#بحب الفيلم دا اوي

[cairoman]

لما انتي طلبتي إنِك تتعلمي كنت فاهم إنِك هترفعيني معاكي ، قلت و ماله على عيني و على راسي من فوق .. لكن ايه اللي حصل بعد كده ؟! خدتي شهادتِك من هنا و قفلتي على روحك من هنا..

فتحت لك المكتب اللي انتي عايزاه بفلوسي و شقايا و تعبي مخليتش نفسك في حاجة ، تقومي تتآلطي عليا انا ؟ تمرري عليا عيشتي ؟ ليه عملتلك ايه قصرت معاكي في ايه ..قوليلي .. شكلي مش عاجبك ؟ شعري مش مسبسب ؟ مبلبسش عالموضه ؟ تصرفاتي بلدي ؟؟طب مانا معذور متعلمتش زيك ، لكن انتي عذرك ايه !! لو كنتي ادتيني ريق حلو زي الستات ما بتعمل مع رجالتها كنتي قدرتي تغيري حاجات كتير فيا.

#فيلم الشريدة | ١٩٨٠ #بحب الفيلم دا اوي #movies

[gee-gamall]

حازم صوته حلو اوي يا انسه غاده

#انا بحب الفيلم دا اوي😌

[omar-mahrous]

الأفلام العربية

انا بحب السينما.. بحب السينما جداً بحبها بكل انواعها وبحب اني اشوف افلام مختلفة وتجارب جديدة وشوفت افلام كتير عالمية بعيداً عن هوليوود شوفت كتير فى السينما الاوربية سواء فرنسا المانيا ايطاليا اسبانيا..الخ والسينما الاسيوية وحتي سينما امريكا الجنوبية, الغريب اني لسا واخد بالي قريب انى تقريباً عمري ما شوفت افلام عربية !! وعربية اقصد افلام عربية مش مصرية طبعاً, ممكن عشان فى دولة عربية كتير السينما وصلتلها متأخر بس ولو فى افلام كتير تعتبر عالمية وهي انتاج عربي ومن هنا قررت ابدأ رحلة واني ابدأ ادور واشوف على فيلم من كل دولة عربية وابتديت بأول فيلم عربي اترشح للأوسكار وهو فيلم فلسطيني اسمه الجنة الآن الفيلم دا كان جميل جداً ومؤثر جداً وبيوصل القضية الفلسطينية بأسلوب جميل جداً صراحة كان عندي مشكلة فى اللهجة شوية وكنت بشوف الفيلم بترجمة انجليزي عشان الكلمات اللي كانت بتسقط مني ودي مشكلة مع كل فيلم كانت بتقل شوية بالرغم من اختلاف اللهجات والمهم الفيلم كان حلو وخلاني اكمل وتاني بلد كانت لبنان مع لبنان الموضوع كان اصعب ابتديت اول حاجة بفيلم وهلأ لوين عشان كنت بحب اغانيه جداً بس الفيلم كان تقيل الصراحة ولو كان فى مشكلة او حاجة موضوع اللهجة هنا كان اصعب بكتير ومكنتش فيه ترجمة + ان موضوع الفيلم كان تقيل فقفلت الفيلم واجلته لمرة تانية وبعدها بفترة اتفرجت على اهم فيلم لبناني على حد علمي وهو فيلم بيروت الغربية وعاجبني جداً جداً الفيلم بيحكي عن بداية الحرب الاهلية التانية من منظور اطفال فى سن المراهقة الفيلم معمول فى اطار كوميدي وبشكل جميل جداً والغريبة ان فى الفيلم دا مكنتش عندي اي مشكلة مع اللهجة قبل مااتفرج على فيلم بيروت الغربية كنت اتفرجت على فيلم لسينما عربية جديدة نسبياً وهي السعودية وشوفت فيلم ست شبابيك من الصحراء والفيلم دا عايز اكتب عنه بوست منفصل عشان فيه كلام كتير اقوله عليه بس عامة هو كان فيلم كويس وبعدها شوفت فيلم تاني اترشح للأوسكار وهو الفيلم الاردني ذيب وصراحة الفيلم دا معجبنيش اوي بالرغم انه متنفذ بشكل محترم جداً بس الصراحة مستمتعتش بيه عجبني بس انه عبر عن التاريخ العربي فى فترة معينة واخيراً انا دلوقتي محضر لبكرة الفيلم السوري مريم وناوي إن شاء الله اكمل بعدها واشوف افلام من سينما شمال افريقيا فياريت لو حد بردو عنده اقتراحات لافلام عربية مش مصرية عامة يقول  عامة كانت تجربة جميلة جداً اني اشوف افلام بتعبر عن الثقافات العربية المختلفة وفنفس الوقت الافلام معمولة بشكل نضيف وممتعة عشان كدا إن شاء الله انا هاكمل لحد مااشوف فيلم على الاقل من كل دولة عربية 

#سينما #سينما عربية #كراكيب في دماغي

[amira-sary]

.. خاص ..

طيب .. هير وي جو ..

فلنبقيها ك نقطة للتذكرة كمان كام سنة .. اشوف هبقى اسوأ ولا ..

١- بقيت افضل السكون .. السكوت .. الضلمة .. و للموبايل اقل برايتنس موجودة ..

٢- معدل الطاقة في نزول دائم .. و بنسى و خايفة من دا .. و بتضايق اما ابقى المفروض اعمل حاجة وحد يفكرني بيها ف اتخض فجأة واقول نسيت !!

مطنشتش بجد نسيت .. ببقى اسفة .. اسفة لنفسي قبل مابقى اسفة للشخص ..

٣- لو افتكرت ان في حد بقالي كتير ماشوفتوش و صحابي واحشني و كدا افتح اكلمهم .. قبل مايحصل بنسى كنت فاتحة ليه واقفل تاني .. و لسخرية القدر بعد ما بقفل بفتكر تاني ف افتح و سبحان الرحمان بنسى تاني 🤷‍♀️

٤- و على غرار النسيان بقى .. اما ابقى في حاجة بجد مش عايزة اعملها و بالضغط او بال ابتذاذ العاطفي وافقت اعملها بجد ببقى متضايقة جدا اني هعملها لدرجة اني ممكن انسى اني وافقت اصلا ..

٥- مبعرفش المفروض اعمل ايه في الافراح او الخطوبات او في الحنة او في السبوع او ف اعياد الميلاد او ف اي حاجة فيها ناس كتير بيعملوا حاجات كتير و على عكس المتوقع كل هذه المناسبات المفرحة جدا لأصحابها الا انها بتصيبني بحالة من الملل الشسيع لو معنديش حاجة اعملها فيها .. لدرجة اني مرة نمت في فرح من كتر ما فعلا مش عارفة اعمل ايه ..

٦- بقيت اقول شكرا كتير بزيادة و اسفة بجد بردو كتير .. كأني مش مستنية حاجة حلوة من حد لان مبقاش في حد بيعمل حاجة حلوة .. او حاجة حلوة لوجه الله .. ف اما حاجة بتحصل ببقى مستغربة ف ال هو ايه دا شكرا ..

و بتأسف على اساس ان يا الهي ع الغلطة الشنيعة ال عملتها في حق البشرية ال ممكن تبقى اني دوست على رجل حد مع ان رجلي اتفعصت من ثواني قبلها و ماحدش اعتذر ولا بص وراه حتى يشوف ايه ال سواه بالأسفلت دا !

٧- مبحبش اكلم ديليفري .. ولا اقوله عنوان .. معرفش ليه بس ساعات بحس اننا شغالين عندهم مش اني كاستمر بيطلب يشتري حاجة .. ف بتعب من الكلام !!! .. و سبحان المولى اما اشتغلت ف كول سنتر و كنت برد على كاستمرز كانوا بيتعاملوا اني شغالة عندهم بردو عادي بلا اي اندهاش .. هو انا مش هايبقالي وضعي في الدنيا دي ولا ايه !!!!

٨- بشكل عام بقيت مش بحب ارد ع التليفون .. بتخض لو ناس مش مستنية مكالمتهم كلموني اول جملة بتيجي ف بالي ايه دا خير ؟!!

٩- زوري بقى بيوجعني وانا بتكلم .. بحس بالمجهود اللي بتبذله احبالي الصوتية عشان تطلع صوت ..

١٠- زمان كان ممكن اقعد ساعتين و نص في نقاش مع ابويا على موضوع و زيهم بشكي لماما لو بابا موافقش و ساعة خناق متواصل مع امل .. فَكي كان بيوجعني .. قلبي كان بيوجعني .. لو دخلنا في الأكشن و حصل عياط عيني كانت بتوجعني ودماغي بس في الآخر بخرج كسبانة او شبه كسبانة .. دلوقتي ممكن مقترحش الحاجة ال هايبقى عليها نقاش اصلا ترييحا للدماغ ..

النكزة الداخلية ال بتحصل مع كل رفضة لاي حاجة نفسك تعملها ايا كانت بقت موجعة ..

١١- اي حاجة بقت مؤثرة .. بجد بالمعنى الحرفي ..

١٢- لو في فيلم بتفرج عليه و الراكور اتغير في نفس المشهد بيبقى مزعج جدا مع انها حاجة تافهة و اهم حاجة القصة و تمثيل الناس و بتاع .. بس في راكورات بتفصلني واحط احتمالات ليه غير الراكور .. ازاي مخدوش بالهم .. التيشيرت اتقطع ؟ مساعد المخرج اعمى ؟ ...الخ ممكن اضيع حبة حلوبن من الفيلم لو محصلش حاجة تجذبني تاني ليه ..

١٣- من سنتين قررت ادخل مجال خدت فيه كورس طويل تعب و سهر و امتحانات و رجعت اخد مصروف و كان عندي الثقة الكاملة اني ماشية صح .. دخلت المجال .. سعدت بده جدا و فجأة تساؤلات .. ثانية واحدة .. انتي في مكانك صح فعلا و لا دا اي هبد ؟

١٤- مؤخرا في كام كلمة بتتكررلي كانها منبه بس مش قادرة اقفله او سنوز او اعمل اي خطوة للتغيير ..

مالك .. انتي مسهمة كدا ليه يا بنتي .. في حاجة مضايقاكي ؟ مكنتيش كدا !!

و كلمة *سلبية* بقى دي كوين اوف ووردز ..

ايه السلبية ال (انتي) فيها دي .. ال (بقيتي) فيها دي .. او ال (هاتبقي) فيها دي ..

١٥- بقيت احب الفانيليا اكتر من الشيكولاتة ..

١٦- فكرة اني اخرج و اجهز نفسي بفرحة رحلة ايام المدرسة مبقتش موجودة غير نوادر .. اخر مرة كانت سفرية اسكندرية رايح جاي من ٧ شهور ..

١٧- مع اني مبحبش الجوافة بس كلتها كزا مرة و اندهشت لهذه الفعلة ..

١٨- بعتبر اشيائي زي ولادي من اكبر حاجة لاصغر حاجة و كون اني بحافظ اني ألمهم تاني لو حد استلفهم و (رضيت) مش معناه ان مش هعرف اجيب غيرهم بس بيبقى لكل حاجة قصة و مشاعر متبادلة بيننا (انا و الاشياء) ف مش هفرط فيهم .. و لو حاجة ضاعت ببقى بجد متضايقة و حاسة ان حبيبتي ضايعة وسط اشياء ناس تانيين او لوحدها او اتكسرت او ماتت مش وسط اخواتها ..

١٩- بكره الغروب بكل ما يحمله من الوان نارية و ما يحمله من معاني خفية .. و مع اني بحب الليل و الصبح بس الغروب (البييجي لازق في الصبح ينهيه عشان ييجي الليل كما يقول بعض الفلاسفة) هو اكثر فترة في اليوم بكرهها و بتبقى مكئبة بالنسبالي من view معين ..

اظني لن أحظي ب زا موست لافلي رومانتك سيين ايفر 😂 ممكن نعوضها في الشروق بس من view بعيد عن الاوان النارية بردو ..

٢٠- ازاي نسيتها دي .. بكره الصيف بس بحب الوان الدنيا في الصيف .. السما زرقاء اوي و الشمس ساطعة اوي و الاخضر اخضر اوي .. الخ.

و على الرغم من ان الشتا الوانه كأيبة و تحس ان الدنيا في حالة رمادية الا اني بحبه جدا ..

٢١- مسطلحاتي زادت مسطلحين ..

"قلبي مبلول" و دي بتيجي في المرحلة ال بعد "قلبي ملبد بالغيوم" بكل مايحمله التشبيه من معنى ..

٢٢- افلام الاكشن بقت تشدني اكتر من الكوميدي مؤخرا مش عارفة ليه وازاي .. و بقيت بكره افلام الرعب .. و بحب هاري بوتر لدرجة ان لازم كل فترة اجيب كل اجزاءه من اولها و ابقى بسمع معاهم السكريبت بس مش زهقانة ..

٢٣- عايزة اتفرج على الفيل الازرق تاني بس خايفة من الكلب الاسود ال كان في الفيلم .. اتعلم ما مدى السوء الذي اشعر به حيال ذلك ؟

٢٤- الاطفال احباب الله .. عايزة اعرف ليه بس مكسلة ادور في الموضوع .. و هل اطفال اليومين دول انكلودد ولا كان زمان و جبر ..

٢٥- كنت كاتبة قصة عن مدى حبي للسفر و تعلقي اني اعمل الخطوة دي و مستنية اطلع passeport بس عشان احط القصة هنا .. يمكن دي اكتر اكتر قصة حباها .. كل ما افتح اقراها احس اني باكل بمبوني ليمون ❤

٢٦- بقيت احب الموف بشكل غير مبرر ..

مبقتش البس بني و مشتقاته كتير .. (تقريبا) بقيت البس كحلي و رمادي اكتر ..

٢٧- من فترة ليست بقليلة بقيت مهيب النشوآتي ف نفسي اوي ..

٢٨- بقالي سنين مرسمتش .. بلون بس .. ايدي جبست ..

٢٩- ف يوم كنت حزينة ف بكلم اختي بقولها وسط الكلام ماما عاملة اكل ايه قالتلي مسقعة ..قولتلها قوليلها دا احسن حاجة حصلتلي في اليوم ..

و في مرة سألتها في اكل ايه في البيت قالتلي كشري .. بجد كنت هعدي ع الناس اقولها ماما عاملة كشري من كتر ما سعادتي كانت كبيرة 😍😍

أمدرك ان مسقعة و كشري كانوا احلى حدث حصلي في ١٥ - ١٦ ساعة برا البيت ..

٣٠- يوم الخميس والجمعة بحبهم جدا ..

مببقاش عايزة السبت ييجي عشان بكرة هايبقى الحد و هانبدأ الاسبوع تاني .. دا كرب دا ولا انا مأفورة ؟؟

عايزة اشتغل يومين و نريح يوم التلات بعدين يومين و نريح الويك اند .. ماتزودوا يوم التلات اجازة يا حكومة !!! صدقوني مستقبل الدولة مش هايقف لو فرفشتولنا نفسيتنا ..

٣١- بجد مبحبش الشوبينج .. بس بحبه .. 😁

يعني لو حصل صدفة و جبت حاجات حلوة من غير ترتيب بتبسط جدا .. بس فكرة اني انزل مخصوص تحت مسمى انا هعمل شوبينج او مع حد يعمل شوبينج معناه هانقعد نلف نلف نلف عشان نرضي ذوق الطرف الاخر .. انا لو محتاجة حاجة جديا و قهريا بنزل زي الولاد المكان المحدد عشان ملفش كتير ..

بجد ببقى مكتئبة و مش عايزة انزل و ببقى بتمنى ان يحصل اي حاجة البلد تقفل في اللحظة دي .. مش كسل اد ما هو عدم رغبة في التعامل ..

٣٢- بكره الزحمة .. مش كراهية .. بُغض .. انا ببغض الزحمة (اظنها اكتر من بكرهها!🤔) وشي وقت الزحمة بيبقى محتاج مكوجي يفرده ..

٣٣- لو خيروني مبين مشوار محتارة فيه جدا هلبس ايه و بين اني اقعد يومها في البيت اتفرج على فيلم .. هختار الفيلم ..

٣٤- عندي مشكلة من ايام ما كنت طالبة في المدرسة اني بستنى لحد ماتزنق جدا اقوم عاملة الحاجة وافضل اتسائل كان هايفرق معاكي ف ايه لو عملتيها من بدري و قعدتي مرتاحة بعد كدا او راجعتي او تعرفي عن الحاجة بشكل احسن ؟!

لحد دلوقتي ماتغيرتش .. و بالاضافة .. بقيت براكم .. بطلة العالم في المراكمة ..

بالنسبة لاوضتي ممكن افضل باصة عليها طول الاسبوع عشان اعملها واقول الجمعة هعملها عشان يبقى عندي السبت اقعد فيها براحتي .. الجمعة دايما ببقى جزء لا يتجزأ من السرير لو قاعدة في البيت و بالتالي الاوضة (لووو) اتعملت بيبقى السبت بالليل ف تقنيا ببقى متبسطش من انها اتروقت و نضفت لان عادي ممكن اخرج ارجع ملاقيهاش زي ما مرسومة ف خيالي اما سبتها ..

٣٥- عارف اما يبقى عندك اهداف معينة من شغلك او من تعاملاتك الانسانية مع الاخرين و تلاقي حاجات بتحصل تغيرلك مسارك ناحية هدفك تحس انك بدل ما تطلع الكوبري فوتت الدخلة و كملت على طول ..

فجأة تاخد نفسك و تبص ع ال بتليسه ف حياتك .. ثانية كدا .. هو انا بعمل ايه ؟؟؟

٣٦- مفيش حد بينجح ف ١٠٠% من ال بيعمله انا مدركة دا و عادي جدا ان يحصل فشل او شنكلة .. و مع ادراكي لده انما معنديش القدرة النفسية ال اواجه بيها اي اخفاق هذه الايام .. خاصة اخفاق في مسار تعبت و اتعبت ناس تانية عشان اسلكه ..

٣٧- طول عمري بتصعب عليا ال بتعاند اهلها عشان حد .. اي حد .. سواء شريك حياة او اصدقاء .. عشان في الاخر بتاخد القفا المتين .. طول عمري خايفة من القفا المتين .. و بدل مادخل التجربة ايا كانت هي ايه بفضل ابص عليها من كل النواحي .. لو مش شايفة خطوط معينة بجري ..

علامات الاستفهام بتبقى مهمة اوي في العلاقات سواء صداقة او ارتباطات ..

٣٨- مهما بطني قلبت مبرجّعش و مهما كان جسمي سخن من تحت جلدي مبسخنش ..كله من جوا جوا ..

و مهما كان الموقف مستفز او ضايقني وقتها لو جيت حكيتهولك ه��تضحك لو الموقف مكنش محزن بالمعنى الحرفي او مؤثر بالنسبالي .. مبيبقاش قصدي .. ساعات بتضايق انك محترمتش حزني .. بس مبيبقاش باين اني حزينة 😅 كله من جوا جوا ..

٣٩- طول عمري بعتبر الناس صناديق (شكل الشكمجية كدا) ..في ناس بجد مبهرة .. سواء بشكل ايجابي او سلبي بس بتبقى واقف منبهر .. كيف لذلك الشخص ان يخُرِج مثل هذا التصرف !!!

٤٠- هو انا كدا بقيت نمطية؟ ..

مبعرفش اغزل برجل حمار ولا اعمل من الفسيخ شربات ..

دماغي حساهة ريحت .. او صدت ..

كرياتيفيتي ؟؟؟ كان في و خلص ..

*أهذا مؤشر لشئ ما اكثر خطورة ؟🤔*

[missbeautty]

رواية قلوب حائرة الحلقة 12

ظل عمرو ينظر الي سمر غير مصدق انه يراها امامة ، و سمر تنظر اليه و هي صامتة، الي ان قطعت سمر هذا الصمت قائلة : ازيك يا عمرو ؟؟ 

شعر برعشة تسري في جسدة عند سماعة لصوتها للمرة الثانية ، فكم اشتاق لهذا الصوت ..

اجابها و مازالت الدهشة تعلو وجهه : الحمدلله

صمت قليلا ثم ....

انتي عرفتي ان انا هنا ازاي ؟!! و جيتي لية اصلا ؟!!! 

سمر مبتسمة : اية ، مكنتش عاوز تشوفني ولا اية ؟؟! 

عمرو بدون وعي : لاااء ازاي انا كنت هموت و اشوفك قبل ما ......

ثم استدرك الموقف و صمت..

سمر : قبل ما اية يا عمرو ؟؟؟؟؟

استجمع شجاعتة و قال بنبرة عالية : انتي هنا لييييية و عاوزة اييية و مين اللي قالك علي مكاني ؟!!! روحي لطارق اللي ... ثم لم يستطع ان يكمل الجملة ، اشاح بوجهه ثم ..

روحي ل طارق يا سمر و سيبني ف حاالي 

سمر : اللي اية يا عمرو ؟؟ مش قادر تكمل الجملة صح ؟؟ مش قادر تكملها عشان عارف اني مظلومة و عارف ان مفيش اي حاااجة بيني و بين طارق ، و عارف اني محبتش و لا هحب غيرك 

نظر لها عمرو بصدمة الجمتة

فأكملت سمر : كنت عاوز تخليني اكرهك و انساك صح ؟؟؟؟ 

بدأت عيناها تدمع و اكملت بحرقة : بس انت غبي يا عمرو بجد غبيييييي !!!!! عارف لية ؟!!! عشان انا لا عمري كرهتك ولا اقدر انساك .. حاولت بس عمري ما قدرت .. انت لو تعرف انا بحبك قد اييية و انت بالنسبالي اييية كنت عمرك ما هتعمل فيا كدة ، لييييية يا عمرو عاوز تسبني ، لييية عاوز تبعد عني ، ليييية ؟!!!!! 

عمرو بعصبية : افهمي بقاااااااا دا كلة لمصلحتك انتي دا كلة عشانك انتي .. انتي لااااازم تنسيني لاااازم تبعدي عني عشان انا منفعكيش يا سمررر منفعكييييش 

سمر بثبات : متنفعنيش لية ؟؟؟؟ 

عمرو : .............

سمر : رد علياااا يا عمرو ، لية متنفعنيش ؟؟؟؟؟ 

عمرو : سمر انتي عاوزة اية ؟؟؟؟ 

سمر ببكاء : عاوزاك تعمل العملية يا عمرو .. اعمل العملية و خف و بعد كدة اعمل اللي انت عاوزة عاوز تسيبني سيبني ، عاوز تسافر سااافر .. بس اعمل العملية الاول عمرو بصدمة : انتي بتقولي اييية ؟!!! عملية اييية ؟!!!

سمر بعصبية : كفاااااااية كدب و تمثل بقاااا يا عمرو انا عارفة كل حاااجة .. دكتورة مي حكتلي علي كل حاجة

عمرو : مي !!!!!! 

سمر : ايوة يا عمرو .. ارجوك بقااا كفاية كدة متكدبش عليا .. عشان انا عرفت كل حاجة خلاص 

ظل عمرو صامتا لا يدري ماذا يفعل 

حثتة سمر علي الكلام ..

ساكت لية يا عمرو اتكلم .. قولي لية مش عاوز تعمل العملية .. لية عاوز تسافر .. لية عاوز تبعد عني و تسبني ..؟!!! 

عمرو بضعف : غصب عني يا سمر 

سمر : لاااا يا عمرو مش غصب عنك ، دا بمزاجك

انت اللي مش عاوز تعمل العملية انت اللي مش عاوز تخف 

عمرو بصوت عالي : و ميييييين قالك اني لما اعمل العملية هخف ؟!!!!!!!!!!! نسبة نجاح العملية متتعداش ال 50% حتي يعني كداا كداااا ميت .. !!!!

سمر بقوة لا تعلم من اين اتت بها : خلاااص مش انت كدا كدا ميت .. مش عاوز تعمل العملية لية ؟!!!! 

عمرو بدهشة : بتقولي اية ؟!!! 

سمر : بقول اللي سمعتة يا عمرو مش انت شايف انك كدا كدا ميت ؟؟؟ طب اعمل العملية لقدر الله فشلت اديك اصلا ميت زي ما بتقول .. و لو نجحت تبقي كسبت حياتك .. حياتك متستهلش تضحي عشانها يا عمرو ؟!!!

عمرو : ..............

سمر : فكر ف كلامي كويس اووي يا عمرو .. ربنا موجود و في امل .. حتي لو نسبتة مش كبيرة بس ثقتك ف ربنا لااازم تكون اكبر

هنا ترجل يوسف من السيارة و سار حيث سمر و عمر وووو

يوسف : ازيك يا عمرو ؟؟؟ 

عمرو ناظرا الي سمر بدهشة ثم الي يوسف

يوسف : انت مش عارفني ولا اية ؟؟؟؟؟ 

عمرو : لا لااا عارفك طبعا بسسس...

يوسف : مستغرب وجودي هنا .. مش كدة ؟؟؟؟؟ 

اومأ عمرو برأسة دون ان ينطق 

يوسف : انا سمر حكتلي علي كل حاجة .. مش هكدب عليك اول ما حكتلي كان هاين عليا اقتلك و اقتلها علي الفترة اللي كنتوا تعرفوا فيها بعض من ورانا دي و الفيلم الهندي اللي الهانم عملتوا عليك داا

عمرو : يوسف والله انااا

يوسف : متقاطعنيش و اسمعني للاخر ...

علي قد ما كنت قليل ف نظري اوي انك تستغل سمر و تخليها تقابلك من ورا اهلها و متجيش حتي تكلم اخوها ولو بشكل ودي كدة عشان نحس انك شاريها بجد و مش بتلعب بيها .. علي قد ما انا احترمتك اوي لما قررت تبعد عنها لمصلحتها لما عرفت حقيقة مرضك !!!!!!!!!! 

نظر عمرو اليه بدهشة شدييييدة و اكمل يوسف : بس انت حسبتها غلط يا عمرو ! مش ف مصلحة اي حد انك تفضل تعبان و تتألم لوحدك .. مش ف مصلحة اي حد انك تكون يائس كدة .. مش ف مصلحة اي حد انك تقرر تسافر و تبعد عن اهلك و كل الناس اللي بتحبك .. مش ف مصلحة اي حد انك متعملش العملية !!!! 

محدش ضامن عمرة يا عمرو و طول ما فيك النفس لازم يفضل عندك امل .. انا اللي جايب سمر انهردة بإدي عشان تتكلم معاك و تقنعك تعمل العملية .. انسي كل حاجة و فكر بس ف شكل حياتك بعد العملية هيكون اية ؟؟؟ بذمتك مش حاجة كبيرة تستاهل انك تخاطر عشانها ؟؟؟؟؟؟؟

ظل عمرو صامتا يفكر في كل كلمة تقال لة .. لا يدري ماذا يفعل .. مشاعر كثيرة مختلطة بداخلة .. 

خوف ، امل ، قلق ، دهشة وووو حب !!!!

/////////////////////////////////////////////////////////////////

ظل يوسف يحاول اقناع عمرو و استمر الحديث بينهما الي بعد منتصف الليل و سمر تتدخل في الحديث من الحين للاخر الي ان طفح بها الكيل ... 

صاحت بحدة فجاءة : بص بقااا يا عمرو من الاخر كدا انت مش هتسافر ف حتة و هتعمل العملية و هتخف .. ثم تابعت بصوت عالي : انت فاهم ولا لاااااااء ؟!!!!!! 

نظر الاثنين اليها بدهشة كبيرة 

يوسف : في ايييية يا سمر ؟!! اهدي 

سمر ببكاء : انا تعبت والله تعبت اووي ، ثم نظرت الي عمرو بتوسل قائلة : عشان خاااطري يا عمرو لو ليا خاطر عندك اسمع كلامي و اعمل العملية ارجوووووك 

صمت الجميع .. 

ظل يوسف ينقل بصرة بين سمر و عمرو 

و سمر تنظر الي عمرو منتظرة ان تسمع منة الرد ...

طال الصمت ، بدا علي سمر اليأس و اوشكت علي البكاء مرة اخري ، الي ان قطع عمرو هذا الصمت القاتل قائلا و هو ينظر الي سمر : حااضر حااااضر يا سمر هعمل العملية ، بس انا ليا عند يوسف طلب ، و نظر الي يوسف

يوسف : طلب اية يا عمرو ؟؟ 

عمرو : لو ربنا كتبلي عمر و العملية نجحت .. توعدني انك توافق اني اتجوز سمر !!!!! المفاجأة الجمت يوسف و لم ينطق بأي كلمة ..

تابع عمرو الحديث و سمر تنظر الية بدهشة كبيرة 

انا عارف اني كنت غلط من الاول يا يوسف و عارف ان المفروض كنت اجي اتقدم او علي الاقل اجي اتكلم معاك و اعرفك بس صدقني انا كان عندي ظروف هيا اللي منعتني بس اقسملك اني بحب سمر جدااا و اوعدك اني هحافظ عليها و عمري ما هخون ثقتك تاني ابداا .. انا لو ربنا كتبلي عمر هعيشوا بس عشان سمر .. عشان اسعدها و بس

صمت قليلا ثم قال بضعف : انت مصدقني يا يوسف ؟؟؟ 

نظر يوسف الي سمر التي كانت ترجوة بنظراتها ان يوافق

ظل صامتا ثم قال بهدوء و ابتسامة : مصدقك يا عمرو و اوعدك كمان بس انت اعمل العملية و قوم بالسلامة 

هنا لم تتمالك سمر نفسها من شدة الفرحة و احتضنت يوسف بسعاااادة بالغة قائلة : ربنا يخليك ليااا يا يوسف 

ثم نظرت الي عمرو الذي قد تبدل حالة كثيييرا بعد جملة يوسف و زينت الابتسامة وجهه المتعب 

سمر : هااا يا عمرو ، اتفتنا ؟

عمرو ببتسامة : اتفقنا 

////////////////////////////////////////////////////////////////////

ظلت يارا تحاول ان تتصل بسيف لكن ما من مجيب ارسلت لة فوق ال 5 رسائل ما ��ن مجيب ايضااا 

كادت ان تجن !!! 

في بالها ( دا اتجنن دا ولا ايييية ؟!!! ازاي سيف ميردش عليا كل داااا ؟!!! يا تري في اية ؟!!! معقول زعلان للدرجة دي ؟!! )

//////////////////////////////////////////////////////////////////

قابل يوسف والد ريم و تم الاتفاق علي موعد الخطبة قبل بدء الدراسة باسبوع في احد قاعات المناسبات .. 

///////////////////////////////////////////////////////////////////

اجتمع الاربع فتيات في غرفة سمر و قصت لهم كل ما حدث معها في اليومين الماضيين 

فرح : معقووول اللي بتقولية دااا ؟!!!! 

يارا : انا مش مصدقة بجد !!!!! 

ريم : ياااااة يعني كنا ظالمين عمرو كل دااا ؟!! 

فرح : طب و بعدين اتفقتوا علي اية ؟؟ 

سمر : مفيش كلمنا الدكتورة مي و بلغناها انوا موافق يعمل العملية و فرحت اووي

بصراحة انسانة جدعة جداااا ربنا يكرمها و هي بلغت والدها و حددلوا تحاليل و شوية فحوصات كدا يعملها و اول ما نتيجتهم هتتطلع هيحددلوا معاد العملية ان شاء الله 

يارا : طب و انتي يعني ....

يعني حاسة ان العملية هتنجح ؟؟؟؟ 

سمر بنظرة كلها امل و تفاؤل : ايووو حاسة انها هتنجح بإذن الله حاسه ان ربنا هيفرحنا حاسة اني هكون لعمرو و مش لحد غيرة 

رتبت فرح علي كتفها قائلة : ان شاء الله يا حبيبتي 

سمر : ريييييم يا رييييييم 

ريم : هااااا ! بتقولي حاجة ؟!!! 

فرح : لاااا دا انتي مش هنا خالص

سمر : سرحانة ف اية ؟؟؟ 

ريم بدون وعي : ف يوسف اصل انا مش مصدقة بجد انوا عمل كل دااا ... راجل اووي و طيب اوووي و حنين اوووي...

في ذلك الوقت كان يوسف خلف الباب هم ان يطرق علية حتي استوقفة صوت ريم و ظل واقفا مكانة دون حراك يستمع اليها و ابتسامتة تتسع شيئا ف شئ ..

from Blogger http://bit.ly/2H8WBhn via IFTTT

#IFTTT #Blogger