#хvхэдэгэл

[blogdulma]

Хvгшэн эжын дэгэл. Хуушан модон гэр. Хаагдадагуй vргэн vvдэн, газааhаа подуушкаар ябталанхай.  Досоонь хоер ханза, нэгэниинь урданай, хоердохиниинь шэнэхэнээр харагдана. Эндэ тэндэ хубсаhан, номууд хаягданхай, миинтэ хэбтэнэ. Шкаафай хоер vvдэнvvдынь тайлданхай. Тэндэhээ нам руу сэхэ хараашалан ургэбшэ дээрэ эжын хvхэ дэгэл vлгоотэй, мvнгэн шагтануудниинь хулгайда абтагдаагудаа. “Ямар удаан басагамни манайдаа ерээгуйш? Хаана, юу хэhэнээ хоорэдаа. Газаа дулаан, хабарай наранай элшэнvvд бэемни дулаасуулhан мэтэ. Газаа машина тракторай наяргахын дуулданагуй. Хониной мааралдахын абяашье гаранагуй. Бадматаншье угы, vvдэниинь тайлдадаг бэлэй, Соелмаашье хилээмэндэ гvйгоод ерэгшэ hэн. Дулаан байна даа. Дулмаадай, залуу эжышни шамдаа хододоо дулаанаар хандадаг hэн, hананагуш, зундаа тэргэ морин дээрэ hуугаад, урагшаа уhалхаяа ошогшо hэмнэйт". "Хvгшэн эжы, hананаб, хайшан гээд залуу эжытэйгээ  хоорэлдэhэноо. Намтайгаа томо шэнги хvнтэй энеэдэг, hурадаг, шагнадаг байгаа. Теэд, тэрэшье урдадаг канавка vгы болоо, бахануудшье угы, эжы. Эжы, ооо, эжы, дуулана гут намайгаа, мvноо саг ондоо болоо, хуушаараа газетэ абаад таанартаа элдэб hонин тухай уншагша бэлэйб, теэд энэ гартаа баряад байhан телефон сооhоо шэнэ мэдээсэл гу, али ушар тухай татаад абажа, уншанаб. Эжы, ооо, эжы, битнэй мvноо гансаараа бэшэб. Хvбvvтэй болооб. Хvбvvмни намайгаа тандаал адли юумыемни урагшатай болгооно, vдэр бvхэндэ хэhэн алхануудни удхатай шэнги болонолдаа". "Басагамни, болоол даа, эхын vvргэ ямар бэ гэжэ мvноо ойлгоо бэзэш. Хvбvvгээ ехээр эрхэлvvлэнгуй, ажал хэхэ дуратай, еhо гуримаа ойлгожо, сахижа, зондоо туhатайгаар байхаар хvмvvжvvлээрэй!" #хугшэнэжы #хvхэдэгэл #хоорэлдоон #тоонтонютаг #эжыабынзаабари (at Buryatia)

#тоонтонютаг #хоорэлдоон #эжыабынзаабари #хvхэдэгэл #хугшэнэжы