أدركت مؤخرًا إن وصل بكتير من الأشخاص الحال إنهم بيهربوا من العلاقات المستقره الواضحه المريحه و بدل ما الطبيعي الإثنين يكونوا مضمونين وواضحين ومش متلاعبين مع بعض بقي معظم العلاقات اللي بتستمر اللي فيها طرف متلاعب أو مؤذي أو غير متاح عاطفيًا أو محسس الطرف الآخر بالتهديد ، ليه الحكاية متبقاش سهلة وبسيطة ؟
لو في حد شاف أحسن وأصدق نسخة منك وده مكنش كفاية بالنسباله، ف مفيش أي حاجة تانية هتعملها هتبقى مفيدة. ولا إنتقام ولا غيظ ولا عتاب ولا حتى تتعمد تتجاهله عشان يعرف قيمتك. لو حد الحلو بتاعك أصلًا معجبوش، أكيد الوحش مش هو الحل. ولو الوحش كان حل ف تأكد إن لو شخص هتكسبه عشان تقلت عليه/حسسته بالإهمال ف رجعلك، فالأكيد إنه شخصية ملهاش أصول ولا تستحق.
دايمًا الحل إنك تبعد بطريقة محترمة وهادية، بدون ما تضايق حد أو تبوظ حاجة جميلة عندك عشان تعلم أي حد أي حاجة. بس حافظ على نفسك لنفسك ولناس تعرف تفهم طبيعتك وتحبها من بدري.