Last Seen Blogs
shadowandlightt
Azriel's Bitch
goodfortuneslotmachine
Untitled
brightsunshinesmile-blog
A tune in my head..
mlnanez
MIDDLE EASTERN LGBTQ ISSUES
Text
أنا اكتر واحد بطبل و بحب العمارة الإسلامية طبعاً و بالتحديد العصر المملوكى، شفت امبارح صورة منتشرة لصلاة التراويح فى مسجد السلطان حسن و الناس بتزايد بيها على بناء مسجد الفتاح العليم فى العاصمة الإدارية الجديدة
خلينا نتكلم باستفاضة عن مسجد السلطان حسن الاول :
-الواجهة الرئيسية اللى هى الشمالية، طولها ١٤٥ متر تقريباً بارتفاع مَهيب ٣٨ متر،الواجهة فيها زخارف رخامية و حجرية و بتنتهى بكورنيش من فوق عبارة عن ست صفوف من المقرنصات الدقيقة شبه خلايا النحل، المدخل متكون من عقد سقفه عبارة عن نصف قبة مزخرفة بالمقرنصات و مستوحى من عمارة السلاجقة اللى بتتميز فيها المداخل بالنسبة للمبانى بكثرة زخارفها، أنا بحاول اوضح حجم صرف الفلوس و هقولك ليه فى الآخر يا صحبى بس اتقل عليا شوية..
-الواجهة الشرقية تعلوها مأذنتان على طراز المآذن المملوكية المئذنة القديمة اللى هى الجنوبية ارتفاعها ٨١,٦ متر، ايوة يا معلم بالظبط كدة بارتفاع برج عالاقل ٢٧ دور
- المسقط الأفقي للمبنى متعدد الأضلاع تبلغ مساحته 7906 متر مربع، وضلعه الأكبر بطول 150م والأصغر 68م. المبنى أتبنى من الحجر، بيتكون من صحن أوسط مكشوف فى وسطه فسقية الوضوء و حواليه أربعة إيوانات تشكل الجامع.و في كل ركن من أركان المبنى مدرسة خصصت لتدريس مذهب من المذاهب الفقهية الأربعة، طبعاً بيتم الدخول إلى المدارس من أبواب تقع في أركان الإيوانات الأربعة. وتتكون كل مدرسة من صحن فى وسطه برضه فسقية وإيوان وثلاث ادوار تضم مساكن الطلبة. والمبنى متأثر بظاهرة إنشاء المدارس اللى نشأت بصفة خاصة في عصر السلاجقة والأتابكة - زى مدرسة نور الدين محمود في دمشق، وكانت بمثابة مؤسسات تعليمية عالية المستوى هدفها التفقيه في الدين على المذاهب السنية والتبحر في العلم ونشر الإسلام.
-إيوان القبلة بقى و هو أكبر إيوانات الجامع، بيغطيه قبو مدبب يطل على الصحن من خلال عقد و العقد دا بيعتبر أكبر عقد مقام على إيوان في مصر. و حدث ولا حرج الإيوان دا بيحتوى على العديد من روائع الفن الإسلامي، الحوايط مكسوة بالرخام والأحجار الملونة و من فوقيها في شريط نادر من الزخارف الجصية جواه شريط كتابي بالخط الكوفي المزهر يحتوي على آيات قرآنية.و الإيوان فيه كمان محراب مزخرف بزخارف رخامية متعددة الألوان وكتابات ((((مذهبة)))) ايوة يا صديقى فلوس بقى، وهو يعد من أجمل المحاريب في مصر طبعاً و باين الصرف عليه.
نيجى بقى المهم تكلفة بناء مسجد السلطان حسن فى وقتها كانت ٧٥٠ الف دينار ذهبى
الدينار الذهبى كان وزنه ٤,٢٥ جم من عيار ٢٤ اضرب الرقم اللى فوق دا كدة و احسب حسبتك بالظبط كدة شطور يعنى ٣١٨٧,٥ (كيلو جرام) من الدهب
بسعر الذهب عيار ٢٤ فى ٢٠١٩ لحظة إتمام بناء و افتتاح مسجد الفتاح العليم فى العاصمة الإدارية
كام بقى؟ ٢ مليار و ٣٩٧ مليون جنيه مصرى
السيسى طلع غلبان اوى بجد او صاحبنا دا طلع عبيط فاكر انه عشان المسجد قديم و فى السيدة عيشة انه مكلفش فلوس فى بناه و مكانتش من جيب الشعب 😂
0 notes
Text
زمان و أنا فى ابتدائى سمعت بابا بيقول إن سعر الإعلان على صفحة في الأهرام ب ٢٥٠ ��لف جنيه، وبيوصل في أهرام الجمعة ما بين ٧٥٠ لـ مليون.
طبعا رقم مليون ده كبير زمان ودلوقتي، بس زمان كنا بنعتبر المليونير هو اللي معاه مليون، فكان بالنسبالي مثير جدا إن ثروة طائلة تروح في صفحة، ومن من ساعتها لازم أشوف كل الإعلانات في أي صفحة وكان عدد الجمعة في الأهرام نصه إعلانات ومفوتش إعلان واحد وقلبت الصفحة.
معلومة لطيفة برضه إن العدد ده اللي بيتباع بجنيه كانت تكلفة طباعته حسب المتخصصين وقتها كان حوالي ٣ جنيه ونص، والمكسب مكانش من بيع العدد ولكن من الإعلانات.
طبعا المعلومة كانت مثيرة وقتها، لكن دلوقتي كله عارف إن منتجات صحفية كتير مكسبها من الإعلانات مش من سعر المنتج.
كنت بفكر فى إعلان إعلان وأشوف الراجل اللي دافع مليون ده دفعه في إيه وعايز يقول إيه وهيكسب من وراه إيه، وهل صرف في الشكل(الديزاين) والمحتوى ولا فلوسه راحت هدر.
طبعا اللي عمل طفرة الفلوس ساعتها كانت الحرب بين كليك وموبينيل.
كانت كليك تاخد صفحة كاملة حاطة فيها عروض، تقوم موبينيل في الصفحة اللي قصادها نازلة بسلوجان "الموجة تجري ورا الموجة عايزة تطولها" تلقيح يعني إن كليك بتجري وراهم.
من أغرب الإعلانات ساعتها كان حملة لمنتجع على البحر السلوجان بتاعه "كل درجات اللون الأزرق" كانوا بيعملوا الإعلان بالألوان ولما افتقروا نزلوه أبيض واسود، فكانت كل درجات الأزرق عبارة عن لون أسود.
بس طبعا كله يهون المهم ينزلوا في أهرام الجمعة، وما أدراك ما أهرام الجمعة.
أهرام الجمعة ده كان هيبة كدة ووزنه تقيل عشان فيه صفحات كتير مطبوعة بالألوان، غير الملاحق، وكنت تبقى شايله كدة أكنك شايل لفافة من بيت الحكمة وتحس المغول ممكن يثبتوك وياخدوها.
الشركات كانت جميلة زمان، ترمي مليون جنيه في صفحة يتاكل عليها طعمية بعد الصلاة، لكن دلوقتي كل شركة معاها بادچت ٣٠ألف تقولك عايزة من الإعلان "ليدز" وعايزة داونلودز ومش هحاسبك غير لما اليوزر يشتري، وكل واد فيها خريج جامعة ب٣ حروف يطلع ميتين البابلشر بكلمتين حافظهم ويقولك أين ال ROI.
ال ROI إيه يلا .. الرزق ده بتاع ربنا، دور على البركة زي الحج محمود العربي وكلها هترزق .. هتعملي فيها انتربرونور في ألمانيا.
بلا ROI بلا CPV بلا CPM واعقلها فتوكل.
(طبعا كل ما سبق هزار لنشر البهجة والسرور على التايم لاين، عشان محدش يدخل ينظّر ويقولي أصل نوكيا)
بمناسبة ملاحق الأهرام نعيد ونذكر بأعظم إفيه في ملحق أيامنا الحلوة لما الزوجة بتقول لجوزها مدرس الفيزياء: على فين العزم .. قالها في اتجاه القوة
0 notes
Text
سواء في ٢٠٢٣ او في سنين كتير قبلها فانا محظوظ، محظوظ بناس عرفتهم وحبوني اكتر مما استحق، محظوظ بحاجات بعرف اكون مميز فيها، محظوظ بيها و ب حاجات سيئة كان ممكن تبقى أسوأ ومحصلتش لمجرد اني محظوظ
لو فيه شيء احسبه لنفسي هو اني مش مؤذي و كل سنة ونتو طيبين ❤️
0 notes
Text
You are young and life is long, and there is time to kill today
And then one day you find ten years have got behind you
No one told you when to run, you missed the starting gun
0 notes
Text
0 notes
Text
عالم أقل قسوة ، ورأساً أقل حيرة، وعائلة قريبة، واصدقاء في نفس المدينة ، سماءٌ ملبدة بالغيوم ، بحرٌ قريب ، شمس ، نجمة مضيئة ، لوحة إرشادية في منتصف العقل ، محل صبرٍ كبير في الروح ، رموش طمأنينة للعين ، فضاءٌ اقل خوفا للحالمين ، منازل أمِنة لأصحاب المنازل المهشمة ، إيمان يوسف وصبر يونس وقوة محمد وحكمة داود يارب ..
0 notes
Text
not even mad or sad right now, just realizing shit. realizing i need to do better.
0 notes
Text
يارب اى احتمال من عندك انا راضى بيه، بس اى حاجة غير الهزيمة عشان انا تعبت بجد
0 notes
Text
كارل ماركس كان بيقولك الرأسمالية بتخلي الانسان مغترب. مكنش يعرف إنها هتبقى ميول انتحارية كمان والله.
جيلنا هيتأرخله في المستقبل كجيل الميول الانتحارية والميمز والبلاك ساركازم وحاجة كسم الهزيمة والانبطاح والخرا اللي احنا فيه يا كابتن مدحت.
0 notes
Text
وعلى ذكر السنوات الهباب اللي بتعدى علينا في مصر واللي اعتقد انها قاربت على نهايتها ربما، فالواحد يفكر نفسه بردو إن التعاطف والتضامن مع الآخرين ملكة مرتبطة بحسن الإدراك والذكاء على عكس ما بيتم تصويرها سينمائيا بالسذاجة.
التعاطف مع الاخرين يتطلب إدراك شديد وحاد لموقع الشخص من ذاته ومن العالم حوله وإدراك لموقع الآخرين في العالم وحيوات بعضهم البعض. وأزعم والله أعلم أني ما صادفت إنسان خير عطوف إلا وكان حاد الذكاء والعكس غير صحيح.
0 notes
Text
أفكار وخطط تافهة لحياتي في حالة الرفاه الاجتماعي وعدم الاحتياج للعمل: أربي أرنب وسلحفة وأقضي حياتي بعمل بينهم سبق.
0 notes