بنضل عالآسك إذًا! ما بنعرف بعدين شو ممكن يصير وأتحمس آجي عالدي إم ..
شفت شو كتبتي عن اليوم المشمس، كنت زمان ما أحب الشمس وأفضل الأيام الشتوية أكثر، يمكن إحنا بخلفية ثقافتنا الشتا إله مكانة خاصة، أنا بحس بحييني طول السنة، مو بس شتوة نيسان.. والشمس اللي بتيجي فجأة بعد المطر لطيفة كمان..
كيفك انت وفيروز صح؟
هي الإنسانة الوحيدة اللي بقدر أعتبر إنها ضلت مرافقتني بكل لحظة بعمري، بعتبرها من الشغلات المدهشة والخاصة فينا، ما بعتقد بأي ثقافة أو عند أي شعب في شيء مشابه لتعلقنا بفيروز، التعلق الصباحي تحديدا ولو إنه هي عندي بكل وقت وكل زمان
صباحك جميل متل صوت فيروز جاي من بعيد وهي بتغني شايف البحر شو كبير، متل ما عم بسمعها هلأ..
يا حبيبتي أنا!
ابتسمت وأنا عم اقرأ
علاقتي مع الشتوية معقدة.. من جهة بحب الكنكنة وقعدات الشتوية ظريفة بس شوي هالبلاد بتصعب علي القصص.. إنو يعني كيف فينا نستمتع وكل هالأطفال بالشوارع حفايا وبردانين.. كل هالناس اللي مو لاقية شي تدفأ عليه؟. يعني مرات لما اقدر افتح قلبي للدنيا وارضى فيها بحب أجواء الشتا.. بحب المشي.. وبحس إني خفيفة ومن جواتي راضية.. راضية عن كل شي. الشمس بعد المطر.. ما في شي مبهج متلها! يمكن اليوم مقدرة الشمس كثير لأني مبارح تحممت بمي باردة.. بتعرفي حسيت البرد لعنة.. ما في كهربا بوقت كافي لتسخن المي وبخاف الغاز يخلص.. فتحممت بكل الأحوال، لهيك اليوم بس صحيت وشفت الشمس ابتهجت.. مرات بفكر إني ما بحب البرد.. لأن بس بربطه بالبرد بكل شي.. بالعلاقات والأحلام والحياة. بس عموماً علاقتي مع الطقس معقدة ومعتمدة كلياً على مزاجي والمشاهد اللي بكون عايشتها براسي وماشية اطبقها على هالدنيا.
بحب فيروز.. فيروز هي بيتنا وبلادنا وشوارعنا، فعلاً ما في ناس متعلقين بفيروز متل ما نحنا متعلقين فيها، بتلاقيها بخلفية كل قصصنا.. بحزننا بسلامنا بفرحنا بحبنا بوجعنا.. بكل تفصيلة بحياتنا فيروز حاضرة. جزء لا يجزأ من نهاري فيروز الصبح، مع إنو كمان بسمعها بكل وقت.. وهون بفكر شو بيعنيلنا الصباح؟ الصباح اللي بيبدأ بفيروز وفنجان القهوة.. دليل على رغبتنا بالاستمرار والمحاولة، رغبة بشوية سلام ودفا نحسهم قبل ما نطلع للعالم ونقاتل لنعيش.. إنو شو رأيك ليش تعلقنا فيها صباحي تحديداً؟ يمكن اذا هيك عنجد بيعني الصباح.. كل وقت بسمعها رح يكون صباح.
انت أول ما يخطر في بالي حين استيقاظي و بدونك لا يكتمل صباحي فنجان #قهوتي ☕ #صباحي 🔆 في ذكرى صديقي #صديقي 🚵 #يوميات 🚢 #انويجي 📝 (في فندق الماسة /مصراته) https://www.instagram.com/p/CpMe8lcNq4y/?igshid=NGJjMDIxMWI=