لما الشتا يدق البيبان.. الداخلية توزع بطاطين ومواد غذائية على البسطاء
لما الشتا يدق البيبان.. الداخلية توزع بطاطين ومواد غذائية على البسطاء
أطلقت وزارة الداخلية بالتنسيق مع بعض الجهات المعنية، مبادرة جديدة تحمل شعار (كلنا واحد – قافلة الخير)، تم خلالها تنظيم عدة قوافل لتوزيع عدد من المساعدات العينية (بطاطين – مواد غذائية) بالمجان على المواطنين، بنطاق مديريات الأمن على مستوى الجمهورية ، يأتى ذلك فى إطار الدور الذى تضطلع به كافة أجهزة وزارة الداخلية للمساهمة فى رفع العبء عن كاهل المواطنين .
جاء ذلك فى إطار إستمرار جهود وزارة الداخلية…
الشمسُ ساطعة، ووصلت إلى العمل مبكرًا، والقلب على غير عادته، مُطمئِن، فلماذا أدندن منذ استيقظت: مش جي الومك ع اللي فات، ولا جي اصحي الذكريات، لكني بحتاجلك ساعات لما الشتا يدق البيبان!
ازيك؟ لا كفاية أغاني كده الصراحة وخليني أشكرك شكرا عميقا طويلا كبير ككل الحجات التي نعجز عن وصفها او حملها فوق أجنحة اللغة. في الواحدة وأربعين دقيقة من صباح يوم السبت الموافق خمستاشر يناير من سنة 2022، ها أنذا أكتب لك دون ان أعرف انت مين. حُبّبَ لي الوصل والتواصل وأُنس الانسان بالانسان. والفتاة الجميلة التي عبرت في حياتي خلال الشهور القليلة الماضية نبهتني لذلك. قال: أنت بتحب تقضي وقت مع الناس يا أحمد. قلتلها أيوة أيوة هي دي لغة الحب بالنسبالي. أحب اقعد مع اللي بحبه. ومبعرفش أحب حد من غير ما أقضي معاه وقت ونفتح كلام خاص وحميمي أو عميق بشأن الأشياء. انتبهي - عزيزتي دكتورة أنونة- إلى أن الكلام العميق لا يعني بالضرورة أن نتكلم في مواضيع كبيرة زي الاحتباس الحراري اللي فاشخنا وهيفشخنا قدام لسه مثلا. لكني أقصد بالكلام العميق اللغة نفسها. قدرة اثنين من أبناء الانسان على التواصل بالكلمات حتى لو كانوا بيناقشوا هي الطماطم بكام انهاردة؟ الساعة التي أقضيها يوميا مع أمي وأختي نشاهد العشق الممنوع ونضحك على خيبة عدنان بك ونأنف من غطرسة سمر خانوم ونرغب بصفع فيروز خانوم على صدغها حتى يحمر ويدلدل كده، هذه الساعة قيمة وثمينة لأني أقضيها مع أمي وأختي غير عابئين بأي شيء آخر في العالم.
عزيزتي أنونة. لقد قلبتِ عليّ المواجع والله. الغنوة الأولى من أغنياتي المفضلة جدا جدا. الفرقة كلها. معظم باندات مزيكا السبعينيات كانت بديعة. كانت لحظات مسروقة وخاطفة من عمر هذا البلد التعيس الغارق حتى أذنيه في الرداءة والله. كم كنت ارجو لو خط المزيكا ده يكمل بنفس اتجاهه وسكته وطريقته دي فترة أطول. لكن حصل خير.
المهم، الغنوة الأولى من مفضلاتي تماما تماما. مش هقدر أسمع وديع الصافي عشان هو سلطان وانا المفروض اقوم أنام يعني وهو هيفوّقني. بس هبعتلك نفس الغنوة لأحمد عبد العاطي.
عبد العاطي مش صاحبي مباشرة لكنه صاحب أصحابي، وكاتب شاطر وناوي يعمل ورشة كتابة مجانية على زووم وأنا مقرر أحضرها. فممكن تبقي تيجي تبصي علينا لو بتحبي الكتابة. بس هو صوته حلو كمان فخلينا نسمعه سوا بيدندن عزيزتي الدكتورة.
بما انك قلبت عليا المواجع، والله -بصوت زكي رستم- ما انا سايبك غير لما أقلب عليك مواجعك أنا كمان :)
خدي اسمعي دي، رحم الله أحمد الحجار الكبير. ويخليلنا أحمد الحجار الصغير. ويبارك في صوت وأغاني علي الحجار عشان لما الشتا يدق البيبان نعرف ساعتها نلاقي أغاني حلوة تدفينا.
https://soundcloud.com/ahmadaelhaggar/elahwa
عزيزتي دكتورة أنونة، شكرا على تجشّمك عناء الكتابة لي في الواحدة ليلا لتقولي لي كلمة حلوة. أقدر هذا المجهود من خلق الله وأُكْبِرهم وأُكبّرهم. عشان أنا كمان بحب اقول للحلو يا حلو في عيونه وأعرف جيدا كم يكلف ذلك من شجاعة. فخليني أشكرك، وأتمنى لك النجاح والنجاة من الجامعات المصرية المخبولة.