okba

[okba]

شهر في العسكر

قبل سنوات كنت رايح نعقب العسكر، ديت معايا ثلاث كتب نفوت بيهم الوقت، وسيالة منعرف علاه ديما في الكابة رغم انني منيش مالف نخربش ياسر.

فوتت الاسبوع الاول كملت كتاب، تالمو لقعاد ديما وخدمت الكرفيات عادي حتى كانو لبعض يتكسلو وفوق لغاشي، هدرو معايا عرفتهم بلي ضامنين الاعفاء، قتلهم انا ثاني نوزن قنطار وعشرين وضامن الاعفاء، خاصة كانو يوكلونا غير العجائن 5*5 وكان بالي رايح وزت في الوزن، عكس لي حكمهم ستراس وبداو يطيحو في الوزن، بصح كنت نخدم الكرفيات عادي حتى صارو لي يتكسلو ثاني يخدمو لكرفيات مع لغاشي خطراه اقتنعو بلي مام ضامنين لخرجة بصح ماخاسرين والو يربحو لملاحة مع لغاشي وايامات العسكر تربح رجال ماطيحش بيهم في بلاصة اخرى.

كان كل يوم لعشية يدخل كميو ويتعين نائب عن كل فوج يوصوه يشري سقايط من الكميو، ايا مالا عطيتهم الستيلو وكل مرة يكتبو في كاغط تع باطة الفرماج لي يجي في نص.

كانو يكتبو ويعاودو في الطلبات: شمة، ريم، قرعة حمود، ريم ماجور شمة ماء حمود ريم ماجور شمة ريم حمود... مكانتش تكفيهم الورقة، ايا دبرت عليهم يرسمو جدول يقسموه على زوج يكتبو طلب والعدد، صارت الورقة يقسموها على عدة ايام وتكفي عادي، مالا حسبوني ذكي سيرتو كي شافوني نقرا لكتب، وانا خارج الاخير في البرومو هه بصح وشيه قريت معلوماتية تعلمنا الجدول، كانت اول مرة نحس استخدمت القراية في حل مشكل خاطي المعلوماتية.

[okba]

على كرشي نخلي عرشي

مالا وحد نهار عساس زاد عندو طفل جاب زرير طبصي للرجال وطبصي اكبر منو للنسا ولمدير عطاه طبصي كبير

مالا واحد معجبوش كي لنسا عطاوهم طبصي اكبر من رجال

مالا تفكرت طبصي المدير و نحيتلو لويفي

عيطلي قالي رحتلي لنترنت ارواحلي

قبل مندخل لبيرو رجعتلو الويفي

قالي سبحان الله مع دخلت رجع الويفي

قتلو خاف مني

مالا قاعد نشوف في طبصي زرير

قالي ارواح ذوق زرير

قتلو لا نتا لي ذوق وانا ندي لباقي

ضحك وقالي تستاهل

مالا رحت هبطتو لمصلحة الموارد البشرية عند هذاك لي معجبوش الحال

قتلو هني جبتلك حقك

ولا ديما يتفكرني هو من بعد

كون كليتو وحدي ويفض خلاص

بصح كيناكل مع ناس لبركة ديما يتفكروني في ماكلة مباعد

[okba]

رسالة التحفيز لطلب وظيفة

رسالة التحفيز هي لي تشوقنا باش نقراو السيفي

كما تسهل لنا قراءة السيفي لانو رح نحطو فيها نقاط القوة تاعنا لي عندها تأثير

وفي نفس الوقت تفهم وش رانا نحوسو

ونكتبو فيها واش رايحين نجيبو حاجة زايدة للشركة هذي، يعني القيمة المضافة

خاصة كي ماتكونش عندنا خبرة كبيرة في رسالة التحفيز رح نقولو مالقري معندناش اكسباريونص مي... ونهدرو على واش رواحنا

واش نقدرو نزيدولهم، انا شخص فعال ومتميز، عملي ذو جودة..

نكتبو حوايج هذاك الريكريتار يستناهم والكلمات لي يحب يسمعهم

قبل منبداو نكتبو الاتر لازم نورقانيزيو رواحنا، تكون عندنا معلوماتعلى هذيك المؤسسة، واش دير وشي هي نقاط القوة تاعها، عندها مشاريع مستقبلية

لازم تكون عندنا معلومة صحيحة، ماشي ابوبري هذا الابوبري ديما نحيوه

اذا قدرنا نعرفو شكون الريكريتار بعد ماذابينا

كي نعرفو معلومات عليها في البرويون برك طكطكطك نهدرو على رواحنا نزيدو نهزو معلومات على رواحنا

كيفاه نحبو نخدمو مع العباد ولا وحدنا والجو لكليما تع الخدمة والحوايج لي تموتيفينا المهم لازم نعرفو نشرحولهم بلي حنا هوما المهتمين اكثر بالخدمة هذي

هاو وش نعرف ندير، وانا مهيا لاي ظروف ممكنة

نبداو نكتبو...

اولا نكتبو الى السيد ونكتبو اسمو هيه لازم نحوسو على اسمو اذا قدرنا

المقدمة:

نهدرو عل�� المؤسسة

هذوك المعلومات في المحاولات لي درناهم قبيل نبداو نكونو بيهم جمل مفيدة

مام كان مالقيناش معلومات في النت لازم نحوسو بطرق اخرى

مثلا نحوسو على واحد يخدم ثما ولا نشوفو في فيسبوك ولا في المقهى بالاك واحد يسمع بيها ولا في العرس مثلا

سفا؟

العرض:

ضركا نبداو نطورو نهدرو على رواحنا

نبداو نهدرو على الخبرة لي رايحة تزيد حاجة للمؤسسة

نزيدو نشرحو واش كتبنا في السيفي مليح

نهدرو على نتائج بالارقام مثلا الوقت لي خدمنا فيه طلع الشيفر دافار من الرقم الى الرقم ونكتبو الرقم

نقدرو نهدرو كشغل بغينا نتعرفو على الريكريتار مثلا انا زت في لبلاصة الفلانية وباغي نتعرف عليك اكثر

دايما مش مليح نعقدو الامور، دايما مش مليح نهدرو بزاف نعودو ثقال هكا، خفيف ظريف طاكطاكطاك

دونك الهدف هو نجاوبو واش قالولنا في لوفر

اولا واش لحوايج لي فيا تموتيفي

ثانيا واش نقدرو نجيبو للمؤسسة

بالنسبة للموتيفاسيو نهدرو على لحوايج لي تهمنا في لوفر

اما وش نقدرو نزيدو نهدرو على الكاليتي تع الخدمة تاعنا ونهدرو شكون حنا بصدق مش نقولو انا طموح انا مميز انا فعال وحنا مناش، ماهوش اوفر تع زواج

سفا؟

لحوايج لي مالازمش نقولوها:

نكتبو لبرية غير باش نجاوبوهم برك

نشكيولهم بلي مكاش فرص والدولة ماهيش لاتية بينا

نهزو لاتر من لنترنت كوبي كولي، شفنا لوفر تاعكم في الجرنال هذاك نهار بلابلا

نهدرو على سلبياتنا

نكتبو رسالة طوييييلة

سفا؟

الخاتمة:

نكتبو رانا نسناو تعيطولنا مام ماترجعولناش رايحين نزيدو نبعثولكم هه

تلقاو السيفي تاعنا في ملف مرفق

تحياتنا الخالصة

الاسم والامضاء

نصائح اضافية:

نكتبو في ورقة كاليتي مليحة

نفصلو بين الجمل

نعبرو على سلبياتنا بايجابية

اذا مكانش خبرة نهدرو على حوايج نعرفو نديروهم ودرناهم من قبل في بلايص اخرى/ في الدار في جمعية ولا في القراية

بعد منكملو الرسالة نعرضوها على عباد وحدوخرين ممكن كشما يكتاشفو غلطات

سافا؟

[okba]

دورة الطبيعة في المنزل

رانا في اواخر افريل، بدا يسخن الحال، وبدات تخرج الفراشات وتتفتح الورود.

بدات دور الحشرات المنزلية، جو مقبول لتكاثر الحشرات.

دو كو وليت كي نحط الماكلة للارانب مايجي يفوت عليها نهار حتى يبدا ينوض فيها الدود.

الارانب حساسة من الحشرات والحرارة، خاصة كي تكون بكرشها تنقص المناعة تاعها.

لازم ديما نقعد نعسها وندير الوقاية نظف المحيط لي فيها.

ونشوف اي بداية تع مرض نزرب نعطيها الدوا تاعها وانا نكره الدوا، لازم كي نداويهم نصبر شهر ومباعد نقدر ناكلهم.

نصحوني بكري نبنتر لرض بالجير باش يمنع انتشار الحشرات المضرة.

لكن الجير يأثر على الارانب ايضا لوكان مانبنترش مليح يتخلط مع الماكلة.

وبما ان الدود فيه بروتينات كثيرة، كنت نطلع الدجاج لمكان الارانب باش يتغدى على الدود وتعم الفائدة على الجميع.

كان حل جميل وصحي، كل شيء يبقى طبيعي.

انا نحب الحلول الطبيعية هذا لعام مكانش الدجاج راني حاصل حصلة كبيرة، مكاش كيفاه، انا ثاني رحت ذبحتو كامل العام هذا، تقول مجداق جاج.

هذا وين بانت بلاصتو، كان الفروج مداير حس كبير في الدار، كل ساعة يعوعش ويدافع على دجاجاتو.

كانو الجاجات يجيبو البيض حتى كبرو وصارو بلا فائدة في نظري عليها ذبحتهم، هةما برك متكاثروش عندي، ممكن مالقاوش الجو المناسب.

كانت مجموعة الحيوانات دايرة دورة حياة طبيعية صحية بالمنزل، مكانش اي فضلات مضرة او ترمى، كنت استغل كل شيء:

الارانب والدجاج والمعاز تأكل فضلات الطبخ من قشور وبقايا الطعام.

بقايا الطعام لي ماكلاتهاش الحيوانات ياكلها الدود.

الدود ياكلو الجاج بعد مايخصب التربة مع فضلات الحيوانات.

التربة تاكلها النباتات، بوه تساعد النباتات باش تنمو، حديقة المنزل تعمرت ازهار واشجار فواكه.

انا ناكل الحيوانات والفاكهة ونشم النوار.

بقايا الحيوانات ياكلها القط.

القط يأكل الحشرات والفئران.

بقايا النباتات ياكلوها الارانب والماعز.

والكل يستفيد ...

ربي يدومها نعمة، هذو بكري كانو عايشين هكا، وانا حبيت نجرب معيشتهم ونبدل حوايج ونتعلم، كانت تجربة هايلة ..

هذي نفحة من نفحاتي مابغيتش نخليها في قلبي، حبيت نشاركها بالاك يسخفو الناس ويجربوها كيفي ولا خير مني ..

[okba]

Nature, Animal Themes, Tree, Hello World, Relaxing, Animals, EyeEm Animal Lover, Village Life, Enjoying Life, Nature_collection, Beautiful Nature, Goats, Goatourism by عقبة on EyeEm

#Nature #AnimalThemes #Tree #HelloWorld #Relaxing #Animals #EyeEmAnimalLover #VillageLife #EnjoyingLife #Nature_collection #BeautifulNature #Goats #Goatourism

[okba]

Relaxing, Hello World, Infosys, Information Technology, Computer Keyboard, Computer Monitor, Computer Bug, At Work by عقبة on EyeEm

#Relaxing #HelloWorld #Infosys #InformationTechnology #ComputerKeyboard #ComputerMonitor #ComputerBug #AtWork

[okba]

عمرهم ثلاثة اسابيع بداو ياكلو يا جدك..

[okba]

Rabbit, Babyrabbit, Animals, In My Garden, Relaxing, EyeEm Animal Lover, Beautiful, Cute Rabbit, Village Life, ارنب, حيوان, صغار الارنب by عقبة on EyeEm

#Rabbit #Babyrabbit #Animals #InMyGarden #Relaxing #EyeEmAnimalLover #Beautiful #CuteRabbit #VillageLife #ارنب #حيوان #صغارالارنب

[okba]

يشعر بالطبيعة..

[okba]

مرض فروجي

مرض الفروج ديكي الجميل ذو الالوان الزاهية كانت وقفته في الحضيرة لا مثيل لها كان هو الوحيد الذي تصدى الى جبروت الدجاجة الاولى، صاحبة المكان، منتجة البيوض كان الاول الذي يهرب من اي خطر كان لا يصيح في الفجر.. ربما لانه مازال صغيرا كان اكثرهم اكلا واصغرهم سنا كان مدللا بعض الشيء مرض الديك ولم افعل شيئا لا بيطري في قريتنا ولا دواء حاولت اطعامه لكنه رفض فقط يشرب الماء طول النهار كلما مرت عليه دجاجة نقبته في رأسه وكأنهن يقلن انت ضعيف ولا تصلح لقيادتنا وضعته فوق السطح بعيدا عنهم لينام في هناء مع مرضه ماباله مرض وبقية الدجاج لم يمرض هل حرم من اللقاح ضد مرض؟ ام انه ضعيف مثل دجاج الكهرباء ام ان اكله تغير من فتات الخبز الى الشعير هل اصابه برد؟ فلماذا لم يصب بقية الدجاج! حياة الديك مرتبطة بمستقبل التدجين في المنزل لا ادري هل اشتري ديكا آخر ام اذبح بقية الدجاج ولن ادجن ابدا ايا ايها الديك مرضك فسد علي فرحة بيضة الامس كان علي ان اسأل اكثر على تربية الدواجن قبل ان اخوض التجربة حسبتها تكمن في تحضير مكان وطعام وفقط وا خيبتاه على فروجي :’( 

[okba]

Welcome Weekly Rooster, Chickens, In My Garden, Enjoying Life, Relaxing, Animals, Village Life by عقبة on EyeEm

#Rooster #Chickens #InMyGarden #EnjoyingLife #Relaxing #Animals #VillageLife

[okba]

Relaxing, Taking Photos, Hello World, Rabbit, White Rabbit, Animals, In My House, Cute, EyeEm Animal Lover, Cute Rabbit by عقبة on EyeEm

#Relaxing #TakingPhotos #HelloWorld #Rabbit #WhiteRabbit #Animals #InMyHouse #Cute #EyeEmAnimalLover #CuteRabbit

[okba]

محاولة جيدة للمحافظة على الريتم

قبل أسبوع أصيبت قدمي بتشنج عضلي فأرغمت على توقف التمارين الصباحية، لم اذهب لطبيب ظنا مني انه مؤقت وسأشفى منه قريبا.. بعد عجزي على تأدية تمارين الاحماء المعتادة اشتريت ارانب، صنعت لهم جحر وصرت اخرجهم كل صباح ومساء الى حديقة المنزل، يجرون ويلعبون.. الامر الذي لم أضعه بالحسبان هو امساكهم وارجاعهم الى الجحر كي احميهم من القط المرعب، لم افق على نفسي حتى وجدتني اطاردهم واجري واعرق.. فعلا قمت باستبدال تمارين الاحماء الصباحية بالجري وراء الارانب لفترة اسبوع، الى اليوم لم اشفى تماما لكني اذهب للملعب يوما بيوم واجري قدر المستطاع، لا أريد ترك الجري الصباحي من جديد.. ليس لأني اريد تخفيض وزني بسرعة فقط بل لفوائد اخرى كتقوية عظلة القلب والتمتع بالنشاط والحيوية طيلة اليوم، طبعا التمارين الصباحية وحدها لا تكفي للخفض من وزني، لابد من المداولة على رياضة تعجبني.. لا تضحكوا علي فالجري وراء الارانب مع استعمال العقل مجهد ايضا وهذا سبب استمرار انخفاض وزني بعد توقفي عن التمارين.. فكرت في قيادة الدراجة، ثم في السباحة، لكني لم اوفق في البدء بهم، لحد الآن الرياضة الوحيدة التي يمكنني فعلها كل يوم هي المشي، والتي استطيع معها ممارسة هواية التصوير الفوطوغرافي.. انا بعد ما جبت الارانب زت سخفت على جديان يعني قلت انا نحب نمشي ونصور ندورها راعي مواشي وفرات، على الاقل نزيد في الفايدة ههه، منعرف.. تبق هذو مجرد نفحات يجو في وقت ويروحو في وقت، كل وقت وظروفه، التحدي تيعي هو مواجهة هذه الظروف قدر المستطاع وكسر حاجز الوقت بالمداومة على فعل ما احب مهما يكن، بالارادة والطموح وتقوية المعنويات…

[okba]

الأرانب، عالم غريب!

ليوم طلعت للسوق لقيت طفل يبيع ارانب، انا من بكري حبيت نجرب تربية الارانب، شريت عليه ثلاثة.. جبت النهار نوجدلهم عشة، وحطيتهم مع بعض، وشيه واحد منهم مشوك في عزلة، وزوز لخرين لاصقين في بعضاهم.. مزال ماكتشفتش السبب، يبان مريض مثلا؟ وهوما محبوهش يعديهم، ولا ماهوش خوهم ولا كي خمج على روحو في الطريق بالاك جاه اسهال ولا اصعاب في كرشو.. مهم قلت نحطهم في جنينة ونشوف، بديت بهذاك لي يبان مريض، مع حطيتو مركحش، يشم منا ومنهيت، ويقفز ويتحرك، زمان هكا الحقت به الزوج لي بقاو مالا تشوك في عزلة، ولخرين مركحوش.. يبان يحشم منهم ولا هوما حقروه، خي ارانب زعما ناس ملاح كامل، انا العبد قاعد نتخايل في امور تصرى غير في عالم البشر، خطش منفهمش عالم الحيوانات، وعلى هذا حبيت نربي بزاف حيوانات، نقرعج عليهم ونفهم علاه.. نحيتلهم شوية حشيش، والحاجة لمليحة وليت نرميلهم قشور الخضروات، من اليوم فصاعدا قشور الخضر وبقايا الطعام رح يكلوهم الارانب، يحيا الطبيعة، يحي العدل.. قالك لحمهم بنين :D كاش نهار نشومر نذبح وناكل، منعرفش نذبح! رح نتعلم فيهم، او مزال الوقت رب يطول عمرهم وميمرضوليش برك.. هذي من نفحات لي نديرهم مرة في العام اني نرب حيوان اليف، نتمنى متكونش نفحة وتصير مشروع عندو فايدة وسيرتو نكتشب منو الخبرة والشيب!

[okba]

Rabbit, Relaxing, Animals, Animal Photography, Garden, In My House, Taking Photos, Check This Out, Hello World, White Rabbit at elkantara by عقبة on EyeEm

#Rabbit #Relaxing #Animals #AnimalPhotography #Garden #InMyHouse #TakingPhotos #CheckThisOut #HelloWorld #WhiteRabbit

[okba]

Spider, Nest, Inside, Insects , Macro Photography, Nature, Garden, Macro Insects, Insect Photography, Check This Out at elkantara by عقبة on EyeEm

#Spider #Nest #Inside #Insects #MacroPhotography #Nature #Garden #MacroInsects #InsectPhotography #CheckThisOut

[okba]

Relaxing, Taking Photos, Check This Out, Lightining, Hello World, Nature, Sky, Clouds, Night, Light at elkantara by عقبة on EyeEm

#Relaxing #TakingPhotos #CheckThisOut #Lightining #HelloWorld #Nature #Sky #Clouds #Night #Light