती बंद पडल्या. सावित्रीबाई फुले नंतर देशातील पहिल्या प्रशिक्षित महिला शिक्षिका झाल्या. त्यांनी मुलांना आपल्या मुलांना शिक्षित करण्याचे आवाहन केले. त्याचे प्रेरणादायक मेसेज खाली वाचा:

भारताच्या राष्ट्रीयता ची भावना चा विकास तेव्हाच होईल जेव्हा देशामध्ये जात पात सोडून सर्वांना समान हक्क मिळेल.

जेव्हा लोक तुमच्या संघर्षामध्ये भाग घेतील तेव्हा कधीच जात भगू नका आणि विचारू सुद्धा नका.

जर कोणी कोणाला मदत करत असेल तर त्याची मदत घ्या तोंड नका लपून जाऊ.

जीवनाची गाडी दोन चाकावर कधीच चालत नाही, त्याला गती तेव्हाच मिळते जेव्हा मजबूत बंधन तयार होते.

Mahatma Jyotiba Phule Jayanti SMS in Marathi

दोन दुकडे करायला एक वार फार झाला, पण काही वेळा त्याची भारी किंमत मोजावी लागते.

Mahatma Jyotiba Phule Jayanti Quotes, SMS in Marathi

नवीन नवीन विचार तर दिवसात येतच राहतात त्याला तुम्ही किती अमलात आणता ते महत्त्वाचे ठरते.

Mahatma Jyotiba Phule Jayanti Quotes Marathi

Mahatma Jyotiba Phule Marathi thoughts 2020

Best Thought and 'Quotes Of Mahatma Phule in Marathi' -: ज्योतिराव ‘ज्योतिबा’गोविंदराव फुले हे हिंदुस्तान मधील समाजसुधारक आणि विचारवंत होते. भारतातील जात-निर्बंधांविरूद्ध त्यांनी चळवळीचे नेतृत्व केले. त्यांनी ब्राह्मणांच्या वर्चस्वाविरूद्ध बंड केले आणि शेतकरी व इतर अल्प-जातीच्या लोकांच्या हक्कांसाठी संघर्ष केला. महात्मा ज्योतिबा फुले हे देखील भारतातील महिला शिक्षणाचे प्रणेते होते आणि त्यांनी आयुष्यभर मुलींच्या शिक्षणासाठी संघर्ष केला. दुर्दैवी मुलांसाठी अनाथाश्रम सुरू करणारा तो पहिला हिंदू असल्याचे मानले जाते.

मोडून काढत अंधश्रद्धा, रूढी परंपरा बनवलं तुम्ही आम्हा सत्यशोधक, नाही झाला, नाही होणार, तुमच्या सारखा समाजसुधारक... - प्रीत

Mahatma Phule Vichar in Marathi Quotes

Mahatma Phule Vichar in Marathi.

आज महात्मा ज्योतिबा फुले यांची जयंती आहे, त्यांचे प्रेरणादायी विचार खाली वाचा -:

शिक्षणा शिवाय शहाणपण हरवले; शहाणपणा शिवाय नैतिकता गमावली; नैतिकतेशिवाय विकास हरवला; विकासा शिवाय संपत्ती हरवली; संपत्ती नसताना शूद्रांचा नाश झाला; शिक्षणाच्या अभावामुळे बरेच काही घडले - महात्मा ज्योतिबा फुले

हे पण वाचा (अतिशय महत्वाचे) - महात्मा फुले कर्ज माफी योजना यादी, लिस्ट 2020

महात्मा ज्योतिबा फुले शेतकरी कर्ज माफी योजना

MJPSKY LIST, YADI 2020 | महात्मा ज्योतिराव फुले कर्ज मुक्ती योजना वरती तुम्हाला या सर्व विषयी Mahatma Jyotiba Phule Slogan in Marathi, Mahatma Jyotiba Phule Jayanti SMS in Marathi हे पण Mahatma Jyotiba Phule Marathi thoughts तुम्हाला Mahatma Phule Vichar in Marathi या सर्व Mahatma Phule Jayanti Quotes in Marathi विषयांबद्दल वरती माहिती दिली गेली आहे

✥ आमचे फेसबुक पेज लाइक करा - मराठी कॉर्नेर ✥

तुमचा प्रतिसाद

आशा आहे की आम्ही दिलेल्या माहितीचा नक्कीच फायदा होईल. जर आपणास आमच्याद्वारे दिलेली माहिती आवडत असेल तर कृपया आपल्या मित्रांसह आणि कुटूंबासह share करा.

आपल्याला या माहितीशी संबंधित कोणती मदत हवी असल्यास आपण आमच्याकडून मदत घेऊ शकता. कृपया आपला प्रश्न खाली कमेंट बॉक्समध्ये लिहा. आमची टीम तुम्हाला मदत करेल. आपल्याला इतर कोणत्याही महाराष्ट्र राज्य योजना किंवा मराठी माहिती हवी असल्यास आम्हाला कमेंट बॉक्स मध्ये विचारा.

mbtTOC();

via Blogger https://ift.tt/2UFrsGR

0 notes