#ماتزعلوش

[7osamfayed75]

شاب بيحكي إنه فضل متخاصم مع صحبة 4 سنين

وجه اليوم اللي قرر فيه يروح يصالحه .. فضل يرتب ف كل الكلام وكل العتاب وف آذان الفجر سمع اسم صحبة بيتنادى عليه ف المسجد

من الصدمة كان هيتشل فضل يعيط ويقول يارتنى صالحته من تاني يوم اتخانقنا فيه ..

= أعرف ولد فضل يحب بنت 6 سنين دايماً كان بيخاف ويتردد إنه يقولهاا وكل تفكيره انها هترفض ..

ويوم ما قرر يستجمع شجاعته ويروح عشان يتقدملها

عرف انها اتجوزت وسافرت مع جوزها

اتجنن عشان يوصلها وبعتلها رسالة قالها فيها "قد ايه كان بيحبها وقد ايه كان نفسه يسعدها "

وكان ردها اللى هو متوقعهوش انها كمان بتحبه وكانت مستنياه طول الوقت ده بس خلاص الوقت فات وهى بقت ست متجوزة

بسبب الكلمتين دول جالو اكتئاب وكان هيموت م الندم انه اتاخر

قال يارتنى كنت روحتلها من زمان

- أعرف واحد اتخانق مع امه وسبلها البيت ومشي 4 شهور لا يعرف عنها حاجة ولا هى تعرف عنه حاجة .. ويوم ما قرر يحن عليها ويرجعلها

أهل المنطقة قالوله انها ماتت من حسرتها وقلقاها عليگ ...

جرى زى المجنون ع قبرها وقف قدامه يعيط بالساعات ويقولها "ارجعي دقيقة واحدة اصلحك واحضنگ فيها انا نفسي اشوفگ "

الفكرةة

اننا بنضيع سنين وناس بنحبهم عشان بنخاف من رد الفعل او كبريئنا بيمنعنا او عشان 100 سبب ملهمش لازمة

انطقوا واتحركو واتكلموا وقولو اللى جواكو قبل م الوقت يعدى

عاتبوا انسوا سامحوا اصفوا

الزعل والله بيروح بكلمة حلوة .. بضحكة صافية

بلمسة ايد .. او بحضن

مش مشگلة مين غلطان مش مشكلة مين ابتدا

أبتدوا انتو بالصلح بالخير .. متخافوش من رد الفعل

ممكن يگون ال انت مستنيه هو أصلا مستنيگ

أنسوا الغلطة اللى بينكو وكملو، متنسوش بعض عشان غلطة

#ماتزعلوش

[muemaa]

صباح الخير، ماتزعلوش

[majazeb92]

بما اني بعامل تمبلر معاملة مكان حواديتي اللي كأني بقولها لنفسي

فانا شايف ان مش المفروض ننسي علاقاتنا الحلوه واقصد المواقف الحلوه فالعلاقات عموما حد كان بينك وبينه عشره لمده طويله ناهيك عن حب وارتباط ومسك ايدين وارتفاع فمعدلات ضربات القلب فمواقف كتير لاتعد ولا تحصي كلمه طيبه اتقالت موقف جدعنه كلمتين ناعمين اتقالوا فلحظة مياصه اتسرقت من الزمن كده ف لحظة غفله من رجال الامن

خناقه اتصالحتوا بعدها صلح لطيف هديه عجبتك ديت انبسطتوا فيه عايزين تحرقوا كل الكلام الجميل ده افتكروه وافتكروا الخير اللي اتقدملكم واتمنولهم الخير ماكنوش وحشين معاكم والا كنتوا حبيتوهم ليه وانتوا اكيد ماكنتوش وحشين والا حبوكم ليه ولو المواقف فرقت بينكم باي سبب يولع ميتين ام السبب بس خلاص الطرق اتباعدت وكل واحد بيلهوا في حياته ماتزعلوش من كلمتين اتقالوا ساعة الفراق ونقلا عن مصدر مطلع لاطريقه جيده لتقول وداعا فسامحوا بعض عليهم الكلمتين دول

وليفني كلا في طريقه فالبغض والحزن هي احمال قد لا تتحملها اكتافنا نحن البشر

#كلام كله استوعاظ

[wild-wild-doo]

والله بيبقى نفسي اخد كل الناس الزعلانة من الدنيا دي واطبطب عليهم واديهم حضن واجيب لهم موكا أو عصير قصب واقولهم ماتزعلوش عشان انا عارفة الزعل من الدنيا ممكن يهبب ايه في عيشة الواحد

[kayanweb1]

"ماتزعلوش مني".. حكاية الوصية الأخيرة لصاحب ورشة سيارات أعدم

“ماتزعلوش مني”.. حكاية الوصية الأخيرة لصاحب ورشة سيارات أعدم

08:55 م الجمعة 23 سبتمبر 2022 كتب – محمد شعبان: من مصر القديمة إلى العمرانية غرب الجيزة يقصد صاحب مركز لصيانة السيارات الورشة عمله بحثا عن رزق حلال يعينه على أعباء الحياة وتلبية متطلبات أسرته من جهة وتخطي أزمة مالية ألمت به مؤخرا لكنه ذلك اليوم بدل السيناريو اليومي. جثة مسجاة على أرضية الورشة تحيطها بركة دماء وورقة تبدو رسالة، هكذا بدا المشهد لدى قيادة العامل لسيارة أحد الزبائن لبدء فحصها…

View On WordPress

#أزمة مالية #الجيزة #العمرانية #رسالة #طبنجة #مركز صيانة سيارات #مصر القديمة #ميكانيكي #وصية

[a-elsherif]

‏التنازل في حق نفسك مش تسامح ولا طيبه ده غباء، لما بتعدي كتير بيصبح إللي قدامك شايفك إنك مابتحسش و إن ماهما عمل إنت مش هتزعل .. ما يعرفش إنك بتزعل وتسكت عشان بس ماتزعلوش علي زعلك؛ ف تسكت وتاخد علي قفاك وإنت راضي ف تبص تلاقي إنك مائذتش غير نفسك….

[osama-1907]

‏التنازل في حق نفسك مش تسامح ولا طيبه ده غباء، لما بتعدي كتير بيصبح إللي قدامك شايفك إنك مابتحسش و إن ماهما عمل إنت مش هتزعل .. ما يعرفش إنك بتزعل وتسكت عشان بس ماتزعلوش علي زعلك؛ ف تسكت وتاخد علي قفاك وإنت راضي ف تبص تلاقي إنك مائذتش غير نفسك.

[pouringstaryeyes]

الموت بقى قريب جداً...وريحته بقت حوالينا في كل مكان...بطلو قسوة قلوبكم...شوية الورق اللي بتموتو بعض عشانهم...هما اخر حاجه هتفرق مع اي حد لما يمشي من الدنيا.....بطلوا بعد وجفا وقسوة بطلوا تاكلوا في بعض...ولو حتى مش حاسين بوجع الناس اللي حواليكم...سواء بتحبوهم أو لأ....تعرفوهم...او لأ...اوعو تستخفو بوجع ماتعرفوش عنه أي حاجه...وحتى لو تعرفوا...احنا مختلفين...وقدرتنا على التحمل مختلفة...ومعاركنا في الحياة بقت بثقل الجبال ...أو اثقل الحقيقة يعني...ماتكسروناش وترجعوا تقولو انتو اتغيرتو أوي... معلش ...ماتزعلوش مننا...اصل القزاز المكسور بيجرح.....وكسور الروح مابتتجبرش....... اهتموا بالناس اللي بتحبوهم....ماتوجعوش الخلق ، النفس ممكن يخرج ما يرجعش، وساعتها هتندموا بس بعد فوات الأوان.كان مره حد بيقول لما اموت ماتعيطوش عليا وتعملو نفسكم بتحبوني...اللي مابيقوليش أنه بيحبني وانا عايش... مايقولهاش لما اموت لأنها مش هتفرق معايا...

وقتها حسيت الكلام قاسي ...بس مع الايام...بتلاقي أنه فعلا... الحب اللي مش هحس بيه وانا عايش ...ايه لازمته بعد كده....

#heavy_thoughts

#never_mind

#mony_badwy

[meows4]

احنا موجودين على "أرض النسيان" ماتزعلوش خالص اذا حدا نساكم

[e5las]

ده مبرر جميل و قوي جداً يخليكوا ماتزعلوش و ماتبصوش ورا تاني..

[ihsanwahaq]

لما كُفار قريش كانوا بيشتموا سيدنا النبي و يقولوا عليه "مُذمّم"

عشان علي نفس وزن كلمة "مُحمّد"

ف كانوا الصحابة بيتضايقوا اوي إنّ سيدنا النبي بيتشتم

بس رد فعل سيدنا النبي كان جميل ورَحيم أوي

فبالرغم من إنه هو اللي بيتشتم ومحتاج اللي يهوّن عليه

لكن هو نفسه اللي كان بيهوّن عليهم ويواسيهم ويقول لهم :

" اتركوهم.. فإنهم يشتمون مُذمّماً و أنا مُحمّداً "😊

وكأنه بيقول لهم : "ماتزعلوش دول بيشتموا واحد تاني غيري"

عشان يهوّن عليهم ويصبرهم.♥️

#رحمة_للعالمين

[hadil-kim]

-على الجانب الآخر 😒

من ٨ شهور جاتلي عميلة ف عيادة المنوفية بتعمل تقشير لوشها وكانت هاتتجوز بعد ٢٨ يوم

وحصل معاها ان مادة التقشير وقع منها خطأً كام نقطة على طرحتها

فلما البنت لبست الطرحة؛ المادة لمست طرف وجهها عند السوالف

العميلة اتصلت بالسكرتيرة بالليل بتبلغها انها وهي خارجة من العيادة الدنيا تمام ومافيش مشكلة

اول لما نزلت للشارع بدأ ألم بالبشرة في المكان دا تحت الطرحة واول لما روحت لقت خط بني غامق عند السالف

قلتلها تستخدم كذا وكذا وتجيلي بكره ضروري

فعلا لما جاتلي استفسرت بالتفصيل الممل عن خط سير الجلسة علشان اعرف الخطأ دا من مين

قدرًا ولا خطأ استهتارًا من الطبيبة

بعد التحقق من الامر لقيت ان الخطأ قدرًا وغير مقصود ومش استهتار

بس حاجة غريبة انها تحصل

وكانت البنت قلقانه هي دا هايسيب اثر قبل فرحها ولا لا

الوقت ضيق والفرح قرب

تابعت الحالة واللي زعلني جدا ان خطوبتها اتفركشت

خطيبها بيقولها الخط دا هايروح امتى انا متضايق من شكله قالتله اعتبرني مريضة ياسيدي مش هاتسندني ولا ايه مش عارف تستحمل

قالها واسندك ليه انا متجوز واحدة سليمة

قالتله يعني لو مرضت مش هاتقف جنبي قالها لا طبعا اخد واحدة مريضة اعمل بيها ايه انا واخدك سليمة

قالتله انت بتهزر صح؟

قالها لا طبعا

فالبنت اخدت قرار وفسخت الخطوبة

انا كل دا مستاءة جدا من اللي حصل وحاسه بالذنب تجاهها بإني سبب فيه حتى وان كان قدرًا وغير مقصود

خصوصا ان البنت ظروفها سيئة جدا ووحيدة اب وام مسنين

ايه اللي حصل بعد فسخ الخطوبة؟

اللون اختفى تماما

تمامًا كإن شيئًا لم يكن!!

ودي كانت حاجة غريبة لانه كان خط بني قاتم

غريبة انه يروح تماما بدون اي اثر نهااااائيًا

ودا زود استغرابي اكتر

قعدت افكر.. كان ليه اللي حصل!! طب كدا الخطوبة اتفسخت عالفاضي!!

جاتلي بعد شهر بالظبط بتقولي انها اتقرت فتحتها على مدرس في الكويت

وقالها انا عارف ظروفك المادية ماتجيبيش جهاز انا هاجيبلك كل حاجة

اخدتوا بالكوا من خط السير المرتب وتدبير ربنا وقدره!!!

شوفتوا اللفة اللي حصلت دي كلها كانت علشان ايه؟

الغلطة الغريبة اللي حصلت للمريضة بدون قصد وازاي الغلطة دي اختفت تماما بمجرد فسخ الخطوبة وماتتركش اثر وكإنها لم تكن

كل دا بس علشان ربنا عايز ينجدها❤️

خطوبة سيئة تتفركش وييجي مكانها شخص احسن

ربك قطع عنها شر ووصلها بخير عظيم ليها

لو سلمتي أمرك لله اوعي تفكري في الاحداث ربك بيدبرها ازاي وليه

كوني على يقين انها هي دي الخير

الايمان بالقضاء والقدر خيره وشره والصبر والرضا عند الابتلاء

بدون التفكير في (ليه يارب عملتلي كدا واشمعنى انا بالذات) و و و وغيرها من صور رفض الابتلاء

وماتستناش العوض والتدبير بصورة عينيه واضحة

ممكن يكون العوض دفع ضر او تعويض بنفس الشئ المفقود او حتى مجرد راحة وطمأنينة بالنفس

ماتزعلوش ابدا من ترتيب ربنا وقدره

يدبر الأمر..👌

"وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ"

🌺

د/شهيرة الغلبان

🌺Shahira El-ghalban

[mrmohamedmagdy]

الورده مكانها في البسان لما تبص للورده هاتعجبك ولما تعجبك هاتجري تروحلها وتشمها ولما تحبها هاتقطف الورده .... لما تمتلك الورده🌷 محدش هاياخدها منك بس مع الوقت ريحة الورد هاتختفي وبعد كدا تدبل الورقه خليك جانب الورده واستمتع بيها. الكلمات الحلوه دي مابتتنسيش والتعب تعب القلوب مش تعب الجسد والرزق بتاع ربنا وحب ربنا اهم. ماتبخلوش علي اللي بتحبوهم بكلمه حلوه.. قربوا من اخواتكم احبابكم اصحابكم اسالو علي بعض حسوا ببعض عشان لما حد يروح مننا ماتزعلوش في يوم من الايام يروح مننا ... مش شرط انو #يموت ... لا ممكن يكون عايش بس قلبه مات من ناحيتك. وتقولوا ياريتنا كنا سالنا او اطمنا ... الكلمه الطيبه صدقه والابتسامه صدقه الدنيا مش مستاهله والحياه حلوه بينا لما نكون مع بعض. #٢١يناير٢٠٢٠ https://www.instagram.com/p/B7l_j40hh78/?igshid=1asvitcjmocd8

#يموت #٢١يناير٢٠٢٠

[ze2redism]

ماتزعلوش من اللي بيشيلوا الهم لوحدهم و مايتكلموش ولا يحسسوا حد بالمشكلة .. سيبوهو يا هايغرقوا ف همهم يا هايدوبوا زي الملح و ماحدش يحس بيهم

[nourhanreda2020]

اليوم انهارده عمرى ماهنساه ماتت واحده عزيزه علينا كلنا .. كلنا بنحبها وبنحترمها وبتحبك بجد من قلبها اخر كلمه قالتها ماتزعلوش انا كويسه وانا بحبكم كلكم الست دى مكنش ف حد ف طيبة قلبها ربنا يصبر ولادها يارب ويهونها عليهم يارب

[egymanposts]

النقطة بتاعت انتى وصحابك دى نقطة كنت تناقشت فيها مع زميلتى فى العمل وقولتلها تخيلى انك بتعملى كل الانشطة ال بتحبيها مع صحباتك ال هما فى نفس الوقت زوجات جوزك يعنى انتو دلوقتى روابطكم اصبحت اقوى واصبحتو مثل الاخوات وانتو اصلا كائنات اجتماعية !

الى جانب انكم هاتفيدو بعض فى تدبير امور البيت و فى تبادل الخبرات فى اساليب التربية و غيرها من الحاجات ال هاتساعد على تقوية اسس بيت الزوجية ! طبعا كان رد فعلها اهبل و قعدت تتمسخر عليا بل وكرهت صحبتها كلهم لمجرد انها تخيلت الموقف فقط !!!

عمتا ماتزعلوش الرجالة اصلا "وحطو الف خط تحت كلمة راجل دى عشان احنا بننقرض بالفعل" ما بقاش معاها فلوس ولا فيها دماغ لتحمل المسئولية قضوها بقى صحوبية !

#مصر #تنمية بشرية حقيقية #تنمية بشرية #الارتباط #الزواج #هو #هى #الرجل والمرأة #خليها تعنس #التعدد