weirdnoury

[weirdnoury]

[weirdnoury]

داخله الجراچ عادي والقطة وبنتها اتخضوا مني تعالي يا قطقوطة هبوسك بس

[weirdnoury]

دواء السيولة بيخلي اي جرح صغير عبارة عن نافورة ولا جسمي اللي عامل ايرور؟! انا كان نفسي اكون دكتورة عشان مثل هذه الاسئلة المتخلفة

[weirdnoury]

انا مستنيه منك تحاربي إنقطاع الكهرباء والحر معايا فياريت تعملي اي حاجة

[weirdnoury]

التعليقات السلبية اللي عمال على بطال دي بترهقني اوي كفاية بقى

[weirdnoury]

انا بحب اسكندرية عشان الشوارع والعمارات بس إنما الناس لا

[weirdnoury]

كريم : اعمليلي حاجة سخنة اخدها معايا الشغل

انا : يارب يكون رايح كيدز اريا بالمج اللي انا باعتاه معاه ده

[weirdnoury]

نفسي ارسم تاني بجد ونفسي اعمل بسكوت بالجبنة

[weirdnoury]

النهاردة صحيت على خبر وفاة أب و ابنه وهما بينادوا عليهم في مايك المسجد فكرتهم مثلاً ماتوا في حادث سير أو كده لكن طلع إن اخو الأب قتل أخوه وابن أخوه، انا بخاف من الغضب أوي وبخاف من الجنان اللي بنسمع عنه ده وبقعد اقول لنفسي ربنا يقينا فواجع الأقدار وعمى البصيرة لكن بعدين بفتكر أنه أول جريمة قتل في الدنيا كانت أخ قتل أخوه أصلاً فأخاف واستخبى تحت البطانية

[weirdnoury]

تميت بفضل الله ٢٦ سنة أول يوم العيد، فاكره لما تميت ٢٣ سنة قلت لنفسي بردو إنه رقم كبير عليا بس طلع في الأكبر والأكبر والمهم إني اكبر من كل ده وقدها أو شايفه نفسي قدها يعني الحمدلله، أمنيتي السنة دي إني اعيش في عالم هادي كله خُضرة وعصافير وأبقى أنا فراشة وسطهم، معنديش حكمة مستخلصة من السنين اللي فاتت في الحقيقة ولكن الحاجة الوحيدة الجميلة اللي عملتها إني ابعد عن كل الناس وأبطل احب اي حد مش حاببني و أعرف ارجع الناس لمكانهم الحقيقي ويبقوا في حياتي "عادي" وابعد عن أي غباء أو وجع دماغ، حبيت أبدأ السنة بلبس فاتح ومكان هادي عشان تبقى كل حاجة عالهادي

[weirdnoury]

امبارح كنت في مكان سوق كان زحمة اوي فخرجت من زقاق صغير فاضي على الشارع الرئيسي لقيت فيه قهوة وناس كتير قاعده عماله تشرب سجاير وقهوة وشاي والدنيا حلوة اوي عندهم فحسيت اني انا اللي متأخره وصايمة لوحدي ولا ايه بس انا كنت بجيب فطار ليا وللبيت يبقى كده مش لوحدي الحمدلله، الصيام دا طلع نعمة كبيرة اننا نقدر نصوم ونقاوم ونتعب ومنقولش مش هنقدر نكمل دي نعمة بجد الحمدلله وربنا يقدّر اللي مش بيصوموا أنهم يقدروا يستمروا في الصيام

[weirdnoury]

انا بحب الشتا بس مش في العيد 🥺

[weirdnoury]

احنا جبنا لبس العيد صيفي وده مش اختيارنا لا احنا اتزقينا جوا الهدوم الصيفي

[weirdnoury]

هقول حاجة ملحدة. آخر عشر ايام دول مش راضيين يخلصوا ولا انا صحتي على قدي ولا ايه

[weirdnoury]

اخويا بيتجوز وحاسه إني متوترة و مضغوطة معاهم كأني أنا اللي بتجوز وانام واصحى اقول ها فاضل ايه متعملش و عاملينلي رعب بقالهم اسبوع وانا كنت خلاص عديت المراحل دي بترجعوني تاني لييه

[weirdnoury]

أحلامي لو بطلت تتحقق هكون سعيدة ٨٠٪ وهخلي ال٢٠٪ الباقيين لبقية الحاجات اللي ممكن افرح بسببها

الفترة اللي فاتت كنت بحلم بحاجات بسيطة وبتحصل زي حد غير موبايله أو حد جاب حاجة جديدة مثلا لكن المرادي حلمت إن في حريقة وقمت ومشغلتش بالي بالحلم وفي نص اليوم لقينا حريقة قدام البيت فعلاً في ارض فاضية قدامنا، الحمدلله مفيش خسائر لكن كانت ضخمة وكلها دخان ملأ البيت، اتمنى يا عقلي كفاية كده

[weirdnoury]

ممكن تقولي والدك عامل ايه؟

الحمدلله يا انون للأسف العملية متعملتش عشان بعدما دخل العمليات دكتور التخدير مقدرش يديله بنج عشان الضغط كان عالي جداً دعواتك الدنيا تظبط ويعملها في اسرع وقت وشكراً لإهتمامك