#كلام مع النفس

[mooka97]

انا مبقتش عاوزة اشوفك وبتجنب مؤخراً أي مقابلات هتكون فيها، بس ليه بشوف ناس كتير في أيامي شبهك وببص عليهم على أمل إنه تكون ... انت!!

#كلام #كتابات #كلماتي #مشاعر #مجرد كلام #كلام مع النفس #words #feelings #thoughts #افكار #night #افكار الليل #بوح اخر الليل #الليل

[es-r-aa7]

هو من سيبقي لك … فاعتني به واجعل له وقت مخصوص 🌼

#quran #quran kareem #quran ayah #كلام الله #قران كريم #قران #رسائل قرآنية #آيات قرآنية #تأملات قرآنية #جلسات مع النفس #فذكر #mine ❤️ #my details #my own stuff

[karim700-blog]

‏أنا بحب سورة البقره جدا ، بس دايما كنت بسأل نفسي سؤالين وماكنتش عارفه إجابتهم

أول سؤال هى ليه سورة البقرة اسمها كده؟

ثانى سؤال هو ايه علاقة مواضيع سورة البقرة ببعضها ، يعنى ربنا سبحانه بيتكلم فيها عن مواضيع كتير أوى ، ايه علاقة المواضيع دى كلها ببعضها ؟

سورة البقرة من أكثر السور القرآنية اللى المستشرقين خدوا عليها مطاعن ، كانوا بيقولوا سورة 286 آية 49 صفحة ، انت مش عارف انت طالع منين وداخل فين ،

د

كل شوية الموضوع يتغير .

بل لدرجة إن بعض كبار علماء التفسير قال سورة البقرة لايوجد ترابط بين آياتها ، فهى سورة كلها أحكام .

وظهر فريق آخر من العلماء ردوا على المستشرقين إن مافيش كلمة فى القرآن مالهاش حكمة ،

بل كل كلمة ليها حكمة وترابط مع غيرها لإن ده كلام ربنا سبحانه .

اجابة السؤال الأول وهو سبب التسمية ، واحد من بني إسرائيل قتل واحد تاني ومكانوش عارفين مين اللي قتله ، راحوا لسيدنا موسى -بصفته النبي- وسألوه مين اللي قتل ، باعتبار انه أكيد متصل بالله ..

ف ربنا رد على سيدنا موسى بأمر ذبح البقرة الصفراء عشان كده هما ردوا بعدها "أتتخذنا هزوا"

يعني احنا بنقولك مين اللي قتل الراجل تقولنا اذبحوا بقرة !

وقعدوا يماطلوا كعادة بني إسرائيل ، بعد ما ذبحوا البقرة، ربنا امرهم يضربوا الشخص المقتول بعظم البقرة الصفراء المذبوحة، ولما عملوا كده الشخص قام بعد موت وقال مين اللي قتله.

"فقلنا اضربوه ببعضها كذلك ييحي الله الموتى ويريكم اياته ..".

القصه كلها عن معجزه تبين قدرة الله تعالي وانه لا يستحيل عليه شئ .

إجابة السؤال الثانى:

باختصار هنحاول نربط الآيات ببعضها فى إيجاز .

سورة البقرة جزءين ،

الجزء الأول عبارة عن 3 قصص ل 3 خلفاء فى الأرض .

الخليفة الأول هو سيدنا آدم

"إنى جاعل فى الأرض خليفة" .

ربنا كلفه تكليف وكانت النتيجة إنه عصى ثم أطاع و جاب 50% فى التكليف "وعصى آدم ربه فغوى "

الخليفة التانى بنى اسرائيل

"ولقد اخترناهم على علم على العالمين".

ربنا كلفهم تكليف ، كانت النتيجة 0% مسابوش معصية فى حق الله إلا فعلوها .

الخليفة الثالث إبراهيم عليه السلام "إنى جاعلك للناس إماما"

كانت النتيجة 100% وأطاع تمام الطاعة .

الجزء التانى من سورة البقره كله أحكام :،

احكام الصيام والقصاص والأسرة وتحريم الربا وأحكام الدين والإنفاق .

ربنا قبل مايقول لنا الأحكام ، بيقول لنا انتو هتبقوا مين فى التلاته ،

هتبقوا زي آدم (تطيعوا وتعصوا) ،

ولا زي بنى اسرائيل "قالوا سمعنا وعصينا"

ولا زى ابراهيم تطيعوا تمام الطاعة .

علشان كده الجزء الأول كان فيه قصة الثلاث خلفاء وبعد كده الجزء الثانى الأحكام والتشريعات

وفي الآخر قوله تعالي "لله مافى السموات ومافى الأرض وإن تبدوا مافى أنفسكم أو تخفوه يحاسبكم به الله ".

لما نزلت الآية راح الصحابة للنبى صل الله عليه وسلم وبكوا وقالوا يارسول الله أمرنا بالصلاة والصيام والزكاة فصبرنا وامتثلنا لأننا كلفنا بما نطيق ولكن هذا تكليف بما لانطيق ،

فقال النبى صل الله عليه وسلم لاتكونوا كبنى اسرائيل مع موسى قالوا سمعنا وعصينا ولكن قولوا سمعنا وأطعنا ، ف لما قالوها وأكثروا منها مدحهم الله بقوله تعالى "آمن الرسول بما أنزل إليه من ربه والمؤمنون " ، "وقالوا سمعنا وأطعنا غفرانك ربنا وإليك المصير ".

ونزل التخفيف من الله عنهم بقوله "لا يكلف الله نفسا إلا وسعها لها ماكسبت وعليها مااكتسبت" .

والختام بدعاء الصحابة لله بقولهم

"ربنا لاتؤاخذنا إن نسينا أو أخطأنا " يعنى بلاش تعاملنا يارب زي آدم لو عملنا زيه ف نسينا التكليف او أخطأنا ف تطردنا من جنتك .

"ربنا ولاتحمل علينا إصرا كما حملته على الذين من قبلنا" متعاملناش يارب زي بنى اسرائيل ، الإصر هو الشىء الثقيل على النفس لإن ربنا قالهم

(فتوبوا إلى بارئكم فاقتلوا أنفسكم) .

"واعف عنا واغفر لنا وارحمنا أنت مولانا فانصرنا على القوم الكافرين ".

اذا اتمت القراءة فصلى على الرسول صلى الله عليه وسلم

[ker0o]

أنت مش مُجبر تقعد في مكان أو تبقى مع حد يسمعك كلام يسد النفس ..

كل الكلام البارد، الجارح، الظالم، اللي فيه تأنيب أو تشكيك، او تظاهر كداب، كلام قله الادب اللي بيقل معاه قيمه اللي قاله واللي قبل انه يسمعه، الكلام اللي فيه نميمه او حقد، تخوين، تخويف، مُعايرة ..

كل دا انت مش مُجبر تسمعه ولا تسمعه لغيرك، ولا انت ناقص تشغل عقلك وتوجع قلبك وتفقد تركيزك وسلامك عشان كلمتين لو مكنتش سمعتهم كان زمانك مرتاح عن كدا

الكلام دايما هو بداية كل حاجة .. بيعرفك عقلية اللي قدامك، وقادر يقلب مزاجك، بكلمة تعكننك وتنزلك من قمه روقانك، وبكلمة حلوة تطلع من قاع يأسك .. هي كلمة

ف حافظ على ودانك وأزرع نفسك وسط الناس اللي مش لازم دايما يبقى كلامها كله "معسول"، لكنه حقيقي وبيراعي مشاعرك

[khlooud-1]

هاتخرج اهو ولحد الآن مش عارفة انا متجهة لأي قانون، الأول كان اتجاهي إداري ومقتنعة جدًا جدًا بس انا بفكر في منصب معين من الاتجاه ده، متعشمة في ربنا يوصلني له لكن لا قدر الله لو ده ماحصلش لو معنديش اتجاه تاني حياتي هتقف حرفيًا، ف مؤخرًا بدأت أحب التجاري واتجه له.. الحقيقة هو ايوه مليان وفيه كلام كتير ويقطع النفس في المذاكرة ودي المادة اللي دايمًا السينيورز بيشيلوها بس انا كده بموت في الحاجات الصعبة، بجانب ان في محامي مرة قالي انتي هتنفعي اوي تكوني محامية قضايا تجارية اصل ماينفعش الشخصية البريئة اوڤر دي تشتغل جنائي وتتعامل مع قتالين قتلة😀

عمومًا اتمنى بعد فترة لما اقرأ البوست ده أكون وجدت ضالتي وفي مكان بحبه وحاسة فيه بإنتماء. ♥️

#personal

[jojulia]

اوقات الانسان بيبطل يعرف كيف يتوجه ولوين يتوجه بحياتو

فهو ببساطة بيتجه بالاتجاه المريح ل احساسو ، المريح ل النفس ، دائما بيكون ردة فعل الانسان عن اي شي بيصادفو بيهدف ل مصلحتو الشخصية ، هيك بكون ردة فعل الشخص البدائي ، فينك تقول ا��غريزة بتدفعك لهل الشي ، بعد فترة لما تقعد مع حالك وتفكر بافعالك وردود افعالك بتكتشف انك غلطان ب كتير امور ، كتير كلام ، كتير علاقات وممكن تكون غلطان ب نظام حياتك كلها ، فلازم يكون عندك مبادىء تمشي عليها ، تعبر عنك وعن شخصيتك وكالعادة " قيمنا الشخصية تحدد طبيعة مشكلاتنا ، طبيعة مشكلاتنا تحدد جودة حياتنا"...🤍 وهيك

[yooo-gehn]

حكى الممثل الجميل إيثان هوك، أنه في عشريناته كان بيحب شاعر أمريكي اسمه ألين جينسبيرج، وكان بيتابعه في كل لقاءاته، وفي مرة الشاعر ده كان ضيف في برنامج تلفزيوني شهير، وغنّى أغنية مختلفة عن كل أنواع الأغاني في زمنه، لدرجة إن أصحابه المفكرين قالوله إن الكل شايفك "أحمق"، والبلد كلها بتضحك عليك، وهو قالهم: كل الناس بتروح شغلها كل يوم، ويرجعوا البيت، ويتخانقوا مع أزواجهم، وياكلوا ويتفرجوا على التلفزيون، ولما يشوفوني يقولوا مين الشاعر الغبي ده؟ لكن أنا مش هذا الشخص. دي مش حياتي. أنا شاعر وسألعب دور الأحمق.

معظمنا نفسه يقدم للعالم حاجة ليها معنى. ليها قيمة. لكن المشكلة إن مش إحنا اللي بنحدد قيمة ما نقدمه للعالم، ولو كان التاريخ علمنا أي شيء، فهو إن العالم ناقد لا يعتمد عليه.

بيحكي المخرج الياباني العظيم أكيرا كوراساوا عن كواليس صنع فيلم "راشومون"، إن أحد المنتجين وقف ضد فكرة الفيلم باعتبارها كلام فارغ، الفرق الخالد بين منتج عينه على المكسب، ومبدع ومفكر بيغوص في الجوانب الخفية من النفس البشرية. أكيرا، أحد الفلاسفة التي ضلت طريقها إلى السينما، قال إن الفيلم بيتكلم عن إن "الإنسان مُغلق أمام نفسه"، وإن السيناريو ركز على احتياج الإنسان للكذب على نفسه وعلى الناس، وقال للمنتج لو أنت مش فاهم الفيلم، فالسبب إن النفس الإنسانية غير مفهومة أيضًا.

بعد عرض الفيلم وتحقيقه نجاح عالمي مبهر، نفس المنتج اللي كان بيحارب الفيلم، عمل لقاء تلفزيوني يتكلم فيه على أنه كان السبب وراء خروج راشومون للنور، واتكلم عن عظمة تكنيكات التصوير اللي هو أصلا كان بيحاربها، وقال أكيرا عن القصة: "يبدو أن راشومون يستمر".

السمة المميزة لعصرنا الحالي بالذات هو الرعب من إرتكاب خطأ يراه الآلاف على الإنترنت، الناس بتسن سكاكينها وجاهزين يسلخوا أي حد حاول يبدع بشكل غير مألوف.

لكن السؤال المهم هو، هل الإبداع الإنساني مهم؟ أنا فاهم إن معظم الناس مش بتقرا شعر أو بتفكر فيه أصلاً، كل واحد مشغول في حياته، ولكن لحظة، فجأة أبوك يموت. فجأة حبيبك يسيبك. فجأة ابنك يمرض. فجأة تفقد عملك ومصدر رزقك. ولما الحياة بتسحقنا وتدوّقنا المرار، مفيش أي شيء بيقدر يحسسك بالعزاء والسلوى، زي أنك تقرا شطر في قصيدة وتعرف منها إن أحدهم مر بهذا السوء من قبل، وتسمع جملة تانية في أغنية وتعرف منها إزاي حد تاني قدر يتجاوز مصيبتك. وتحس إنك مش لوحدك. الإبداع والفن هو الرابط الإنساني اللي بيجمّعنا، وينقذنا في أسوأ لحظاتنا.

لما نغني أغنية تلمس وتر في مشاعر الآخرين، لما نحكي قصة يستمتع بيها الناس، بنكون في الحقيقة بنستخدم الفن كحوار إنساني مشترك. المجتمع ممكن يربيك على إن أفضل طريقة لاستخدام الفن والإبداع هي أنك تكون فنان عشان تبقى مشهور أو ناجح أو غني. وده مش حقيقي. الحقيقة إن الاستخدام الأفضل للفن هو أنه يحركنا من ثباتنا أو ركودنا، يساعدنا نشوف حاجة ماكناش شايفينها، يساعدنا نحس بحاجة ماكناش حاسينها، وعشان كده مهم نخرج برا حدود المألوف، اسمع نوع جديد من الموسيقى، اقرا كتاب جديد، جرب فن جديد، وسع مداركك، وساعتها هاتحس بإن العالم أوسع مما كنت متخيل، وأنك موصول بعدد أكبر من الناس.

وساعتها لو حسيت أنك بتستكشف أرض جديدة عليك، وده خلاك تحس بأنك طفل لسه بيستكشف العالم، هاتفهم بالظبط القصد من كلام ألين جينسبيرج، لما قال أنا شاعر وسألعب دور الأحمق.

#تأملات في الفن

[t-ablog]

لتذكير نفسك وقلبك ...

‏فاكر قبضة القلب اللي حصلت لك

لمّا شوفت نعمة عند حد ؟!

( كان حسد ) ‼️

فاكر لما حكمت على حد حُكم و بعدها بشوية ظهرلك إن الشخص ده كويس جدًا ؟!

( كان سوء ظن ) ‼️

فاكر لّما استكترت نعمة على حد جواك ؟!

( كان حقد ) ‼️

فاكر لمّا شوفت خير هيروح لحد و عطلته علشان تاخده ليك أو ‏لحد يخصك ؟!

( غل) ‼️

فاكر لمّا مرضتش تركب عربية مع حد و قولت أي حِجة و كان المُبرر ال حقيقي إنه مش من مستواك تركب حاجة زي دي ؟!

( كان كِبر ) ‼️

محدش بيقف مع أمراض قلبه ❗️

ولا بيركز مع كل قبضة قلب حصلت ❗️

و لا كل مرة حس إنه " فوق " و اللي قدامه أقل ❗️ بنحكم على بعض وعلى غيرنا ‏كويس جدًا

وأي كلام عن الحسد أو الكبر أو أي مرض قلب

تلاقي إن إحنا اجدع ناس تقول :

( المفروض الناس تاخد بالها )

طيب هو انت مش من الناس دي ؟!

ركز مع قلبك وداخلك ❗️

ربنا بيربينا بإن المواقف

تيجي تكشف لنا امراض قلوبنا

علشان نعالجها بسرعة قب�� ما نقابل رب العالمين

لأنها جت صريحة في كتابه :

‏﴿ يَوْمَ لَا يَنْفَعُ مَالٌ وَلَا بَنُونَ *

إِلَّا مَنْ أَتَى اللَّهَ بِقَلْبٍ سَلِيمٍ }

‏السعادة سنه ..

السعادة تربية النفس ..

السعادة قوة ارادة ..

==== ===== ====== منقول

T

[iiumz]

‏من إدراكي الضئيل، وتعامل مع من تعاملت معهم؛ أظن إن عزة النفس بتغيب لو أثقلت نفسك بالحب.

‏هل أخطأت؟ قطعًا قللت من قدر نفسي، لما كنت حزين على أشخاص كانوا مشغولين بحياتهم لما كنت مشغول بهم، وتجاوزوا الموقف في نفس الوقت اللي وجدت فيه صعوبة لتجاوزهم

‏كتبت كلام لطيف وطيب، على أشخاص شافوا من الخير وقابلوني بالشر وانقلبوا ضدي، وأنا كنت زي المغفل مقتنع إن في سبب خفي أنا أجهله لبعدهم المفاجئ.

‏واكتشفت، بفضل الله، إن عزة النفس هي إنك لا تُصغرها أبدًا، لا تُظهر لأي إنسان قليل الأصل إنه أثر في حياتك، ولو شاف ضعفك بيزيد غروره أكثر.

‏عزة النفس، هي إني ما اعلق قلبي بغير الله، وفعلًا صدقت قول إن اللي بيحب شيء في الدنيا بيشقى به؛ يعني لو شغلت نفسك بشيء بتتحول حياتك بالكامل للتركيز عليه، وبتوليه مشاعرك كاملة: الفرح، الحزن.

‏مافيه إنسان في الدنيا شاف خير وقابله بشر ممكن ينحزن عليه، مافيه ابداً والله، وذول هم مجرد فواصل من فيلم طويل، حتى لو كانت فواصل سخيفة ومملة.

[ma7moud-5allaf]

محمود كيف أصلح نفسي المعطوبة، من أين أبدأ؟

أنا جدًا مقصرة جججدًا وكل ما قررت أبدأ أعود وانحدر.

لا مش معطوبة ولا حاجة .. هي دي النفس في صورتها الخام .. مُحبة للشهوات وهتجرك للمعاصي والعبادات ثقيلة عليها وعلشان كده هي عدوك الأكبر حتى تروضها فإما أن يمن الله عليك بالنجاح أو تموت على الطريق وأنت تحاول .. يا صديقي وقت ما تلاقي نفسك تايه اعرف ع طول إن الحل في الصلاة .. الحل دائمًا ما كان وسيكون الصلاة .. فالصلاة سبيلك للنجاة .. ﴿ .. وَأَقِمِ الصَّلاةَ إِنَّ الصَّلاةَ تَنْهَى عَنِ الْفَحْشَاءِ وَالْمُنْكَرِ ..﴾ .. إحنا بشر .. والإنسان ضعيف .. فهنغلط أكيد هنغلط ونقصر .. لكن المسلم لا يهون أبدًا على الله وفي النقطة دي المهندس أيمن قال كلام جميل أوي "‏بس أنا ضيّعت وقت! مش هلحق أنجح.! =المسلم في أي وقت إذا استدرك فهو يستدرك عند كريم، والله عز وجل كريم.. لو رأى منك خيرًا أعانك، إذا أريته من قلبك صدق النيّة يسّر لك أسباب الاستقامة ويسّرها عليك.. وفي أي وقت إذا تمّ سحب منك ورقة الإجابة ف أنت هتُحاسب على "النية"." ومن كام يوم سمعت درس جميل أوي عن حاجة أول مرة آخد بالي منها ﴿قَالَ رَبِّ ٱغْفِرْ لِى وَهَبْ لِى مُلْكًا لَّا يَنۢبَغِى لِأَحَدٍۢ مِّنۢ بَعْدِىٓ ۖ إِنَّكَ أَنتَ ٱلْوَهَّابُ﴾ في العادي إن أي حد فينا لما يغلط بيجيله الشيطان من مدخل "بقى ليك نفس تدعي وانت لسه عامل الذنب العظيم ده! مش مكسوف من نفسك! مش مكسوف من ربك." ولينا ف سيدنا سليمان أسوة .. بيتوب ويطلب من الله المغفرة وفي نفس الوقت بيطلب ملك عظيم يكون ليه هو لوحده بس! انت متخيل! بس ده الطبيعي من شخص عرف قدر ربه! ما انت مش بتتعامل مع انسان زيك .. انت بتتعامل مع الكريم الوهاب .. فعليك بالصلاة يا أنون ودايمًا تجدد النية والتوبة والدعاء ثم الدعاء ثم الدعاء واعرف انك بتسأل رب كريم فعظّم سؤالك واسأله كل حاجة من اصغر صغيرة في حياتك للفردوس الأعلى من الجنة.

#ask

[antenoracocytus]

الكتابة بالعربي رغم جمالها لكنها مرهقة؛ مش بس من ناحية تعقيد قواعدها و دقتها، و لكن كمان بحكم أنها لغتنا الأم فالكلام مرتبط معانا بالعاطفة. هي اللغة اللي اتطبعت في دماغنا من طفولتنا للإشارة لكلمات أو أشخاص مزروع في ذهننا عاطفة معينة تجاهم قبل حتى ما نعرف ايه المسمى اللي بيستخدم لوصفهم .

أنت بتشعر تجاه الأم مثلا بالحب و الأمان حتى قبل ما تعرف انها اسمها ماما. فالكلمة بترتبط تلقائيا بالحب و كل ما هتستخدمها في حياتك بعد كده هيرن في ذهنك نفس المشاعر الأولى.

بعكس الإنجليزية اللي أول معرفتنا بيها كانت أكاديمية هدفها الأولي التعرف على المقابل اللغوي الإنجليزي للكلمة العربية.

لما تقول مثلا كلمة (ماما) بالعربي فالكلمة بالنسبالك تحمل معناها اللغوي الحرفي و يضاف عليها معنى تاني عاطفي. بعكس كلمة mother بالنسبالك لا تمثل سوى معناها الاكاديمي، كلمة مجردة تهدف للاشارة لفرد من العائلة و فق��.

كلمات الاكل بالعربي مرتبطة معاك بالطعم /الريحة/الحب او الكره. كلمة يوسفي بتخليك تسترجع طعمه ريحته، بعكس tangerine. كلمة (بلطي) بتفكرك بطعم السمك/ريحته/ شعور الاستحسان أو القرف، بعكس tilapia اللي مش بتخليك تسترجع سوى ذكريات راوندات البارا. حتى الشتايم الإنجليزي وقعها أخف على النفس من المقابل العربي. و بالقياس نفس القواعد تسري على اي جملة هتستخدمها .

فيه مدارس أدبيه بتعتبر الترجمة خطيئة لأنك بتنقل المقابل المعنوي فقط و مش هتقدر تعرف شكل الشعور بالظبط اللي المؤلف كان بيقصد يوصله باستخدامه كلمة من اللغة( أ ) عشان تترجمها لكلمة مقابلة تنقل للقارئ باللغة (ب) نفس الاحساس (ملحوظة: الرأي متطرف و استخدامه للتدليل فقط) .

مثلا في الإغريقية فيه 4 كلمات من أصل لاتيني بيستخدموا لوصف كلمة "حب":

كلمة "philia": الحب بين الأصدقاء

و "agaphe": الحب الغير مشروط(في الإنجيل استخدمت بمعنى حب الرب لأبنائه)

و "eros": الحب بين العاشقين أو الحب الجنسي

و "storage": الحب بين أفراد الأسرة أو الحب الفطري

عند ترجمتها للإنجليزي أستخدمت لترجمتها كلمة واحدة love مع ان لكل منها إستخدام مختلف الشخص اليوناني بس اللي يقدر يستشعره. ونتج عن ده ترجمات غلط من اليوناني للإنجليزي (زي مؤلفات فلاسفة الإغريق) أو من اللاتيني للإنجليزي (زي نسخ من الإنجيل).

مثال تاني كلمة بخل ليها 3 مرادفات يوناني و ثرثار ليها مرادفين و كل مرادف ليه معنى subtle مختلف عن التاني.

في العربي, كلمات "السنة" و "العام" و "الحجة" كلها بتترجم ل "year" .مع إن فيه اختلاف بين كل زاحدة و التانية. "سنة" دلالة على مدة فيها شدة و عام دلالة على مدة فيها رخاء (فَلَبِثَ فِيهِمْ أَلْفَ سَنَةٍ إِلاَّ خَمْسِينَ عَاماً ) أي انه نوح دعى قومه ألف سنة كان بيعاني فيهم و الخمسين عاما دول هما اللي عاشهم برخاء بعد إغراق قومه. و الحجة دلالة على مدة الوفاء بدين أو واجب ( أَنْ تَأْجُرَنِي ثَمَانِيَ حِجَجٍ ) أي تشتغل 8 سنة كل سنة منهم حجة عليك لتسديد الدين.

بالمثل, كلمة "الأجل" تدل على مدة محدد نهايتها في المستقبل و "العمر" زمن غير محدد نهايته في المستقبل(أطال الله عمره /قضى أجله)

اللغة الأم بتمثل للمتحدث بيها شئ أكتر من مجرد إنها وسيلة تواصل. كل كلمة ليها إحساس مختلف, كل كلمة ليها معنى subtle مش هيوصل بالترجمة و هيكون Lost in translation. بالأخص لو المترجم مش بيستند على النص الأصلي و بيستند لترجمات وسيطة. و هنا ممكن تفرق بين جودة الترجمة و التانية من خلال هوامش المترجم اللي بيكتبها في محاولة لإيضاح المعنى/الشعور المفقود في اللغة المترجم إليها.

ممكن أكون مش بحب اكتب عربي لأني بحط كلام مثقل بعاطفة أخاف أكشفها قصاد نفسي او قصاد حد هيقرى الكلام. خوف مماثل لخوف الرسام في رواية The Picture of Dorian Gray من نشر لوحته علناً لإنه حط في الرسمة مشاعره اللي مش عايز يواجهها و لا يكشفها لحد.

بعكس الإنجليزي،حتى لو كان أفقر لغويا كتير من العربي إلا أنه كلمته اخف، كأنك بتتكلم و انت لابس ماسك أو كأنك بتتفرج على الشخص البريطاني اللي جواك و هو بيستخدم إيدك لكتابة رأيه هو و انت مجرد third person متفرج بيتابع الكلام من بعيد.

#my stuff #writing #لغة عربية

[lolaa-235]

هي المشكلة ف طبع الإنسان عمومًا ولا مع الوقت بقت متلازمة ف الناس إن أى حد بيتعامل كويس مع الناس لازم ف المقابل ميلاقيش اللي المفروض يلاقيه ،، يعني لما تتعامل بطريقة كويسه و بـ وِد و حب و تدى عـ أد متقدر ، بتلاقي اللي قدامك يا إما قاعد مستني أكتر لإنه إتعود إنه ياخد ، يا إما بيعاملك بطريقة عكسية تماماً و يعاملك بطريقة مش كويسة أو المفروضة ، الناس بقت تجبرك تتعامل بطريقة غير طريقتك و طبع غير طبعك علشان تلاقى أبسط حقوقك ، اللي هي تلاقي معاملة عادية كويسة و نوع من التقدير المفروض ، يعني مع الحد اللي بتحبه؛ لما تفضل جامد و ماسك الكلام و ما بتديش لا كلام ولا عاطفة ولا مشاركة ولا أى حاجه إلا قليل جداً ، بتلاقي الطرف التانى هايموت عليك و يعمل أراجوز عشان تبقىٰ راضي عنه و تتعامل معاه كويس ، أول ما تتعامل معاه كويس و بلطف و حنية و حب ، تلاقيه هو إتقلب و بقىٰ عادي و بارد

مع صحابك ، لو فضلت تستحمل و تشيل و تعدي مواقف و تكبر دماغك ، هيتعودوا عليك كده و كل شوية هايزودوا عليك ، إنما لو شخص قمّاص و بتتقمص من أى حاجه ، هياخدوا بالهم و هايحسسوا عليك ، ممكن من باب إنهم ياخدوك ع قد عقلك ، أو من باب إنك بتزعل بسرعه و بتقفش ، و ف الحالتين إنت المستفيد و البنى آدم اللي بيكبر دماغه و بيتعامل بجدعنه و بيستحمل و يعدي هو اللي بيلبس و يشيل

مع أهلك و القريبين منك ، لما تتكلم و تهزر و تبقىٰ إنسان طبيعى ، بيتعاملوا معاك بطريقة عادية و بيقللوا منك و بيتجاوزوا كتير ف الكلام و بيقولوا كلام ممكن يعلم فيك و يندمك انك اتكلمت و خليت فيه مساحة بينكم ، لو فضلت مع نفسك و بتتكلم جد و ع قد لكلام و راسم وش انك متضايق دايما و مكتئب، هتلاقيهم بيحسسوا عليك و يهتموا بيك و يفكروا فـ الكلام قبل ما يقولوه و تلاقي أحسن معاملة

معرفش إسم الحالة دى إيه ف علم النفس ، بس الأكيد إنه خلل ف الطبيعه الإنسانيه ، و بيأثر علينا كلنا ، و بيخلي الواحد يتحول لبني آدم غير سوي عشان يُعامل معاملة سوية فـ مجتمع غير سوي وسط ناس غير سوية ، يا إما تفضل إنسان سوي و تتعامل مع ناس غير سوية فتفضل مضغوط لحد ما تنفجر فيهم كلهم و فـ الآخر تفضّل إنك تنعزل و تكره كل الناس و تعيش مع نفسك

[mushriq-40]

السلام عليكم ورحمة الله وبركاته

حياك الله اخي مشرق اتمنى تكون بخير و كل اهلك واحبابك

مر عليا كثير إشكال وقع فيه الكثير من الناس لي نظرتي نحو الموضوع لكن احب اسمع رايك فيه وهو عن وسوسة النفس و وسوسة الشيطان فالله عز وجل يقول (وَلَقَدْ خَلَقْنَا الْإِنْسَانَ وَنَعْلَمُ مَا تُوَسْوِسُ بِهِ نَفْسُهُ)

وقال ايضا (فَوَسْوَسَ إِلَيْهِ الشّيْطَانُ قَالَ يَآدَمُ هَلْ أَدُلّكَ عَلَىَ شَجَرَةِ الْخُلْدِ وَمُلْكٍ لاّ يَبْلَىَ)

والايات والروايات كثيرة في ذلك .

اليوم وانا اتصفح مرت علي حكمة تقول اعدى أعدائك نفسك التي بين جنبيك بينماالقرآن يقول الشيطان هو العدو صحيح النفس توسوس وامارة بالسوء بس ماقال عدو الا الشيطان مما يجعل الناس تضع كل اوزارها على الشيطان . برايك كيف نوجه القولين ومن هو العدو الحقيقي؟

وعليكم السلام ورحمة الله اهلا بالاخت الكريمة.. الحمد لله اشكرج جزيل الشكر.. دخلت رابط قناتك ع اليوتيوب ما شاء الله اسأل الله ان يوفقج.

نعم اختي :

أخطاء الإنسان وعثراته المتكثرة هي خير مربي ومرشد له،سواء كانت صادرة عن وساوس شيطانية أو وسوسة في داخل النفس.. هذا المعنى استفدته من إحدى المدونات هنا وهو فهم جديد للوجود الشيطاني ونستطيع ان نوجه المفهوم بحيث لا يتعارض مع نصوصنا الدينية التي تؤكد عداوة الشيطان سيما والقرآن الكريم ذكر وسوسة النفس(ونعلم ما توسوس به نفسه) ولعل عداوة النفس الواردة في سؤالك تشير لهذه الآية..وبهذا قرنت وسوسة النفس بوسوسة الشيطان فهل نعادي أنفسنا كذلك؟ وكيف سنميز بين الوسوستين؟ فهناك عدو خارجي وهو الشيطان وعدو داخلي وهو النفس..وبهذين العدوين تتضح دائرة الصراع والعداوة.. إلا ان قضية الوسوسة لم تحسم بعد لا دينيا ولا فلسفيا وهناك كلام طويل وصاحب كل رأي يقطع برأيه ويثبت ذلك بدليل نقلي أو حسي..والان لاحظي اختي : افترضنا بأن النفس عدو داخلي وهو الاشرس كونه يعلم بنقاط ضعفك أو تأثرك لذا فهي توسوس بإلحاح ولعلها تحدثك بموضوع واحد لا تنفك عنه وتكون في داخلك كمادة كيميائية دائمة التفاعل.. هل فهمت خطورة ذلك ؟ اما العدو الخارجي (الشيطان) فليس لديه رؤية عن تفاعلات بدنك مع وسوسته فاذا اعرضت عن معصية ما ينقلب ليوسوس لك في غيرها ظنًا منه انك معرض عنها ولا تحبها والواقع انك تشتهي فعلها ولكن غاب عنه ذلك ولو كان يعلم لفعل ما فعلته النفس وبقي ملحًا.. نعم اختي هذا فهمي لتلك العداوة لذا وجب الانتباه لمكر وحيل هذين العدوين والاستفادة من كل عثرة نعثرها معهما.

[goingnoowhere]

علم النفس دايمًا فيه خناقات واختلافات بين المتخصصين، لكن واحدة من أهم الخناقات واكثرها اندرريتيد بالنسبالي هي الخناقة بين حتمية التروما وبين غائية التروما، بين فرويد وبين آدلر، ولو انت مهتم بمجال السايكولوجي ومستغرب دلوقتي انك سمعت عن فرويد كتير انما آدلر اول مرة تسمع عنه، فمتستغربش عشان الخناقة دي خلت آدلر منبوذ من 80% من علماء النفس المعاصرين دلوقتي، حاجة كده زي إنه بقى تيسلا بتاع الفيزياء وفرويد هو اديسون اللي خد كل الضجة والاهتمام.

وبصراحة سيجموند فرويد مكنش قليل، فرويد هو ابو التحليل النفسي، هو بابا المجال، هو اللي اخترع psychoanalysis وحط علم النفس على خريطة العلوم المعترف بيها، هو اول واحد اكتشف العقل اللاواعي وقالنا إن ساعات الناس بتعمل حاجات غصب عنها وإن المرض النفسي مش سحر ولا مس ولا غضب من الآلهة، والناس في عصره مكنوش مصدقين الراجل المجنون اللي بيقول ان ممكن حد يجيله مرض يخليه منطفي طول الوقت ومش قادر يقوم من على السرير، قال اكتئاب قال ده اكيد عليه عفريت!

المهم كل الهالة على فرويد دي خلت الناس تاخد منه كلام كتير وهي مغمضة، فيه منه صح وفيه منه غلط، اهمهم نظرية نقدر نسميها بحتمية التروما، يعني مثلا لو قابلنا واحدة كل علاقاتها بالجنس الاخر كانت سامة ومؤذية ومليانة مشاكل، فالتشخيص الأولي اللي فرويد هيقوله هو العيب مش في كل الرجالة يا ضنايا، العيب فيكي انتي، او بمعنى أصح العيب في تجربة ما مريتي بيها في الطفولة خلت علاقتك بالجنس الاخر مش متوازنة، ويا سلام لو فرويد لاقى ان الحالة اهلها منفصلين، فرويد هيقوم بزقطط ويقول بااس هي دي المشكلة، دي التروما بتاعتك واتبنى على أساسها تعاسة حياتك العاطفية فيما بعد، مفيش أبسط من كده.

لحد دلوقتي الكلام كان حلو وماشي ومقبول ومحدش اعترض، لحد ما طلع واحد اسمه آلفرد آدلر وقاله إيه العبث ده، انت دمرت حياة البنت وكلامك هيخليها تعيش تعيسة للأبد!

آدلر هو أحد تلاميذ فرويد، درس علم النفس في النمسا على ايده واتعلم منه كل حاجة، لحد ما جات اللحظة اللي تمرد فيها آدلر، واتضايق واتعصب وعمل ثروة على فرويد وخد بعضه وعمل مدرسة جديدة للعلاج النفسي .. هتقولي يا كريم يعني آدلر عمل كل ده عشان البنت اللي بتحب العلاقات التوكسيك، احترم عقولنا يا رجل، هقولك اه ولأ في نفس الوقت!

آدلر بيقول لو انا مكان البنت اللي عندها مشكلة في كل علاقاتها بالجنس الاخر، وروحت للطبيب النفسي وقال مشكلتك هي انفصال اهلك وانتي صغيرة، فساعتها الطبيب النفسي ده ملوش أي لازمة، زيه زي دكتور الصدر اللي روحلته عندي نزلة شعبية وقالي مرضك ده بسبب انك وقفت بالليل في الشتا، ايوه يعني المعلومة دي فادتني في ايه، انا مش هعرف ارجع اصلح الماضي دلوقتي، انا في النهارده، وعندي نزلة شعبية، قولي اعالجها ازاي .. يعني مبدأيًا كده تحديد سبب المشكلة نفسها مش كفاية للعلاج، بل في معظم الاحيان - من وجهة نظر آدلر- ملوش اي تأثير على العلاج وهيضيع وقتنا على الفاضي! تاني حاجة لفت نظرنا ليها آدلر هي ان لو كلام فرويد صح، وان تجربة زي طلاق الوالدين بتسبب تروما للاولاد وبتخلي عندهم مشاكل في العلاقات بعدين، فده معناه ان كل اللي اهلهم انفصلوا لازم يكون عندهم مشاكل في العلاقات (هي دي حتمية التروما) .. وطبعا الكلام ده مش مظبوط، بالعكس ده فيه ناس كتير بسبب انفصال اهلهم، جودة علاقاتهم مع الجنس الاخر اتحسنت لانهم اهتموا بانجاحها اكتر وتجنبوا اخطاء اهلهم، ده بقى معناه ايه؟ معناه ان التروما وتجارب الماضي الاليمة ملهمش آثر سلبي حتمي على اللي بيمروا بيها، بالعكس ممكن يكون ليها آثر ايجابي، وده لان كل شخص بيتعامل مع التجربة/الصدمة بشكل مختلف عن التاني، وعشان السبب ده بالذات ألفرد آدلر قرر يعمل مدرسة جديدة في علم النفس اسمها علم النفس الفردي مبنية على اساس ان التعميم في العلاج النفسي خطأ، وإن التروما ملهاش اثر سلبي حتمي زي ما فرويد بيقول، وإن كل شخص بيستجيب للمؤثرات اللي حواليه بطريقة مختلفة ومش معنى ان الحدث ده كان له آثر سلبي على حالة او حالتين عند فرويد، او حتى كل الحالات، فده مش معناه ان الحدث ده لازم هيكون له تأثير سلبي عليا والمفروض اتعامل زيهم، لان زي ما قولنا علم النفس الفردي بينظر لكل فرد كأنه حالة خاصة فريدة من نوعها تماما عن أي حد غيرها. حتى الان قد يبدو كلام آدلر منطقي ومفيهوش حاجة تخلي 80% من علماء النفس الكبار يختلفوا معاه .. لكن سبب الاختلاف الحقيقي هو إن آدلر خد النظرية دي كام خطوة زيادة لحد ما وصل لمرحلة انكر فيها وجود حاجة اسمها التروما بشكل كامل وكمان انكر إن الماضي له تأثير اصلا على مستقبل الانسان ولا حتى شخصيته!! أدلر بيقول إن كل تجارب الحياة عامله زي الماء في الآبار اللي لما تيجي تشرب منه في الصيف تلاقيه بارد ولما تيجي تشرب منه في الشتا تلاقيه سخن، مع إن درجة حرارة الماء في الآبار ثابتة عند  18 درجة مئوية سواء في الصيف او الشتا، وشعور كون الماء سخنة او باردة ما هو الا انعكاس لدرجة حرارة الشخص اللي بيشربها. بالنسبة لعلم النفس الفردي، الحياة كلها زي ماء الابار دي، كل التجارب اللي بيمر بيها الانسان لا سخنة ولا باردة، كلها محايدة، آثرها هو اللي بيتغير حسب المعنى اللي الانسان بيختار انه يحمّله للتجربة دي .. وعشان كده آدلر حوّل علم النفس من علم مسببات (بيدور على سبب الحالة النفسية اللي هو غالبا حاجة حصلت في الماضي) الى علم غايات (بيدور على الغاية اللي اختار عشانها صاحب التجربة معناها) .. تعالى نشوف مثال بسيط يشرح الجزئية المعقدة المسماة غائية التروما في علم النفس الفردي. لو عندنا ولد اهله كانوا قاسيين عليه في التربية وبيتعرض لعنف اسري، كبر الولد وبقى بلطجي قد الدنيا، التحليل الفرويدي المبدأي ان السبب فيه كون الولد بلطجي هو تربية اهله الخاطئة وقسوتهم عليه، انما آدلر بيقول السبب مش مهم، المهم هو الغاية، الولد مطلعش بلطجي عشان قسوة اهله، فيه ناس كتير اتربوا بقسوة ومطلعوش كده، الولد طلع بلطجي عشان غايته انه يعاقب اهله على قسوتهم بانه يطلع بلطجي ويسببلهم الرعب والقلق والمشاكل. .. وعشان كده آدلر بيقول دايمًا دوّر على الغايات اللي الفرد بيترجم تجاربه لخدمتها، هي دي المشكلة الحقيقية. وبناءًا على فكرة الغائية، آدلر أرجع كل المشكلات النفسية الى مشكلة افتقار الشجاعة، ولو دورت على الحالات اللي آدلر عالجها وحللها في كتبه، هتلاقي انه كان بيفضل مع الحالة لحد ما يكتشف انهم كانوا بيستخدموا مرضهم النفسي كعذر لتحقيقي غاية ما. مثلا واحدة من الحالات كانت طفلة بدأ يجيلها حالات اكتئاب سريرية من ساعة ما امها ولدت الاخت الاصغر، اللي اكتشفه آدلر ان البنت بشكل لاواعي فضّلت الحالة النفسية دي عشان كانت بتحصل من خلالها على الانتباه والرعاية اللي افتقدتها لما اختها الصغيرة اتولدت، الدليل ان لما آدلر قدر يعلمها طرق صحية للحصول على الانتباه والرعاية بشكل كافي، حالات الاكتئاب اختفت تلقائيا! فاللي بيرشحه آدلر انك عمرك ما تسأل مريض هو مكتئب ليه؟ لانه دايمًا هيلاقي مليون سبب والحياة عندها مليون طريقة تقعدنا كلنا في البيت، دايمًا دور على الغاية اللي بيوصلها عن طريق الاكتئاب، انه بيستخدمه كعذر عشان يتجنب مواجهة العالم مثلا ويقوم بالمهام العادية، فلو اتعالج بطريقة غائية هيقدر يلاقي طريقة يواجه بيها العالم ويكتسب الشجاعة في اسلوب حياته، انما لو اتعالج بطريقة سببية هنجبره يفضل عايش في سجن الماضي وعمره ما هيتعافى بشكل كامل .وطبعا هنا وجب التنبيه ان كل ده بيحصل في نفسية المريض بشكل لاواعي، هو مش بيختار يكتئب بمزاجه ولا بيحاول يلفت الانظار عن عمد ولا بيتدلع، دي حالة نفسية بتتمكن منه غصب عنه ولو جدية بتستلزم تدخل طبيب نفسي، المرض النفسي مش لعبة ولا مسألة ادعاء، دي حاجة برا ارادة صاحبه.

اينعم نظرة آدلر عليها اعتراضات كتير وكلام المتخصصين في صحتها مش بيخلص ولسه مستمر حتى يومنا هذا، خصوصا في انكاره لتأثير الماضي وطرق علاجه الغائية، لكنها تزال نظريات مثيرة للاهتمام خصوصا انها بتنادي بعدم التعميم في العلاج النفسي وان كل واحد بيتأثر ويتجاوب مع احداث الحياة بشكل مختلف، وده اول اساس من اسس علم النفس الفردي. لكن تظل من وجهة نظري فكرة الغائية من اكتر الفكر اللي الواحد ممكن ياخد ويدي فيها مع نفسه (لو حالته مش خطيرة او جدية) ويحاول من خلال مراقبة نمط افعاله وتصرفاته يلاقي الغاية اللي بيتجه ليها من غير ما ياخد باله او حتى بيكدب على نفسه عشانها وده اللي بيسميه آدلر الكذب الحيوي. يعني على سبيل المثال هل انت مش عارف تتجاوز علاقتك السابقة او تموف اون لان لسه فيه رواسب منها مأثرة عليك ومتحتاج تفضل تعيد وتزيد في تفاصيلها في دماغك وتلجأ لنظرية السببية، ولا انت في الحقيقة بتحاول تستخدم كل ده كعذر يخدم غايتك وخوفك من مقابلة ناس جديدة وفتح قلبك تاني؟  لو الحالة التانية فانت مش محتاج تفضل حابس نفسك في الماضي ولا تفضل تحفر فيه اكتر من كده، كل اللي محتاجه تراجع غايتك وتكتسب بعض الشجاعة عشان تعرف تتجاوز كل اللي حصل او اللي هيحصل .. خصوصًا ان الحياة في الاول وفي الاخر بتحتاج لشجاعة كبيرة سواء اقتنعنا بكلام آدلر أو لأ.

************************************

Book Recommendations لو مهتم بالموضوع وعايز تتعمق فيه أكتر:

1- الطبيعة البشرية - ألفريد آدلر

2- معنى الحياة - ألفريد آدلر

3-  شجاعة أن تكون غير محبوب - ايشيرو كيشيمي

[abanoubnader1]

عندي اقتناع بسيط كده أن كل ما الإنسان يكون فيه عيوب أكتر وحد يحبه ويقدمله دعم بإستمرار بتكون قيمة الحب أعظم وأعظم ...

وساعتها أنت كإنسان مليان بالعيوب بتحس بمعنى الحب بطريقة مختلفة وبيكون الحب ده قد ايه صادق ومريح ....

ودي نفس بالظبط علاقتنا مع ربنا❤️

كل ما بعرف اني مليانة بالعيوب كل ما بقدّر حب ربنا ليّ أكتر ...

أصل لو أنا جميلة من جميع الاتجاهات ايه الجديد أن حد يحبني ويتقبلني ! 😅

مش صح اقول اني مليانة عيوب من غير ما اعرف اني محبوبة ...

ومينفعش اقول اني مقدسة وطبيعة جديدة من غير ما أُدرك أن ده بسبب محبته ليّ اللي دايمًا بتجددني ...

ولو ربطنا الجملتين ببعض هعرف اني قد ايه مليانة عيوب بس بسبب محبته ليّ عندي رجاء لا انقطاع له أن كل شوية طبيعتي بتتجدد لغاية أخر لحظة في عمري ...❤️

إذن انا خاطئة ( غلطت وبغلط وهغلط ) لكن وانا بقولها قد ايه فرحانة اني حتى وانا خاطئة هو برده بيحبني وكل ما بقولها بحس بحبه ليّ أكتر ❤️

مش معنى أن الله قدسنا وطهرنا أننا بقينا أبرار أو نشيل لقب الخاطيء (ولكن ) هو أعطانا فرصة جديدة في كل مره بنغلط اننا نرجع طبيعة جديدة تاني ... ❤️

ومن وجه نظري حُبه ظهرلي بوضوح أكتر لما عرفت اني لسه خاطئة بس برده بيحبني ❤️

أصدقائي أصحاب التنمية البشرية وعلم النفس ❤️:

لو شخص يائس وحاسس بقلة ثقة بالنفس منغيرش الدنيا كلها عشانه ... هو اللي محتاج يتغير لأن العيب في نظرته هو كشخص وتعامله مع الأشياء

لو ركزنا أننا نغير كلام الدنيا كلها عشاننا ده مش هيحصل لكن في أيدينا نعرف ضعفنا ونعالجه ونغير نظرتنا ❤️

أصدقائي اللي مش متقبلين كلمة( خاطيء ) ❤️:

اتمنى تصلي بالطريقة اللي أنت عاوزها اهم حاجة تكون من قلبك بس متعثرش اللي حواليك ب مجرد نظرة سطحية للمعنى أو رأي شخصي على أساسه تعوز تمشي الدنيا كلها على مزاجك ❤️

اتمنى ميحصلش نقاش خالص لأن عقلي استيعابه أقل من كل نقاشاتكم العجيبة دي 😅 ... لكن كنت حابة أوضح المعنى الحقيقي اللي احنا بنعيشه واللي آبائنا شاركونا بيه وقد ايه هو جميل مليان رجاء وحب ونظرة الله لينا عظيمة جدًا من خلاله بس احنا اللي بنحب نمشي مع العالم مش عارفة ليه الحقيقة 😅✌🏻❤️

#حبيبي #صباح_الخير #ادبيات #اقتباسات #اقوال #صباح #ادبیات #اصدقاء #اصدقاء_للابد #اصدقائي #كلام عربي #كلام من ذهب #كلام حلو #كلام الناس #أهل تمبلر #تمبلر عربي #تمبلر بالعربي #تمبلريات #تمبلر #ترند #قراءه #كتب ادبية

[thetwentyseven-dairies]

أن تتعافى يعني أن تتقبّل شكل جراحك بالكامل، مدى عُمقها، ظروف حدوثها، عندما تمد يدك عليها قد تشعر بألم خفيف ولكن لا بأس هذا هو طريق التعافي.

كلما أكبر كلما أدرك آثار جراحي بالضبط، ماذا غيرت داخلي، هذا يُؤلمني بسبب موقف في طفولتي وهذا بسبب غدر الصديق وهذا بسبب كلام عابر لم أنسه، ربّما الأمور لا تحتمل ما أشعر ولكني أشعر بما أشعر لجرح عشته وحدي، وهذا حقّي بالكامل، ربّما لن أتعافى بالكامل ولكن على الأقل أدرك لماذا أبكي من مشهد لا يُبكي أحدًا، لماذا أخاف من شيء لا يُروّع أحدًا، ولما استشيط غضبًا من موقف لا يبرره أحد، هذه جراحي وتلك آثارها، كلما أكبر كلما أضع يدي على الآثار ولا أشعر بألم، أراها جلية وأعرف ما حدث في نفسي إثرها ولا أشعر بألم، رحلة التعافي رحلة صعبة ، تصارح نفسك فيها بأن جسمك ملطخ ويدك ملوثة ولا سبب لك في هذا ولكن مسئولية الشفاء مسئوليتك كلها، لأنه إما ذلك وإما العمر يمضي تلوم آخرين لن يشعروا أصلًا بما اقترفت يداهم، وتظل تنتظر اعتذارًا لن تحصل عليه، وتنقضي أيامك بحثًا عن شيء لن تُلاقيه أبدًا.

نحمل معنا منذ الطفولة جراحًا، وجراح الطفولة عميقة فعلًا، لعل مُسببيها لن يعرفوا بها أبدًا، مع الوقت تعلّمت التماس الأعذار لمن آذاني، لعل من آذيته يسامحني أيضًا، أن يؤذيك أحدهم وهو يحبك وأنت تعي ذلك قد يُصلح في النفس شيئًا مع الوقت، ولكن أن يؤذيك أحدهم الأذى الذي يجعلك تتساءل ماذا فعلت كي أستحق ذلك، هذا شيءٌ لا يُبرر.

نحمل منذ المراهقة جراحًا، جراح عميقة أيضًا، خذلان الحب الأول والفقد الأول والفشل الأول والإحباط الأول، قد تظن أن آثارها تقبع في الذاكرة للأبد، ولكنها -ولحسن الحظ- تقبع في مكان بعيد، بعيد جدًا حتى أنه بعد فترة الوصول له يحتاج مجهود.

في رحلة الحياة جراح، كل طريق تمشي فيه قد تتعثر، وتنفرط أحلامك، ويشدك ثقلك للأرض، وتؤلمك ساقيك، وتحمل الجراح معك متى حييت، ولكنك تحاول فتقف وتمشي خطوات أخرى وتتعثر وتقع وتقف وهكذا، سنة الحياة التي تترك جراحًا واضحة، تلمسها بيدك وتراها، ولكن مسئولية التعافي هي مسئوليتك تمامًا، للأسف، لن تحيا وأنت تظن أنه هناك في مكان ما ينتظرك فارس بحصان سيأتي كي يُنقذك، أنت مُنقذك الأول والأخير.

في النهاية، وعندما تتعافى، ستتقبل جراحك بقلب راضي، قلب جرّب الألم وعاش توابعه وتعافى.