witchtime-world

[witchtime-world]

Чаму ў лабараторыі пры працы з канцэнтраванымі кіслотамі і шчолачамі выкарыстоўваюць пальчаткі і ахоўныя акуляры?

Відавочны адказ – каб не атрымаць хімічнага апёку.

Я вось атрымала апёк ад канцэнтраванай азотнай кіслаты (па выпадковасці, але ўсё ж). Зараз я «гордая ўладальніца» памяранцавага пальца тыдня на два :)

Чаму ж ад канцэнтраванай азотнай кіслаты атрымліваюць такі колер скуры?

Адказ: ксантапратэінавая рэакцыя (ксантос – жоўты, пратэін - бялок)

Хімія ксантапратэінавай рэакцыі:

Ксантапратэінавая рэакцыя з'яўляецца адной з якасных рэакцый на бялкі. Хаця насамрэч яна выяўляецца толькі калі бялкі маюць бензольныя групоўкі. Так, жэлацін не дае ксантапратэінавай рэакцыі.

Як напрыклад: фенілаланін, тыразін, трыптафан

Азотная кіслата, дзеючы на змешчаныя ў бялку рэшткі араматычных кіслот, ператварае іх у нітразлучэнні жоўтага колеру.

Напрыклад:

Што адбываецца пры апёку азотнай кіслатой?

Азотная кіслата аказвае раздражняльнае і прыпякальнае дзеянне на скуру. Таксама скура змяняе колер на жоўты. Так, першапачаткова скура набывае жоўты колер, а не аранжавы.

Пры асцярожным дадаванні да рэчываў, што прарэагавалі, раствору NH3, або іншай шчолачы з'яўляецца чырвона-аранжавая афарбоўка, абумоўленая ўтварэннем нітронавых кіслот.

Прыклад:

Што ж рабіць пры апёку?

Прамыць вадой на працягу 15 хвілін і накласці павязку з растворам соды. Потым можна лячыць скуру з дапамогай розных лекаў, напрыклад пантэнолам.

Літаратура (калі цікава):

Методы биохимии растительных продуктов. Петров К. П. Киев, издательское объединение «Вища школа», 1987, 224 с.

Всеволод Владимир Некрасов. Руководство к малому практикуму по органической химии. М., Издательство «Химия», 1964 г.

https://xumuk.ru/encyklopedia/2215.html

Ведерников М. И. Техника безопасности при производстве, хранении и транспортировании аммиака. М., «Химия», 1977 (Библиотека молодого рабочего по технике безопасности)

#Хімія #беларускі тамблер #беларуская мова

[witchtime-world]

Божухна, мне боязна пісаць нават сяброўкам. 😅 Але ўсё ж такі напісала групе па перакладам коміксаў.

А-А-А-А-А-А-А-А-А

#беларуская мова #беларускі тамблер

[witchtime-world]

[witchtime-world]

American McGee’s Alice

Гэта гульня была адной з першых у маім жыцці у жанры жахаў. Таму я заўсёды пяшчотна ставілася да яе. Але пераклад, які я мела, быў не лепшы.

Вось дыск з самой гульнёй. Пераклад толькі на тэкст, але мне заўсёды гэтага хапала (ангельская агучка найлепшая). Але я падумала: чаму бы мне паглядзець, што знутры гульні? Таму я пачала чытаць файлы гульні.

Файлы гульні былі зусім не схаваныя. Першы, што я знайла, быў мануал да гульні (дзе ты быў усе гэтыя годы :((((().

Але гэта не самае цікавае!

Ёсць у тэчцы гульні файлы з пашырэннем .pk3. І вось я вынула файлы з іх)

Там я знайшла тэчкі з тэкстамі, якія выкарыстоўваюцца падчас гульні. 

Таксама там былі шрыфты.

І вось я захапілася ідэяй перакласці гульню самастойна. Але я толькі пачала і не зусім ведаю, што і як працуе. Ды да таго ж гульня мае мноства каламбураў, якія вельмі цяжка перакласці. Ды ёсць і іншыя праблемы.

Самы просты пераклад - гэта прыклад з майго дыска. Перакладчыкі проста бралі ангельскія літары і перамалявалі іх на рускія. Але ў гэтага метаду ёсць некаторыя праблемы: у мяне не было літары Щ :))))))). Вось так) Таксама знутры налад былі недахопы. Клавішы заўсёды пішуць ангельскімі літарамі, але яны жа не засталіся! Таму іх нельга было прачытаць.

Я пакуль працую з файламі гульні і не магу нават абяцаць пераклад гульні. Але чаму не паспрабаваць?

Калі ласка, пішыце пра хібы ў тэксце! 😘

#american mcgee’s alice #пераклад #беларуская мова #беларускі тамблер #Беларусь #гульні

[witchtime-world]

Перыядычная сістэма элементаў

У мяне гараць тэрміны, таму мяне не будзе тыдзень або два. А пакуль трымайце табліцу Мендзялеева з класічнымі назвамі элементаў на беларускай мове.

Цалкам мая праца)

Гэта png, таму што я не змагла далучыць pdf(

#Перыядычная сістэма элементаў #беларуская мова #Беларусь #беларускі тамблер

[witchtime-world]

Гульні на беларускай мове

Беларуская мова не самая распаўсюджаная ва ўсім. Усе ведаюць прычыны, але каб некалькі вам было больш весела, я паведамлю пра гульні на беларускай мове. І не, гэта не дурныя гульні для дзетак.

Як я знайшла гульні на беларускай мове? 

Ёсць такі сайт Belazar. На ім акрамя перакладу таксама магчыма пстрыкнуць вось такую спасылку.

Бачыце Soft па-беларуску? Нам туды.

Няшмат, але падыдзе. Я пасля, магчыма, паспрабую зрабіць свой пераклад, калі будзе час. Ёсць адна лёгкая на пераклад гульня 🙃

Пстрыкнула я Silent Hill 3

Спампуйце і далей па інструкцыі...

Не здзіўляйцеся, я ўсталявала паверх рускай версіі.

Няблага, так?

Добра, што ў нас у нашым інвентары?

Але монстры на яго збягаюцца як на ..... гаўно ....?

Я спадзяваюся, што вам спадабалася)

Я буду пісаць і далей пра гэту гульню ці пра іншую, але мне вельмі жахліва ад яе)))

Я б была ўдзячная, калі вы напішыце пра абмылы ў тэксце. Я толькі нядаўна стала пісаць па-беларуску і мне гэта даецца нялёгка. Я не баюся крытыкі.

Вялікі дзякуй за падтрымку! ❤

#Беларусь #беларуская мова #silent hill

[witchtime-world]

Дзень восьмы

Здаецца, я ўжо зусім не хварэю. Амаль усе сімптомы сышлі, акрамя адсутнасці пахаў і невялічкага болю ў вачах.

Я пачала гэты блог для апісання сваіх дзён пакуль я хварэю, таму мне патрэбна зараз або яго зачыніць, або перавесці ў іншы бок.

Дзякуй за чытанне! 🥰 Магчыма я працягну гэты блог)

#Беларусь #covid #беларуская мова #Дзякуй

[witchtime-world]

Дзень сёмы

Вось цікавая рэч: пахі могуць знікаць і узнікаць пры каронавірусе. Учора пахі былі, а сёння -- не 🙃

Лічу, што мне становіцца лепш. У мяне ўжо амаль няма кволасці і тэмпературы, але яшчэ баляць вочы і галава.

Знайшла цікавую прапанову ад “Умовы для мовы”. Я паспрабавала паўдзельнічаць. Сдагадайцеся што..? Правільна! 😊 У першым жа лісце мне адказалі, што яны не чытаюць неправільна аформленыя звароты :) Не, гэта правільна, так. 

Але адчуваецца тое, што яны проста нават і чытаць не хацелі. Пісьмо прыйшло занадта хутка.

Паспрабуйце паўдзельнічаць усё роўна (●'◡'●)

#Беларусь #covid #беларуская мова #малако #умовыдлямовы

[witchtime-world]

Дзень шосты

Ці вы ведалі, што пры каронавірусу ў вас можа балець нос, нібыта ў яго залілі жавель? 

Сёння панядзелак і таму я павінна была з’явіцца на занятках (у мяне ДА). Пакуль у мяне няма ліста ад доктаркі, я не магу проста не з’явіцца на заняткі. 

Але да мяне так і не прыйшлі дактары :( 

Вялікі дзякуй за падпіску rumianesk-blog! <3 Спадзяюся і далей чытаць твае артыкулы :3

#Беларусь #беларуская мова #covid

[witchtime-world]

Дзень пяты

Сёння ўжо пяты дзень майго карантыну. Мне яшчэ не лепш. Сёння зноў павялічылася тэмпература (37.8) ды баляць мае вочы. Пакуль я адзіная, хто адчувае сябе горш кожны дзень.

Сёння амаль не працаваў інтэрнет, я не змагла сабраць паці. Але магчыма наступны раз :3

#Беларусь #covid

[witchtime-world]

Дзень чацвёрты

Сёння ўжо чацвёрты дзень на карантыне. У мяне амаль зніклі пахі і павялічалася тэмпература (37.2). Я некалькі не пападаю па клавіатуры. Я перапісвала гэты тэкст ужо каторы раз. У астатнім усё добра. У маёй сям’і лёгкая форма каронавірусу.

Спрабавала сабраць паці пагуляць у AmOnG Us. Але я мяркую, што людзей будзе няшмат. Усе адказваюць, што яны нубы.

#Беларусь #covid

[witchtime-world]

Дзень трэці

Сёння да нас прыйшла доктарка. Яна дала падпісаць нам аркушы аб карантыне. Тата больш не адчувае пахаў і смакаў, а ў мяне моцная кволасць. Мама адчувае сябе як учора.

Ніхто нам не рабіў тэсты на кавід (акрамя таты), але мне сказалі, што ў мяне ён ёсць.

Сёння глядзела аніме на беларускай мове. Прапаную гэта зрабіць і вам. ^_^ (Anibel)

#Беларусь #covid

[witchtime-world]

Дзень другі

Сёння ў маёй маці павялічылася тэмпература (38.4 градуса) і тата адчувае сябе яшчэ горш. Дактары на аналізы пакуль не прыехалі. Я адчуваю кволасць. Мне нядобра.

У нас вельмі розныя сімптомы, таму не спадзявайцеся на парады ў інэце.

Але я не страчваю пазітыву :3

#Беларусь #covid

[witchtime-world]

Дзень першы

Сёння мяне адправілі дадому: мой бацька захварэў на кавід. Раніцай і днём ён адчуваў сябе добра, але вечарам яму стала горш. Я адчуваю сябе добра. Але я, напэўна, інфіцыраваная.

Пабачым што адбудзецца далей :) Насіце маску ды мыйце рукі, сябры. Гэта зусім не цяжка, а вам будзе лепш. 

#Беларусь #covid