Tumhara hijr mana lun ? Agar ijazat ho ..
Main dil kisise laga lun ? Agar ijazat ho ..
Tumhare baad, bhala kya hain waada-o-paiman ?
Bas apna waqt ganva lun ? Agar ijazat ho ..
Tumhare hijr ki, shab-ha-e-kar mein, jaana ..
Koi charagh jala lun ? Agar ijazat ho ..
Junoon wahi hai, wahi main, magar hai shehr naya,
Yahan bhi shor macha lun ? Agar ijazat ho ..
Kise hai ? khwahish-e-marham-gari, magar phir bhi,
Main apne zakhm dikha lun? Agar ijazat ho ..
Tumhari yaad mein, jeene ki aarzu hai abhi,
Kuch apna haal sambhal lun ? Agar ijazat ho ..
Jaun Eliya
Glossary:
1) Waada-o-paiman - Promise and affirmation, commitment, the solemn promise
2) Shab-ha-e-kar - Nights of engagements
3) Khwahish-e-marham-gari - Desire to apply ointment; provide cure