sandrineeva - Tumblr blog

sandrineeva · 1 month

Text

طول ما انت ما مرقت باللي أنا مرقت فيه لا تفتي.. ممكن ؟

تعريفك للأشياء ناتج عن تصورك الخاص، تعريفي للاشياء ناتج عن تصوري وتجربتي الخاصة..

إياكي وإياك تحكيلي أنا لو كنت مكانك كان عملت، انت مش مكاني.. وبس!

لو تطول نجوم السما وتعملهم سنسال..انت ما حتعرف اللي قبالك شو مر فيه وشو شاف.. ولا تفكر انك ممكن تتصور..او تفترض او تتخيل..او تحكي بكل استفزاز مقيت (شو بده يكون ماله ؟)

وقت انت تبرمج حالك انه التعب صداع، غيرك عنده التعب جلسة كيماوي، غيرك عنده التعب ريحة امه مشتاقلها، غيرك عنده التعب رحم مش قابل يحوي جنين لضعفه، وغيرك التعب انها طول النهار لابسه كعب 10 سم ! ..

هيك احنا طاقات وقدرات..ناس بتتحمل وناس ما بتقدر تتحمل.. لاتنزل طاقتك عغيرك..ولا تفرضها عليه لأنك وقتها رح تكون ظالم..وحسبنا الله بكل ظالم....

فيه ناس ما بتتحمل فكرة غياب حدا بتحبه وممكن تلاقيها فرط قلبها تعب من الحنين .،، في ناس قلبها حيط وقدرتها عالفراق شي مبهر ... ناس بتهتم للكلمة، وناس دفشة بالحكي لدرجة القسوة... ناس مصلحجية وماعندها مشكلة ولا اللي حواليها عندهم مشكلة انهم مصلحجيين وكل حياتهم بس تبادل اواعي واكل ورصيد وفواتير..،،وناس لو حست انه المقابل مش بحبها لتفاصيلها وبحبها مصلحة ممكن تنشف روحها وتتيبس وتموت داخلياً.....ناس بنفعلها تتزوج حدا اكبر منها ب20 سنة...ناس ما بنفعلها..ناس بنفعلها تشتغل وتدرس....ناس ما بنفعلها..

احنا مش قوالب مستنسخة.. احنا شعوب وقبائل لتعارفوا..هيك الله قال..

عادي نترك بعض بسلام..بس لحتى تمرق هال50 سنة بهالكوكب وبعديها كل واحد يلتهي بجنة عرضها السما والارض مشان ما حد يفضى يراقب حد..

سيئات غيرنا مش رح تتحول حسنات النا النميمة على الناس بتوخد منها السيئات وبتعطي الحسنات .والجنة بتوسع كل الناس..وبطلوا افتاء..ومواعظ عن بعد .ولا تحكم على بني ادم وتحكي عليه لانو انت اسوء منو .ولا تستغل شخص على حساب شخص اخر . وحده الله بيعلم ابعاد كل شي بنمر فيه.. وفكرة انه كلنا نكون نسخ عن بعض شيء مقيت..👌🏼👌🏼

راقت لي

26 notes · View notes

sandrineeva · 2 months

Text