#aal-e-aba | Explore Tumblr Posts and Blogs

shiaislaminpictures · 10 months

Text

The Verse of the Cloak Banner

#imam hussain #imam hassan #islam #aal-e-aba #ahl-ul-kisa #ahl-ul-bayt #hadith-al-kisa #hadees-e-kisa

8 notes · View notes

islamicgleam · 6 years

Text

"Khaak-e-Karbala"

Bint-e-Ali(a) Ne Mujhko Chadar Bana Liya Hai,

Main Khaak-E-Karbala Hun, Rutbaa Mera Juda Hai.

Karte Hain Rashk Mujh Par Kausar Ke Bhi Kinaare,

Zainab (s) Ke Sar Main Maine Do Saal Hai Guzaare,

Mera Har Ek Zarra Har Zulm Ka Gawaah Hai,

Main Khaak-E-Karbala Hun, Rutbaa Mera Juda Hai.

Akbar(a) Jawaan Qasim(a), Ghazi(a) Se Chaand Taare,

Zainul Imaan(a) Meri Aagosh Mein Utaare,

Yaani Lahoo Nabi Ka Mujh Mein Mila Hua Hai,

Main Khaak-E-Karbala Hun, Rutbaa Mera Juda Hai.

Roti Hu Yaad Kar Ke Woh Bekasi Ka Manzar,

Maula(a) Chhupa Rhe The Mujh Mein Woh Laash-e-Asghar(a),

Uss Din Se Aaj Tak Na Mujhko Sukoo'n Mila Hai,

Main Khaak-E-Karbala Hun, Rutbaa Mera Juda Hai.

Shohdaa-E-Karbala Ke Zakhmo'n Ko Maine Chooma,

Zahra(a) Ki Betiyo'n Ke Kadmo Ko Maine Chooma,

Iss Waaste Hi Meri Taaseer Mein Shifa Hai,

Main Khaak-E-Karbala Hun, Rutbaa Mera Juda Hai.

Akbar(a) Ki Laash Par Jab Shabir(a) Jaa Rhe The,

Uthte The, Baithte The Aur Ladhkhada Rhe The,

Manzar Woh Abh Bhi Meri Aankhon Mein Phir Rha Hai

Main Khaak-E-Karbala Hun, Rutbaa Mera Juda Hai.

Aye Zaaereen-E-Maula Chalna Yahan Sambhal Kar,

Quraan Fatima(s) Ka Bikhra Hua Hai Mujh par,

Naa Jaane Kis Jagah Par Kiska Lahoo Gira Hai

Main Khaak-E-Karbala Hun, Rutbaa Mera Juda Hai.

Momin Tu Bhi Karle Aale Aba Ka Matam,

Jo Shaam Mein Gayi Thi Us Be-rida Ka Matam,

Mamnoon Maatami Ki Makhdoom Fatima(s) Hai,

Main Khaak-E-Karbala Hun, Rutbaa Mera Juda Hai.

#ya allah #ahlulbayt #ya rasool allah #allahuakbar #ya hussain #karbala

8 notes · View notes

syedrezaabbas · 6 years

Text

"Shaheed e Insaaniyat" Imam Hussain bin Ali (as) :

Salam use ke agar baadshah kahein usko

To phir kahein ke kucch usse siwa kahein usko

Na baadshah na sultan yeh kya satayish hai

Kaho ke khamis e aal e aba kahein us ko

Khuda ki raah mein shahi o khusrawi kaisi

Kaho ke rehbar e raah e khuda kahein us ko?

Khuda ka banda khuda wandagaar bandon ka

Agar kahein na khudawand kya kahein usko?

Farogh e jauhar iimaan Hussain Ibn e Ali

Keh shama e anjuman e kibriya kahein us ko

Kafeel bakhshish e ummat se ban nahin padti

Agar na shafa e roz e jaza kahein usko

Maseeha jis se kare akhz e faiz e jaan bakshi

Sitam hai kushta e tegh e jafa kahein usko

Udu ki sam’e reza mein jagah na paaye woh baat

Keh jinn o ins o malak sab baja kahein us ko

Bahot se paaye a gard e rah e Hussain buland

Ba qadr e fahm se gar keemiya kahein usko

Nazara soz se yaan tak bas ek zarra e khaak

Ke log jauhar e tegh e jafa kahien us ko

Hamare dard ki yaa Rab kahin dawa na mile

Agar na dard ki apne dawa kahein usko

Hamara munh hai ke dein uske husn e sabr ki daad

Magar Nabi o Ali marhaba kahien usko

"Yeh ijtehad ajab hai ke ek dushman e deen

Ali se aa ke lade, aur khata kahein usko"

"Yazeed ko to na tha ijtehad ka paaya

Bura na maaniye gar hum bura kahein usko"

Ali ke baad Hasan aur Hasan ke baad Hussain

Kare jo un se burayi, bhala kahein us ko?

Nabi ka na ho jise aeteqaad kafir hai

Rakhe Imam se jo bughz kya kahein us ko?

Bhara hai ‘’Ghalib’’ e dil khasta ke kalam mein dard

Ghalat nahin hai ke khoon e nawa kahein us ko

Mirza Ghalib

#shaheed #mirza ghalib #imam hussain #shia #sunni #azadari #ahlulbayt #muslim #quran #urdu #shayaari #urdupoetry #najaf #karbala #muhurram #mir anees #lucknow #pakistan #india #qasida #souz

30 notes · View notes