#تامر عبده امين

[osamawael]

"الإسراف" شيء مقيت بكل أشكاله.. الإسراف في الاهتمام بيتشاف في الآخر إنه لمصلحة ما بتعمل كده عشانها.. الإسراف في المحبة بيخلّي حضورك تقيل، وممكن يتصنف تلزيق!..

الإسراف في الهزار بيقلل الهيبة.. الإسراف في العطاء بيتحسب حق مكتسب وعادي إن يتلام عليك لو قصرت مرة واحدة في تقديم عطاءك اللي هو أصلاً كتير!..

الإسراف في إهمال صحتك لحساب أى شخص أو شغل مش هيدفع ثمنه إلا أنت ومحدش هيديلك نيشان في نهاية الحدوتة..

في كوباية الشاى هتحس بطعم أول معلقة سكر، والتانية، والتالتة، ويمكن تحس بالرابعة.. لكن من المعلقة الخامسة وأنت طالع زيها زى لو حطيت حتى ١٠٠ معلقة!.. الإسراف بيمسّخ طعم الحاجات..

الإسراف شيء ظالم، وبيحطنا في أماكن مانقصدهاش، وياريته بيتقدر.. الإعتدال حلو وبيدي فرصة للي قصادك إنه يدي أمارة.. وده ليه؟.. لإن لبدنك، ولكرامتك، ولنفسيتك، ولصورتك عليك حق.

-©️تامر عبده امين

#تامر عبده امين #تمبلر بالعربي #مقتبس #ادب #اقتباس #تمبلريات #ادبيات #تمبلر #حب #كتب #كلمات #خواطر #نصوص #عرب #عربي #بالعربي #اقتباسات تمبلر #اقتباسات #إقتباسات #إقتباس #أدب #شعر #فصحى #عرب تمبلر #اقتباسات عربية #quotes #أصدقاء تمبلر #صباحيات #قهوة #آل تمبلر

[cybelle-jessy]

الشاب اللي فوق ولابس بالطو أبيض اسمه "صابر نصر".. طالب مصري من محافظة أسيوط بيدرس في الفرقة الأولى كلية طب الأسنان جامعة العالمية في السودان.. "صابر" أصيب بهبوط حاد في الدورة الدموية نتيجة تعرضه لارتفاع شديد في درجة الحرارة!.. قبلها كان صديقه وزميله في السكن "أحمد" اللي في الصورة اللي تحت بيحاول ينقذه بكل الطرق!.. الفكرة إن الوضع المتوتر في السودان حالياً زود الأمر صعوبة وماكنش فيه في محيط منطقتهم مكان يجيب منه دواء أو مستشفى تكشف عليه.. بس مفيش وقت وكل دقيقة تأخير فيها خطر على حياته.. "أحمد" يعمل إيه؟.. شال "صابر" لمسافة أكتر من ٣ كيلو عشان يدور على مكان يعالجه فيه بدون ما يمل ولا يكل ولا يتعب ولا يقول وأنا مالي!.. والد "صابر" كان بيتصل بـ "أحمد" وبيقول له: (خلي بالك منه يا أحمد).. فـ "أحمد" يرد: (أقسم بالله ما هسيبه غير وهو في إيدك سواء حى أو ميت).. للأسف فشلت محاولات "أحمد" إنه ينقذ صديقه واتوفى "صابر"!.. "أحمد" وباقي زمايله عملوا محاولات كتير عشان ينقلوه لمصر بس منفعش وتمت صلاة الجنازة عليه ودفنه في الأراضي السودانية.

الصاحب الحقيقي هو اللي بتغيب في لحظة حضوره حسابات الظروف.. فلوس، وقت، مجهود، اهتمام، وحتى لو حياته مفيش حاجة بتمنعه عن صاحبه.. وهو نفسه الأصيل اللي بيقّدر وبيفضل شايل الجمايل ومش بيتكبر ولا بيترسم على اللي شالوه، استحملوه، وحطوه في عيونهم.. كتير بننخدع باللمة الكدابة، وشلل المصلحة ولمعتهم بتخلينا نحطهم في حتة زاهية مش بتاعتهم.. لا عمرهم هيسدوا، ولا هيسندوا.. بس الحقيقة إن فعلاً ربنا بيحبك لو طلعت بصاحب واحد "وفي" تكون مطمن وهو جنبك وعارف إن ضهرك بيك محمي مش محني وإنه هيفضل شايلك للنهاية.. ربنا يرحم "صابر" ويصبر أسرته، ويجازي صديقه "أحمد" كل خير.

#تامر عبده امين

[ayabakr52]

رغم كمية الخرشمة النفسية، والدشملة اللي هرست أرواحنا في ٢٠٢٣ بس معظمنا متفائلين بـ ٢٠٢٤ وعشمانين في ربنا إنها تكون أفضل على كل المستويات.. ربنا يجعلها أيام فيها هدنة للقلوب، استراحة من اللي فات، وقوة في اللي جاي.

#تامر عبده امين

[llmqll]

التفاصيل ممكن تبان صغيرة أو تافهه أو سهلة بس في النهاية هي المكون للصورة الكبيرة.. الوقت الرايح في الإهتمام بالتفاصيل وقت مش ضايع.

#اقتباس #تامر عبده امين

[zahraa17]

أى تغير في المشاعر سببه التراكمات اللي عدت واتطنشت.. مفيش شجرة بتقع من ضربة فاس واحدة، ولا كوباية بتتملي من نقطة ميه!، ولا شخص هيرمي طوبتك ومعاها محبتك من غلطة أو كلمة واحدة!.. احترموا الفرص والتفويت لإن "التراكمات" بتهد رصيد الغلاوة وسهل تكسر أجدعها وأمتنها وأقدمها علاقة.

-تامر عبده امين

[fozdoaa]

يارب في كل الخطاوي وقّع في طريقنا ناس شبهنا، حنينة، بسيطة، لينة، ومتفصلين علينا.

تامر عبده امين

[ayosh-ahmed]

اللي بينزل من النظر بسبب حقارته، وقلة أصله مستحيل يرجع زى ما كان في العين والله لو عمل إيه.. هي البجاحة بس إنك قررت تتشعبط في رد الفعل، وتتناسى الفعل.. تستصغر غلطتك، وتستحرم إن غيرك يتضايق بسببها.. على رأى اللي قال: (ثم يتهمك بأنك لم تتمسك به ذلك الشخص الذي بتر كل أصابعك).

-تامر عبده امين

[somaas-world]

ينباع العُمر، ويهون التعب،

وتتجاب الدنيا على طبق من دهب

لأجل عيون الحنية وناسها.

-تامر عبده امين

[fattimaa]

حتى لو كنت شايف مليون دليل إنها بتمشي بالفهلوة، والعلاقات، والشللية، والكوسة لازم برضه تفتكر إن ربنا بيقول ﴿إِنَّا لا نُضِيعُ أَجْرَ مَنْ أَحْسَنَ عَمَلا﴾..

لو النية حلوة، والقلب نضيف مفيش مجهود أو معافرة هيروحوا هدر.. ربنا بيجازينا على تراكمات التعب، والسعى.

تامر عبده امين

[imazikaty]

الفترة الحالية مش مستحملة بأى شكل من الأشكال أى ضغوط يتم ممارستها من حد على حد تاني لإن كل واحد فيه اللي مكفيه وعنده معركته الخاصة اللي طفت كتير من نوره.. عشان كده يا ألف مرحب بكل الأفعال اللي تخفف الحالة زى التقّبل، التهوين، التخفيف، التطمين، والدعم..

وعشان كده برضه حِبوا، وصاحبوا الناس البسيطة السهلة.. الناس اللي من سلاسة تعاملهم، ونضافة نيتهم مش بتحتاج معاهم تبرر عمّال على بطّال.. اللي مش بيفهموا الكلام بمليون معنى غلط غير المعنى الواضح اللي تقصده.. اللي بتقدر تضحكهم، تصالحهم، وتتكلم معاهم في أعقد مشكلة بسهولة!..

الحياة أصلاً لوحدها مليانة ناس صعبة بيصعبوها على نفسهم وعلى غيرهم ليل نهار، وبيزودوها كآبة.. خليكم سهلين، وإملوا حياتكم ناس سهلة، ولينة.. هما دول الأجدر بالمقاعد الأولى في قلوبنا، اهتماماتنا، وحياتنا.

- تامر عبده امين

[osamawael]

مين اللي قال إن اختيار واحد غلط هو نهاية الطريق!.. وهو إحنا عايشين أصلاً غير عشان نعيش ونجرب..

العيب لا في مبدأ التجربة، ولا في الحلو اللي طلع منك لكن في "التوجيه".. مش مطلوب بعد كده غير إعادة توجيه "إيه يروح لـ مين، وإمتى".. هنفضل نعيش، ونجرب، ونعرف، ونتعلم، ونقع، ونتعافى..

الدنيا باب متوارب يتقفل في وش اللي ماطلعوش قد شرف القرب، ويتفتح للي اشتروا قُربنا مليون مرة بالمواقف.

#تامر عبده امين #تمبلر بالعربي #مقتبس #ادب #اقتباس #اقتباسات #أدب #ادبيات #تمبلريات #تمبلر #بالعربي #عرب #عربي #كتب #كلمات #خواطر #نصوص #فصحى #حب #شعر #عرب تمبلر #اقتباسات تمبلر #اقتباسات عربية #إقتباسات #إقتباس #quotes #writers on tumblr #أصدقاء تمبلر #قهوة #صباحيات

[cybelle-jessy]

ربنا يكفيك زعل شخص كفر بيك، وخسرت ثقته.. الطيب طيبته مش بمزاجه؛ بس صبره بمزاجه.

#تامر عبده امين

[rrrrrrrrrrr-rrrr]

ربنا يسلمنا من أذى الدنيا، ويرزقنا بعد كل فقد عوض، ويكون كل عوض أفضل من اللي اتفقد.

-تامر عبده امين

[zahraa17]

﴿وَهُوَ مَعَكُمْ﴾.. في كل مكان، ووقت، مهما الأبواب اتقفلت، أو التوهة زادت.. يارب.

-تامر عبده امين

[3-zooooooz]

ينباع العُمر، ويهون التعب،

وتتجاب الدنيا على طبق من دهب

لأجل عيون الحنية وناسها.

-تامر عبده امين

[fozdoaa]

محدش في الدنيا عايز من اللي قدّامه غير شوية "لطُف" في كل تعاملاته معاه.. شوية "تفّهم" لأى تقلبات مفاجئة.. شوية "استيعاب" لأى حالة حزن طاريء.. شوية "تطمين" إن الوضع المنيل الفلاني مؤقت، وهيمر.. وكما قال الكاتب الجميل "وائل نيل": (لا نحتاجُ سِوى الرأفة ببعضنا البعض، الرأفة في الحديث، في الفِعل، في التمسك، وحتى في التخّلي).

تامر عبده امين