my-urdu-soul

[my-urdu-soul]

میرے خوابوں کے جھروکوں کو سجانے والی

تیرے خوابوں میں کہیں میرا گزر ہے کہ نہیں

پوچھ کر اپنی نگاہوں سے بتا دے مجھ کو

میری راتوں کے مقدر میں سحر ہے کہ نہیں

چار دن کی یہ رفاقت جو رفاقت بھی نہیں

عمر بھر کے لیے آزار ہوئی جاتی ہے

زندگی یوں تو ہمیشہ سے پریشان سی تھی

اب تو ہر سانس گراں بار ہوئی جاتی ہے

میری اجڑی ہوئی نیندوں کے شبستانوں میں

تو کسی خواب کے پیکر کی طرح آئی ہے

کبھی اپنی سی کبھی غیر نظر آئی ہے

کبھی اخلاص کی مورت کبھی ہرجائی ہے

پیار پر بس تو نہیں ہے مرا لیکن پھر بھی

تو بتا دے کہ تجھے پیار کروں یا نہ کروں

تو نے خود اپنے تبسم سے جگایا ہے جنہیں

ان تمناؤں کا اظہار کروں یا نہ کروں

تو کسی اور کے دامن کی کلی ہے لیکن

میری راتیں تری خوشبو سے بسی رہتی ہیں

تو کہیں بھی ہو ترے پھول سے عارض کی قسم

تیری پلکیں مری آنکھوں پہ جھکی رہتی ہیں

تیرے ہاتھوں کی حرارت ترے سانسوں کی مہک

تیرتی رہتی ہے احساس کی پہنائی میں

ڈھونڈتی رہتی ہیں تخئیل کی بانہیں تجھ کو

سرد راتوں کی سلگتی ہوئی تنہائی میں

تیرا الطاف و کرم ایک حقیقت ہے مگر

یہ حقیقت بھی حقیقت میں فسانہ ہی نہ ہو

تیری مانوس نگاہوں کا یہ محتاط پیام

دل کے خوں کرنے کا ایک اور بہانہ ہی نہ ہو

کون جانے مرے امروز کا فردا کیا ہے

قربتیں بڑھ کے پشیمان بھی ہو جاتی ہیں

دل کے دامن سے لپٹتی ہوئی رنگیں نظریں

دیکھتے دیکھتے انجان بھی ہو جاتی ہیں

میری درماندہ جوانی کی تمناؤں کے

مضمحل خواب کی تعبیر بتا دے مجھ کو

میرا حاصل میری تقدیر بتا دے مجھ کو

- ساحر لدھیانوی

#urdu #urdu poetry #urdu shayari #urdu ghazal #urdu literature #urduadab #pakistan #sahir ludhianvi

[my-urdu-soul]

Tum Aey ho Na Shab E Intezar Guzri Hai

Talash me Hai Sehar Bar Bar Guzri Hai..

#urdu #urdu poetry #urdu shayari #urdu ghazal #urdu literature #eid 2024 #urduadab #urdu quote #hindi shayari #hindi poetry #eid poetry #faiz ahmed #faiz ahmed faiz

[my-urdu-soul]

میری بربادیاں درست مگر

تو بتا کیا تجھے ثواب ہوا

- جگر مراد آبادی

merī barbādiyāñ durust magar

tū batā kyā tujhe savāb huā

- Jigar Moradabadi

#urdu #urdu poetry #urdu shayari #urdu ghazal #urdu literature #urduadab #hindi shayari #hindi poetry

[my-urdu-soul]

Asalam Alikum bahot khubb intkhawab posts ka pasandida

shukriya janab!

[my-urdu-soul]

ہم تھے، ہمارے ساتھ کوئی تیسرا نہ تھا

ایسا حسین دن کہیں دیکھا سُنا نہ تھا

آنکھوں میں اُس کی تَیر رہے تھے حیا کے رنگ

پلکیں اُٹھا کے میری طرف دیکھتا نہ تھا

کُچھ ایسے اُس کی جِھیل سی آنکھیں تھیں ہر طرف

ہم کو سوائے ڈوبنے کے راستہ نہ تھا

ہاتھوں میں دیر تک کوئی خُوشبو بسی رہی

دروازہ چمن تھا وہ بندِ قبا نہ تھا

اُس کےتوانگ انگ میں جلنے لگے دِیے

جادُو ہے میرے ہاتھ میں مجھ کو پتا نہ تھا

اُس کے بدن کی لَو سے تھی کمرے میں روشنی

کھڑکی میں چاند، طاق میں کوئی دِیا نہ تھا

کل رات وہ نگار ہُوا ایسا مُلتفت

عکسوں کے درمیان، کوئی آئنہ نہ تھا

سانسوں میں تھے گلاب تو ہونٹوں پہ چاندنی

ان منظروں سے میں تو کبھی آشنا نہ تھا

رویا کچھ اس طرح مِرے شانے سے لگ کے وہ

ایسے لگا کہ جیسے کبھی بے وفا نہ تھا

ہے عِشق ایک روگ، محبّت عذاب ہے

اِک روز یہ خراب کریں گے، کہا نہ تھا

امجد وہاں پہ حد کوئی رہتی بھی کِس طرح

رُکنے کو کہہ رہا تھا مگر روکتا نہ تھا

امجد اسلام امجد -

#urdu #urdu poetry #urdu shayari #urdu ghazal #urdu literature #urduadab

[my-urdu-soul]

پوچھتے کیا ہو دل کی حالت کا؟؟

درد ہے،، درد بھی قیامت کا،،،

یار،، نشتر تو سب کے ہاتھ میں ہے،،،

کوئی ماہر بھی ہے جراحت کا؟؟

اک نظر کیا اٹھی،، کہ اس دل پر،،،

آج تک بوجھ ہے مروّت کا،،،

دل نے کیا سوچ کر کیا آخر،،،

فیصلہ عقل کی حمایت کا،،،

کوئی مجھ سے مکالمہ بھی کرے،،،

میں بھی کردار ہوں حکایت کا،،،

آپ سے نبھ نہیں رہی اِس کی؟؟

قتل کر دیجیئے روایت کا،،،

نہیں کھُلتا یہ رشتۂِ باہم،،،

گفتگو کا ہے یا وضاحت کا؟؟

تیری ہر بات مان لیتا ہوں،،،

یہ بھی انداز ہے شکایت کا

دیر مت کیجیئے جناب،، کہ وقت،،،

اب زیادہ نہیں عیادت کا،،،

بے سخن ساتھ کیا نباہتے ہم؟؟

شکریہ ہجر کی سہولت کا،،،

کسرِ نفسی سے کام مت لیجیئے،،،

بھائی یہ دور ہے رعونت کا،،،

مسئلہ میری زندگی کا نہیں،،،

مسئلہ ہے مری طبیعت کا،،،

درد اشعار میں ڈھلا ہی نہیں،،،

فائدہ کیا ہوا ریاضت کا؟؟

آپ مجھ کو معاف ہی رکھیئے،،،

میں کھلاڑی نہیں سیاست کا،،،

رات بھی دن کو سوچتے گزری،،،

کیا بنا خواب کی رعایت کا؟؟

رشک جس پر سلیقہ مند کریں،،،

دیکھ احوال میری وحشت کا،،،

صبح سے شام تک دراز ہے اب،،،

سلسلہ رنجِ بے نہایت کا،،،

وہ نہیں قابلِ معافی،، مگر،،،

کیا کروں میں بھی اپنی عادت کا

اہلِ آسودگی کہاں جانیں،،،

مرتبہ درد کی فضیلت کا،،،

اُس کا دامن کہیں سے ہاتھ آئے،،،

آنکھ پر بار ہے امانت کا،،،

اک تماشا ہے دیکھنے والا،،،

آئینے سے مری رقابت کا،،،

دل میں ہر درد کی ہے گنجائش،،،

میں بھی مالک ہوں کیسی دولت کا،،،

ایک تو جبر اختیار کا ہے،،،

اور اک جبر ہے مشیّت کا،،،

پھیلتا جا رہا ہے ابرِ سیاہ،،،

خود نمائی کی اِس نحوست کا،،،

جز تری یاد کوئی کام نہیں،،،

کام ویسے بھی تھا یہ فرصت کا

سانحہ زندگی کا سب سے شدید،،،

واقعہ تھا بس ایک ساعت کا،،،

ایک دھوکہ ہے زندگی عرفان،،،

مت گماں اِس پہ کر حقیقت کا

"- عرفان ستار

#urdu #urdu poetry #urdu shayari #urdu ghazal #urdu literature

[my-urdu-soul]

‏ہاتھ خالی ہیں ترے شہر سے جاتے جاتے

‏جان ہوتی تو مری جان لٹاتے جاتے

‏اب تو ہر ہاتھ کا پتھر ہمیں پہچانتا ہے

‏عمر گزری ہے ترے شہر میں آتے جاتے

‏اب کے مایوس ہوا یاروں کو رخصت کر کے

‏جا رہے تھے تو کوئی زخم لگاتے جاتے

‏رینگنے کی بھی اجازت نہیں ہم کو ورنہ

‏ہم جدھر جاتے نئے پھول کھلاتے جاتے

‏میں تو جلتے ہوئے صحراؤں کا اک پتھر تھا

‏تم تو دریا تھے مری پیاس بجھاتے جاتے

‏مجھ کو رونے کا سلیقہ بھی نہیں ہے شاید

‏لوگ ہنستے ہیں مجھے دیکھ کے آتے جاتے

‏ہم سے پہلے بھی مسافر کئی گزرے ہوں گے

‏کم سے کم راہ کے پتھر تو ہٹاتے جاتے

- ‏راحت اندوری

#urdu #urdu poetry #urdu shayari #urdu ghazal #urdu literature #urduadab #urdu quote

[my-urdu-soul]

اک ٹیس بہ مشکل تھم تھم کر اشکوں کی زباں تک پہنچی ہے

معلوم نہیں بربادئ دل پہنچی تو کہاں تک پہنچی ہے

بے تابیٔ غم بڑھتے بڑھتے کیا زخم نہاں تک پہنچی ہے

ہر درد نظر میں ابھرا ہے ہر سانس فغاں تک پہنچی ہے

کتنے تو فریب منزل میں احساس طلب تک کھو بیٹھے

حالانکہ ابھی دنیائے نظر منزل کے نشاں تک پہنچی ہے

کیا چارۂ درد محرومی آنے کو ہزار آ جائے ہنسی

یہ چوٹ ذرا سی چوٹ سہی پھر بھی دل و جاں تک پہنچی ہے

حالات سے کچھ ہٹ کر بھی کبھی حالات سمجھنے پڑتے ہیں

لیکن یہ متاع دور رسی کچھ دیدہ وراں تک پہنچی ہے

کتنے ہی غموں کو دنیا نے دے دی ہے زباں افسانوں کی

بربادیٔ اہل دل لیکن کب شرح و بیاں تک پہنچی ہے

اب تک ہے فغان نیم شبی محروم اثر تو رہنے دو

کیا کم ہے یہی آواز شکست دل تو وہاں تک پہنچی ہے

ممکن ہے کہ شوقؔ اب وہ خود بھی تسکین تمنا دے نہ سکیں

پردے میں ہنسی کے پوشیدہ فریاد یہاں تک پہنچی ہے

- خواجہ شوق

#urdu #urdu poetry #urdu shayari #urdu ghazal #urdu literature #urduadab #urdu quote

[my-urdu-soul]

شبنم نے رو کر جی ذرا ہلکا کر لیا

غم اسکا پوچھئے جو نہ آنسو بہا سکے

-سلام سندیلوی

-

Shabnam ne ro kar jee zara halka kar liya

Gham uska pochiye jo na ansoo baha sake

-Salam Sandehlvi

[my-urdu-soul]

دل کو ﭘﺎﯾﺎ ﻧﮩﯿﮟ ﻣﻨﺰﻟﻮﮞ ﻣﻨﺰﻟﻮﮞ

ﮬﻢ ﭘُﮑﺎﺭ ﺁﺋﮯ ﮬﯿﮟ ﮐﺎﺭﻭﺍﮞ ﮐﺎﺭﻭﺍﮞ

ﺑﯿﭩﮭﻨﺎ ﻧﺎﺯ ﺳﮯ ﺍﻧﺠﻤﻦ ﺍﻧﺠﻤﻦ

ﺩﯾﮑﮭﻨﺎ ﻧﺎﺯ ﺳﮯ ﺩﺍﺳﺘﺎﮞ ﺩﺍﺳﺘﺎﮞ

ﻟﮯ ﺍُﮌﯼ ﮬﮯ ﻣﺠﮭﮯ ﺑُﻮﺋﮯ ﺯُﻟﻒِ ﺳِﯿﮧ

ﯾﮧ ﮐُﮭﻠﯽ ﭼﺎﻧﺪﻧﯽ ﺑﻮﺳﺘﺎﮞ ﺑﻮﺳﺘﺎﮞ

ﺟﯽ ﻣﯿﮟ ﺁﺗﺎ ﮬﮯ ﺗﺠﮫ ﮐﻮ ﭘُﮑﺎﺭﺍ ﮐﺮﻭﮞ

ﺭﮨﮕﺰﺭ ﺭﮨﮕﺰﺭ، ﺁﺳﺘﺎﮞ ﺁﺳﺘﺎﮞ

ﯾﺎﺩ ﺁﻧﮯ ﻟﮕﯿﮟ ﭘﮭﺮ ﺍﺩﺍﺋﯿﮟ ﺗﯿﺮﯼ

ﺩﻝ ﻧﺸﯿﮟ ﺩﻝ ﻧﺸﯿﮟ، ﺟﺎﮞ ﺳﺘﺎﮞ ﺟﺎﮞ ﺳﺘﺎﮞ

ﻋِﺸﻖ ﮐﯽ ﺯﻧﺪﮔﯽ ﺑﮭﯽ، ﻏﺮﺽ، ﮐﭧ ﮔﺌﯽ

ﻏﻤﺰﺩﮦ ﻏﻤﺰﺩﮦ ، ﺷﺎﺩﻣﺎﮞ ﺷﺎﺩﻣﺎﮞ

- فراق گورکھپوری

#urdu #urdu poetry #urdu shayari #urdu ghazal #urdu literature #urduadab #urdu quote

[my-urdu-soul]

ترے لبوں پر جو سچ سجا ہے تو پھر یہ سر کیوں جھکا ہوا ہے؟

تُو مان چاہے نہ مان تجھ سے کوئی نہ کوئی گنہ ہوا ہے!

تُو میرے شبدوں کی آہ بارے جو پوچھتا ہے تو آج سُن لے!

یہ درد میں نے نہیں بنایا، مجھے کہیں سے عطا ہوا ہے!

- زین شکیل

#urdu #urdu poetry #urdu shayari #urdu ghazal #urdu literature #urduadab

[my-urdu-soul]

by Akhil Katyal

[my-urdu-soul]

یہ کس نے باغ سے اس شخص کو بلا لیا ہے

پرند اڑ گئے پیڑوں نے منہ بنا لیا ہے

اسے پتا تھا میں چھونے میں وقت لیتا ہوں

سو اس نے وصل کا دورانیہ بڑھا لیا ہے

یہ رات نام نہیں لے رہی تھی کٹنے کا

چراغ جوڑ کے لوگوں نے دن بنا لیا ہے

درخت چھاؤں سے ہٹ کر بھی اور بہت کچھ ہے

یہ کیسی چیز تھی اور ہم نے کام کیا لیا ہے

کھرچ رہا ہوں میں دیوار پر لکھے ہوئے نام

عجیب طرح کی اک بے بسی نے آ لیا ہے

- تہذیب حافی

#urdu #urdu poetry #urdu shayari #urdu ghazal #tehzeeb hafi

[my-urdu-soul]

شبنم نے رو کر جی ذرا ہلکا کر لیا

غم اسکا پوچھئے جو نہ آنسو بہا سکے

-سلام سندیلوی

-

Shabnam ne ro kar jee zara halka kar liya

Gham uska pochiye jo na ansoo baha sake

-Salam Sandehlvi

#urdu #urdu poetry #urdu shayari #urdu ghazal #urdu literature #urduadab #hindi shayari

[my-urdu-soul]

اب یہ عالم ہے کہ جس شے پہ نظر جاتی ہے

ہو بہ ہو آپ کی تصویر نظر آتی ہے

خود کو تاریخ کسی وقت جو دہراتی ہے

میرے حالات پہ دنیا کو ہنسا جاتی ہے

یادِ ایامِ بہاراں بھی نہیں وجہِ سکوں

اب تو تزئینِ قفس ہی مجھے بہلاتی ہے

برق بن بن کے گری ہے مرے دل پر اکثر

وہ تجلی جو سرِ طور نظر آتی ہے

آج کچھ ان کی توجہ میں کمی پاتا ہوں

زندگی موت سے دوچار ہوئی جاتی ہے

دل بھر آتا ہے مرا دیکھ کے نَم آنکھ کوئی

اپنے رونے پہ تو اب مجھ کو ہنسی آتی ہے

میں وہ اک ننگِ زمانہ ہوں ازل ہی سے رئیس

زندگی ہے کہ مرے نام سے شرماتی ہے

- رئیس نیازی

#urdu #urdu poetry #urdu shayari #urdu ghazal #urdu literature #urduadab

[my-urdu-soul]

" تصّور "

یہ کس طرح یاد آ رہی ہو؟

یہ خواب کیسا دِکھا رہی ہو؟

کہ جیسے سَچ مُچ

نگاہ کے سامنے کھڑی مُسکرا رہی ہو؟

یہ جِسمِ نازک، یہ نرم بانہیں

حَسین گردن، سِڈول بازو

شگفتہ چہرہ، سَلونی رنگت

گھنیرا جُوڑا، سیاہ گیسُو

نشیلی آنکھیں، رَسیلی چِتون

دراز پلکیں، مَہین ابرُو

تمام شوخی، تمام بجلی

تمام مَستی، تمام جادُو

ہزاروں جادُو جگا رہی ہو

یہ خواب کیسا دِکھا رہی ہو؟

گلابی لب، مُسکراتے عارِض

جبیں کُشادہ ،بلند قامت

نگاہ میں بجلیوں کی جِھلمِل

اداؤں میں شبنمی لطافت

دَھڑکتا سینہ، مَہکتی سانسیں

نَوا میں رَس، اَنکھڑیوں میں اَمرت

ہمہ حَلاوت، ھمہ مَلاحت

ہمہ ترنم، ہمہ نزاکت

لچک لچک گُنگنا رہی ہو

یہ خواب کیسا دِکھا رہی ہو؟

- کیفی اعظمی

#urdu #urdu poetry #urdu shayari #urdu ghazal #urdu literature #urduadab

[my-urdu-soul]

جب بھی تیری یادوں کا سلسلہ سا چلتا ہے

اِک چراغ بُجھتا ہے، اَک چراغ جلتا ہے

شرطِ غم گُساری ہے ورنہ یوں تو سایہ بھی

دُور دُور رہتا ہے ساتھ ساتھ چلتا ہے

سوچتا ہوں آخر کیوں روشنی نہیں ہوتی

داغ بھی اُبھرتے ہیں چاند بھی نکلتا ہے

کیسے کیسے ہنگامے اُٹھ کے رہ گئے دل میں

کُچھ پتہ مگر اُن کا آنسوؤں سے چلتا ہے

وہ سرودِ کیفِ آگیں سوزِ غم جسے کہیے

زندگی کے نغموں میں ڈھلتے ڈھلتے ڈھلتا ہے

- رساؔ چغتائی

#urdu #urdu poetry #urdu shayari #urdu ghazal #urdu literature