#漁澤陣九郎 | Explore Tumblr Posts and Blogs

jyutleijyutdim · 5 years

Text

485 得戚大粵盾設計：13個大粵歷史文化名人搭13噠大粵人文歷史勝境以粵獨嘅史觀同視角濃縮重溫大粵2200年嚟嘅本土政治文化史（上篇）

大粵盾係乜撚？咪大粵嘅盾囉，或者可以理解成大粵防衛架構噉解，不過若果我再同妳講越南盾印尼盾荷蘭盾之類嘅嘢，噉妳應該會醒水呢個大粵盾會有另外一層含意，就係錢/銀紙/貨幣噉解。我哋大粵嘅貨幣就嗌大粵盾，大粵盾由大粵聯邦儲備銀行發行，大粵民國財政部承印。依家美金貨幣代碼係USD，港紙貨幣代碼係HKD，我哋大粵盾嘅貨幣代碼則係DJT，DJT係大粵盾拉丁粵文寫法DàaiJyùtTéon嘅頭三位字母嘅縮寫，當中DJ係大粵拉丁粵文寫法DàaiJyùt嘅縮寫，T代表盾Téon。

越南有越南盾，我哋有大粵盾。當然有人會問，大粵嘅銀紙點解唔叫粵幣/粵元/粵圓？反而要學越南噉嗌做盾？況且啲越南盾仲鬼咁唔值錢添，我哋大粵又嗌盾會唔會影衰埋我哋？我嘅答案係絕對唔會。大粵嘅貨幣名稱貨幣單位唔好再同支那幣類同，噉係要體現去支那化。之所以嗌大粵盾，噉係因為，大粵同越南喺血緣人種文化歷史等諸多方面都深度共通，大粵係粵北越南係粵南，我哋兩家講到底都係同路嘅，而且越南仲係我哋大粵去支那化嘅最佳楷模嚟添。

粵獨唔少嘢尤其喺去支那化同粵文拉丁化方面其實都係獨孤一味睇著越南嘅，大粵啲銀紙學越南噉嗌做盾冇咩唔妥吖，至少唔跟支那口嗌咩元吖幣吖分吖角吖毛吖先喇，元元聲玩完玩完，幣幣聲弊家撩弊家火，粵幣粵幣大粵好弊，粵元粵元大粵玩完，其實噉真係好唔魯禮超唔好意頭嘅！反而嗌盾咪幾好囉，盾有堅強後盾嘅意思，起碼有一個捍衛嘅意境喺度。越南人同大粵人一樣，當年都係用開啲銅錢仔，越南人嗌佢哋啲錢做盾，其實越南語盾就係銅嘅變音，喺今日粵語裡頭，盾同銅其實亦係近音嚟。

查實喺大粵，用越南嘅銅盾係早有先例，喺19世紀早期，亦即係鴉片戰爭之前嗰幾十年（支那嘉慶/道光年間），支那滿清當局因為積貧積弱國庫空虛冇錢鑄幣，於是大粵民間尤其係廣東沿海就就近引入越南嘅銅錢作為流通貨幣使用。喺嗰陣，越南嘅景興通寶（1740年始鑄）、光中通寶（1788年始鑄）、景盛通寶（1793年始鑄）充斥著大粵市面，廣東同福建沿海各府州縣越南銅錢嘅流通量佔當時銅錢總流通量嘅四成以上，幾乎去到同支那自鑄銅錢分一半江山嘅地步。尤其值得指出嘅係，呢啲喺當時大粵市面流通嘅越南銅錢，實質上並唔全部嚟自越南，而係好多都係大粵民間私自鑄造嘅。喺貨幣發行嘅層面講，我哋大粵同我哋粵人，查實早喺將近二百年前，就經已借殼越南發行我哋自己嘅貨幣喇（或者乾脆啲講直投就係山寨抄襲人哋越南）。顯然，呢個係我哋大粵我哋粵人借鏡越南實施金融粵獨嘅先聲。

至於幣值高低邊個影衰邊個嘅嘢，純粹係多撚餘，一國嘅貨幣係堅係流全靠佢自己嘅財金政策產經運作同軍政局勢，關其他局外人咩事？況且喺盾當中都有幣值好堅挺嘅荷蘭盾喇（因為要讓路畀歐盟統一貨幣嘅歐羅，荷蘭盾依家經已唔用）。大粵盾1蚊雞等於10毫紙，1毫紙等於10個仙，我哋用盾/蚊/毫/仙，啲貨幣名同貨幣單位跟越南香港一樣，點都好過再跟著支那用咩幣/元/角/毛/分呢啲喇，又撈又卜又土，邊有我哋大粵啲咁試正。

繁體粵文 LäaiDïngJyùtMan（拉丁粵文寫法/拉丁粵文縮寫代碼）

大粵盾 DàaiJyùtTéon（DJT）大粵聯邦儲備銀行 DàaiJyùtLyunBöngCyüBèiNganHong（DJ-LBCBNH）大粵民國財政部 DàaiJyùtManGwôkCoiZîngBòu（DJMG-CZB）蚊 Män（M）毫 Hou（H）仙 Sïn（S）一 Jät 二 Jì 三 Säam 四 Sêi 五 Ńg 六 Lùk 七 Cät 八 Bâat 九 Gãu 十 Sàp 零 Ling 兩 Lóeng 廿 Jàa

1仙一仙 JätSïn（JS） 2仙兩仙 LóengSïn（LS） 5仙五仙 ŃgSïn（NS） 1毫一毫 JätHou（JH） 2毫兩毫 LóengHou（LH） 5毫五毫 ŃgHou（NH） 1蚊一蚊 JätMän（JM） 2蚊兩蚊 LóengMän（LM） 5蚊五蚊 ŃgMän（NM） 10蚊十蚊 SàpMän（SM） 20蚊二十蚊 JìSàpMän（JSM） 50蚊五十蚊 ŃgSàpMän（NSM） 100蚊一百蚊 JätBâakMän（JaBM） 200蚊二百蚊 JìBâakMän（JiBM） 500蚊五百蚊 ŃgBâakMän（NBM） 1000蚊一千蚊 JätCïnMän（JCM）

粵獨十劃都未有一撇，依家就講大粵貨幣應該點設計似乎真係早得滯，不過各位都應該知道，貨幣就好似國旗國徽國璽國歌呢啲嘢噉，都係一個民族獨立運動可以畀人睇得到感受得到嘅外在標識嚟，唔一定要獨立咗之後先諗得嘅，而且喺國旗國徽國璽國歌同貨幣嘅設計入邊，幾乎冚世界100%嘅國家同民族獨立運動都會將自己本民族嘅歷史同文化元素融入喺裡頭，睇一個國家嘅國旗國徽國璽貨幣，就等於係好濃縮噉睇緊呢個國家嘅歷史同文化傳承。粵獨既然創製得出大粵國旗大粵國徽創作得出粵獨歌曲，噉設計埋大粵貨幣嘅圖案又有咩問題?咪當係以粵獨嘅視角回顧歸納重構返一次大粵2200年嚟嘅本土政治文化史囉。大粵盾嘅設計，同時亦會開辟到一個粵獨嘅圖文創意空間，畀鍾意玩作圖同印刷嘅仁兄大展身手，顯然，呢樣嘢係文藝粵獨嘅一部份。

依家好多國家嘅貨幣都係以佢哋國家嘅歷史文化名人同人文歷史勝境嚟做題材嘅，歷史名人大致分成政治強人同文化名人兩類，喺美金同俄國盧布嘅設計當中，歷史名人以政治強人譬如歷任總統傑出君主居多，至於後面嘅風景美金多數係政治味道好重嘅地方譬如白宮國會獨立紀念堂，盧布則係教堂同具代表意義嘅宏偉建築；喺一啲比較細蚊些少嘅國家，喺佢哋嘅貨幣譬如日圓瑞士法郎同烏克蘭格里夫納上高，歷史名人多數甚至全部都係啲文學家詩人教育家哲學家歷史學家音樂家建築師醫學家農學家等嘅文化名人，基本上，美金嘅設計係最政治化嘅（雖然喺佢國內國民風氣並唔係噉），係霸氣定斯文，從貨幣圖案嘅甄選基本上可以睇得出一個國家嘅氣場係點。

無論幣值大細，銅鼓/羽人/木棉花/大眼雞帆船/銅鼓上高嘅羽人扒龍船場景/田雞/鷺鳥/太陽光芒/呢八樣嘢喺每張大粵盾裡頭都要冚嘭唥全數出現，尤其係銅鼓，更加要放喺當眼位置。銅鼓係古南越人嘅祭祀神器，亦係我哋粵人古南越根嘅見證，更加係粵獨嘅標誌性器物同未來大粵嘅國家象徵，我哋大粵就係銅鼓之國。銅鼓上高嘅羽人形象代表著古南越人嘅服飾著裝，銅鼓上高嘅羽人扒龍船場景證明至少喺3000年前（對應返支那紀年亦即係支那嘅晚商早周時代）古南越人就經已有龍船競渡嘅習俗，比紀念屈原投河自盡嗰個呃鬼古仔早咗700幾年，扒龍船就係扒龍船，古南越人扒龍船係為咗部落之間嘅社交聯誼，同支那啲咩端午啲咩屈原根本就係九唔搭八冇嚟嗱能。木棉花一直以嚟都係粵地特別係廣州嘅象徵，不過同銅鼓相比，木棉花喺粵人人文文化上高嘅內涵明顯要細好多，粵人號稱係行船多過行路嘅海洋民族，噉粵式大眼雞帆船當然唔少得，太陽光芒係每隻銅鼓上高中心位置嘅必然圖案，依家有唔少粵人認為，孫大炮當年整個青天白日徽記其實係照抄銅鼓上高嘅太陽光芒紋飾。至於田雞同鷺鳥，佢哋都係古南越人嘅圖騰嚟，幾乎喺每隻銅鼓嘅鼓面都可以搵到鷺鳥紋，喺每隻銅鼓嘅四角都鑄有突出嚟嘅田雞，田雞代表雨水同多仔多產繁衍繁盛，鷺鳥則係同古南越人嘅羽人形象直接關聯，羽人羽人亦即係頭戴鷺鳥羽冠身披鷺鳥羽飾嘅人，我哋粵人都係鳥人嘅後代嚟咖！

學越南厲行廢漢脫支噉，喺每張大粵盾上高，都用拉丁粵文文字，唔可以出現任何一個支那方塊字。大粵盾有13種幣值，依幣值大細依次係1毫紙/2毫紙/5毫紙/1蚊雞/2蚊雞/5蚊雞/10蚊雞/20蚊/50蚊/100蚊/200蚊/500蚊/1000蚊。每張紙幣對應13個大粵歷史文化名人同13噠大粵人文歷史勝境。至於硬幣銀仔，則係有1毫紙銀仔/2毫紙銀仔/5毫紙銀仔/1蚊雞銀仔/2蚊雞銀仔/5蚊雞銀仔/10蚊雞銀仔/一共7種，銀仔正反兩面都印有幣值，參照加拿大硬幣正面係英女王頭像後面係加拿大特有動植物嘅設計，大粵盾銀仔正面冚嘭唥都係銅鼓圖案，1毫紙銀仔後面係塘邊幾隻田雞、2毫紙銀仔後面係天上高幾隻鷺鳥、5毫紙銀仔後面係一隻經已喺野外絕咗種嘅大粵華南虎、1蚊雞銀仔後面係一朵木棉花、2蚊雞銀仔後面係一隻大眼雞帆船、5蚊雞銀仔後面係古南越人嘅羽人形象、10蚊雞銀仔後面係羽人扒龍船嘅場景。

大粵盾紙幣1毫紙係慧能+曲江南華寺、2毫紙係屈大均+廣州越秀山五羊石像、5毫紙係招子庸+珠海漁女塑像、1蚊雞係趙佗+南越國宮署遺址、2蚊雞係劉巖+德慶悅城龍母祖廟、5蚊雞係儂智高+憑祥友誼關、10蚊雞係洪秀全+金田起義誓師地犀牛嶺古營盤、20蚊係孫大炮+順德清暉園、50蚊係陳炯明+龍川佗城古城、100蚊係陳濟棠+北海珠海路騎樓街、200蚊係張悅楷+樂東鶯歌海鹽場、500蚊係紅線女+寧明花山岩畫、1000蚊係黃俊英+開平碉樓瑞石樓。上邊各個歷史文化名人所搭配幣值嘅大細唔以支那式嘅純政治權力層面嚟考量，而係以佢哋對粵人尤其係對近代同當代大粵本土粵人嘅政經文化影響力而決定，所以基本上離當世越耐嘅人物幣面值就越細。

喺13個大粵歷史文化名人當中7個係政治名人6個係文化名人，以時代嚟分則係6個係古代名人4個係近代名人3個係當世名人，以地域嚟分確切無誤係廣東人佔9個（慧能/屈大均/招子庸/洪秀全/孫大炮/陳炯明/張悅楷/紅線女/黃俊英）、歷史上屬廣東人今日屬廣西人有1個（陳濟棠）、可能有中東血統不過大致上屬廣東人有1個（劉巖）、掹車邊屬廣西人有1個（儂智高）、古典時代東亞秦朝人&前趙國人有1個（趙佗）。

喺13噠大粵人文歷史勝境當中廣東佔8噠廣西佔4噠海南有1噠，以市縣嚟分則係廣州2噠（越秀山五羊石像/南越國宮署遺址）、廣東韶關1噠（曲江南華寺）、廣東珠海1噠（珠海漁女塑像）、廣東德慶1噠（悅城龍母祖廟）、廣西憑祥1噠（友誼關）、廣西桂平1噠（太平天國金田起義誓師地金田村犀牛嶺古營盤）、廣東順德1噠（清暉園）、廣東龍川1噠（佗城古城）、廣西北海1噠（珠海路騎樓街）、海南樂東1噠（鶯歌海鹽場）、廣西寧明1噠（花山岩畫）、廣東開平1噠（開平碉樓瑞石樓）。喺200/500/1000蚊三張大紙裡頭，廣東/廣西/海南各佔1噠。

南越武帝趙佗、南漢高祖劉巖、繼南越南漢之後幾乎再度喺嶺南脫支立國而令大粵成為第二個越南嘅南天國主儂智高、太平天國皇帝洪秀全、反清起義孫大炮、力保粵省自治反對干預支那內亂嘅廣東都督陳炯明、令廣東保持半獨立狀態嘅南天王陳濟棠，呢7個大粵歷史上高響當當嘅政治強人入選應該冇人會異議。著有《六祖壇經》禪宗實際上嘅創始人六祖慧能、撰寫《廣東新語》詳細記載五羊獻穗傳說嘅屈大均、輯錄蜑家鹹水情歌喺《粵謳》裡頭嘅招子庸，佢哋3個都係中世紀同近古大粵文化名人嘅代表，理所當然應該入選。張悅楷/紅線女/黃俊英都係當世大粵本土最有名嘅文化名人，同時亦係粵語講古/粵語大戲/粵語相聲三個領域頂瓜瓜首屈一指嘅領軍人物，喺大粵畀支那殖民嘅困苦年代，佢哋對大粵本土當世粵語文化嘅薪火相傳貢獻極大。唔同喺香港粵語文化有英國佬有意無意噉扶持，喺支殖大粵本土完全係兩碼事，喺啲死豬撈殘酷殖民我粵粵人生活艱辛苦困嘅環境下低，佢哋備受打壓甚至身陷險境自身難保但係依然努力傳承大粵本土粵語文化噉更係難得，好似紅線女噉，喺支那文化大革命嗰陣畀人tap著個屎塔喺頭頂喺廣州東山口遊街，遊完街之後跟著仲要揸著把爛鬼掃把掃街吖。喺大粵盾最高面額嘅三款銀紙上高加載佢哋嘅頭像，佢哋係當之無愧受得起有餘，呢個亦係粵獨對佢哋喺支殖大粵本土不畏艱險努力傳承粵語文化嘅激賞！

喺我哋大粵，帶有人文歷史色彩嘅風景名勝有好多，要從中揀13噠勝境出嚟的確係令人有啲花多眼亂，不過印得到上大粵盾嘅，呢啲埞方所蘊含嘅歷史意涵就一定唔可以同粵獨有衝突。大凡支那除好重嘅人文名勝，譬如喺一千幾百年前某啲支撈（諸如咩韓愈柳宗元蘇東坡包拯之流）被貶嚟嶺南而喺大粵留低過腳毛嘅紀念地，一律出局；嗰啲同支共以及同支那民國支那國民黨關聯密切嘅政治紀念地，亦冚嘭唥要踢走；齋有自然景觀而冇人文歷史內涵嘅純風景區同樣唔擁有入圍資格。喺依家揀選出嚟嘅呢13噠勝境裡頭，有3噠係同所搭配嘅人物有緊密關聯嘅：慧能+曲江南華寺/趙佗+南越國宮署遺址/洪秀全+金田起義誓師地犀牛嶺古營盤；有5噠係同所搭配嘅人物大略有關聯：屈大均+廣州越秀山五羊石像/招子庸+珠海漁女塑像/劉巖+德慶悅城龍母祖廟/儂智高+憑祥友誼關/陳濟棠+北海珠海路騎樓街；有5噠係同所搭配嘅人物完全冇嗱能嘅：孫大炮+順德清暉園/陳炯明+龍川佗城古城/張悅楷+樂東鶯歌海鹽場/紅線女+寧明花山岩畫/黃俊英+開平碉樓瑞石樓。

100蚊係現時美金嘅最大面額紙幣，上高嘅人物係反對蓄奴嘅美國發明家兼外交家富蘭克林，呢個同美國佬好鍾意揚嘅自由人權信念同佢哋勇於探索創新嘅民族個性不謀而合。1萬蚊日圓係嘎仔依家最大面額嘅紙幣，上高唔係明治天皇亦唔係明治維新一眾功臣當中嘅一個，而係開創日本脫亞入歐論嘅明治時期著名思想家福澤諭吉，呢個脫亞入歐論直接影響咗後嚟明治維新嘅策動，福澤諭吉可以話係令日本邁向近現代國家嘅啟蒙者；喺二戰之後和平憲法嘅掣肘下低，日本仔冇辦法將一眾武士道式嘅政治強人擺上檯，於是就將一個催谷明治維新起錨嘅思想理念強人擺落張最大嘅1萬蚊紙度，用嚟懷緬先驅激勵後人，噉走曲線法真可謂用心良苦。

1毫紙大粵盾：慧能+曲江南華寺

講返大粵盾紙幣，先由面值最細嘅1毫紙講起，1毫紙大粵盾係慧能+曲江南華寺嘅組合，慧能係廣東新興人，佢雖然號稱禪宗六祖，但卻係北傳佛教禪宗實際上嘅創始人。禪宗相傳係菩提達摩喺南印度所創，菩提達摩當年由南印坐船嚟東亞傳教最初其實係喺廣州嘅西來初地一帶登陸嘅，依家嗰樹就有一間華林寺特登紀念呢單嘢，不過菩提達摩入支傳教無論係喺南支那抑或係喺北支那，大致上都可以用失敗嚟形容，啲支那豬撈根本就冇噉嘅悟性，佢嘅衣缽傳咗五代撈頭禪宗一直都冇乜人喉，直至傳到畀第六代嘅慧能，形勢至發生根本改變。慧能最初去撈僧弘忍度學師，仲畀呢隻老嘢潤佢係連支那話都講得好唔試正嘅「獦獠」，一個獠字慧能嘅粵人身份經已表露無遺，因為喺中世紀，世居大粵嘅古南越人經已演進成東粵俚人同西粵僚人兩支，狸獠即係支那對俚僚嘅侮稱嚟。慧能雖然畀撈潤，但係佢嘅頓悟論卻直中禪宗要旨，一句「菩提本無樹，明鏡亦非臺。本來無一物，何處惹塵埃」奠定咗禪宗往後成為東亞第一教派嘅基石，同時亦令佢成為禪宗六祖，禪宗之所以能夠喺東亞發揚廣大，基本上全係慧能一人嘅功勞。

韶關曲江曹溪河畔嘅南華寺（當時嗌寶林寺），係當年慧能弘法傳承禪宗最重要嘅場所，佢喺呢度傳法長達37年，慧能喺佢死之前嗰年返返佢鄉下新州（今日嘅廣東新興）起咗座報恩塔，第年佢喺新州國恩寺圓寂，慧能圓寂之後真身不壞，被運返去韶州（今日嘅廣東韶關）曹溪寶林寺，佢嘅門人將佢嘅真身用布包好並上油油漆，以保全佢生前嘅形像，佢嘅真身塑像至今仲保存喺南華寺，並供奉喺六祖殿內，南華寺亦因此被奉為禪宗真正意義上嘅祖庭。至於支那嗰個嵩山少林寺充其量祇係掛名嘅假祖庭，因為依家東亞禪宗嘅所有嘢都係由慧能弘法嘅曹溪寶林寺出嚟嘅，菩提達摩當初喺印度帶嚟嗰套喺東亞根本就水土不服晨早就冇咗。

1蚊雞大粵盾：趙佗+南越帝國宮署遺址

1蚊雞大粵盾係趙佗+南越帝國宮署遺址嘅組合，南越武帝趙佗係南越帝國嘅開國之君，同時亦係我哋大粵嘅第一個皇帝，佢公元前204年承繼前南海郡尉任囂遺願喺大粵建立起東南亞第一個帝國：南越帝國。趙佗公元前204年至公元前137年在位67年間力行和輯百越國策，並率先垂範自行越服斷發，致力推動嶺南秦人嘅南越本土化。

趙佗係古典時代東亞秦朝人兼前趙國人，呢個係確切無誤嘅，至於佢係咪支那撈頭，噉就一定唔係，將趙佗當成係依家撈頭嘅同族就好似妳將一個法老時代嘅古埃及人講成係依家嘅埃及阿拉伯人一樣荒謬。趙佗唔屬依家嘅豬撈一族噉佢又屬唔屬於“古支那人”呢？講真呢樣嘢就好在乎妳點睇同點拆，個中嘅關鍵係趙佗在世嗰陣“古支那國”呢樣嘢到底存唔存在。趙佗幾時出世冇確切史載，不過我哋知道，趙佗喺公元前219年以副統領身份協助主將屠睢帶領秦兵越過南嶺攻擊古南越人，做得50萬秦軍副統領嘅，年紀一定唔方細，至少都三十打上喇，噉趙佗出世嗰陣大致就係公元前250年左右，公元前250年嗰陣咪話戰國七雄秦國/燕國/楚國/趙國/魏國/韓國/齊國仲齊嘩嘩喺樹，就連宋國/魯國/衛國/東周國/西周國呢啲三流國家仲健在或者啱啱至畀人滅國吖。嗰陣時嘅東亞大陸就好似今日嘅歐洲噉，仲係一個國際社會嚟，就好似依家嘅歐洲冇歐羅巴國而祇有英國/法國/德國/義大利/瑞典/西班牙一樣，公元前250年嘅東亞同樣冇所謂嘅“古支那國”而祇有秦國/燕國/楚國/趙國/魏國/韓國/齊國，既然都冇“古支那國”噉又何嚟“古支那人”吖？

支那人呢個概念其實係同“漢”呢樣嘢直接相關嘅，“漢”源自於支那嘅漢朝，所以“支那人”嘅套用標識事實上係有嚴格年代規限嘅，佢嘅最大上延時段唔可以超越支那嘅西漢朝。好明顯嘅，趙佗係先秦時代嘅人物，佢出世嗰陣甚至趙國仲健在，佢出世嘅地方當時仲係趙國嘅國土，所以佢首先係一個趙國人同趙族人，秦帝國至少喺佢將近三十歲嗰陣至由秦始皇滅六國之後所建立，佢至多祇能算係一個秦朝人，後嚟佢喺大粵稱帝，建立南越帝國，佢在生嗰陣多次同支那嘅西漢朝作對，妳又點可以話佢係“漢人”？好顯而易見嘅，趙佗唔單祇唔係所謂嘅“古支那人”，仲更加唔係喺佢死咗之後至蒲頭出現嘅漢人，趙佗祇係趙國嘅趙族人又或者係秦朝嘅趙族人。

依家國際史學界確切無誤公認嘅東亞大陸信史開端係東夷人建立嘅殷商王朝，喺殷商青銅文明之前，東亞仲係一塊唔開化嘅地方，根本就冇乜似樣嘅文明。進入商朝之後，當其時經已雄霸著成個東亞��部最中心最好地頭嘅黃河中下遊流域嘅東夷人，首次將文明嘅曙光帶到嚟東亞，喺嗰陣，喺東夷人東南邊嘅係佢哋嘅近親百越人，喺東夷人西南邊嘅係苗蠻人，喺東夷人西邊嘅係羌戎人，喺東夷人西北邊嘅係胡狄人，喺東夷人東北邊嘅同樣係佢哋嘅近親肅慎人，豬撈嘅所謂“華夏”根本就冇埞企。

班支那豬撈真正嘅起源係原嚟喺渭河上游又乾又旱又寒嘅黃土高原半耕半牧嘅周族人，呢個周族原先係羌戎族群東邊嘅一個好普通嘅部落，佢本身就係西戎嚟，後嚟佢哋東遷去到環境好啲嘅渭河中游，開始發家，再後嚟呢班嘢趁東邊殷商王朝內亂，乘機出兵關東兼且擊敗東夷人並建立起周朝。不過周族對比東夷始終都係細族兼且文化明顯落後人一大截，所謂嘅周禮其實冚嘭唥都係照抄殷商禮法，情況就有如滿清入關之後幾乎如數照搬前明舊制一樣，而且周族主要活動地域都係集中喺西邊嘅關中一帶，對函谷關以東控制始終有限，於是乎黃河中下遊流域就成咗東夷/西戎兩大族群爭鋒嘅舞臺。喺開始嗰三幾百年，西戎周族對東夷殷商遺裔嘅同化都算幾順暢，黃河中下遊兩岸嘅魯國/宋國/衛國/鄭國/陳國/蔡國/曹國入邊嗰啲東夷人基本上都畀周族化咗，而同周國裡頭嗰啲周族無異同屬埋一個種族文化系統喇，西戎周族+黃河中下遊岸邊啲東夷，呢個至係支撈所講嘅“華夏族”嘅真正源起。

進入東周朝前段（亦即支那所謂嘅春秋）之後，班豬撈正源嘅周國同周族迅速沒落，大致上亦可以睇成係豬撈系嘅霸著黃河中下遊一帶最好地頭嘅魯國/宋國/衛國/鄭國/陳國/蔡國/曹國亦唔好得去邊，聯同周國統統都好快噉衰落而成為東亞大陸嘅二三流細國。西周時期東夷/西戎兩大族群嘅對砍喺呢陣變成咗東夷/西戎/南蠻/北狄四大族群嘅大混戰，先有黃河下游膠東半島一帶東夷人為主體嘅齊國嘅爭霸，跟著就係北邊帶著巨量赤狄白狄等胡狄血統嘅晉國爭霸，之後輪到源自羌戎嘅秦國，再後嚟就係南蠻荊苗系楚國嘅問鼎中原，喺春秋後期，更有兼有越苗血統嘅吳國同純粹由百越系於越族建立嘅越國嘅北上爭霸，真係六國大封相。齊夷/晉狄/秦戎/楚苗/吳越/於越，呢啲位處東亞地域稍為外圍些少嘅民族，先後分別喺東亞大陸上高獨領風騷一時，喺呢裡頭冇一個係支撈系嘅所謂“華夏族”，班豬撈喺黃河中下遊一帶嘅“華夏”細國一隻二隻做晒鵪鶉。

喺東周朝後段（亦即支那所謂嘅戰國時代），東亞大陸上高嘅東夷/西戎/南蠻/北狄四大族系混戰加劇，原嚟嘅六國大封相進一步變到七國咁亂。東周朝前期六國大封相當中嘅齊夷/秦戎/楚苗依然喺樹，東南邊嘅百越系本嚟有兩席，祇可惜吳越/於越後嚟籠裡雞作反搞到自相殘殺，最後吳越死於越傷，西邊嘅楚苗於是乘機兼併於越，百越系最終一個都冇得留低。至於晉狄，則係畀人三家分晉一國變三國，南邊嘅韓魏基本上佔據著黃河中下遊一帶一眾“華夏”細國原嚟嘅地盤同人口，狄呢樣嘢顯然唔關佢哋事，繼承晉狄嘅，係趙狄，趙國分到包括黃河河套同雁門關在內嘅晉北代地，呢啲埞方係原嚟晉國最鬼窮同寒脊嘅，經濟主要靠畜牧，嗰度當然亦係胡狄嘅雲集聚居之地，比起當年嘅晉國，呢個趙國顯然更深度噉胡狄化，若然唔係趙武靈王都唔會咁輕易噉喺趙國推動到胡服騎射嘅軍事變革喇。七國當中最後一個係位處東北偏僻苦寒之地喺東周朝前期仲寂寂無聞兼有夷狄血統嘅燕國。

趙佗係秦朝恆山郡真定縣人，呢個恆山郡其實係舊時趙國嘅地方，趙國直至公元前229年至畀西邊嘅秦國攻破國都邯鄲而亡國，趙佗喺10年之後嘅公元前219年，就以副統領身份協助主將屠睢攻擊古南越人當中最北邊嘅西甌族兼且衰收尾，所以佢出世嗰陣趙國一定仲喺樹，兼且趙國亡國嗰陣估計佢都應該唔會細過廿歲。東周朝係東亞人群姓氏起源嘅啟始時期，東周之前祇有王孫貴族公侯伯爵至有姓氏，普通平民甚少有姓嘅，喺呢個姓氏開始大普及嘅時代，當時啲草根平民有以職業有以地望有以官職為姓，但係更多嘅係以國為姓，趙佗喺趙國出世，啱好佢又姓趙，佢趙族人同前趙國人嘅身份經已好明確。

若果再將時間推上啲，原嚟恆山郡呢噠埞方以前曾經係中山國嘅核心領土，中山國嘅國都靈壽就喺趙佗鄉下真定隔籬冇幾遠嘅地方，呢個中山國並唔係支撈系嘅，佢係由北狄族群當中白狄族嘅鮮虞人喺公元前506年所建立嘅，呢個鮮虞係典型胡狄遊牧民族嚟，騎兵好犀利嘅，喺三家分晉趙國啱至建立嗰陣，中山國啲騎兵就經常打到趙國啲戰車步兵一仆一攦有氣冇埞唞，後嚟趙武靈王即位睇見噉落去唔係鳩路，於是就參照中山國啲鮮虞族騎兵毅然進行胡服騎射嘅軍事變革，趙族人由此建立起東亞農業國家歷史上嘅首支騎兵部隊（雖然趙國北部係典型嘅牧區不過趙國大致上仍然係一個農牧並舉嘅國家），趙國軍力亦因為噉而突飛猛進雄霸關東連秦國都忌佢幾分，趁著呢道勢，中山國亦喺公元前296年畀趙國消滅。

趙佗出世嗰陣距離中山亡國不過50年到亦即係約莫兩三代人咁上緊嘅時間，趙佗先祖係中山國鮮虞人嘅成數係相當高嘅，況且趙族本身就源出於胡狄，呢兩樣嘢合埋一齊，我哋就更有充足理由相信，一手創立南越帝國嘅趙佗必定有著相當可觀嘅東亞北部胡狄遊牧民族血統，甚至乎佢本身就係一個胡狄。南越帝國喺立國之後，曾經多次透過西江上遊南越本土-南越屬國夜郎-支屬蜀郡-支屬隴西-河西走廊匈奴右翼呢條蜀隴道同漠北嘅匈奴帝國有密使往來，並聯手建立咗一南一北遙相呼應夾擊支那西漢帝國嘅戰略同盟，喺呢裡頭，除咗要對付共同敵人之外，趙佗嘅胡狄血統亦必定從中推波助力。

講完趙佗身世，再講同趙佗發跡密切關聯嘅秦軍。公元前219年，秦帝國發動第一次越秦戰爭。呢一事件，正式開啟咗我哋大粵嘅信史時代。喺呢一年，50萬秦軍越過南嶺攻擊古南越人嘅北部支系西甌族，不過喺西甌譯吁宋王同桀駿王嘅英勇指揮下低，秦軍遭遇自秦國立國以嚟嘅最大慘敗，據稱陣亡士卒30萬，秦軍統帥屠睢亦畀古南越人夜襲擊殺，公元前218年，秦軍20萬剩餘殘兵全部撤出大粵，第一次越秦戰爭結束，之後越秦兩軍喺南嶺一帶僵持咗至少四年。

五年之後嘅公元前214年，秦帝國集結30萬軍隊再攻嶺南，第二次越秦戰爭爆發，今次秦帝國一舉擊敗咗廣西桂柳河池以至黔東南黔南一帶嘅古南越人北部支系西甌族、西江中游廣西梧賀桂平廣東肇羅封開一帶嘅古南越人中部支系蒼梧族、北江中上游廣東清遠韶關一帶嘅古南越人中部支系陽禺族、東江中下游廣東惠州東莞河源一帶嘅古南越人東部支系縛婁族，並佔領今日嘅兩廣大部分地區（唔包括海南島，海南島喺10年之後嘅公元前204年至畀啱立國嘅南越帝國納入版圖），跟手設置埋南海/桂林/象郡三個郡，正式開啟秦戎族同秦帝國喺大粵嘅殖民統治。同時間亦宣佈大粵第一次獨立時期：西甌譯吁宋王同桀駿王統治時代（公元前219年-公元前214年：粵秦戰爭時代）結束。

第二次越秦戰爭古南越人慘敗收場，古南越人五大部族當中北邊嘅西甌族中部嘅蒼梧族陽禺族同東邊嘅縛婁族一共四個部族畀秦帝國打沉，被逼接受嚟自嶺北秦戎族嘅殖民，五大部族就祇剩低最南邊嘅駱越族仲勉強保持到獨立，不過喺秦軍嘅攻勢下低，佢哋亦祇能夠暫避秦兵鋒芒，遷離廣東南部湛江茂名雷州半島同廣西西南部南寧崇左廉欽一帶嘅世居地，並分兩支分別退守越北紅河平原同海南島。第二次越秦戰爭四年之後亦即係公元前210年，秦軍發動第三次越秦戰爭，趙佗統率駐嶺南秦軍擊滅今日越北紅河三角洲上高古南越人南部支系駱越族嘅甌雒國（拉丁越南文甌雒寫成：Âu Lạc，甌雒國實質係一個駱越酋邦或者係一個駱越部落聯盟），並將秦帝國嘅南部邊疆拓展至今日越南中部大城峴港以南嘅廣義歸仁一帶，自此除海南島之外大粵本土上邊嘅古南越人五大部族冚嘭唥都一鑊熟。

公元前214年，秦帝國南海郡尉任囂喺依家廣州舊兒童公園嘅四圍，亦即係倉邊路以西，越華路以南，中山四路以北，財廳前以東嘅埞方起咗一座城池，作為秦帝國嘅南海郡治兼番禺縣城，呢座後嚟被叫做任囂城嘅城池，就係今日廣州嘅最早雛型，公元前214年就係廣州嘅建城之始。

喺10年之後嘅公元前204年，趙佗創建南越帝國，並以廣州為帝都，任囂城呢陣搖身一變變咗做南越帝國嘅皇城，喺呢座皇城嘅外圍，趙佗喺依家廣州德政北路德政中路以西，越華路豪賢路以南，廣東省立中山圖書館文德廣場西湖路以北，吉祥路以東嘅埞方又起咗一座新城池，呢座新城池後嚟被叫做趙佗城。趙佗城建立之後嘅1100年間，廣州城就等於趙佗城，城址從嚟都冇遷移過，從支那嘅東吳帝國開始直至到支那嘅唐帝國瓜老襯呢六七百年間，廣州城甚至仲比南越帝國嗰陣縮咗水，主要係東邊又縮咗返去依家倉邊路大塘街一線，其餘西北南三個方向都冇縮仲依然保持著趙佗城嘅西北南舊界。

喺進入中世紀之後嘅悠長時代，直至到南漢帝國時期，廣州城至有機會迎嚟佢嘅第二次拓張，獨立咗廣州就有運行喇。支那所謂嘅乜撚海上絲路乜撚南方大港都係流嘅，支那歷朝歷代都祇係當廣州係搖錢樹同隻識屙金蛋嘅雞，擳完奶揸乾揸淨之後從嚟都冇啲水尾益下我哋大粵，反哺下廣州，從廣州城建呢個歷史縮影，我哋就可以好清楚噉睇到支那殖民大粵嘅本質，兩千年嚟都祇係齋識抽水搵我哋粵人笨嘅啫。

喺舊兒童公園財廳前越華路廣衛路廣大路廣仁路中山四路中山五路呢一帶，亦即任囂城嘅最核心地段，座落著南越帝國嘅宮署遺址。呢個位於廣州舊城中心嘅珍貴遺址，見證著廣州呢座大粵都城2230年嘅悠長歷史。由秦帝國時代嘅任囂城，到南越帝國時代嘅趙佗城，再到南漢帝國時代嘅興王府城，最後到今日嘅廣州城，廣州嘅城址一直都冇任何喐動過，呢個喺今日東南亞同東亞嘅大都市裡頭係罕見嘅。廣州係真真正正如假包換嘅2200年嘅古城。

依家支那嗰幾個所謂嘅古都，其城池實質上嘅歷史都長唔得過廣州。受沙多水少河道成日淤塞以至地表徑流不時變遷嘅渭河嘅影響，西安城址喺3000內至少經歷過四次大規模嘅遷移，無論係西周嘅豐鎬抑或係秦嘅咸陽又或者係西漢嘅長安，離今日嘅西安舊城都心都相當遠。依家嘅西安同洛陽一樣，其實都祇係隋唐城池嘅縮水版，佢哋城址嘅實際歷史都祇有1450年左右。古長安係水毀加戰毀，古洛陽則係被支那嘅東西魏內戰所剷平。開封雖然被認定同前魏國嘅都城大梁城址一致，但係直到依家仲未有確切嘅考古學上嘅證據証明得到，今日嘅開封，實則上係公元781年起嘅汴州城嘅延續，距今1230年。支那家陣嘅首都北京，實質上更遲至公元1153至建城，而根本就同前燕國嘅都城薊冇相關，支那北京城嘅實際歷史淨得860年，講咩千年古城係純粹呃鬼。至於畀南支那歷代皇朝揀為建都首選地，當年迷到洪秀全同孫大炮兩條友暈陀陀嘅支那南京金陵城，歷史反而仲長些少，從公元211年孫權築建業城計起，至今有1800年，喺支那五大古都當中算最長，但係依然畀我哋大粵嘅廣州歷史短。

200蚊大粵盾：張悅楷+樂東鶯歌海鹽場

200蚊大粵盾係張悅楷+樂東鶯歌海鹽場嘅組合，張悅楷係廣州石井鄉槎頭村人（今屬廣州白雲區松洲街槎龍村），佢係當代大粵本土粵語講古佬嘅最傑出代表，同時間同佢齊名嘅當然仲有林兆明。喺大粵，粵語講古嘅張悅楷林兆明同粵語相聲嘅黃俊英楊達，基本上都係畀人連埋一齊講嘅，提起是但一個，啲人就自必然會諗起另一個咖嘞。

電子管收音機對依家好多粵人後生嚟講簡直就係甩晒牙嘅超級老古董，佢哋甚至可能連比電子管收音機更晚期至出現嘅聽卡帶嘅收錄機都未見過，但係對1970年代或者之前出世嘅大粵本土粵人嚟講，差唔多有成兩個微波爐並排打橫放咁長咁闊咁高嘅電子管收音機係絕對唔令人覺得生保嘅物件，喺嗰個冇黑白電視機冇電冰箱冇洗衣機連去糧店買米都要揸著本糧簿拎著啲糧票嘅物資極度缺乏嘅艱辛年代，電子管收音機同單車衣車風扇機械式手錶一樣，幾乎都係每個家庭必備嘅比較現代化嘅“傢俬”嚟。

對喺嗰個時代成長嘅細路哥嚟講，冇電視睇就擰開部老爺收音機聽張悅楷林兆明講古仔，嗰陣廣東啲電臺喺每日晏晝12點或者12點半同每日晚黑6點或者6點半，必定會播張悅楷同林兆明講嘅古仔，前文再續就書接上一回，尋日講到乜乜乜乜，跟著講半粒鍾之後就欲知後事如何且聽下回分解，呢句嘢我由細聽到大。透過大氣電波，張悅楷同林兆明令大粵本土一代一代嘅粵人可以用對耳嚟直觀噉感受著粵語講古，並喺聽古仔嘅過程當中不斷潛移默化噉重溫進修粵語嘅語音詞匯同語法，呢個對粵語嘅傳承傳播傳揚，意義係無價嘅。好可惜依家啲電臺經已好少播講古囉，改播埋啲唔到喉唔到肺唔埋牙唔入肉嘅支那垃圾新聞簡直就係喺度嘥聽眾嘅時間，呢個當然亦同粵語講古後繼無人好有關。

地處海南島最西南角隸屬樂東縣嘅鶯歌海鹽場，係大粵境內規模最大嘅機械化鹽場，總面積達到3793公頃。早喺二戰日本侵粵嗰陣，班日本仔就諗過要將呢度建成為全東亞最大嘅鹽場，足可見鶯歌海制鹽條件之優越。鶯歌海本身就係一個好有詩意嘅地名，佢背靠尖峰嶺林場，直面北部灣同南海嘅交匯海域，場區背山臨海，場內渠道縱橫，鹽田銀光閃閃，人工墾殖痕跡同山海自然景觀完美交融，遠望成個鶯歌海鹽場，景象非常之恢宏壯美。

其實，喺鶯歌海鹽場東南50公里嘅地方，有比鶯歌海鹽場出名得多嘅名勝天涯海角，點解天涯海角唔入選而要揀更少人知嘅鶯歌海？四隻字：去支那化！天涯海角支那除太重喇！海南島最南邊嘅古崖州，自古就係支那殖民政權流放失意落職官僚嘅最遙遠地界，呢啲支那廢柴撈頭嚟到崖州之後冇埞消遣，睇見離崖州東邊冇幾遠嘅一噠海邊風景都唔錯，而且岸邊仲有唔少巨石可以畀佢哋將求其鳩噏完嘅所謂詩詞嗌下人鑿石雕刻上去，於是就專搵呢度嚟以文發洩不滿。呢啲屄人支那每朝每代都有，成喳成喳嘅，嚟完又走走完又嚟冇停嘅，佢哋睇見先前經已有人開咗個頭，就隻隻都嚟鳩噏鑿石刻字，呢啲廢柴詩詞於是就越刻越多，所謂嘅天涯海角就係噉嚟咖喇。

天涯海角祇係撈頭心目中世界嘅盡頭，而絕非我哋粵人嘅世界盡頭，事實上，早喺中世紀時代，我哋粵人就經已大規模向南洋亦即係今日嘅東南亞作移民拓殖。大致上，天涯海角可以睇成係一班古董廢柴撈頭發洩戚怨憤恨嘅地方，而鶯歌海鹽場則係當世粵人奮發創業嘅象徵，呢個就係點解揀鶯歌海鹽場而唔揀天涯海角嚟代表海南嘅根本原因。

500蚊大粵盾：紅線女+寧明花山岩畫

500蚊大粵盾係紅線女+寧明花山岩畫嘅組合，紅線女原名鄺健廉，廣州西關人，祖籍廣東開平水口鎮，同黃俊英張悅楷相比，紅線女受豬撈打壓最重經歷亦都最為坎坷。喺上世紀1920-1940年代嘅粵劇黃金時期，紅線女其實祇係一眾靚生名旦當中嘅一員，喺嗰個時代，才藝年紀同紅線女咁高咁大嘅粵劇名旦比比皆是（諸如芳艷芬、白雪仙、余麗珍、鄧碧雲、羅艷卿、鳳凰女、吳君麗、秦小梨），佢同白駒榮、千里駒、金山炳、靚榮、靚次伯、薛覺先、馬師曾、桂明楊、白玉堂呢啲當時嘅粵劇大佬倌相比更加係小字輩。

同好多粵劇名伶著草香港避支共唔同，1950年代紅線女同佢老公兼師父馬師曾一齊返返支共殖民統治之下嘅大粵，可惜馬師曾早死，喺大粵本土傳承粵劇文化嘅重責於是就完全落晒喺紅線女一個人身上，近半個世紀以嚟紅線女一直都係大粵本土粵劇��承嘅靈魂同臺柱，依家大粵本土嘅粵劇藝人，基本上都係佢嘅門生同師孫嚟。錦上添花容易雪中送炭艱難，紅線女有佢獨門秘技紅腔，噉本身經已難得，最難能可貴嘅仲係佢係大粵本土粵劇承先啟後繼承發揚嘅樞紐式關鍵人物，今日粵劇喺大粵本土死唔去，全賴有佢，喺呢個視角睇，佢比佢嘅一眾先進前輩同同齡同行更值得我哋大粵本土粵人去激賞同敬佩。

喺廣西寧明境內左江同明江流域嘅花山岩畫係古南越系駱越人喺距離依家2500-1800年前攀岩所畫嘅，喺花山岩畫當中幾乎個個人像都畫成田雞噉款睇樣係跳緊田雞舞，人像左緊有銅鼓有龍船有太陽光芒，銅鼓田雞龍船太陽光芒呢裡頭個個都係古南越嘅文化印記。廣西嘅壯族學者曾經力薦花山岩畫申請為世界文化遺產，但係支那並唔出力結果搞唔成，凡係關乎古南越嘅嘢啲豬撈基本上都係he得就he難鳩睇嘅，一唔係就直接否定，否定唔到嘅就矮化大話連篇噉噏乜都同支那中原有嗱能乜都係學支那嘅。

喺粵獨睇嚟，花山岩畫係至寶，佢同銅鼓一樣，都係古南越人留畀我哋粵人可以睇得到可以親身感受得到嘅珍貴有形文化遺產嚟，有朝一日大粵脫支成功建國，花山岩畫必定係第一個以大粵獨立國家名義申請嘅世界文化同自然雙遺產項目，對粵人宣示古南越嘅文化傳承係粵獨嘅重責，正因為噉，花山岩畫對粵獨以至新生大粵國家嘅緊要程度絕對唔亞於銅鼓。

1000蚊大粵盾：黃俊英+開平碉樓

1000蚊大粵盾係黃俊英+開平碉樓瑞石樓嘅組合，黃俊英係廣東羅定人，生得細粒成日畀人潤係三吋釘嘅佢係我哋大粵嘅大笑星，佢係當代粵語相聲嘅一代宗師。提起黃俊英，當然唔少得仲要提埋佢嘅最佳拍檔楊達，黃俊英楊達呢一pe搭檔，講粵語相聲真係好生鬼好搞笑嘅，依家但凡30歲打上嘅大粵本土粵人一定會對佢哋伶牙利齒嘅演出拍爛手掌。

我細細個就成日睇佢哋喺電視臺啲文藝節目度（當時廣東電視臺啲自辦節目仲似啲樣嘅）講粵語相聲，佢哋曾經用一個「雞」字同一個「水」字嚟對拆鬥講，兩條友由走雞甩雞講到謝雞死雞，由磅水疉水講到未水散水，真係精彩紛呈令人笑到攦地，至今仲令我印象深刻。佢哋透過粵語相聲嘅諧趣演繹，將粵語裡頭嘅特色詞匯運用得登峰造極，向世人展現出咩為之真正有魅力嘅粵語，通過佢哋把口，好多人至知道，哦，原嚟粵語係可以講得咁靈動咁鬼馬咁有味道嘅！

喺度期待粵人個個都可以笑口常開，帶著美好願景以一種充滿憧憬期盼嘅愉快心情嚟迎接我哋大粵國家嘅未來。同樣我哋每一個粵獨人亦都應該抱著樂觀笑面嘅態度去睇待將來粵獨脫支嘅走勢發展，即使前路有挑戰有艱辛，但係好景經已步步向我哋靠近，支那從啱過去嘅2014年開始，經已明確踏入經濟衰退期，呢波衰退潮短則十年八年長嘅話二三十年都有之，以後粵獨一定會有大把世界。

開平碉樓係我哋大粵第一個世界文化遺產，同時亦係近代粵美粵歐文化交融嘅威水見證，將開平碉樓擺喺張大粵盾最大嘅1000蚊紙度係提點我哋粵人眼光每時每刻都要向外邊美歐睇，嗰度至係依家世界文明同世界科技最發達嘅埞方，向鬼佬學嘢同鬼佬交往我哋點都有運行過同班支那豬撈喺一齊。我哋要脫支就要有世界性嘅視野，咪過成日將大粵放喺支那呢灘臭水死水入邊同支那各省嘅各式傻撈癲撈比，噉冇意思嘅，我哋要比就同世界各獨立國家比，尤其係同我哋大粵隔籬嘅一眾東南亞獨立主權國家比，呢個至係一個粵獨人真正應該有嘅睇嘢同諗嘢方式。

粵嚟粵掂

2015年頭初稿 2017年11月24號上篇完成

-------------------------------

附注：

呢篇嘢最開初係2015年頭寫落嘅，寫咗約莫一半就因為搞其他嘢而爛咗尾。兩年半之後，前幾日喺Facebook度睇見有有心人設計咗我哋大粵民國嘅貨幣樣本，於是啲起心肝先完成成篇嘢嘅上半部份，至於篇嘢下半部份，有時間至寫埋佢。

下篇內容：以粵獨嘅視角闡述其餘8位大粵歷史名人同其餘8噠大粵歷史名勝

2毫紙大粵盾：屈大均+廣州越秀山五羊石像 5毫紙大粵盾：招子庸+珠海漁女塑像 2蚊雞大粵盾：劉巖+德慶悅城龍母祖廟 5蚊雞大粵盾：儂智高+憑祥友誼關 10蚊雞大粵盾：洪秀全+金田起義誓師地犀牛嶺古營盤 20蚊大粵盾：孫大炮+順德清暉園 50蚊大粵盾：陳炯明+龍川佗城古城 100蚊大粵盾：陳濟棠+北海珠海路騎樓街

-------------------------------

https://www.tapatalk.com/groups/namyuekok/13-13-2200-t7271.html https://www.tapatalk.com/groups/cantonia/13-13-2200-t3096.html

0 notes