تكميم المعدة تجربتي الكاملة
موضوع كامل ومهم عن #التكميم واتمني تعملوله شير ومنشن لإستفاده اكبر قدر ممكن من الناس
مساء الخيرات 🙋🏻♀️
انطلب مني كتير اتكلم عن تجربتي فالتكميم فانا هكتب تجربتي لكم واعصر مخي عل وعسي حد يستفيد ومعلش الموضوع هيكون طويل عشان هيكون مفصل من عده نواحي حتي النواحي الاجتماعيه
وزني كان ١٣٥ و بقي ٨٣ تقريبًا و طولي ١٦٠سم
مبدأيآ كده فيه اكتر من عمليه للسمنه وانقاص الوزن مش بس تكميم
زي عمليات الحلقه وتحويل المسار والبالون ولكن التكميم اكتر عمليه اثبتت نجاحها بمنتهي القوه وفرضت نفسها عالساحه 😅
وهقولكم معلوماتي البسيطه عن العمليات دي
البالون كويس لما تحبوا تنزلوا سبعه ولا عشره كيلو
يعني حاجه بسيطه كده تنفع لعروسه قبل فرحها مثلا ولا واحد حابب يعمل فورمه للساحل😅 يعني دي عمليه الناس التوتو اما التكميم ده بتاع الوحوش اللي زينا 💪🏻😼😡🤣🤣
البالون اجراء كيوت ( مش عمليه ) وبدون بنج عباره عن بلع كبسوله وتعبئتها بسائل ازرق عشان اذا انفتحت بالغلط ( حالات نادره جدا ) راح يظهر السائل الازرق فالبول وبالتالي تروح تزيل البالونه ( وفلوسك تروح معاها🙃💔)
البالونه بتعبي المعده فبتحسسك انك شبعان دايما ولكن بعد ازالتها خلاص بترجع معدتك فاضيه وكبيره بنفس حجمها وهتجوع تاني وتتخن تاني وكأنك يابو زيد ماغزيت🌚
الحلقه بقي عباره عن اسوره ضيقه عالايد بالضبط . حلقه كده بتقفل بيها المعده بس المشكله مرات الجسم بيرفض الحلقه دي لانها جسم غريب وبيعمل مضاعفات ومرات بيحصل مشكله في جزء من المعده بيضمر ويتعفن وبالتالي هتضطر تزيل الحلقه وتعالج و كأنك برضو يابو زيد ماغزيت تاني🙃🌚
تحويل المسار بينفع في حالات زي مثلا بتكون عامل عمليه تكميم قبل كده والدكتور فشل فيها ( او اصلا عندك مشكله فالمعده ) فمش قادر تقصها فالتكميم
..
فتحويل المسار هنا هيكون خيار تاني بعد التكميم اللي هو مفترض يكون الخيار الاول
ف لو ماعندكش مشاكل اصلا يبقي انسي العمليات دي كلها وادخل عالوحش التققققققققيل
😍 التكمييييييم😍👍🏻
التكميم اكتر عمليه سمنه اثبتت نجاحها المبهر 😍 وهي عباره عن ازاله ٨٠٪ مِن المعده وترك ٢٠٪ فقط وهو بحجم الموزه فقط
الدكتور الصح اللي مش مادي لازم يعمل العمليه دي للناس بشروط و حسب الوزن والكتله والعظام والدهون ولازم كتله جسمك تكون فوق ال٤٠<< حاجه كده يشرحوها لكم الدكاتره انا ناسياها
يعني ممكن واحده وزنها ٨٠ كيلو ينفع تعمل تكميم وواحده تانيه وزنها ١٠٠ كيلو وماينفعش تعملها لان ممكن اللي وزنها ١٠٠ يكون عندها فرق طول او تُقل وزن بسبب العضلات او العظم مش الدهون
عموما اصحاب السمنه الزايده غالبا بيقدروا يعملوها مافيش مشاكل 😍
لازم قبلها بشهور تسألوا عن الدكتور كويس جدا وتدورا عالنت وتشوفوا آراء الناس عليه
انا عملتها عند الرااااائع الدكتور عبدالله المليفي بالكويت و اول حاجه انطلبت مني هي رفع نسبه الحديد فالدم لانه كان نازل و اخدت كورس حديد فالوريد اسبوعين وتحسنت وبعدها عملت منظار جرثومه المعده وطلعت عندي فاخدت كورس انتيبيوتك تقريبا عشره ايام وبعدها الجرثومه راحت ثم توكلت وعملت العمليه << كل اللي انا عملته من رفع حديد و دوا للجرثومه مش هتعملوهم خااالص لو تحاليلكم سليمه
العمليه يومين الي ٤ ايام وتطلعوا . البطن بتبقي منفوخه بغاز عشان الأعضاء تبعد عن بعض ويعرفوا يقصوا المعده فبعد العمليه بيشربوكم كل شويه ميه عشان ترجع ومع كل ترجيع بيطلع الغاز . يعني ماتخافوش من الترجيع اللي هيحصل فالأيام الاولي ده طبيعي واصلا كل ما تفكروا في شكلكم بعدين هيبقي ازاي هتنسوا اي تعب
طبعا اول يوم الدكتور بتاعي اداني كتيب فيه المسموحات والممنوعات << الموضوع مش هزار لازم تنتبهوا اوي علي الموضوع ده
لان من ضمن الممنوعات علي البعض بعد التكميم عدم شرب عصير عنب او كركاديه لان بعض الناس بيحتاجوا بعد العمليه كورس كام يوم ابر سيوله<< حسب نصيحه الدكتور
والعصير ده بيضاعف قوه ابر السيوله . يعني لو مطلوب تاخد ابره فاليوم .فمع العصير ده أكنك واخد جرعتين او تلاته من الابر وممكن تموت اوفر دوز . وبسبب الاهمال واحد توفي بعد التكميم لانه كان بيشرب العصير ده وهو مكتوب في تحذيرات المشروبات للي هياخدوا ابر سيوله ممنوعين منه بس هو طنش للكتيب
المهم
الدكتور كاتب فالكتيب عدد الوجبات ونوعيتها وكميتها كل شهر لمده اربعه شهور عشان أتدرج فالاكل مع مراجعه دكتوره تغذيه
و ايضا اداني فيتامين لذيذه اوي زي جيلي كولا حسب احتياجات جسمي ومشيت مع دكتوره تغذيه عشان ابدل وجبات مش بحبها بحاجه تانيه اقدر اكلها
الالتزام بجدول الاكل مع الفيتامينات خلي بشرتي تحسنت وشعري ماوقعش عكس ناس كتيره بتهمل وبتبقي لونها ازرق وشاحب وشعرها بيخف
طيب لو دكتورك ماعندهوش الميزه دي ولا
بيدي كتيبات بقي ولا الجو ده كله هتعملوا ايه !؟؟
عادي جدا دكتورك هيقولك في ورقه عن الاكلات المبدأيه اللي تعتمدها زي السوائل الخفيفه فالاول والشوربات وكده وانت تابع مع دكتور تغذيه بعد العمليه مباشره ٤ الي ٦ شهور وبعدها انت هتعرف تأكل نفسك وتركز علي ايه وتطنش ايه
الناحيه الاحتماعيه
بصوا ياجماعه احيانا كده بيبقي حوالينا ناس مريضه بمرض اسمه
(( مش عايزين حد يبقي احسن مننا )) فممكن يكونوا عاملين تكميم ناجح او يعرفوا حد متكمم ومبسوط ورغم كده يقولولكم ان فلان بيعاني معاناه مريعه بسبب التكميم وان فلانه ماتت
بسبب التكميم وانه وانه وانه
الناس دي عايزينكم محلك سر .. مبسوطين بتدهوركم صحيًا وبهدلتكم
فيه نوع اخر بيحبك فعلا بس هما بيخافوا من العمليات وبينقلوا خوفهم ليك
ويقولولك . طيب ليه تعمل عمليه وتقطع فجسمك وتدفع كمان فلوس !؟ خساره فلوس وبهدله عالفاضي
يابنتي وشك هيتعدم وتبقي مسلوعه زي فلانه
طيب ليه التكميم ماتعمل ريجيم احسن ؟! علي اساس اننا ماجربناش مليون مره ومانفعش🌚
المهم تقطيييييم تقطييييم وفالنهايه ماحدش هيحس بمعاناتك غيرك
الصح بقي انك تقعد مع نفسك تعرف راسك من رجليك لو تقدر علي الريجيم والجيم توكل علي الله ولو ماتقدرش يبقي تقعدوا كده (( شهور )) تدوروا عالدكتور المناسب وتفلو النت وتشوفوا آراء المتكمين عند الدكتور اللي عجبكم وبعدها اذا اقتنعتو توكلو علي الله
ليه بقول شهور !؟ عشان تكون داخل متطمن ومرتاح مع الدكتور اللي اخترتوه . بلاش حماس العمليه يخليكم تستعجلوا 🙂
هتدفعي مبلغ ااااااه . بس هتشتري نفسك وصحتك وهتبقي اشكالكم جميله ❤️😍
انا اصلا عندي الضغط ولما رحت اتكمم طلع عندي بوادر سكر ودهون عالقلب والكبد والطحال 😭💔 بفضل الله دلوقتي كولو خلاص باااح ماعدا الضغط بيحبني اوي مش قادر يبعد عني ثواني🌚🤣
وعقبالكم بكرا تعملوها وتبقوا الافضل من زمان😍👍🏻❤️
نصيحتي الاخيره اول سنه من التكميم مش بنشتري لبس خالص عشان بننزل نزول سريع ومحترم يعني ماتشتروش الا الضروريات اوي وبعد سنه انطلقوا بقي براحتكم😅
حطيت كل تجربتي بمنتهي الامانه و بتفاصيلها واتمني لكم كل الصحه و اني اقدر اكون افدتكم 🤗
منشن لحد جسمه مليان وحابب يعمل تكميم
او شير للفايده 😊👍🏻
#تكميم #تكميم_المعده #التكميم #تحويل_المسار #عمليات_السمنه #حلقه_المعده #عمليات #تجميل #ريجيم #دايت #قبل_وبعد
0 notes
اللهم لك الحمد والشكر بعد إتمام 4 شهور و 3 أيام خسرت 50% من وزني الزائد ولازال ...
اللهم لك الحمد والشكر بعد إتمام 4 شهور و 3 أيام خسرت 50% من وزني الزائد ولازال …
اللهم لك الحمد والشكر بعد إتمام 4 شهور و 3 أيام خسرت 50% من وزني الزائد 👌🏼💪🏼 ولازال للقصة بقية 🎬
#متكمم #تكميم #متكممين#رابطة_المتكممين #متكممين_السعودية#متكممين_العرب#رابطة_المتكممين_العرب #قص_معده #نزول_وزن #تخسيس#سمنه #قبل_التكميم#بعد_التكميم
متكمم ,تكميم ,متكممين ,رابطة_المتكممين ,متكممين_السعودية ,متكممين_العرب ,رابطة_المتكممين_العرب ,قص_معده ,نزول_وزن ,تخسيس ,سمنه ,قبل_التكميم ,بعد_التكميم
View On WordPress
1 note
·
View note
الان اقوى عروض #تكميم_المعدة في افضل المشافي التركية
طوال فترة شهر #رمضان_المبارك 🌙 نستقبلكم في مركزنا
وبالتالي
عملية تكميم المعدة هي الحل الأمثل
للحجز الرقم
🔴⚫️00905372601174🔴⚫️
healthhairclinic.com
هيلث هير كلينك للخدمات العلاجية وزراعة الشعر في اسطنبول تركيا🔻
◾️تابعونا في حساب المشفى🔺
انستقرام
👇
https://www.instagram.com/healthhairclinic/
#تكميم_المعدة
#متكمم
#تحويل_مسار_المعدة_المصغر
#تحويل_مسار_المعدة #جراحات_السمنة
#رابطة_المتكممين
#تكميم_المعدة_بالمنظار
#omani #islam #islamic #تصحيح_النظر #sweden🇸🇪 #israel #istanbul #turkey #takmem #danmark🇩🇰 #danmark #sweden🇸🇪 #sweden #swedengirls #تنحيف #زراعة_الاعضاء #hospital #israel #انقرة_تركيا #يلوا_تركيا #يلوا #يلوا🇹🇷 #yalova #yalovaüniversitesi #ankara #antalya #antalyaturkey #antalyaturkey #baghdad #الهلال_عشق #الاتحاد #الاردن #الهلال #النصر #الاهلي #الراجحي #مول #جدة #جدة_لايف #جدة_الان #كركوك #النجف #تنحيف #تنحيف_كرش
#نحافة #رشاقة #رشاقةدايت #دايت #دايت_عرب #مشاهير_العرب #مشاهير_العراق #مشاهير_اتراك #مشاهير #شدالبطن #البطن #ازالةالبطن #ازالةالكرش #الكرش #السمنة #السمنة_لاتليق_بي #السمنة_لا_تليق_بي #تكميم_معدة #التكميم #رابطة_التكميم #رابطة_المتكممين #رابطة_المكمكمين
0 notes